SBS Samoan - SBS Samoan

A mae'a ona tipi le lafoga mai lou totogi ma faaopoopo iai isi tupe maua a lou aiga, o le aofa'i e totoe mai ai e fai ai lau faasoa e faaigoaina o le disposable income.

O loo su'esu'eina se faasea a nisi o le 'aufaigaluega sinia o le faaputuga tupe le NPF i Samoa e faasino i le pule faatonu o le faalapotopotoga.

O le fua o faiga faatemokarasi a le faalapotopotoga le Bertelsmann Stiftung Foundation i Siamani na aofia ai le sa'olotoga i faasalalauga (press freedom), ma le amiotonu ma manino o faiga palota.

Ua faatuina e Amerika se lafo i le fono o le puipuiga a malo 'aufaatasi le UN Security Council, e taofia le tumau ai le taua i le va o Isara'elu ma Hamas ae faasao fesoasoani o mea'ai ma vaila'au o togafitiga i tagata sivili i le Gaza Strip.

Na pasia i le vaiaso nei i le palemene setete o New South Wales tulafono e faasaina ai lotu ma Ekalesia ona faia tala'iga ma a'oa'oga e faamalosia ai ona liliu se tagata mai le itupa o loo lilifa iai, le gay conversion therapy.

E faalua i le vaiaso ona tui le toto o Joseph Ratana, o lana taulaga e foa'i i le lavea'ina o isi tagata e fia maua le itu'aiga toto lea mo togafitiga o gasegase e aofia ai le kanesa i tamaiti.

I Ausetalia nei, na faaalia e tagata muamua i 'au'aunaga soifua maloloina le ta'atele o le kanesa o le mama ona o le to'atele pea o tagata muamua o loo ulaula tapa'a pe a faatusa i isi tagata i le atunu'u.

I se nofoaga e tausi ai tagata matutua ua a'afia i le galogalo poo le dementia, ua faata'ita'i ai le fa'aaogaina o se masini ua faapolokalameina ma se mafaufau poo le artificial intelligence.

O se faatalanoaga i se Televise i Peretania na saunoa ai Donald Trump e le tele sona silafia ia Kevin Rudd, ae i lona manatu e le o se tagata atamai ma e le tele se avanoa e nofo ai i Amerika ma tau'aveina le tofi pe a manumalo (Trump) i palota o loma nei.

O se tasi lenei o talitonuga faatapua'iga o loo sili ona sauaina, ae maise i Iran, le Faatuatuaga Baha'i. E pei ona silafia, ua tele tausaga talu ona talia i Samoa le Faatuatuaga Baha'i, ma o se tasi na tapua'i ai o le Tapa'au Fa'asisina, le Susuga ia Malietoa Tanumafili II.

Na fesiligia e le ta'ita'i o le itu-agai o le palemene o Samoa, Tuila'epa Sailele Malielegaoi, le palemia i le moni o ni faamatalaga na ia maua i le fono faitulafono a Amelika Samoa o loo ta'ua ai le faamatu'u atu e le malo Samoa o se 400 'eka i Togitogiga mo se faato'aga lafu povi a le teritori. Na tali le palemia, Fiame Naomi Mata'afa, masalo o se fake news, ona pau 'ele'ele o loo aofia i feutag...

O le Aso Faraile o le vaiaso nei na atoa tonu iai le 5 tausaga talu ona osofa'ia e se tagata malumalu o le tapua'iga Isalama i Christchurch i Aotearoa Niu Sila. O loo iloiloina pea tulafono i Niu Sila i le umia sa'oloto e tagata sivili o 'a'upega malolosi poo semi-automatic weapons.

Understanding the diversity within the First Nations of Australia is crucial when engaging with Aboriginal and Torres Strait Islander peoples and building meaningful relationships. - E taua ona malamalama i aganu'u 'ese'ese a tagata muamua i le tausia o le va fealoa'i ma tagata Aboriginal ma atumotu o le Torres Strait Islands.

Tui iai sina gel e faaputa ma faafelesi ai, poo sina grape juice e faatumu ai fagu uaina, poo le faasalalau o se suau'u avoka ae na o le sefulu pasene o le suau'u e aumai i avoka, poo le palu faatasi iai o ni lanu (food colouring) e fa'a'aulelei ai se mea'ai poo se meainu. Ae faapefea lu'au e 'afa le pe'epe'e ma le 'afa o le corn starch poo le falaoa mata?

