The Mstdfr Show

بمشاركة [ هاشم الزين ] قد في مرة كنتم بتطالعوا في تصميم في مكان أو على سجادة وشفتوا شكل وجه؟ إذا إيوة فإنتم مو لوحدكم… هذه ظاهرة موجودة عند بعض الناس ولها إسم علمي. ولها علاقة بالخيال والإلهام والإبداع… وعشان كدة اليوم قعدنا مع الدكتور هاشم الزين وتناقشنا عن عالم الخيال والإبداع اللي ناقشه في أحد أحدث مقالاته. ولا تخافوا… هذه المرة جلسنا ساعة نتكلم في الموضوع!   ممكن تقرأوا تلخيص الكتاب على الرابط...

بمشاركة [ مستمعي مستدفر ] بعد نجاح التجربة الأسبوع اللي فات… قلنا نجربها ثاني… دخلنا انستجرام لايف وأخذنا مشاركات ومداخلات من مستمعينا اللي شاركونا بمواضيع مختلفة من ضمنها السفر إلى كوريا… اللغة العربية… وكمان الدراسة واختيار التخصص.

بمشاركة [ مستمعي مستدفر السهرانين ] اليوم قلنا نجرب شيء جديد… دخلنا انستجرام لايف وأخذنا مشاركات ومداخلات من مستمعينا اللي كانوا سهرانين معانا. وبكل أمانة جداً انبسطنا بالتجربة وشكلها حتصير عادة جديدة نسويها كل بعد فترة.

من أكثر الأسئلة اللي تتكرر علينا هي ”كيف أبدأ بودكاست؟“ وبكل أمانة في كثير مواقع تشرح خطوات الصناعة من الألف للياء… بس حبينا اليوم نعطيكم شرح للخطوات الرئيسية اللي لازم تحطوها في بالكم قبل ما تخوضوا هذه الرحلة… من واقع خبرتنا الشخصية طبعاً. وفي حال ما قد فكرتوا انكم تصنعوا برنامجكم الخاص… يمكن هذه الحلقة تحمسكم تبدأوا.

بمشاركة [ هاشم الزين ] مافي انسان في الدنيا ما يواجه مشاكل وأبواب تتقفل في وجهه… لكن طريقة تعاملنا مع بيئتنا والمواقف اللي تحصل لنا هي اللي حتحدد نجاحنا أو فشلنا في الحياة. وهذا النوع من الدروس الحياتية ألهم صديقنا الدكتور المهندس هاشم الزين لكتابة مقالة يشرح فيها كيف قسوة والده في الصغر صنعت منه مهندس مبدع وناجح. وحكى لنا في حلقة اليوم كيف قدر يكتشف مهاراته ويحولها اليوم إلى شركة وطنية ناجحة. وتق...

بمشاركة [ خيرة بندقجي ] بالنسبة لنا كسعوديين اللغة العربية تعتبر لغة الحوار اللي المفترض كلنا نتقنها… لكن الواقع ممكن يكون مختلف شوية بالذات للناس اللي كبروا في بيئة كانت تستخدم لغة ثانية في الحوار زي ضيفتنا اليوم اللي لقت نفسها في بيئة تستخدم الإنجليزي كلغة رئيسية بالذات مع والدتها الأمريكية وكان مالها أي ذنب في الموضوع. ولما كبرت بدأت تاخذ دورات في اللغة العربية لكن المشكلة اللي واجهتها انها لما...

بمشاركة [ غزل أبو خشبة ] الدخول الى سوق العمل بالنسبة للخريجين الجدد ممكن يكون مخيف شوية، وهو أكيد تغيير جذري في حياة أي إنسان. وزي ما قالت لنا اليوم صديقتنا الدافورة المبدعة غزل أبو خشبة… بداية حياتها الوظيفية ما كانت سهلة أبداً وبالذات بعد كورونا. لكن التغيير يحتاج له وقت عشان نتعود عليه ولو أعطيناه فرصة… أحياناً حنلاقي انه كان أفضل شيء ممكن يصير لنا.

في أوقات كثيرة من حياتنا نسعى اننا مثلاً نسوي شيء معين أو نقتني شيء معين… لكن ربي يصرفه عننا لأسباب خارجة عن إرادتنا. والشيء هذا يزعل… لكن لو أفترضنا انه سبب عدم تحقيقنا لمبتغانا ولو كان لفترة محددة كان يصفي مصلحتنا… حياتنا حتكون جداً أسهل! ونظرتنا للحياة حتختلف ١٨٠ درجة حسب وجهة نظر عمار اللي ناقشها في هذه الحلقة. رابط مسلسل كوكب رقم ٣: https://www.storytel.com/sa/ar/series/91125-kokb-rkm

بمشاركة [ هاشم الزين ] التغيير مهو سهل وكثير مننا يحاولوا يتجنبوه وبالذات لما يتعودوا على وضع معين… لكن الثابت الوحيد في الحياة هو التغيير… ومهم اننا نواكب العصر والتغييرات في حال كانت إيجابية. وعشان كدة اليوم قعدنا مع الدكتور هاشم الزين وتناقشنا عن موضوع التغيير والملخص اللي كتبه عن كتاب ”غير أي شيء“. ممكن تقرأوا تلخيص الكتاب على الرابط: https://medium.com/p/3213202945bb

