Tutto Show

Mir hend euses offensive Mittelfeld usgwechslet: de Raphi chunnt für de Sven. Trotz Unterzahl hend d Boys au hüt wieder abglieferet und de Lele isch chli under d Räder cho. Meh dezue gits i de aktuelle Folg.

D Boys sind hüt in dezimierter Azahl am Ufneh, aber mir hend eu nid chönne im Stich lah. Sind ihr eigentlich abergläubisch? Will eine vo eus isches SEHR fescht. I dere Folg ghöreder, wie schwarzi Chatze, zerbrocheni Spiegel und usgschüttets Salz chönnted sis Läbe beihflusse chönnd. Und usserdem erfahreder, was dHyäne vo "König der Löwen" mit eus ztue hend. Viel Spass

Es isch Ziit für die 30st Folg Tutto Show - mir waged eus ufs Meer, schwätzed über em Raphi sis Traumboot und was de Nico im ferne Lettland wieder ahgstellt het. Gnüssed die Folg, hebed Sorg und bis bald!

Bi Temperature, wo eus as Radio-Studio in Winti erinnered, kämpfed mier eus für eu ab. Was de Lele vo flügende Chüeh haltet und warum de Raphi de Karaoke-Goat isch? Das und viel meh ghöreder i de neueste Folg vode Tutto Boys.

Betrüüge oder betroge werde? Das ist hier die Frage! Euse Bomber het sich definitiv für s’Erste entschiede. Was eus au no beschäftigt: Eusi spontanste Idee und welles Verbreche mier würet begah, demits nacher niemert meh macht.

Es isch eusi dritt Folg i dem Jahr und mier nehmed zum dritte Mal amene andere Ort uf: Die Regewald-artige Temperature bim Nico ide Wohnig lönd eus selber zu Tier werde. Passend dezue eis vode hütige Theme: I wellem Zoo-Gheg mier am liebste würet übernachte… und ganz viel meh!

Wer Podcast mache will, muess liide! Oder wiit fahre. So isch‘s zumindest eus ide 26. Folg gange. Mier sind z‘Gast bim Lele im tüfste Aargau, beantwortet Frage, wo ihr eus gstellt hend und lösed uf, wie‘s zum legendäre Schnäbeli-Gate cho isch.

Ganz viel isch neu und glich bliebt alles bim Alte: Tutto Show isch zrug! Es neus „Studio“ hets brucht, aber d‘Jungs bliebet die gliche. Mier hend eu viel z‘verzelle und wie immer: Au im neue Jahr und trotz langer Abweseheit sind Lacher garantiert.

Eusi Reis nach Helsinki het gnueg Gschichte für en Kinofilm. Mier hend es chlises Best-of devo i die Folg packt. Mier verzelled eu vo ramponierte Hotelzimmer und de Lele schockt eus mit em beste Teaser vode Welt.

S Quartett isch vereint und es wird mal so richtig musikalisch. Usserdem teilt de Lele en Tipp zum besser ihschlafe und was en Badmeister susch no alles chan!

Nachere längere Pause warted endlich wieder mal en Podcast uf eu. Mitere grosse Überraschig! Zudem: Mier messed eus imene Quiz gegenand und verzelled eu vonere chli andere Tradition…

Superhelde findsch meistens i Hollywood-Film. Meistens. Mier hend eine i eusem Tutto-Show-Podcast. Mitere Story, wo en eigene Hollywood-Film verdient het. Die neust Folg, gspickt mit lustige Anekdote und wie immer: vielne Lacher!

Trotz Augering und Stimmverlust stönd mir wieder voller Tatedrang im Studio. Was eus um de Schlaf bringt und für was mir tüüf is Portemonnaie griife würdet erfahrsch in Folg #20!

De erscht Podcast im neue Jahr. Und mier fahred grad die schwere Gschütz uf: E Astronomie-Prüefig live, eusi Neujahrsvorsätz und en scharfe Tipp, wie mer en miese One-Night-Stand chan rette.

De Folgetitel tönt zwar wie en Pizzaiolo, isch in Wahrheit aber „Wiehnachtsbaum“ uf Italienisch. Das isch s‘Tutto-Show-Wiehnachts-Special 2021 gspickt mit Gschenkwünsch, guete Anekdote und eme Telefon-Special.

Hüt vor 1 Jahr hemmer die erst Folg vo dem Podcast usebracht. 4 Idiote, 16 Folge und unzähligi Lacher hend de bis jetzt prägt. Hüt simmer z‘Gast bi eusem Sponsor Hopfetropfe. Und z’Gast bi eus: de „Hopfe“ himself, sini neu Mitarbeiterin und e Chundin, wo eus vo ihrem peinlichste Date verzellt.

Zu wenige Jungs isch d‘Beschriebig „Talentlos talentiert“ so guet zuetreffend wie zu de 3 Tutto-Showmen. Passend dezue: En Bsuech im Zirkus Knie und s‘Comeback vonere legendäre TV-Show.

Bier und Brezn. Dirndl und Lederhose. Die 15. Folg vo Tutto Show staht ganz im Zeiche vom Oktoberfest. Lust uf wildi Storys vode Wiesn? Da bisch genau richtig!

Hüt hemmer usegfunde, dass d‘Lüüt nöd nur bi Flugzüglandige klatsched. Und eus uf en chline Usflug id Welt vode Comics gwagt. Lust uf en Motto-Podcast: Mier hetted da en Idee!

Hets scho mal en Trend geh, wo du dich gwaltig drüber ufgregt hesch? Für eus scho! Ide 13. Folg vo Tutto Show erfahrsch du, welli dass das sind und wieso mer keis bizli besser sind als die neue Trendsetter.

Mir wüssets, es isch lang her…aber sWarte het sich definitv glohnt! Ih de 12. Folg wirds chli persönlicher und ihr erfahred wieso en Buur in Neerach sin Traktor het müsse sueche…

Nacheme "churze" Unterbruch vo 7 Wuche simmer wieder zrugg mit vollem Elan! Ganz in alter Manier: Mit vielne Gschichte, Emotione und vor allem vielne Lacher.

S'Stängeli isch voll! I eusere 10. Jubiläumsfolg stönd ihr treue Tuttoshowistas im Mittelpunkt und es wartet eh ganz bsundrigi Überraschig uf eui. Uf was wartisch?!

Mir chratzed am Stängeli. In Folg #9 erfahrsch wie us Bachelor es Trinkspiel chasch mache und bi wellem Event mir würed flitze!

Vo Studiopirate und IT-Support – ide 8. Folg vo Tutto Show isches wieder drunder und drüber gange. Au debi isch en Special-Guest wo verrated was s Mandala male ade PH abglöst het.