Znüni Pause

#97 Ich han es üübel nices Modul im Studium gha wo ich soo viel glernt han! Über mich, über mini Interesse und vorallem was ich nach em Studium mache möcht! Ich find dass mer das a jedere Schuel sötti mache & drum verzelli eu alli wichtige Pünkt wo ihr für eu chönd bruche <3

#96 Ich bi im Rulantica gsi mit no paar anderne Influencer und ich mus eu umbedingt gossippp verzelle, woni nur euu cha verzelllee! I dere Wuche hani allgemein wider chli min Spark gfunde und verzell eu wie und warum. Ziel im Lebe ha isch es grosses Thema, wo glaub recht unterschezzt wird!

#95 Ich ha wider mal Bock gha uf en Laberpodcast, woni eu verzelle was mi gad beschäftiged & was so di letschte Täg passiert isch! Ich verzelle vom neue Monets Ziel vom Gian und mir, dasi mit Cola ufgwachse bi & NIE Wasser trunke ha, vo minere erste Tanzstund, vom Fan-Moment vo mine Eltere & no vieles meh xD

#94 Lieb ich ihn no? Wenn sött ich schluss mache? Und was isch überhaupt Liebi? All die Frage hend ihr mir gstellt und drum hani i dere Folg drübber gredded, mini Meinig zu dem Thema gseit und eu Frage zemegstellt, zum chli besser chöne usefinde, ob ihr no Gfühl hend und ob ihr glücklich i eure Beziehig sind!

#93 Mer seit 3er Fründschafte sind verfluuecht und chönd niemals funktioniere - es wird immer öpper usgschlosse! Ich bin nöd dere Meinig! Uf jedefall passiert das sehr oft, gad i jüngere Jahre, oder wenn sich nöd alli a di ✨goldige 3er Frünfschafts-Regle✨ haltet. Ich verzelle eu, was die Regle genau sind & wie e 3er Fründschaft chan funktioniere & redde über mini negative aber au positiv...

#92 Ich ha widermal e Podcastfolg mit minere Mom ufgno und mer hend über mehreri Themene wie, ob mer schomal ifersüchtig gsi sind, was gueti Beziehigstipps für e gsundi Beziehig sind & wies isch wemmer älter wird…

#91 Ich glaub mir alli erlebbed mal Liebeschummer irgendwenn, egal ob nachere Trennig, bi unerwiederte Liebi oder sogar ide Beziehig! Ich redde zersch über es paar Updates vo mim Lebe: D Nina isch jetzt gange,ich bi jz vegan & d Schuel het wider agfange... Denn reddi über mini Erfahrige vo Liebeschummer & gib eu mini personal Tipps, was i dere Ziit wichtig isch und was degege hilft <3

#90 Leuute s Jahr 2024 isch eifach ume & simmer ehrlich, irgendwie ischs ned so DAS JAHR gsi.. ABERR, s 2025 wird euses Jahr! Ich ha mer echt s erste mal richtig Gedanke gmacht, wasi im nöchste Jahr will andersch mache, welli Ziel ich mir will setze und uf wasi will achte! Ich bi fr soo motiviert und möcht eu mit dere Folg so chli astecke :D

#89 Ich ha eu sooo viel z verzelle! Über de Adidas Dreh, Toothgems, Ferie, Wiehnachte, aber vorallem über eis Thema wo bi mir gad meega aktuell isch und ich mir umbedingt vorneh will fürs 2025! Und zwar e gueti work-life-balance! Gad di letschte Wuche bini scho sehr ade Grenze gsi und drum ischs soo es wichtigs Thema! Ich redde vo mine Erfahrige und gibe eu mit mim bestie (ChatGPT) Tipps :)

#88 Wer ist wieder da? NINA NINA NINA Mir hend soo viel z labere gha, will i nödmal me Monet gaht sie für es halbs Jahr uf Honkong!?!  Mer hend über Type, Sprachufenhalt, Schuel & andere Scheiss glabered xD Es isch also sehr deep aber au sehr funny worde HAHA

#87 Momentan lauft gad alles schief... ich bi ned agno worde in Genf, e geili Kooperation het abgseit, s neue Modul ide Schuel lauft gad garnöd und ich ha mini einzig Prüefig im Studium verschisse... Es fühlt sich grad ah, als wär über mir momentan e dunkli Wulche, wo nüt me positivs zuelaht. Ich redde i dere Podcastfolg über mini aktuelle Struggles und vorallem drübber, das das ganze nur vo mim C...

#86 Es git widermal e Podcastfolg, woni eui persönliche Frage zu eune Struggles beantworte 🫶🏼 Wie chammer sin Körper liebe? Wie überlebt mer e Striitphase ide Beziehig? Wie vorbereite ufs erste Mal? Ab wenni isch mer ready für e Beziehig?

#85 Sind ihr eu selber, wenn ihr inere Fründesgruppe sind? Oder ab wenn sind mir komplett eus selber? I dere Podcastfolg beschäftiged mir eus genau mit dene Frage. Es gaht eus allne so, das mer eus i Gruppe amix ned komplett chönd falle lah und das het sini Gründ!! Das cha mit de Gruppe z tue ha, aber au mit dir! Es grosses Thema bi dem ganze isch au, SICH SELBER KENNELERNE. Oftmals hemmer s gfühl...

