講SEN你知

小朋友啱啱放完暑假迎接開學，家長期待小朋友新一年嘅成長之外，都可能會擔心呢個暑假令佢哋好「心散」，投入唔到學習心態，甚至係扭計唔肯開學。協康會教育心理學家Vania，會一連四集同大家分享，可以點為小朋友開學做準備！ -- Hosting provided by SoundOn

除咗小朋友穿衣技巧，唔少家長都反映好擔心小朋友有其他自理困難，或令佢哋擔心嘅地方。小朋友自理能力涉及多個方面，當中亦有唔同因素會影響發展。今集繼續有協康會職業治療師Selina，分享自理訓練嘅角色，又會俾啲建議大家，幫助小朋友建立自理習慣！ -- Hosting provided by SoundOn

相信唔少家長都想提升小朋友嘅自理能力，例如係教識佢哋自己著衫、梳洗、去洗手間等。而唔少小朋友著衫都比較「論盡」，有時要靠家長或家傭代勞。但長遠又會唔會影響佢哋自理能力嘅發展，甚或係自信心呢？今集會有協康會職業治療師Selina，同大家傾吓影響幼兒穿衣技巧嘅因素同改善方法。8月仲有職業治療師舉辦嘅「幼兒穿衣樂 — 技能解鎖逐格睇」家長工作坊，有興趣嘅家長就唔好錯過喇！ 報名詳情： https://crmportal.heephong.org...

唔少家長都想小朋友分享多啲、講多啲，製造親子溝通機會，不過原來要小朋友投入參與呢個過程，或者有效咁延續溝通，都需要一啲技巧。今集協康會言語治療師Florence分享有咩小貼士，令家長及小朋友都可以達成呢個目標，又點先唔會有反效果呢？ -- Hosting provided by SoundOn

幼稚園嘅小朋友已經放緊暑假，有啲家長可能會好頭痕，唔知安排咩活動俾佢哋好。尤其係升小一嘅學童家長，都會擔心小朋友適應唔到新環境、新課程，可能希望佢哋把握假期追進度。但其實小朋友自己都會有壓力，甚至唔識表達。今集有協康會言語治療師Florence, 教大家點樣拎到平衡！ -- Hosting provided by SoundOn

唔少家長都會趁小朋友瞓覺前，講故仔或者讀圖書俾佢哋聽，除咗想增加小朋友詞彙及語言嘅認識，同時亦想製造每日嘅親子時間。不過小朋友又係咪真係識聽？揀咩書俾佢哋先至啱？一齊聽吓協康會言語治療師Florence講吓親子共讀嘅好處啦！ 協康會亦會喺7月17至23日參加書展（Hall 3G-B04），出售多款育兒天書及遊戲套裝，記得唔好錯過喇！ -- Hosting provided by SoundOn

青年精神健康不容忽視，上集就提到家長或照顧者可以多啲留意青年嘅情緒變化，及早察覺問題。今集繼續有協康會臨床心理學家Rhonda，講吓協康會或社會上，有咩服務幫到呢班青年，當佢哋有需要時可以搵咩機構幫手呢？社會大眾又可以點樣出一分力，了解青年嘅需要同接納佢哋？ -- Hosting provided by SoundOn

青年精神健康問題近日備受關注，如果唔及時察覺呢啲問題，對青年成長可能都會有負面的影響。而原來SEN青年更有較大機會伴隨精神健康問題。今集請到協康會臨床心理學家Rhonda，同大家講吓青年面對緊嘅精神壓力、SEN青年點解又會較容易出現呢啲情況？家長會唔會唔覺意輕視咗呢啲問題呢？ -- Hosting provided by SoundOn

身體協調係兒童發展嘅基礎能力，而當中腦部與身體各部分嘅聯繫都好重要，所以小朋友可以透過學習唔同嘅身體活動，激發佢哋腦仔嘅運作，從而促進身體協調。今集協康會物理治療師Amanda，會講吓有咩方法幫到小朋友，仲會介紹即將推出嘅「球其所好」協調技能遊戲套裝，令小朋友喺屋企都可以愉快進行訓練！ -- Hosting provided by SoundOn

日常生活中我哋會做各式各樣嘅活動，小至刷牙、洗面，大至踩單車、跑步等牽涉複雜的身體動作，我哋都需要良好的協調能力。但有啲小朋友動作唔靈活，或者論論盡盡咁，可能係平衡及協調能力方面出現了障礙，亦即係發展協調障礙，物理治療師可以點幫到佢哋？一齊聽下Amanda點講！ -- Hosting provided by SoundOn

自閉症小朋友嘅溝通技巧冇一般人咁叻，仲因為咁識朋友都好難。上集就分享運動對自閉症小朋友嘅好處，今集繼續有協康會物理治療師Amanda，同我哋傾吓運動點樣改善到社交，過程中又有咩方法可以改善小朋友嘅運動技巧？ -- Hosting provided by SoundOn

一般家長覺得自閉症小朋友只有言語溝通或固執行為嘅問題，但近年研究和統計都發現，佢哋喺動作協調及大肌肉發展方面都有遲緩或困難。今集請來協康會物理治療師Amanda，同大家分享運動對自閉症小朋友嘅益處，咩類型嘅運動又適合佢哋參與呢？如果想你嘅小朋友都郁多啲，就唔好錯過喇！ -- Hosting provided by SoundOn

