Ávvir

Kirste lea dagahan veaháš moivvi ránnjádállui. Ieš lea olggobealde váccašeamen go oaidná ránnjááhku spoahkkaleame tuvragirjji beavdái: – Gal dás leat duođaštusat, juohke beaivvi dieinna háippe rivgooahpaheddjiin doppe vázzán!

Kirste «oaidná» feara maid ránnjááhku gohpus ja dat dagaha ihán moivvi go ránnjááhkku gas olle ruoktot isidis lusa. Muhto, Kirste jurddašallá ahte soađis ja ráhkisvuođas lea buot lohpi. 

Dál go Kirste lea fas okto, de geahččala Firkkal-reaŋga «buđehtalaš» sániiguin vuoitit Kirstte váimmu. Ná mo son dat ges manná? 

Sogŋostallamiin ii mannan nu mo Kirste lei jurddašan. Su viellja gii ii láve nu olu jietnadit gal lea maid hárbman dál.  Muhto, gal Kirste fuobmá gii dat lea bilidan visot. Na mannji dieđusge lea guržohan gielistemiin visot. 

De čuvggodii viimmat soagŋobeaivi. Morten ja eadni leaba ráfálaččat čohkkádeame go gullo biila vuojisteame dálu birra, ii dušše oktii, muhto golmma geardde.

Kirste lea časkán plána – ja dan ii leat jurddašan ovttage diktit bilidit. Leat olu barggut maid galgá oanehis áiggis ollet doaimmahit.  

Kirste lea lossajurdagiid siste dál go irgi lea báhtaran. Lihkus boahtá Anne, mánnávuođaustit gii olu jagiid lea gávpogis lea orron, guossái. Ja ovdal go gáfegievdni lea guorranan, lea nieida bidjan plána.  Gávpotnieida Ánne gal máhttá ja diehtá olu maid gilinieiddat eai dieđe. Son dat gal diehtá masa Morten lea ožžohallan go lea báhtaran. Ja buot buoremus – son dat gal diehtá maid Kirste dál sáht...

Dál gal lea Morten fas ruovttus eatni suffá alde velohallamin. Muhto ii eadni ge bállet su ráfis. Vuosttaš ija maŋŋel go báhtarii gal lei Morten náđđahan áittis. Na sihkarvuođa dihte, jus dette Kirste vuolgá ohcat su. Muhto dál, moadde beaivvi maŋŋel gal juo ráfálaččat velohalai suffá alde.

Irgeávnnas gal beasai báhtui – ja nu og diehtit dán gilis leat álo čalmmit mat oidnet ja dulkojit maid oidnet. Ii mannan ge guhkesáigi ovdal ránnjááhkut leigga Kirstte dálu tráhppa alde  skoalkkuheame olgouksii

Dát fearánat ránnjážiid birra leat dáhpáhuvvan ovtta gilážis, na soaitá vaikke Jergolis, Mázes, Sirpmás dahje Gáivuonas, gii dan diehtá. Ránnjážiin leat goit, nugo ránnjážiin lávejit ge, olu somás ja muhtun eai nu somás dáhpáhusa. Ráhkesvuohta, birgejupmi ja balahahkesvuohta dagahit olu bárttiid giliolbmuide.

Morten nahkehastá suoli biktasiiddis sehkkii ja časká plána mo báhtui galgá beassat «bealkinmašiinnas».

Morten dat ii dihtto buđehiiguin maid Kirste lea su sádden oastit. Kirste vuordá málesruittuin maid gille. Ii son dieđe ahte isitávdnasis dat gal dál leat eará plánat. 

Dát fearánat ránnjážiid birra leat dáhpáhuvvan ovtta gilážis, na soaitá vaikke Jergolis, Mázes, Sirpmás dahje Gáivuonas, gii dan diehtá. Ránnjážiin leat goit, nugo ránnjážiin lávejit ge, olu somás ja muhtun eai nu somás dáhpáhusa. Ráhkesvuohta, birgejupmi ja balahahkesvuohta dagahit olu bárttiid giliolbmuide.

Dát fearánat ránnjážiid birra leat dáhpáhuvvan ovtta gilážis, na soaitá vaikke Jergolis, Mázes, Sirpmás dahje Gáivuonas, gii dan diehtá. Ránnjážiin leat goit, nugo ránnjážiin lávejit ge, olu somás ja muhtun eai nu somás dáhpáhusa. Ráhkesvuohta, birgejupmi ja balahahkesvuohta dagahit olu bárttiid giliolbmuide. Gula vuosttaš oasi bajimusas.