Uf en Mate

De Sebi hett sich im hinderste Kaff d‘Festplatte formatiert, de Dario schreit sich d‘Seel us em Leib und de Sebi nimmt bim Dario Bowling Unterricht. Losed ine und gönned eu en Mate! Cheers Dario & Sebi

I dere Gameshow kämpfed Gäscht um die maximale Pünkt bimene chüele Mate. Hüt als Kandidat de wird de Sebastian in Schwitzchaste gno. Losed ine und gönned eu en Mate! CheersDario & Sebi

De Dario isch i de IKEA gsi und hät sini siebe Sache ned gfunde. Wie immer isch de Sebi im Usgang gsi und hät sich det chli verschätzt. Alles i allem gahts sehr viel um euses Schwiizer Militär wo de Dario jetzt dene iruckt. Losed ine und gönned eu en Mate! Cheers Dario & Sebi

I dere Folg verzelled mir vo üse Aprés Ski Erfahrige, de Dario regt sich über Massageliege im Thermalbad uf und de Sebi hett am Spieleobig nur verlore. Losed ine und gönned eu en Mate! Cheers Dario & Sebi

I dere Folg redemer über em Sebi sini Müedigkeitsproblem, wie de Dario Fotis mit Müettere gmacht hett und warum de Sebi nöd chan schalte. Losed ine und gönned eu en Mate! Cheers Dario & Sebi

De Sebi verzellt i dere Folg vo laminierte SBB Tickets. De Dario isch uf Kommando agfiggt worde und de Sebi wär fascht im Chrüzfüür glandet. Losed ine und gönned eu en Mate! Cheers Dario & Sebi

De Dario isch uf Crème bru­lée go Ski fahre und hät sin Koffer chum chönne mitneh, will alli Rolltreppe stahblibe sind. Bim Sebi isch tatsächlich de Samichlaus cho und hät en fast mitgnah. Usserdem hatet er chli gege Raucher. Losed ine und gönned eu en Mate. Cheers Dario & Sebi

I dere Folg präsentiered mir üsi Samichlaus-Sprüchli, de Sebi verzellt vo sim Ziitlupe-Unfall und de Dario isch go Cherze zieh. Losed ine und gönned eu en Mate! Cheers Dario & Sebi

De Dario hät de besti Usgangsdrink erfunde. Wie er heisst und was mer alles brucht dezue, verzellt er eus hüt. Im Usgang isch de Sebi nüme hei cho und hät Fans troffe im grösste Kaff.  Losed dri und gönned eu en Mate  Cheers  Dario & Sebi

De Dario isch scho voll in Wiehnachtsstimmig und präsentiert die beste Adventskalender und geilste Guetzli. De Sebi isch z Bsuech gsi ah de Lehrermess und hät fast en Schüeler im Bus verprüglet. Losed ine und gönned eu en Mate Cheers Dario & Sebi

I dere Folg verzellt de Sebi vo sim Päckli, mir findet use, wie meh schnell chan Geld verdiene und de Dario vermisst die alti Fasnacht. Losed ine und gönned eu en Mate! Cheers Dario & Sebi

De Dario isch ufeme Date gsi mit eme Versicherigsvertreter und de Sebi hät sis Päckli immernanig übercho. Usserdem hät de Sebi eh spezielli Begegnig im Zug gha. Losed ine und gönned eu en Mate! Cheers Dario & Sebi

I dere Folg redemer über üsi Lieblingsnüss, em Sebi sis Hörproblem und warum er hässig uf Paketlieferdienst isch. Losed ine und gönned eu en Mate! Cheers Dario & Sebi

Uf en Mate wird 1 Johr alt. Das fiired mir mit Chueche uf em Limmatschiff in Züri. Mir redet über es Gnüsse vo de Stille und üsi Highlights vom letschte Podcast Jahr. Los doch ine und gönn dir en Mate! Cheers Dario & Sebi

I dere Folg redemer über üsi vollpackti Wuche, de Sebi weiss nöd warum er lost isch und de Dario verzellt vo sim creepy Arzt-Bsuech. Losed doch ine und gönned eu en Mate! Cheers Dario & Sebi

Noch de eher längere Summerpause simmer zrugg mitere neue Uf en Mate Folg. Mir hend über d'Jugendwörter 2023 gredet, vo üsem Summer verzellt und en tüüfe Iblick geh, wie mir es Pärli Crocs i de Aare verlore hend. Los doch ine und gönn dir en Mate! Cheers Dario & Sebi

I dere Folg redet mir über es Coldplay Konzert, die katastrophali ÖV in Schwede und em Sebi sini Suuf-Tournee. Losed ine und gönned eu en Mate! Cheers Dario & Sebi

Hüt sitzemer wieder mol ah de PH und mached üs überenand lustig. De Sebi wött mich unter anderem au wege mine Ussage schloh. Ich vergliche ihn mit Peppa Pig, mir mached "lustigi" Wortwitz und schweifed i nostalgischi Ziite ab. Losed ine und gönned eu en Mate Cheers! Dario & Sebi

Das isch die 2. Folg mit em Timo Haucke. Will er soo lang mit eus gredet hät, hämer eus entschlosse zum eh Doppelfolg drus z mache. De Dario will vom Timo wüsse, wies als Influencer isch und de Eric Weber sorgt au na für Gspröchstoff. Das und vieles meh ghörsch wend inelosisch. Los doch ine und gönn dir en Mate! Cheers Dario & Sebi

I dere Folg probieret mit de Disco-Brauser us: Vodka mit Mate und Prosecco. Isch das würkli fein? Das findsch use i dere Folg. Usserdem redet mir über de Spatz-Akt wo mir gseh hend und was für komischi Sache mir hüt in Züri gseh hend. Spoiler: Ganz weirdi Sache. Lohnt sich also zum lose :) Los doch ine und gönn dir en Mate! Cheers Dario & Sebi

I dere Folge verzellt de Sebastian vo sine Erlebnis ah de Swiss Music Awards, mir lästered über Lehrer und gnüssed die agnehmi Summerstimmig. Los ine und gönn dir en Mate! Cheers Dario & Sebi

Hüt isch de Timo Haucke aka Himo Taucke bi eus z Gast. Mir redet mit ihm über Reise, s Influencer bzw Content Creator si und vieles meh. Losed doch dri und gönned eu es Mate. Cheers Dario & Sebi

De Sebastian verzellt sin Plan, wie er de Swiss Music Award Betonklotz chlaue wett. De Dario redet über Mallorca und zemme luegemer zrugg uf üsi Chindheit. Losed doch ine und gönned eu en Mate! Cheers Dario & Sebi

I dere Folg redet mir mit em Rio de Don über sini bisherigi Musigkarriere, sini Authentizität und sini Asichte vom Lebe. Losed doch dri und gönned eu en Mate! Cheers Dario & Sebi

I de hütige Testfolg hemmer es erste mol en Videopodcast usprobiert mit neue Mikrofon. I dere Folg redemer über üsen Mate-Unfall, dass Kängurus unfair kämpfet und über em Sebi sini abentürliche Installatione i de Berge. Losed doch i die Testfolg ine und gönned eu en Mate! Cheers Dario & Sebi