اليومين اللي راحت عمار كان في أبوظبي واليوم كانوا هو ورامي في دبي… سفرة دبي كان هدفها حضور منتدى بودكاست الشرق الأوسط الثالث واللي الآن صار إسمه ”صدى“ واللي نظمته شركة مستدفر وكيرنينج كلتشرز. ولكن هدف سفر عمار لأبوظبي كان لسبب آخر تماماً وأتكلم عنه بالتفصيل في حلقة اليوم. منتدى صدى ٢٢ للبودكاست: https://sadaconf.com/ فعالية دوري كرة السلة الأمريكية في أبو ظبي: https://nbaevents.nba.com/abu-dhabi/a...

صحيح إنه برنامجنا له أسلوبه المميز اللي كثير منكم حبوه… وعلى مر السنين الروح اتغيرت أكثر من مرة. وفي مستمعين عاجبهم الأسلوب القديم… وفي مستمعين عاجبهم الأسلوب الجديد، عشان كده عمار ورامي اليوم أجتمعوا وناقشوا وضع البرنامج وإذا كانوا مبسوطين منه زي ما هو… أو إنه جا الوقت إنهم يجددوا في طريقة طرح الحوارات؟ انتم إيش رأيكم؟

بمشاركة [ منار منشي ] تربية الأطفال مهمة صعبة ولها تأثير كبير على المجتمع… وكثير ما نناقش مسائل التعليم ونهتم فيها بشكل كبير لكن دائماً ننسى ان تعليم وتربية الأب والأم عشان يعرفوا يأدوا أدوارهم على أكمل وجه هو موضوع تأثيره جداً أكبر! مهما كان التعليم المدرسي متقن وعلى مستوى عالي… التربية في البيت ممكن تهدم كل شيء يصير في المدرسة. وعشان كدة اليوم قعدنا مع ”صديقة الأمهات“ وصديقة البرنامج الأستاذة من...

بمشاركة [ أبرار الجفري ] البرمجة اللغوية العصبية هي من العلوم اللي مو كثير ناس يعرفوا عنها وحتى اللي سمع بهذا العلم المعروف بي ال“إن إل بي“ إحتمال ما يعرف إيش معناته. وعشان كدة اليوم قعدنا مع صديقتنا الأستاذة أبرار الجفري اللي شرحت لنا أكثر عن التخصص واستخداماته.

بمشاركة [ عمرو ضياء ] اليوم كان المفترض تكون عندنا حلقة مميزة مع ضيوف مميزين… لكن أحياناً تجري الرياح بما لا تشتهي السفن، بس في نفس الوقت كل شيء مقدر ومكتوب من ربنا. كان عندنا حلقة جديدة سجلناها الأسبوع هذا وبسبب خلل تقني خرب الملف وما قدرنا ننشر لكم هي اليوم. لكن ما رضينا اننا نسيبكم بدون حلقة، فطلبنا من أحد دوافيرنا انه يجي يفزع لنا آخر الليل ويسجل معانا حلقة سريعة… وصديقنا الدافور والفنان المبد...

بمشاركة [ تالا نجار و محمد قربان ] المدرسة تعلمنا كثير أشياء مهمة في حياتنا… لكن كثير من الخبرات اللي نحتاجها في الحياة حنلاقيها خارج الفصل، لكن للأسف الكثير من العوائل يركزوا فقط على الدراسة التقليدية في التعليم. اليوم ناقشنا موضوع الدراسة وبعض المواضيع المختلفة من الخطابة والالقاء لاختبارات تحديد الشخصية مع صديقتنا الدافورة تالا نجار وصديق البرنامج ومقدم بودكاست ورقة بيضا الرائع محمد قربان.

بمشاركة [ رولين منشي ] تجينا كثير رسائل دائماً من مستمعينا الدوافير بطلبات للمشاركة في البرنامج، وعلى مر السنين كل فترة نختار أحد من القائمة وننسق لتسجيل حلقة معهم. اليوم جا الدور على دافورتنا بنت مكة المكرمة رولين منشي واللي ما شاء الله عليها تحب تتكلم عن كل شيء… الزرع، البيئة، الصباح، الخبز، الفن، المجتمع، الصحة النفسية، التسويق، التجارة وحاجات مره كثير… ومن جد كل ما اتكلمنا في موضوع ما شاء الله...

بمشاركة [ رزانا البنوي و خالد موس ] الحلقة اللي راحت أتكلمنا عن الحاسة السادسة (الحدس) بشكل مبسط وفي المقابل جاتنا مجموعة رسائل من مستمعينا تثني على الموضوع والبعض أعطوا آرائهم اللي شيء منها آمن بوجودها وشيء أنكره. فقررنا في حلقة اليوم اننا نسهب في الموضوع بشكل أكبر ونعطيه حقه، بس هذه المرة شاركتنا الحوار صديقة البرنامج والدافورة رزانا البنوي وعاد معانا للمرة الثالثة خلال الأربعة الأسابيع الماضية...

