Suurchrut ond Praline

Fast gsund und zemmli monter mäude mer üs zrugg us de Fasnachtspouse. Die Lücke gfüllt hed de Voumond. Wöu ou de darf mer spinne und ned nome a de Fasnacht. Um de Fade ned z'verlüüre gahds natlos wiiter met tanti auguri - oder so. I dem Sinn Häbbi Börsdei Delilah, Neidin und allne wo mer je vergässe hend z'gratuliere. P.S.: Eifach dass ehrs ou mal gehört hend: MER SCHÄNKED ÜS NÜME! (So e...

Mer fiired höt 5 Jahr Friitig am Mäntig. Scheerz....mer hend üch nor wöue lo lose, wies richtig müesst töne (aso d'Gin ohni Stimm). Näbscht dem hemmer höt Suurchrut und Praline behandlet und es Resümeee vo de Folg metem Luca zoge. De Räscht vo de Folg hemmer met Rotwii, schlächtem Humor und unnötige Zuesatzschloufe gföut. Aso sozsäge Service Public. #bittegärngscheh

Ai ai Captain! Höt nemmt üs de Luca met uf hohi See! Är verzöut üs wie är zu sim Job als Gastgäber ufem Schiff cho esch ond wies Läbe hender de Kulisse usgseht. Ehr hend gfrogt...är hed gantwortet. Losed drii und chömed i Feriestimmig. ☀️🏖️ P.S.: Är esch Single – aber Aargauer 🤷🏼‍♀️

Agnetti nuovo benissimo oder so! Italienisch chömmer ned, das wösse mer etz ou dank emne liebe Suurlütli (Eizahl Suurlut?). Deför chömmer ou im neue Johr usgiebig öber üsi Suurchrut ond Praline brechte. Vo dene hemmer nämli e ganzi Hampfele voll.

Es wiehnächtelet scho zom zweite mol bi Suurchrut ond Praline. Das macht üs völlig onberechtigt Sorge, dass mer ned gnueg Material för die Folg hend. Do es chlises Wiehnachtsgedicht dezue: Mer fölled die Folg wie eh ond je, met üsne Suurchrut ond Praline Happy Crisis everyone!

Hött hemmers no devoo gha, das mer nömm so selled singe im Podcast wöus haut gar ned sooo guet tönt aube. Gesagt - nicht getan. Drom geds hött leider ganz e asträngendi Foug för üch. #sorrynotsorry #humorimchor

Es werd weder einisch wöud. Mer säge nome aaschnaue und feschthebe. Vo Storm i de Liebi zu Storm uf de Strasse esch aues debi. Em grosse und ganze es huere Gstörm. I diesem Sinne - ab in die Rinne!

Mer hend süesse Bsuech öberchoo! De Wallischer Sändu hed üs e Jahresjubiläumstorte verbii brunge - ond si esch emfau de Wahnsinn gse! Und ja richtig gläse! Suurchrut ond Praline geds scho eis Jahr! Mer Hostie wetted üs uf dem Wäg ganz härzlech bi üch bedanke, dass er üs scho eis Jahr lang ushalted! Ganz vöu Liebi gahd use a üch! Üchi Lisa, Nadine ond Delia <3

D'Nadine esch zrugg us de Ferie und glich nie deheime. Sie hechtet lieber diräkt i alli Pralines vo de Lisa. Was d'Delia macht? Grosipünkt sammle, wär hetts dänkt. 👵🏼 Sie esch nämmli eifach froh, dass sie am Sonntig Abe rächtziitig deheime esch. Aber ou d'Delia hed ehri Chrüüzfahrtschiffstorys. Wie die töned – losed drii! 🥳

....Spass! Stangesellerie ist beste Leben. Auso wenner mal wend probiere - eifach bi de Delia mäude. Sie hed sicher no es Strüüsli für üch förig. Wöu mer sovöu negativs Gmües gha hend, hemmer deför ned so vöu Suurchrüütli behandlet. Bi de Pralines hemmer deför ned gspart drom semmer so feiss.

Vor de höttige Folg hemmer üs gfrogt: Welli Themene send eigentlech die beste? Rechtig, üchi Themene. Drom hemmer eifach chorzerhand üch lo üsi Folg plane. Vöu Froge (vorauem vom Gäbu) send zämechoo - üchi Hostie hend fascht of keini en Antwort gwösst. Natürlech hend mer aber ou usgiebig öber Pralines wie Live-Podcasts ond Busfahrte, aber ou öber Suurchrütlis brechtet. Zom Bispel: Fast schwanger #...

Öber Schwangerschafte, Trennige und Dönnschiss. Was före struubi Kombi, ned? Wie jedi vo üsne Fouge esch ou die es maximals Chaos för üchi Ohre. Äbeso hemmer es neus Quiz  iibout, wod d'Delia siidefiin grockt hed. Mer mögeds ehre natürlech vo Härze gönne. 🥲 NIIICHT!

