Serbski Buschfunk

Comedy DE ↓ 101 episodes

Prěni serbsko-rěčny podcast wo wjetšich a mjeńšich njewažnosćach žiwjenja, Bohu to knjezu a wulkej serbskej politice a towaršnosći. Grawoćiwy wuraz a gramatika inkluziwnaj! Wjele wjesela z Danielom a Jakubom

Author

Serbski Buschfunk

Episodes

#50 SPECIAL Folklorny festiwal w Hochozy 08.07.2023 33:52

Skónčnje wón to je: Folklorny festiwal! A wězo pytataj Daniel a Jakub za zajimawymi stawizničkami, kotrež wopytowar takle scyła njezhoni. To jedne je nětko hižo jasne: Folklorne skupiny su hórše hač kóžda znata rockowa skupina. A tež to je wažne: při natočenju njeje so ani kapka alkohola piła!

#49 Folklora, Sorben gegen Deutschland a Stara šula 05.07.2023 45:10

Što da, Folklorny festiwal steji před durjemi? Aha - snano syda bórze SPECIAL k tomu? Nimo toho smy wo Chróšćanskich muzikantow, Serbskeho Sejma a wyšej šule "Mina Witkojc" w Bórkowach rěčeli. A wězo je tež najnowši album "Noweje doby" tema. Zapiknyć? To je winowatosć!

#48 Žana reakcija w Bórkowach, wučerjo vs. šulerjo a 7 serbskich kralow 29.06.2023 34:39

Jakub so poći, sedźo w awće na wulkim festiwalu. A samo tam nowinki z Łužicy dopowědaja, tak zo syda najnowša epizoda Serbskeho Buschfunka - aktualnje kaž přeco a zabawny kaž hišće ženi.

#47 Klóšter, wokrjes vs. Serbja? a Ljubljana 25.06.2023 37:58

Klóšter ma narodniny, runje tak kaž Serbski Buschfunk! Kotre dźělitaj Daniel a Jakub z tym? Je Dawid Statnik za skrótšenje połneho městna serbskeje społnomócnjenu za serbske naležnosće wokrjesa Budyšina? A kak je poprawom tajka chórowa jězba z 1. Serbskej kulturnej brigadu? Tute prašenja spytamy w našim najnowšim wudaću wotmołwić.

#46 Wěra bjez cyrkwje, krej a monstery, wulka suchota 17.06.2023 38:38

JUBILEJNA EPIZODA - hižo lěto dołho Daniel a Jakub wo aktualnych temach informuja, sej wosebitych hosći přeproša a haj - husto hdy tež hłupy kał kusaja... W najnowšej epizodźe dźe wo wěru bjez cyrkwje, wo darjenje kreje, wo lěćne dźiwadło w Budyšinje a wo běžite złoto přichoda : wodu.

#45 Tykanc, Wěda a Slavia marš 09.06.2023 38:03

Kajki to kónc tydźenja, TDDK přeprosy na sympozij, tójšto party a dowol za Jakub a Daniela. Staj wšitko zapasłoj, štož je so we Łužicy wotměło? Wězo nic, derje informowani (abo tež nic) staj mikrofon z kófra hrabnyłoj...

#44 Wěrnosć Krabata, Bajowe nocy a błyskać fuk 01.06.2023 39:30

Snano sće to w Deutschlandfunk Kultur tež słyšeli? Je něšto noweho wokoło Krabata a jeho pozdatneje wěrnosće. Dale hladamy na zarjadowanja wokoło Swjatkow inkluziwnje wobchadnych pokiwow ;)

#43 Łužiski ARTE, LND w ćežach a nowa rada 26.05.2023 45:01

Daniel a Jakub staj zaso raz w nowinach a rozhłosu słuchałoj, što wšitko do rjanych temow je - a su sej najzajimawše wupytali. Wosebje łužiski ARTE sćelak Jakuba zahori, Dani powěda wo swojich dožiwjenjach w Załožboweje rady a rěčni motiwatorojo tola něšto wuskutkuja - abo?

#42 Rada čitarjow, kemšerjo a narodna drasta 19.05.2023 31:27

Tydźeń połneho wjesela nas wočakuje, mamy zaso tójšto k rozprawjenju! Tak hóršimoj so, zo njejsmoj w radźe čitarjow Serbskich nowinow, dale mamy namjet kak z kemšerjemi postupować, kiž njemóža jich awta parkować a: su Delnjoserbja tola ći lěpši Serbja?

#41 PaKu, prawy pjekar a festiwal 10.05.2023 34:40

Štó by to wěrił, po 40 epizodach woprawdźe dale dźe! Haj, je přeco hišće tójšto temow, přez kotrež hišće njejsmy rěčeli. Wšako je přeco dosć noweho na swěće. Serbski Buschfunk kaž přeco za was najzajimawše temy wupyta! Naposkać :)

#40 Wandalizm, JA a wiki 04.05.2023 48:45

Kajki to titul, kaž křinja połnych potajnosćow! Kluč k tutej rěka: Sej jubilejnu epizodu naposkać!

#39 INTRO!!! hłowna a nacije na šuli 27.04.2023 55:17

SKÒNČENJE smój zmištrowałoj - Serbski Buschfunk ma woprawdźe Intro - samo z hudźbu. Čłowjek njeby wěrił ale haj. Haleluja, zwóńće zwony, knjez je dobył! Dale rěčimy nadrobnje wo hłownej zhromadźiznje Domowiny, wo šuli w Braniborskej, hdźež maja prawicarski problem a wo knižnych wikach w Lipsku.