#84 Min Brüeder und ich sind beidi im Gymi gsi! Ihr hend eus huuuerre viel Frage gstellt drübber und die beantwortemer i dere Folg. Es gaht umd Gymiufnahmeprüefig, de Alltag, Stress & schlechti Note, d Maturprüefig und denn d Frag, was nach em Gymi isch.

#83 Öpis vo mine grösste Sorge isch gsi, ine neui Gruppe z cho und Aschluss finde. Oft bini denn alles am überdenke und soo schüüch gsi! Durch mini Sprachufenthält hani soo viel glernt zu dem Thema und cha mittlerwiile viel besser umga i dene Moment! Ich redde i dere Podcastfolg über Tipps und mini Erfahrige, aber au über mini Lifeupdates über de Flohmi, über mis Sudium und mini existenzkrise gad...

#82 Es git zersch widermal fetti Updates!! Zum eine gitz news weg de OP vo mim Häsli, ich weiss nanig ob ich jz uf Genf gang, ich ha bimne Hörspiel mitgmacht & ich mach nöchst Sunntig en Flohmi 💃🏼 Aber s eigentliche Thema isch "Fakefriends"! Wie erkennt mer die und wie chammer mit dene am beste umga?

#81 Nidisch si isch e Emotion wo menschlich isch. Di einte sind weniger nidisch, di andere meh. S spannende isch aber vorallem, dass das mega viel über eus selber usseit und mir so meh über eus selber chönd lerne. I dere Folg reddi drübber, warum mir nidisch sind, was das über eus seit und wie mir demit chönd umga.

#80 Ich ha damals i de Schuel echt ultra z kämpfe gha mit Stress und Notedruck. Ich ha denkt, min ganze Wert hängt vo mim schuelische Erfolg ab...Aber wieso hend so viel Lüüt mit dem Problem z kämpfe und liit das Problem garned a eus sondern am Schuelsystem? Ich hinterfröge mal einigi Sache a eusem Schuelsystem und gibe eu aber natürli immerno zuesätzlich Tipps, was ihr mache chönd, wenn ihr di un...

#79 Simmer ehrlich, mir alli hend Moment, womer mal lästered! Di einte meh, di andere weniger. Aber warum mached mir das? Ich ha das vorallem no spannend gfunde, will das zum eine psychologischi Gründ het, und jenachdem au vieles über eus selber usseit. Ich red ganz offe und ehrlich mit eu & analysier au mich, wenn und warum ich ab und zue mal lästere. Au was das mit mir macht & i wellne M...

#78 E Zueschauerin het mir gschribbe, dass sie mit ihrere beste Kollegin en Fründschaftsabbruch erlebbt het und weiss nöd, wie sie demit söll umga. Es isch nanig lang her, wo ich genau au sone Situation erlebbt ha und genau so verlore mit mine Emotione gsi bin. Drum verzelli eu hüt, wie ich demit umgange bi &n was mer ghulfe het. Zudem labere ich eu no voll vo mim Alltagsstress und NEUE UPDATE...

#77 Es Thema wo vieli vo eu immer wider beschäftiged isch FOMO! Mer isch villicht inere Gruppe ned debi und het s gfühl, mer verpasst öpis... Ich han vorallem wege FOMO mich meistens apasst und bi Sache mitgmacht, woni eigentli gar nöd so Lust gha han... Und sit de letschte paar Mönet hani das reflektiert und öpis checkt, woni eigentli scho lang hett sölle checke!

#76 Nach 6 Wuche bini wider zrugg vo de Podcastpause und ich ha SOOOO BOCKK! Es git zum eine News was sich wird verändere im Podcast, aber au über mis Lebe! I dene 6 Wuche isch einiges passiert und ich ha ufjedefall viel z verzelle! Mis Studium het wieder agfange, am Gashi (mim Haaas) gahts leider nöd so guet & de Gian und ich wend eus e Chatz hole!

#75 Ja ihr hend richtig glese, ich mache für 4 Wuche e Podcastpause! Warum verzelli eu i dere Folg. Zudem gibi eu widermal paar allgemeini Updates vo mim Lebe was gad so los isch und was i de nöchste 4 Wuche no astaht. Für die wo jetzt wider Schuelstart hend isch safe au spannend will ich gibe no mini personal Tipps für de Start is Studium/Schuel/Lehr 💃🏼

#74 Min Brüeder isch zrugg vo sinere Reis durch Frankrich und het soo viel z verzelle! Vo sinere 6h survival mode Wanderig, sim Schlafplatz mit 20 Spinne, me Hippie-Festival und wie er 160 Schööf ghüetet het uf ere Farm! Allgemein git er viel Tipps zum alleige reise und was er im Nachhinein villicht andersch gmacht hetti. Fallser eu das also au überlegged isch das di perfekti Folg!

#73 Ich ha demal garkeis spezifischs Thema brucht wills sehr vieles git, woni mit eu mues bespreche! Ich verzelle v o de Familieferie, aber au wie d Situation isch woni wider dihei bi und was alles uf mich wird zuecho...