Tierra de barrenaus

Nuevo programa mosical de Tierra de barrenaus a on que ascuitaremos beluna d'as novedatz d'istos zaguers meses a on que a-saber-las artistas han feito nuevas cancions y anunciau la publicación de nuevos discos. 2022 promete estar un anyo bien moviu y divertiu con la tornada d'os conciertos y festivals, asinas que toca ascuitar todas ixas nuevas cancions que i sonarán.

Dimpués de quasi dos anyos veyendo la craba roya con lo d'o virus, no hemos conseguiu eslampar por mas tiempo y lo hemos pillau. Empecipiamos 2022 encadadas y, como en anteriors encadamientos, Arale y Barrenau se chuntan pa fer un nuevo Tierra de varrenadas, lo podcast coronavirico grabau de vermuteo. Sin guion pero con carinyo. Y tos. Muita tos.

Lo cambio d'anyo ye un d'ixos momentos plens de topicos. Un d'ells ye lo de repasar las noticias de l'anyo que remata y fer prediccions d'as que pasarán lo que arriba. La formula funciona bien y ya la faciemos servir l'anyo pasau, con una rufierta a on que pasemos un buen rato. En ista temporada torna la rufierta de cabo d'anyo, sin saputos ni expertos en cosa. Nomás quatre amigos charrando como s...

La fin de 2021 plega plena de buenas noticias que se quedan amagadas por la evolución d'a pandemia. Manimenos, nos quedamos con ixa parte bonica d'a vida: iniciativas a favor de l'aragonés, premios bien mereixius y la mosica tornando t'os scenarios. De novedatz mosicals, tamién en charramos, presentando bella canción d'o nuevo disco de Fongo, lo nuevo nombre d'a banda Fongo Royo, que edita nuevo t...

Aviento ye, en Zaragoza, lo mes d'o comic. Los dias 17, 18 y 19 se celebra en la ciudat lo Salón d'o Comic, una cita anyal que torna dimpués d'haber-se de supender por la pasa, y que arrocla autoras, editorials, librerías, aficionadas y toda mena de personas chuntas por la pasión por iste arte. En Tierra de barrenaus ya ye tradición adedicar, en istas calendatas, un programa a los tebeos. En ista...

Con la tornada t'a normalidat que vivimos gracias a los nivels de vacunación que disfrutamos vacunadas y no vacunadas, torna tamién las exposicions, las presentacions de libros y las manifestacions en lo formato precovid, alto u baixo. Empecipiamos lo programa charrando d'aquarelas con Dabi Anquela que presienta una exposición en lo lugar de Biniés, en la Chacetania. Tendremos tamién una sección d...

En lo nuevo Tierra de barrenaus radio nos n'imos de viache con Nuei y lo suyo nuevo disco El viaje. Nueu nuevas cancions que nos transportan ta diferents puestos d'o planeta sin deixar perder la referencia aragonesa. Los podiemos ascuitar en directo en lo concierto que organizó Caracol Zaragoza pa recibir a la Chira zapatista por la vida lo pasau 7 de noviembre. Charraremos tamién de empatía lingü...

Lo 12 d'octubre se publicó en los retz socials lo video Patria, cantau a quatre voces y en quatre luengas, por High Paw, Krevi Solenco, Monsieur Le Crep y Fetitxe13. Dos d'os suyos protagonistas, Krevi y Fetitxe, se pasan por los micros de Tierra de barrenaus pa contar-nos como estió la grabación d'ixe video y de qué charra la canción, publicada en una calendata tant sinyalera. Antimás leyemos un...

Un anyo mas recibimos en TdBradio con a-saber-la alegría la publicación de O zaguer chilo, en iste caso d'a suya cinquena edición. Iste disco, promoviu por l'Asociación Nogara, replega 20 cancions en aragonés de 20 bandas aragonesas que han quiesto colaborar-ie. En ista ocasión sí que s'ha puesto presentar en un concierto adintro d'as no-fiestas d'o Pilar. Manimenos, las midas anticovid y lo caos...

Con lo curso lectivo empecipian tamién los cursos d'aragonés. En Tierra de barrenaus tornamos a contar con l'Asociación Cultural Nogara que nos presienta la suya ufierta formativa pa lo curso 21/22. Los conoixeremos de man d'o coordinador d'amostranza Serchio, d'os profesors de tercer curso Antón y Jorge y de l'alumna Irene. Empecipiaremos charrando d'a educación formal y d'os conflictos que bi ha...

Empecipia lo curso y tamién Tierra de barrenaus. En la ueitena temporada prebaremos nuevas seccions, de vez que mantenemos las dinamicas que han iu funcionando dende lo prencipio d'o programa. En iste primer programa charramos con Chabi Gimeno sobre las chornadas Colectiviza! que organiza iste mes Apoyo Mutuo en Andorra (Baixo Aragón). Tractaremos un d'os invent d'o verano, la historia de Julen, l...

Pa rematar la temporada me torno a chuntar con Ruben y Dabi pa fer una nueva edición de "Temazos". Chugando una partida de guinyote, charramos de mosica y tos proposamos quantos temas pa pasar istos días de caloraza. Como de cutio con somardería y en iste caso, con tres cerols.