E ST$25 miliona le tau o le galuega e fausia ai le maketi fou i Savalalo lea ua leva ona avanoa le fanua talu mai ona mu i le malaia le maketi tuai na iai. O le vaiaso nei na suaina ai le 'ele'ele i se sauniga na auai iai le palemia o Samoa Fiame Naomi Mata'afa ina ua sainia le feagaiga i le va o le malo ma le kamupani na manumalo i tauofoga mo le galuega.

Na auai atu iai le komesina o leoleo, Karen Webb, ma le palemia setete o New South Wales, Chris Minns. Na faaalia e Chris Minns i le ABC, o le a faaofi i le palemene o NSW se tulafono e faasaina ai faiga o le faamalosi ona liliu se tagata poo le conversion therapy.

E 16 setete ma le teritori e tasi na palota i le Super Tuesday, ma e ui ina fulisia le vaega a le Democrats i le lagolagoina o Joe Biden, o loo iai popolega i le tulaga maualalo o le aofa'i o tagata na lafo a latou palota. Na o le 14% o tagata e agava'a ma mafai ona palota na auai ma lafo palota i le Super Tuesday.

E atoa tonu i le Aso Faraile nei (Aso 8 Mati) le 10 tausaga talu ona le toe maua se faamatalaga poo se feso'ota'iga ma le malaga MH370 a le kamupani va'alele a Malaysian Airlines talu ona tu'ua le malae va'alele i Kuala Lumpur mo lana malaga i le laumua o Saina i Beijing i le Aso 8 o Mati 2014. O le to'atele o le pasese o tagatanu'u o Saina, ae na iai ma tagatanu'u Ausetalia e to'a 6. Ua vala'au l...

Na faaalia e Alison Weatherstone o le Australian College of Midwives le tele o tulaga e lamatia ai le ola o se tina ma lana pepe pe a leai se foma'i poo se faatosaga e auai atu i le taimi e faafanau ai se pepe fou.

O loo te'ena e le sui faipule o Faasalele'aga 2 lona silafia o le lalolagi ua o'o iai le ST$150,000 o le vaega o le poloketi $miliona mo lona itumalo. Na ia faaalia o le tusi siaki mo tupe fa'aalu o le poloketi, o loo gafa taulima e le failautusi o le poloketi.

E 'ova i le to'a selau tagata sivili o Palesitina ua maliliu ina ua tafanaina e fitafita Isara'elu ae o lolofi e talia fesoasoani o mea'ai i le Gaza. O loo te'ena e le militari a Isara'elu tuua'iga.

O se auala ua sili ona ta'atele e fetaui ai tagata ma sa'ili ai pa'aga i luga o le 'upega o feso'ota'iga. Peita'i ua avea fo'i ma auala e faia ai faiga solitulafono ma sauaina ai fanau. Ua aumaia ai lapata'iga mai le malo i kamupani o loo faafoeina pisinisi 'dating apps' ina ia faatulagaina auala mo le puipuia o fanau. O matua e sili ona lamatia ai a latou fanau, o matua e sa'ili pa'aga i dating a...

O le 30 pasene o tagata matutua i Ausetalia e ono a'afia i le tanesusu o tagata matutua, le shingles. O le tanesusu lenei e mafua mai i le vairusi o le chickenpox, le tanesusu lea e masani ona maua ai tamaiti. O auga o le shingles e aofia ai le matua tiga o le pa'u, vaivai ma le fiva.

Ua tau'a'aoina i le palemia ma le ofisa o sulufa'iga i Samoa se tusi a matua o le taule'ale'a lea na maliu i se faalavelave tau ta'avale i le alatele i Samoa i le 2021, o loo faaalia ai le agaga faanoanoa ma mafatia i le tulaga na faafoeina ai e leoleo le su'esu'ega o le mafua'aga o le maliu o lo la alo, atoa ai le tele o faasalalauga so'ona fai i luga o feso'ota'iga tele vavave i le mata'upu.

Ua molia e leoleo i Western Australia Christopher Saunders, na tau'aveina le tofi Bishop i Broome i Western Australia, i moliaga e 19 e aofia ai le faia o feusua'iga faamalosi ma tamaiti i se periota e 20 tausaga i Broome ma nisi palisi i Western Australia. O nisi o molimau ma tuua'iga na maua mai se su'esu'ega a le pulega o le Ekalesia ma na latou tu'uina i leoleo.