Turm Grund Wise
Turm Grund Wise
1 Kanton, 3 Teams. Herzlich willkomme im Fuessball-Podcast Turm-Grund-Wise. Mir sind drü Kollege, wo wüchentlich über di drü Zürcher-Fuessballclubs FC Winterthur, Grasshoper Club Züri und FC Züri redet. Mitem Raphi hemmer en FCZ-Fan, de Tim unterstützt sit über zwei Jahrzeht sin Club GC und mich gseht mer am Wuchenend uf de Schützewise in Winterthur. Neui Episode jede Dsiistig am 12i am Mittag (spätistens).
Be sure to visit the podcast's website and support the creator: podcasters.spotify.com
Author
Turm Grund Wise
Category
Podcast website
Latest episode
Nov 9, 2026
Where to listen?
Podcasts in the app Replaio Radio Coming soonPodcasts are coming to the app soon. Install now and be the first to see a whole new take on podcasts
Episodes
Ep 83 – 4. Liga Wrestling & Pyro ide Sirupkurve 09.11.2026 1:00:13
S Füürwerk staht churz vorem Aus und GC & Winti het schomal en vorschmack gliferet: Ufem Platz hets nemmli alles andere als klöpft. Beidi Teams zeiged en mässige Uftrtit mit wenig Spektakel und müend sich nach spate Gegetreffer miteme Punkt begnüege. Weder für GC geg de letzti us Lausanne, no für Winti gege Carouge isch das zfridestellend. Alles wie immer also. Ide Epi gahts zuedem um Wrestlin...
Ep 82 – Durchfall im Uswärtssektor 02.11.2026 54:50
In Wil hets ordendlich geschepperet, ufem WC wie ufem Feld. Winti schlaht Wil easy mit 3:0, en entspannte David verzellt vom Uswärtsfährtli mit Komplikatione. En Tag vorher het GC dihei gege Vaduz 2:2 gspillt, zbespreche gihts aber vorallem Sache nebed em Platz – bzw us de Kabine. Sorry für de zweiwüchig Unterbruch!
Ep 81 – Fundgruebe 12.10.2026 1:00:02
Nach de Natipause gihts einiges zbespreche. Scho früeh het de Trainerwechsel bi GC und d Astellig vom Janssen z rede ge. Und bi Winti ischs wie e chlini Achterbahn gsi: 7:3 geg Basel, 0:3 in Neuchatel. Besproche worde sind zuedem verloreni Gegeständ und en Fahrkurs.
Ep 80 – Zeidler out 21.09.2026 1:00:46
Zmizt ide Ufnahm erreicht eus e überraschendi Nachricht: De Zeidler isch nüme GC-Trainer. Empört redemer über das Ereignis, die zwei heftige Niederlage für Blauwiiss geg Sion und Luzern und au de knappi aber wichtigi und verdienti Sieg vo Winti geg Aarau. Au rund um das Spiel hets no einiges zbespreche ge!
Ep 79 – Goldmine 14.09.2026 1:00:28
E wahri Selteheit bide Gurketruppe: Es giht zwei Sieg z fiire. Sowohl Winti in Carouge wie au GC in Thun günned uf fremden Terrain 1:0. Zrede gebed Zemefassige, Verletzige und en Totglaubte.
Ep 78 – Unterschiedsspiller 07.09.2026 58:11
I dere Epi luegemer uf e vollpackti Fuessballwuche zrugg. S dütliche 4:0 geg Xamax sorgt für positivi Vibes nachem 2:2 geg Mayo unter de Wuche. Und au GC lieferet grund zur Freud: Uf es 2:0 geg SG holtmer im Derby i letzter Sekunde no de verdienti Usglich. Zrede giht eimal meh de Morandi aber au diversi Unterschiedsspiller sind ufgfalle.
Ep 77 – Künstlichi Stimmig 31.08.2026 54:51
Künstlichi Stimmig hets eigentlich keini brucht: Im CHL-Spitzespiel isches zwüsched Winti und Ouchy heiss zuegange, au GC het chöne uf vill Support zelle in Vaduz. Trotzdem isch d Bilanz ernüechternd: Winti schafft zwar i letzter Sekunde no de Usglich, muess sich fürs erste aber mal mitem Tabelle-Mittelfeld abfinde – kein Grund zur Panik findet de David. Und GC kassiert vo Vaduz es empfindlichs 2:...