En ista sietena temporada, igual como en la seisena, he iu ficando en quatre calaixos con quatre categorías, qualques cancions. Pa ista edición d'os Calaixos, las tematicas trigadas han estau Canción historia, literaria, engarcholada y en unatra luenga. Tres de cada una d'ellas ya han iu sonando en la resta de programa, pero en quedaba una pa completar lo calaixo, asinas que torna ta Tierra de bar...

Tierra de barrenaus tornó a estar present en la Gala d'os XXII Premios d'a Mosica Aragonesa, organizada por l'Asociación Aragón musical. En ista edición l'acto se celebró en la ciudat d'Alcanyiz, por segundo anyo difuera de Zaragoza, a on que se feba de cutio. Tamara, Dabi, Ruben y Carlos comentamos por mas de dos horas de programa y con la falta d'autoridat de siempre, totz los premios, nominacio...

La sietena temporada va rematando y toca prebar nuevos formatos cara la ueitena, asinas que en iste programa faremos bella mena de magazine con muito conteniu, como siempre, en aragonés. Empecipiaremos con un texto de Juan Carlos Moreno Cabrera, amprau d'o suyo libro Errores y horrores del españolismo lingüístico. En l'achenda tos recontaré belún d'os festivals que sí que podremos disfrutar iste v...

Lo verano ye una estación diferent por muitas razons. Entre ellas, un cambio sonoro que disfrutamos u patimos. En iste nuevo programa tos proposo una triga mosical de cancions estiveras d'Aragón y redolada que no sentirás en las radioformulas pero que nos trayen tot l'anyo la banda sonora d'istos meses que empecipian agora.

Los zaguers acontecimientos en la muga de Ceuta han feito reviscolar lo debat arredol d'o Sahara Occidental. La tensión entre los gubiernos espanyol y marroquí ha puyau dimpués de que s'acullise a lo lider d'o frent polisario pa tractar-le la covid. Charramos con Chorche Paniello, historico activista en desfensa d'o pueblo saharaui, qui nos da las claus d'iste conflicto. En l'apartau mosical, ascu...

Con la primavera plegan t'as nuestras tierras un ciento de visitants que i remanen tot lo verano. Entre ells, las falcillas u falcetas (Apus apus), un muixón chiquet pleno de sorpresas. La nuestra educadora ambiental Tamara Marzo Rins nos parlará d'istas superheroinas que traviesan tot Africa pa pasar aquí bell mes y que tienen una manera de vivir que tos deixará sin sangre en la pocha. Antimás, f...

En la edat meya, una companyía de mercenarios levó lo nombre d'Aragón por toda la Mediterrania. La suya manera de luitar en la batalla, y las esferras que feban por astí por a on que pasaban los facioron bien conoixius y temius. Nomás sentir lo suyo nombre, ya feba miedo: yeran los almugavars. En iste nuevo programa entrevistamos a Chusé Bolea, un d'os mayors estudiosos y expertos sobre istos guer...

Acabamos abril con las celebracions d'o Día d'Aragón y tos proposo un viache por la mosica aragonesa. En la nuestra tierra tenemos talento a-saber-lo y propuestas de toda mena; una gran historia mosical y firme futuro por debant. En iste programa viachamos por belunas d'as mosicas que protagonizan la scena mosical aragonesa. Porque n'i hai tantas que fer-lo por todas sería imposible. I falta chent...

En marzo de 2020, en empecipiando l'encadamiento que provocó la pasa de COVID-19, Arale y yo nos chuntemos pa grabar cada tarde un podcast en aragonés. Faciemos 42 emisions a on que charrabanos d'as cosas que nos iban pasando, por un regular en tono d'humor, y prebando de fer comunidat con todas las personas que nos ascuitetz. Un anyo dimpués, tornamos a chuntar-nos en lo sofá de casa nuestra pa r...

Dimpués d'a saber qué tiempo aguardando, a la fin tenemos en las nuestras mans, y en formato papel, la Gramatica Basica de l'aragonés. Una obra feita por l'Estudio de Filolochía Aragonesa que fa una descripción bien completa d'a nuestra luenga. Un manual que qualsequier persona que estudie aragonés ha de tener en los repalmars d'a suya biblioteca. Charramos con Juan Pablo Martínez, una d'as person...

En 2009 Barricada publicó un d'os suyos zaguers treballos: La tierra está sorda. Facioron d'ixe nuevo prochecto un album conceptual centrau en la Guerra civil espanyola. Deciueito temas que charran de muitas d'as historias que i sucedioron. Beluna bien conoixida y atras no pas tanto. Mario nos charra d'iste disco y d'os sucesos que inspiroron cada una d'as suyas cancions. Antimás, respondo a bell...

Ni la pasa puet aturar la creatividat d'as mosicas y los mosicos aragoneses que, un anyo mas, han quiesto aduyar a la supervivencia y difusión d'a luenga aragonesa colaborando con lo prochecto O Zaguer Chilo. Cherardo nos presienta la quarta edición d'iste disco que replega lo treballo de vinte collas que han grabau un tema en aragonés. Con ista, ya son 80 nuevas cancions que cantar en la nuestra...

Plega un Tierra de barrenaus de rusient actualidat. Empecipiamos con Edu, una d'as personas que ha feito posible lo Calandario Scientifico en aragonés, una iniciativa que nos acerca la historia d'a sciencia cada día a traviés d'os retz socials y que, iste anyo, lo fa tamién en aragonés. En la segunda parte, Tamara nos charra d'as zaguers noticias sobre lo lupo. Los cambios que bi ha habiu quanto a...