#38 Nalěćne začuća, zběžk a trenar 19.04.2023 36:57

Nalěćo je tu, słónco nós wohrěwa a da nam nowu energiju. Serski Buschfunk wam ju do wušow a do duše dycha. Serbski Buschunk - waš njeserozny portal za powěsće z Łužicy.

#37 Haleluja, Zorja a MENS/FUEN konflikt 13.04.2023 36:13

Kak su jutry běželi, hdźe je so wšudźe jěchało, kajke su nowe blady? Dale zaběži projekt Zorja - što to hišće raz bě? A wo tym je so na mjeńšinowej runinje disktuowało - Młodźina rebeluje. Abo tak podobneho...

#36 Dujerska, equal pay a nowy žurnalist 06.04.2023 38:06

Po specialu dźe dale ze zwukowym specialom, Dani klinči kaž zo by w pincy sedźał. Ale to nam znajmjenša zwostanje - stražna poł wěda a hłuposće. Piska dujerska skupina jenož dujersku hudźbu? Móže Jakub scyła koleso jězdźić? Equal pay pola Europeady? Tute wažne prašenja wotmołwimy w najnowšim wudaću Serbskeho Buschfunka.

#35 SPECIAL PopSorben meets Serbski Buschfunk 24.03.2023 1:05:32

Woni su sej jednu hodźinu časa za nas w přepjelnjenym časowym planje wuryli - MDR Pop Sorben su so nam před mikrofon zwažili. Krasna rozmołwa - kotruž měli sej na kóždy pad naposkać.

#34 Ultimatum, z klina twojeho a Nukčer 24.03.2023 38:03

ŠTÓ BY TO WĚRIŁ - zo so Serbski Buschfunk prěni raz woprawdźe wosobinsce napřećo sedźo natoči - tak rjec visavis. Cyła epizoda Daniel a Jakub - face to face! A wězo wažne temy ze serbskeje sfery, tójšto je so hibało. A samo njepřipowědźeny hósć ma krótki wustup w najnowšej epizodźe wašeho woblubowaneho podcasta!

#33 Sawrier, kupnica a šabraka 15.03.2023 39:18

Hłuboko do stawiznow našeho swěta so podamy, pokuknjemy spěšnje do Serbskeho domu a wotlećimy Łužicu - z hospodarskeho a sportoweho Wida. Krótkodowol z Danielom a Jakubom.

#32 Architektura, jejka a USA 08.03.2023 39:13

We Łužicy so něšto hiba, turizm rosće a na Lawskim arealu steji bórze serbski palast! Abo kak je Handrij Špitank spěwał: Sony su sony - su nadźija. Sonarjej Daniel a Jakub pak staj chětro optimistiskaj a hladataj samo do zašłosće. Kak staj w młodźinskim času jejka debili a kak bě to hišće raz z tymi wupućowarjemi do Ameriki? Waš najlubši podcast wam to powěda!

#31 Frankenstein, wodźik a Hagen 02.03.2023 34:46

Kulturnje kubłanaj drje Daniel a Jakub staj, tak prawje pokazać pak zmolom nic. Nimo Toho ma tón jedyn začinjeny nós a tamny techniske problemy - ničo noweho potajkim. Přiwšěm pisany bow łužiskich temow, kiž měli lačni připosłucharjo spěšnje wupić!

#30 Brum brum, True crime, sex 15.02.2023 41:06

Juhu, zaso jubilejna epizoda! Zaso raz poskićimy wulki potpurij serbskich temow: wot hospodarstwa, přez politiku do póstniskeho časa, hdźež je so ta abo tamna lubosćinska započinała. A to nic jenož w Kulowje ale tež w Lipsku. Helaw!

# 29 Serbski Grammy, jěchanje a nowe mjezwočo 09.02.2023 34:38

Je rano zahe, serbski rozhłós samo hišće w tutym času wusyła - a Daniel a Jakub podcast natočitaj. A haj, mučnotu słyšiš. Ničo za zło, temy su njehladajo na to pisane a čerstwe - kaž poprawom přeco! Tuž do noweho dnja z nowej epizodu wašeho najlubšeho (a jeničkeho) serbskeho podcasta :)

# 28 Clown, prezident a słónčko 03.02.2023 32:14

Sće wy hižo raz camprowali? Měnimoj, tak porjadnje? Snano lětsa zaso w Kulowje. To pak ma sće čas, najprjedy ma so ptači kwas, transferne koparske wiki a wólby w Čěskej wuhódnoćić. A na kóncu sydaja wutrobu hrějace stawiznički z dźěćatstwo. A to při tajkich temperaturach... Serbski Buschfunk was nutřkownje woćopli ;)

#27 Show, pěstowarnja a nowy modowy label 24.01.2023 41:41

Kónc januara - što drje so tam stała? Na na? Słódne časy, dźěćace reje a zbožowni dźědojo a wowki. Zbožowni su tež wunamakarce noweho modoweho labla a A4 so nětko tola njewutwari. To ma zaso něchtó swoje 5 min...

#26 Kak so woli abo nic, kulturne pokiwy a serbska konkurenca w januarje 18.01.2023 43:14

Što sej chceš, tež w dowolu so serbske temy a skandale kopja. Jenož derje, zo mamoj naju mikrofon a laptop přeco wšudźe sobu :) Tónkróć njeje nichtó z naju we Łužicy. Wot daloka so tak a tak lěpje z porstom na tamnych pokaza.