Ep 76 – Primarturnhalle Hinterpfupfike 24.08.2026 1:05:11
De David isch zrugg us de Ferie und direkt vom Flughafe uf Rappi, wo Winti mit 2:0 günnt – s het aber au ganz anderst chöne cho. Zbrichte gihts au vode Stadionfüehrig uf de Schützewise, einige GC-Transfers und wie immer 1-2 random Stories usem Alltag.
Ep 75 – Schützewiese Schützefest 11.08.2026 1:03:02
D Gurketruppe meldet sich us de Ferie wo au de FC Wil no zsi schint: Winti günnt locker mit 5:0 und isch so richtig ide Saison acho. GC hingege verlürt in Genf eimal meh nach Füehrig und ere guete erste Halbziit. I dere Epi dezue Powernaps und Chrankheitsgschichte.
Ep 74 – Abels zu City 03.08.2026 1:00:52
Es wird flissig gurkt! Zerst verlürt Winti geg de Ufstiger in Kriens mit 2:0, am Suntig kassiert GC es 4:1 vo Lugano. Trotzdem isch d Stimmig au scho schlechter gsi, i dere Epi wird Positivität versprüeht. De David verzellt zuedem vo Kriens und Kater, de Tim vo sim Top 5 Schuss aller Ziite ide Badmintonhalle.
Ep 73 – Familie Bengondo 27.07.2026 1:01:47
Die ersti Rundi vode neue Saison isch gspillt und die junge werded zum Gsprechsthema. Erst gad sis Liibli zoge, scho belohnt de Odin de David mit em erste Treffer im 2:2 geg Yverdon. Bi GC trifft ebefalls en Junior, de mitem bekannte Name Bengondo. Wie sin Alte bi Winti trifft de Samuele iischalt, eifach für GC. Zrede giht au en Fanzugprotest und e schöni Choreo.
Ep 72 – Saisonusblick XL 21.07.2026 1:05:44
Gnueg über Ferie und WM gredt, mer widmed eus wieder de wichtige Sache. I dere Epi besprechemer was bi Winti und GC so alles passiert isch. Die neue Bsitzer bi GC, Testspielbricht vo Winti und ganz neui Gfühlslage vor de Saison 26 / 27.
Ep 71 – Selbst ist der Mann 14.07.2026 52:33
Zrugg us de Summerpause redemer über d WM, was alles ide letzte paar Wuche passiert isch und bespreched 1-2 Änderige für de Podcast. Vill Spass bim Lose!
Ep 70 – Abflug 27.05.2026 44:24
Saisonabschluss 25 / 26! GC günt d Barrage geg Aarau in Extremis und blibt dobe. S Spiel het einiges a Gsprächsstoff glieferet. Zuedem werfemer nomal en Blick uf die neuste Winti News und verabschided eus id Summerpause. Merci für de Support au die Saison und bis i wenige Wuche!
Ep 69 – Abstiegs-Epi 19.05.2026 57:20
De Tag isch cho: De Abstieg vom FC Winterthur staht fest. Nöd nur s Spiel gege GC, sondern au d Ussage vode Füerhig vom FCW hend z rede ge. GC het sich somit id Barrage grettet und sich mitem 0:0 in e gueti Usgangslag bracht fürs Rückspiel.
Ep 68 – Chäller Showdown 11.05.2026 49:41
Es chunt tatsächlich nomal Füür is Spiel im Abstiegskampf: Bi GC chunt zerst Hoffnig uf, denn verlürt mer s Derby geg de FCZ doch no, Winti schlaht Lausanne nach vill Kampf. I dere Epi luegemer uf langwiligi Hopper, euphorischi Winterthurer und füre uf es kapitals Spiel am Dsistigabig.
Ep 67 – Zwei Burkarts 05.05.2026 51:38
D Saison neigt sich am Endi zueh und s blibt wiiterhin alles bim alte wenns um d Zürcher Clubs gaht. Winti und de FCZ trennet sich nachem spate Winterthurer Treffer mit 2:2 Unendschide – es Resultat wo niemertem würkli öppis bringt. Will au GC wieder verlore het (1:2 geg Servette) isch drü Runde vor Schluss immerno nonig fix, das Winti abe muess und GC id Barrage. Obwohl miers alli wüssed. Apropos...