بمشاركة [ خالد موس ] الحواس الخمسة كلنا نعرفها ونؤمن فيها، لكن بعضنا يؤمن بالحاسة السادسة واللي هي الحدس. ومع ذلك بعضنا الآخر ما يؤمن فيها، لكن احنا كنا مؤمنين انه ضيفنا الرهيب من الحلقة قبل اللي راحت الكوميديان والفيلسوف الدافور خالد موس حيرجع لنا ثاني في حلقة جديدة. ليش؟ لأنه أول حلقة جلسنا فيها مع بعض أنتجت لنا حوار رائع. فقررنا نستضيفه مرة ثانية ونتفلسف شوية عن الحاسة السادسة وكالعادة بعض المو...

حلقة خاصة [ ذكرى انطلاقتنا السابعة ] في مثل هذا اليوم… السابع من شهر أغسطس… عام ٢٠١٥… انطلقت أول حلقة من بودكاست مستدفر! واليوم بعد سبعة سنوات من البربرة ومئات الضيوف… ما نقدر نقول لكم غير شكراً من القلب لكل دافورة ودافور على دعمكم واستماعكم على مر السنين. برنامجنا الصغير كبر أكثر من ما تخيلنا! أول أسبوع لنا كنا مبسوطين بعشرات الإستماعات… فلكم أن تتخيلوا سعادتنا بعد ما صارت استماعاتنا بالملايين! ب...

بمشاركة [ خالد موس ] الكثير من الناس يعتبروا التوظيف جزء لا يتجزأ من حياة الإنسان وبالذات الرجل… ومع إن أغلب الرزق في التجارة… غالباً تستثنى الفنون الأدائية من هذا المفهوم. اليوم جلسنا مع أحد رواد الأعمال في الكوميديا… الفنان والفيلسوف خالد موس واللي تبحر معانا في مواضيع كثيرة ومتشعبة والأهم من ذلك… دفعتنا للتفكر والتأمل.

بمشاركة [ مشاعل ونجد ] اليوم أخيراً عمار رجع لمستدفر وشاركوا معاه إثنين من الدوافير الأصليين… صديقتنا الدافورة والكرتونة مشاعل… وصديقة البرنامج وأحد مقدمات بودكاست ”ترست أس“ الفنانة والدافورة والكرتونة نجد. سجلنا الحلقة آخر الليل ولسبب أو آخر أغلب كلامنا كان على الأكل.

بمشاركة [ أفنان و بشائر و رهف ] للأسبوع الثالث أستولوا صناع المحتوى على برنامج مستدفر… وحلقة اليوم أساسها كان تعليق كتبته أفنان… أحد مستمعاتنا لما علقت على أول حلقة في الشهر أستولوا عليها سعيد وعبدالله وقالت انها رجعت تسمع مستدفر عشان عمار ما كان في الحلقة. طبعاً كانت بتمزح لكن عاقبناها بإننا خليناها تسجل حلقة للبرنامج. موضوع الحلقة دار حول ليش الرسام ما بيسمي نفسه فنان، واللي تغني مو مغنية، واللي...

بمشاركة [ روان و نجد و دامع ] للأسبوع الثاني على التوالي عمار ورامي مازالوا مشغولين… وزي الأسبوع اللي راح الانشغال ما حيحرمكم من حلقة جديدة. هذه المرة أصدقائنا من بودكاست ”ترست أس“ واللي جزاهم الله خير فزعولنا بحلقة جديدة من بودكاست مستدفر. الرائعين روان ونجد ودامع أستولوا على برنامج مستدفر وسجلوا لنا حلقة هذا الأسبوع. إذا تحبوا تسمعوا برنامج ”ترست أس“ تلاقوا البرنامج عل الرابط: https://podcasts.a...

بمشاركة [سعيد الشامسي و عبدالله رافعة] الأسبوع هذا عمار ورامي انشغلوا شوية وما مداهم يسجلوا حلقة… لكن ما حبوا انه الانشغال يحرمكم من حلقة جديدة. فطلبوا فزعة من أصدقائهم البودكاسترز وجزاهم الله خير ساعدوا بدون أي تردد. الأكثر من رائع الدافور سعيد الشامسي مقدم برامج رووت كويست و أووف كويست سجل لنا حلقة هذا الأسبوع بمشاركة الفنان الدافور عبدالله رافعة مقدم برامج كرتون كرتون و ديزني فان. والإثنين قعدو...

بمشاركة [ فاطمة المهيري و عبدالله رافعة ] مجموعة من مستمعينا لهم فترة بيطالبوا بمشاركة صديقتنا الفنانة الإماراتية فاطمة المهيري مرة أخرى على البرنامج… وأخيراً قدرنا ننفذ الطلب بعد ما قررت تزورنا فاطمة في جدة بعد انقطاع. وكالعادة بوجود فاطمة وصديقنا الصدوق من برنامج كرتون كرتون الفنان عبدالله رافعة قعدنا ”نهذرب“ بدون موضوع محدد أو محاور واضحة للحديث.