D'Judith (15ni) ond mer hend de Fade verlore. Die ganz Foug sueche mer ne ond fende ne eifach ned. Im Gägesatz zo üs het ne d'Judith hoffentlech weder gfonde. Mer hend deför öbbis gfonde: ond zwar hemmer im Gäbu sini Band super gfonde. Hehehe. Super Musig, aber Scheiss Schnetzu. Wöu Pan nada. Pan nada intended. Hehehe. #suurlüütli

Mer gänd üs emmer so Müeh, aber es het no nie öbber Danke gseit för die huere Schiss caption. Aber falls du glich do besch ond das gniessisch: merci. Ond es god om Ufgabe, Stress, Festivals ond Chend. So. Gsänder, üsi Captions send doch lostig. Ned?

Es werd heiss i dere neue Folg. Es god om Füür, Füür ond nomou Füür. Nor für üch. Hehe. Schnöu en anderi Frog: Wär liest das öberhoupt? Do no paar Songs met Füür: s'Füür vode Sehnsucht, Girl on fire, i'm on fire, fire, mer send vode Füürwehr...Fireball. Dü rü tü türü tü! Uh, wenn mer e Playlist hätted....das ged weder Zündstoff! 🔥

D'Lisa esch endlich weder zrogg! Das finde mer super. Was hingäge die Woche üsi Suurchrütli send? Es beschäftige üs weder einisch Chläbnägu, Handys und schlafendi Lüüt uf Langstreckeflüg. WIE CHAMMER NOME?!? Das stresst schiinds es paar Mönsche meh aus 3 Woche kei Koffer z'haa. 

De Lönz esch emmer no z'Hawaii, während d'Nadine ond d'Delia munter d'Stöuig hauted. Aber ganz im Stich lohd üs d'Lisa ned, sie het üs nämli es paar Froge vo Wauwu us gstöut. Ond so eifach esch üsi ersti internäschenel Folg entstande. Vo Badevorliebe, öber Nationalfisch bis zu Lieblingskönstler hemmer vöu z'bespräche gha.

D'Lisa hed üs de Rögge zuekehrt und esch uf Hawaii abghoue...die Zwätschge....Spass mer möges der fasch chli gönne Lönz. Deför hemmer e gäbelige Ersatz gfunde üse Meme Master de Gäbu....wenn er Mehr wönnd ghöre – ombedingt driilose. (Das war ein Wortspiel meine Damen und Herren)

Ändlech Sommer! Zom die wonderbari Jahreszit ilüte, gämmer üch ganz vöu «höufrichi» Tipps. Spoiler: gäge Sonnebrand höuft, us de Sonne z'go. Wechtig: vööööööuuu meh Apéro. Like and follow for more.

Dank de Delia hemmer Znacht gha – Dank em Chregu hemmer gnueg gha. Merci a üse Ussekorespondänt wo luegt, dass mer uf üsi Kaloriezahl chöme. Vougfrässe heds de vöu schlächti Wortspöu zur Foug gä. Mer hend i Chindheitserinnerige gschwelgt und üs aber ou a de Vorteil vom Erwachse sii erfreut. Aues i auem e wöude Mix. P.S.: Was esch üche Troumbruef? PPS.: Loufts bi öich? PPPS.: Aso uf em WC? PPPPS.:...

Mer rede metem Räffu alias DJ REF JD über sis Daily Business, Vorwürf wo sech jede DJ muess alose und wieso as es mau cha si, dass e DJ d'Ouge ab der verdräiht.  En lehrrichi Foug för jede Partygänger und aui wos wend wärde.

D'Delia ond d'Nadine hend sech bi dem Titel kreativ betätigt. D'Lisa wett sech gärn öffentlich devo distanziere. I was mer üs einig sind, mer hoffe ehr hend es schöns Osterweekend gha. #lisaout#micdrop

Da chönnt etz e sneaky Caption stah. Leider hemmer üs i dere Ziit, wo mer se hätte söue schriibe nonstop Sticker gschickt und es esch nüd gschiids usechoo.... Drom üsi Empfählig vom Tag: Eifach driilose und gniesse ;) In diesem Sinne: Lorem Ipsum.

Creepy cheibe gschichte geds dasmau uf Vorrat. Mer hend üch gfrogt – er hend glieferet – ond wie!! Spannendi, gruselige und underhaltsami Gschichte bietet üsi Jubiläumsfolg. Mer wönsched vöu Spass und empfähled üch die eventuell ned vorem Schloofe z'lose. 

Wie weiss mer, dass mer's gschafft hed? Mer kassiert en erschte Shitstorm und muess sech met Konfliktmanagement usenand setze. För das hemmer PR-Aline müesse istelle (PRaline – checksch?). Näbscht schlächte Bewärtige hemmer ou schlächti Froge  ond no vöu schlächteri Antworte parat. Alles in allem: Chame inelose – muess mer aber ned.