Ep 66 – Resteverwertig 27.04.2026 41:50
Nachem Cup-Schlamassel zrugg im Super-League Gurk: Alli eusi Teams verlüred, nüt Neus a dere Stell. Zrede gebed wiiteri Fan Protest und es spektakulärs Spiel in Schnääf. Und immer wieder Resteverwertig.
Ep 65 – Cup Halbfinal Spezial 23.04.2026 1:05:22
Uf de altehrwürdige Pontaise isch einiges los gsi: Es schwachs GC verlüürt geg es guets Ouchy und das sorgt für Reaktione: D Mannschaft wird gnadelos uspfiffe und agfeindet, nachem Match wird sogar no de Mannschaftsbus agriffe. Es giht also einiges z bespreche und auf z verzelle vom Tim, wo vor Ort in Lausanne gsi isch. Dezue no churz Koller zum FCZ und de Stadionusbau für Winti.
Ep 64 – Ouchy uswerts 14.04.2026 52:40
D Entscheidig im Abstiegskampf isch wohl gfalle: GC günnt uswerts geg Winti mit 2:0 und sicheret sich so wohl de Barrage Platz. Ide hütige Epi lueged de David und de Tim zrugg uf de Match und disskutuiered Schiri Entscheidige, provokannti Jubel und verschosseni Penalty. Zuedem blickemer schomal richtig Saison-Endi und Challenge Legaue.
Ep 63 – Fiebertraum 07.04.2026 53:18
Willkomme zrugg im Abstiegs-Podcast. Wiedermal verlüüred alli drü Zürcher Verein und chömed nöd vom Fleck. Winti zeigt zwar e aständigi Leistig, de jungi Lausanne-Agriff isch aber zvill für Lüthi und co. GC kassiert e wiiteri Flättere und d Entscheidige und Ussage vom Papi Sutter sorged für vill Diskussione. De FCZ verlürt in St Galle, z rede gebed aber vorallem die viele Abgäng im Summer.
Ep 62 – Gerald Messner 24.03.2026 52:18
D Ziit vom Scheibi isch verbi: De Papi Sutter het de Österricher nach guet 9 Mönet im Amt entlah. Das het für vill Diskussione gsorgt und au de David und de Tim nehmed das Thema nomal uf. Bsunders prekär macht die Situation, dass GC unterem neue Trainer Messner direkt 5:0 in Genf untergaht. Au ohni Pünkt aber mitere vill bessere Leistig het sich Winti präsentiert: Sie verlüred unverdient dihei geg...
Ep 61 – Viererkette sofort! 16.03.2026 1:00:55
Während de Raphi gmüetlich sis Singha Bier in Thailand gnüsst, widmed sich de David und de Tim de Super League. GC wird zwar vo Thun grööstet, dank em Winti-Sieg in Luzern gihts aber wiedermal öppis Positivs zbespreche. Die beide reded über komischi Social Media Kommentär, Scheibi-Out-Talk und öb Winti ez doch wieder sis jährliche Combeack gstartet het.
Ep 60 – En Gruess us de Chuchi 09.03.2026 1:08:10
E wiiteri englischi Wuche bringt de Zürcher Clubs grad mal 2 vo mögliche 18 Pünkt. Nur Winti erhöht s Punktekonto dank zwei Unentschide geg Servette und Sion inkl Buess-Hammer, de FCZ verlürt zwei Mal hinterenand ide letzte Sekunde. Bedroht fühle muess er sich aber nöd, au für GC isch nüt zhole. Trotz guetem Uftritt in Basel und Kids Day im Letzi gihts zwei Niederlage. Also alles normal im Tabelle...
Ep 59 – Blettli Rucola 02.03.2026 1:07:54
VAR-Seich und Spiel ih Unterzahl: S Wucheend het einiges z büte gha. Winti verlürt eimal meh uf bitteri Art und Wiis nachdems in St Galle lang guet usgseh het. GC günnt überraschend und zu zehnt geg Lugano, de FCZ kassiert ebefalls zu zehnt e Flättere vo YB.
Similar podcasts
Replaio is not a podcast publisher; show names, artwork and audio belong to their authors and are distributed through public RSS feeds.