Trúboðin Poddkast

2.partur av Spyr gudfrøðingin Evnið: Hvat er mín skylda? Gestir: Tummas Kannuberg og Jónleif Danielsen Vertur: Heðin Arge

Fyrsti partur í nýggju poddvarpsrøðini hjá Trúðboðanum - Spyr gudfrøðingin. Evnið hesaferð er "Hvat er mítt kall?". Gestir eru Torgeir Petersen og Tummas Kannuberg. Vertur er Heðin Arge

Í hesum poddkastinum hittir tú Daniel. Ja, satt at siga, so eitur hann ikki Daniel, men sum trúboðari í Miðeystrið er tað best, um samleiki hansara verður verandi duldur. Vit hittu Daniel, tá hann einaferð vitjaði í Føroyum, og vit fingu eitt prát við hann um, hvussu tað er at liva sum kristin í Miðeystur og, hvussu tey arbeiða við missión undir teimum korunum, ið eru har niðri. 

Í hesum næsta poddkastinum frá Mads Jørgensen og Helenu Siggurðsdóttir úr Gøtu, kjakast tey um foreldraleiklutin í tíðini “millum longu og ikki enn” 

Mats og Helena úr Gøtu hava játta seg til at gera eina nýggja røð av poddkastum til Trúboðan. Í dagsins parti greiða Mats og Helena frá, hvørji tey eru, og vit fylgja teimum á eini lívsferð, ið bæði hevur leitt tey kring heimin og nærri Gudi. Tey hava búð í Danmark, Svøríki, USA og Føroyum. Uppihaldið í USA og ein tvungin flyting til Føroyar hevði stóra ávirkan á teirra samband við Gud. Næsti part...

Sangurin er um, at vit eiga ikki at gloyma øll tey, sum verða forfylgd vegna kristnu trúgv sína. 

Um Gud er góður og altvaldandi, hví loyvir hann so líðing og óndskapi í heiminum? Hetta er ein spurningur, sum bæði kristin og skeptikkarar hava sett ígjøgnum alla heimssøguna. Jákup Justinussen tosar við Øssur Kjølbro, gudfrøðing, um hendan stóra spurning. Mynd: Kat J on Unsplash

Open Doors er altjóða felagsskapur, sum ger vart við støðuna hjá kristnum um allan heim, ið líða fyri sína trúgv, og roynir at hjálpa teimum. Arbeiðið byrjaði í 1955, tá hollendingurin Bróðir Andreas fjaldi bíbliur í sínum ljósabláa fólkavogni og koyrdi eysturum jarntjaldið, so tey kristnu í Eysturevropa kundu fáa bíbliur. Nú á døgum fevnir arbeiðið hjá Open Doors um umleið 70 lond. Seinastu trý á...

Seinasta summar skrivaði Vinjard Magnussen úr Sørvági eina bachelorritgerð í sosialvísindum um eitt so álvarsamt evni sum fráfall. Ritgerðin hevur heitið “Tey burturvilstu”, og í henni kannar Vinjard upplivingar og sosialar avleiðingar fyri fólk, ið falla frá kristnu trúnni. Ritgerðin byggir á samrøður við fólk, sum hava vent kristnu samkomuni bakið. Vit tosa við Vinjard um fráfall og úrslitið av...

Vit práta við Elisabeth Poulsen, ið er trúboðari í Liberia í Vesturafrika. Hon er send út av danska útimissiónsfelagsskapinum Promissio, og føroysk sendimeinigheit er Meinigheitshúsið á Skála. Elisabeth greiðir nærri frá tilveru síni og arbeiðnum í Liberia. Hennara uppgáva er at styrkja skúlaskipanina og menna lærararnar í teimum 28 skúlunum, sum lutherska kirkjan rekur. Hon greiðir frá gleðini um...

Vit práta við Jóhannes Finnsson, ið saman við konu síni Kristianu úr USA er trúboðari í Dar es Salaam í Tansania. Tey eiga tvey ára gamla sonin, Dánjal Óla. Jóhannes arbeiðir sum tónleikalærari á HOPAC (Haven of Peace Academy), ið er ein altjóða skúli við næmingum bæði úr Tansania og børnum hjá trúboðarum í landinum. Kristiana hevur útbúgvið seg innan mentanir og mentanarmunir og arbeiðir við fólk...

Nú jólini eru í hondum, er familjan Olofson komin heim at halda jólafrítíð. Tey eru trúboðarar í Mongolia, og í prátinum greiða tey millum annað frá, hví tey endaðu í Mongolia, hvussu tað er at búgva og virka í landinum og hvat tey fáast við. - Ymisk lond vóru upp á tal, men her kenna vit, at vit eru komin uppá pláss. Serliga nú vit kort síðani eru flutt til býin Khovd í Vesturmongolia, siga Julia...

Í hesum poddkastinum hava vit fingið ein forkunnugan gest í studio úr afrikanska landinum Kjad. Kjad liggur í Mið-Afrika og 60% av landinum er oyðimørk, tí norðari partur av landinum er partur av Sahara oyðimørkini. Kjad er 7. fátækasta land í heiminum. Fólkatalið er áleið 15 mió. og einans 1,9% av fólki hava atgongd til vatn. Harafturat liva 80% undir fátækramarkinum, so landið hevur stórar sosia...

Um dagarnar heldur missiónsfelagsskapurin Tæn Afrika 3 ára stovningardag. Hetta er ein føroyskur felagsskapur, sum er virkin í altjóða missión, men hóast unga aldurin eru tey við í nógvum verkætlanum í Etiopia og Suðurafrika. Vit hava tosað við Elisabeth Poulsen, ið stendur á odda fyri felagsskapinum, um virksemið. Tæn Afrika leggur seg serliga eftir at hjálpa familjum og kvinnum, bæði tí kvinnur...

Vit høvdu vitjan í Studio Nesvík av Ritu Elmounayer, stjóra á kristligu sjónvarpsrásini Sat-7, í samband við at hon hevur vitjað í Føroyum saman við Kurt Johansen, aðalskrivara í Sat-7 Evropa og Asia. Jákup Justinussen prátar við Ritu um arbeiðið hjá Sat-7. Prátið er alt á enskum. 

Páskapoddkast: Triðja poddkastið úr Studio Nesvík snýr seg um páskirnar, serliga skírishalguna. Vit umrøða spurningin, um tað veruliga var neyðugt hjá Jesusi at líða so ræðuliga og doyggja – er so illa statt við okkum menniskjum? 

Annað poddkastið hjá Trúboðanum úr Studio Nesvík snýr seg um at fasta og føstutíðina. Gestir eru Jóhan Petur Johannesen í Havn, Dagny Højgaard á Tvøroyri og Ovi Brim á Nesi, Eysturoy. 

Fyrsta poddkast hjá Trúboðanum er ein samrøða við Dakko Petersen, aðalskrivara hjá Bláa Krossi Føroya, og Alisu Hammer, fyribyrgingarleiðara, um víðfevnda arbeiðið hjá diakonala felagsskapinum, serliga við atliti til børnini.