Tamalaat, KNR

Filmiliornerup silarsuaa iserfigillatsiarparput, nunap inoqqaavi salliullugit oqaluttuartitsisartoq filmiliortartorlu Dennis Møller suliaqartarnermini misigisimasai ilaatigut tusarfigissavagut. Aallakaatitassiortoq: Ivalu Johansen.

Aalisarnerup piniarnerup silarsuaanit, qilalukkat qaammataat aallartittoq pillugu qilaluarniartarneq aalisartuuneq piniartuunerlu pillugit Svend-Peter petersen oqaloqatigaarput. Aaqqissuisoq: Kaaleeraq Møller Andersen

Moses Olsen, nunatsinni politikkikkut sunniuteqarluarsimasoq, ukiut 15-it matuma siorna qimaguttoq Nunatta Atuagaateqarfiani malunnartinneqartussanngormat, Moorsisip panii peqatigalugit angummik angusai, ataatatut tunniussai, taalliaalu sammineqassapput. Aallakaatitassiortoq: Andrea Christiansen

Anguteeraq Grønvold timmisartumi aquttunngornialernermi piareersaatia misigisailu siulliit pillugit oqaloqatigaarput. Aallakaatitassiortoq: Kaaleeraq Møller Andersen

Meeqqap inerikkiartornermini pisariaqartitai tunngaviusussat suuppat? Perorsaasoq Katrine Larsen Lennert tamanna pillugu oqaloqatigaarput. Aallakaatitassiortoq Malu Pedersen.

Danmarkimi Danish Rainbow Award peqatigiiffitsialattut toqqaavoq nunatsinneersut peqatigiiffik Sipineq+ ajungaatillugit. Peqatigiiffinngorneraniit ullumikkumut suliarineqarsimasut aammalu nersornaasigaanermi pisut tusarfigissavagut. Aallakaatitassiortoq: Dagmar Mørch Dalager

Ulluni makkunani tulliuttunilu Majoriaq sumiiffinni assigiinngitsuniit ilinniartitsisut ataatsimoorlutik pikkorissarput, pikkorissarfianniit toqqaannartumik alapernaaffigissavagut. Aallakaatitsisuussaaq Dagmar Mørch Dalager.

Ullumikkut kalaallit nipilersugaasa ullorivaat malunnartinneqartarporlu kalaallit nipilersugassiaannik ulloq naallugu atuilluni aallakaatitsineq. Tamanna pillugu Nipilersortartut Kattuffiata siulittaasuat Kiiu Olsen peqatigalugu kattuffiup suliniutai assigiinngitsut eqqartussavagut. Aallakaatitassiortoq: Dagmar Mørch Dalager

Neriuffiit Kattuffiat unnugu toqqaannartumik katersuiniarneq ingerlatissavaat. Neriuffiit Kattuffiani siulersuisuni ilaasortaq Nikolaj "Nikku" Ezekiassen peqatigalugu Katuami piareersartut peqatigaavut. Aallakaatitsisoq: Dagmar Mørch Dalager

Aviaq Grønvold oqaloqatigaarput namminersortutut aallartisarnera, suliffigisarsimasai misilittagaalu iserfigisarlugit. Aallakaatitassiortoq: Kaaleeraq Møller Andersen

Tamalaat aallakaatinnerani Allan Juhl peqatigalugu inuunermini suliffigisimasai suliarisarsimasaalu ullumikkullu suliarisartagai ilaatigut sammivagut. Aallakaatitassiortoq: Dagmar Mørch Dalager

Perorsaanerup silarsuaani oqaloqatigisartagarput perorsaasoq Katrine Larsen Lennert suliarisartagai suliffigisimasaalu eqqartussavagut. Aallakaatitassiortoq Malu Pedersen.

Soqutigisat assigiinngitsut aammalumi inooriaatsimut tunngasut assigiinngitsut Ajaaja Bech Jørgensen peqatigalugu namminersortutut ingerlataqarneq, timersornermik aallutaqarneq, aammallu nuersagassianik misussisarneq toqqaannartumik aallakaatitsilluta assigiinngitsut eqqartussavagut. Aallakaatitsisoq Dagmar Mørch Dalager

Nunarsuaq tamakkerlugu timersuummik Taekwon-Do-mik pissartanngorniunnermi Kazakstanimi ingerlanneqartumi kalaallit unammisartuini peqataasoq Lars Abelsen Lennert bronzennattoq tamalaami pulaartoraarput. Aallakaatitassiortoq Malu Pedersen.

Kalaallit nunaanni arsaattartut kattuffiat KAK assigiinngitsunik ulluni makkunani sulissuteqarpoq. Suliniutaat ilaat tamalaami eqqartussavarput. Aallakaatitassiortoq Malu Pedersen.

Meeqqap atualeqqaarnermini misigissusai pisariaqartitaalu perorsaasup isaanit sammivagut. Aallakaatitassiortoq Malu Pedersen.

Tamalaat Tekst: Mersortartoq namminersortoq Maren Clasen Poulsen - Nuunu, angerlarsimaffianut mersortarfiutigisumut pulaarparput, tassani mersortartuunerup silarsuaa ilaatigut eqqartorpagut. Aallakaatitassiortoq: Pipaluk Egede Poulsen.

Taallialerineq ilusilersorneqarnermigut assigiinngissitaartaqisoq, inuup soqutigisai atugaalu aallaavigalugit. Isiginnaartitsisartunngorniaq Qeqertarsuarmi inunngorlunilu peroriartortoq, Dina Fisker Sandgreen, ilisaritiutigalugu taalliortarnera pillugu oqaloqatigaarput. Aallakaatitassiortoq: Andrea Christiansen

Nunatta isiginnaartitsisarfianit isiginnaartitsisunngorniat inaarutaasumik isiginnaartitsinissaat qallivoq, tusagassiortunullu aggersaammata najuuppugut. Isiginnaagassialiorneq misigissutsitigut unammillernarsimasoq pillugu tusagaqassaagut. Aallakaatitassiortoq Malu Pedersen.