Spiuchuchi

Es isch wieder sowiit: Dr bekanntischt Priis i üsem Hobby-Segment wird im Juli vergäh u mir wei euch üsi Meinig zu de nominierte Spili gäh u o chli orakle wär chönnt gwinne. U natürlech si mer i vilem wieder nid glicher Meinig ;-) Viu Spass!

I üsem zwöite Monetsrückblick blicke mer uf viu Spiuerläbnis zrugg und tüe drüber philosophiere. Fougendi Spiu si das mau uf dr Spiischarte: Spirit Island | Perfect Match | Black Angel | Tapestry | Res Arcana | Nova Luna | Ecos – Der erste Kontinent | Underwater Cities | Orleans Koop. | Watergate | My City

Mir dürläbe aktuell schwierigi Ziite u mir wei öich i dere Foug paar Spiutipps gäh damit der trotz “Social distancing” trotzdäm chöit mitenang spile. Mir rede das mau über fougendi Spiu: Welcome to... | Corinth | Railroad Ink | Trails of Tucana | Just one | Codenames (Duet) | Robinson Crusoe | Der weisse Hai | Quacksalber von Quedlingburg | Heldentaude | Div. Solospiu | Viu Spass u bliibet gsung!

ACHTUNG: Üsi ersti Foug hei mer wäg Corona über Skype müesse ufnäh u wiederspieglet deshaub nid d' Soundqualität wo mer süsch hei. Ab dr dritte Spiuchuchi-Foug wirds besser ;-) | Zum erschte mau sitze dr Adrian u dr Marcos i dr Spiuchuchi (ok.. das mau nid ganz ;-)) u rede über z‘ schönste Hobby vor Wäut. Über fougendi Spiu brichte mer: Paladine des Westfrankenreichs | Villainous | Spicy | Empires...