ESPERTA VALLADARES

Conversa deportiva con Marta Domínguez, xogadora no Squash Pontevedra. Tamén coñecemos outro camiño alternativo a Compostela, o Camiño Taverneiro. E un chisco de axenda cultureta, que veñen días festivos.

De compartir cds no instituto ata ITP Promotions. A particular viaxe pola música metal de Diego Quintas, veciño de Freixo. Ademais, achegamonos ó campanario de Beade, que aí inda hai xente que toca ás campás. E, antes de marchar, unha paradiña coas monitoras do campamento de verán no centro cultural.

Comenzamos a semana cun resumiño dos Xogos Olímpicos. Ademais, os luns imos recuperar algunha das conversas desta tempada do #espertavalladares. A mais apropiada para estas semanas de vacacións… o mundo do souvenir no museo Liste.

Estar ou non estar, esa é a questión. Conversa con Iria Álvarez, consultora en marketing dixital sobre a presencia das pymes galegas en internet. E tertulia deportiva, que entramos na recta final das olimpiadas. #espertavalladares de venres…

Imos ata a Guarda para descubrir os deseños de Amalia Puga que dan unha segunda vida ás redes. E ademais, conversa veciñal, que domingo é a festa do socio.

Un chisco de olimpiadas, a ver como andan os galegos en París. Tamén nos achegamos á figura do compositor Verdi, cos Amigos da Ópera de Vigo. E logo, unha viaxe ata a illa de Arousa para coñecer o proxecto La Platanera.

Carnívor@s… imos conversar coa IXP Ternera Talega, que viu ata Valladares a facer unha demostración á xente que se está a formar para ser profesional da hostelería.

Para comezar a semana imos falar coa organización do Sinsal, para saber como foi esta edición. E tamén coñeceremos o oficio de mago con Pedro Volta.

Un bo repaso ás Olimpiadas e mais a axenda cultural para a finde. E descubrimos Herbolario Bio, un cóctel de cosmética natural explosivo… ou a curiosa historia de crear cremas co que hai na ‘horta’.

En Candeán estrearon un musical 'made in feito na casa' coa xente da banda de música. Imos ver que tal lles foi. Ademais, descubrimos que as alfombras florais de Pontareas 'andan' por medio mundo. E unha proposta de xogo de mesa: ‘Las inmortales’, para coñecer a mulleres científicas.

A natación sincronizada agora ven sendo natación artística. E temos un par de clubes en Vigo, imos conversar co do Náutico. Ademais, comeza en nada Música no Claustro en Tui.

Dende o noso particular Silicon Valley, conversa co investigador Carlos Spuch. Moi distentida para falar do premio que lle deron dende a comunidade Alumni-UVigo pola súa traxectoria.

Paseando pola feira do libro entramos na caseta da Librería Aenea. Ademais, estase a preparar un documental sobre os garranos da Groba e anda polo medio Adrián Martíns, de Finca Moreiras. E unha voltiña polos xogos olímpicos, un resumiño da finde.

Unha de música en galego para estes días de Galicia.

Imos ver como se está a formar o novo Valladares feminino de fútbol. E ademáis, propostas culturais... 'limpiar paseando' polo Lagares ou unha tarde distinta no Vitruvia, rodeados das sorpresas gastronómicas do Ministerio del Fogón.

Se ides ata o Liste este venres na Noite Branca, fixádevos no tipití que hai na exposición dos souvenirs. A nós gustounos tanto, que invitamos a Inmaculada e o seu fillo para que nos contaran a historia que hai detrás del.

Que Galicia estes días é un torreiro, xa o sabemos... Hoxe, unha voltiña polo adro de Beade coa comisión de festas. E outra historia ó chou no diccionario de vigueses (1875-1945), a do Schindler galego.

Moito onde escoller esta fin de semana no ocio. E nós non imos moi lonxe. Paramos coñecer as festas parroquias e conversamos con Anxo Guiances, que voltou deseñar este ano o cartel de San Campio.

Tertulia de verán cos ‘futuros cociñeiros e camareiros’ do obradoiro de capacitación que ten lugar nas instalacións do centro veciñal. E ademais, falamos sobre ‘Coia ao caos’, unha webserie parroquial.

As olimpiadas chaman á porta, que saben os mais cativos delas? Escoitamos ós nenos do campamento. Tamén imos falar de sacarlle fotos ó ceo e coñecer a Asociación Galega de Astrofotografía. E coñecemos os artistas que veñen ó Mar de Blues esta finde.

Unha volta polas rúas de Pontevedra, que van estar ben animadas estes días con Itineranta. Ademais, xogamos ó skeirrum para coñecer o Porriño de Palacios. E falamos de ‘pormishuevismo’ como definición de arquitectura.

A voar. Non sabiamos que había tantos pilotos en Valladares. Desta volta, falamos con xente noviña da Gándara e mais da Garrida. Guillermo e Miram, que voan polo continente europeo.

Hoxe demos un paseo turístico en Vitrasa, de Valladares a Vigo no 7. E ademais, ben acompañadas coa música atlántica de Antilia.

Coñeceremos aos particulares gladieitors da Vigo Battle of Teams. Ademais, conversa con Carlos Carracedo sobre o seu poemario e algunha vivencia con Neira Vilas. E teatro, que a semana que ven comeza a MIT de Ribadavia.

Nai e filla, compañeiras de cordada. Falamos de escalada con Nerea e Gabriela, que é de Freixo. Ademais, esta semana comenza o curso de verán de clarinetes. Un anaquiño de conversa con Miguel García, que o coordina.