小朋友可以透過玩玩具和玩遊戲，學習運用身體唔同部分，包括手、腳、眼、等，從而可以訓練手眼協調、小手肌嘅發展。今集繼續有協康會職業治療師，講吓幼兒小手肌點解咁重要，亦教家長點樣把握小朋友0至6歲小肌肉發展黃金期，激發佢哋嘅潛能！ -- Hosting provided by SoundOn

小朋友鍾意玩玩具，唔單止係佢哋娛樂同消遣嘅一部分，原來仲有助小朋友認知、社交、情感等各方面嘅發展，為佢地將來嘅學習奠定基礎！今集有協康會職業治療師，講吓玩具對小朋友嘅益處，以及教家長揀啱玩具，齊齊寓樂於教！ -- Hosting provided by SoundOn

小朋友寫字唔止要識得「執筆」，仲要「眼利」，原來眼球控制同書寫能力息息相關，例如能唔能夠一邊望著白板、一邊抄寫等等。如果跟唔上，就可能會出現寫漏或讀漏字的問題。一齊聽下協康會職業治療師Yuki點講！協康會嚟緊都會舉辦相關的小組訓練，詳情可參考： https://slp.heephong.org/eng/files/news/1535/OM%20application%20form%20for%20screening%20and%20group%202024_updated%2022042024.pdf -- Hosting provided by Sound...

當發現小朋友學寫字嘅進度未如理想，可能要盡快尋找專業幫助！職業治療師有唔同訓練可以改善小朋友嘅寫前同寫字技巧。今集協康會職業治療師Yuki仲會俾啲貼士家長，咁喺日常生活中都可以幫到小朋友！更多詳情可參考： https://www.heephong.org/tools-and-resources/publications/child-development/the-smart-way-to-write -- Hosting provided by SoundOn

教小朋友寫字真係一啲都唔簡單㗎！由筆劃順序，去到寫字力度，都有要留意嘅地方㗎！今集繼續有協康會職業治療師Yuki，同大家分享小朋友嘅書寫發展進程，可以睇吓小朋友進度達唔達標！更多詳情可參考： https://jc-ireadilearn.heephong.org/directory/ -- Hosting provided by SoundOn

唔少家長都好關心小朋友嘅書寫發展，就連用邊隻手揸筆都好緊張！咁如果小朋友用左手揸筆，需唔需要刻意糾正？兩隻手都用又點算呢？原來小朋友都有自己嘅主用手，一齊聽下協康會職業治療師Yuki點講啦！更多詳情可參考： https://www.heephong.org/page/detail/251463 -- Hosting provided by SoundOn

自閉症人士有唔同程度嘅社交障礙，最大成因能係心智解讀能力不足，即係唔識睇人眉頭眼額。今集本會教育心理學家Chloe，會俾啲建議家長！原來仲新出咗一個應用程式，可以幫到呢班小朋友認識情緒！ -- Hosting provided by SoundOn

小朋友有自閉症，唔識得表達自己，對社交、學業都有好大影響，家長固然好擔心，但係隨著自閉症小朋友成長，踏入社會可能面對更加多挑戰。一齊聽吓本會教育心理學家Chloe嘅分享，仲有啲貼士俾大家，學習接納自閉症人士！ -- Hosting provided by SoundOn

協康會喺每年4月第一個星期，都會舉辦「協康會自閉症關注周」，今年以「誰都可發光 只要找對地方」為主題，舉行一系列活動，希望大眾更認識自閉症！今集會同大家講解吓自閉症人士的特徵、如果家長懷疑小朋友係自閉症，又可以點做呢？一齊聽吓本會教育心理學家Chloe點講！ -- Hosting provided by SoundOn

部分SEN青年在外觀上和一般人無異，但因為一些特質和行為，容易產生誤會。今集繼續有協康會賽馬會共創可能計劃項目經理Elsie，和大家分享真實個案故事，一起了解SEN青年的另一面！ -- Hosting provided by SoundOn

SEN青年長大後，會面對更多就業和經濟的困難，家長反而擔心他們欠缺獨立性，不懂得照顧自己，負擔因而加重。今集協康會賽馬會共創可能計劃項目經理Elsie會和大家分享，有甚麼活動可以幫到這班青年和家長。 -- Hosting provided by SoundOn

協康會「躍動成長路ADHD學童執行功能訓練計劃」入面，言語治療師利用專注法寶，例如「金剛箍」、「防護罩」等視覺提示，令聽覺專注同記憶力唔足夠嘅ADHD兒童加強溝通同執行功能。記得收聽負責計劃嘅言語治療師Janice 介紹喇！ -- Hosting provided by SoundOn

ADHD兒童因為執行功能缺損，令佢哋容易分心、坐唔定又冇時停，部分仲會容易發脾氣，喺社交方面都有困難。協康會推出嘅「躍動成長路ADHD學童執行功能訓練計劃」，其中包括言語治療師嘅針對性訓練。記得收聽負責計劃嘅言語治療師Janice 講解喇！ -- Hosting provided by SoundOn