Radiomi aallakaatitassiat, KNR

MANUp silarsuaa pulaterfigalugu ilaatigut angajoqqaajoriaatsit meeqqanullu atuakkat assiginngitsut sammillugit. Ullumikkullu qinngasaarisarneq pimmatiginnittarnerlu sammivarput. Aallakaatitassiortoq: Dagmar Mørch Dalager

Inuusuttunnguulluni George Stagersimasoq massakkullu Kystskipperitut ilinniagalik Pilunnguaq Egede misigisalikkersaartipparput, ilaatigut soqutigisaanik ilinniagaanillu oqaluttuartillugu.  Aallakaatitassiortoq: Pilunnguaq Jørgensen.

Nuummi inngertartoqatigiit nalliuttorsiortut pilersaarutaat pillugit aammalu qilaatersorneq inngernerlu ullutsinni nutaaliaasumi killiffissiorlugit aallakaatitassiaq. Aaqqissuisoq: Andrea Christiansen.

Nipilersortarnerit pillugit eqqaamasanik oqaluttuartitsisarluni aallakaatitassiat qulinganni oqaluttuartinneqartut tassaapput: Ammooraq Egede, Martin Egede aamma Inge Elgaard Egede. Aallakaatassiortoq Frederik Lund.

Sapaatip akunnerata siuliata naanerani Sisimiuni inuusuttuaraq sakkortuumik persuttarneqarpq. Politiit innuttaasunit persutaasooqarnerata nalaani pisunik takunnissimasunit attavigineqaqqupput. Maanna persutaasqartarnera akiorniarumallugu Sisimiuni innuttaasut qisuariaateqarput. Aallakaatitassiortoq Frederik Lund.

Qatanngutigiit Knud aamma Karl Iversen 70-ikkut naalernerani arsaattartuusimasut taamatullu nunanut allanut unammisartuusimasut misigisalikkersaartillugit oqaluasaartippagut. Aallakaatitassiortoq: Uju Petersen.

Contemporary-mik qitillutik sungiusartut qanormita sungiusartarpat? NuQi-mi balletertartut sungiusarnerat malinnaavigalugulu apersorpavut, tassaniulu siungiusaasoq Ruth Montgomery-Andersen qanimut malinnaavigalugu. Aaqqissuisoq: Dagmar Mørch Dalager

Ukiortaaqqammerpat USA-mi kina præsidentitut ivertinneqassanersoq pillugu Amerikkamiut aqagu qinersisussanngorput. Qinersinissaq sutigut nunatsinnut soqutiginaateqarpa? Aamma kalaaliulluni USA-miilluni qinersisoqartussaanera qanoq misigisaqarfiua? Aallakaatitamik aqutsisoq Frederik Lund.

Ilinniartitaanermut Aqutsisoqarfik isumasioqatigiisitseqqammerpoq, peqataasut sisamat tusarniaavigalugillu killiffissiorneqarput. Aallakaatitassiortoralugu Andrea Christiansen.

Nuup immikkoortuani Avannarlerni qanga inuuneq Louise Petersen aamma Ari Martens peqatigalugit eqqartorparput, taamani Avannarlermiut illui, inuttaasalu kikkuuneri ilaatigut sammillutigit. Aallakaatitassiortoq Maliinannguaq Marcussen-Mølgaard

Ilisimatusarnerup silarsuaani aallaakaatitsinitsinni meqqutit sammissavagut. Uani Nukannguaq Mathiessen Inuiaat piorsarsimassusaat oqaluttuarisaanerani Bacheloritut suliaa qanoq imaqarnersoq alapernaaffigalugu sammineqarpoq. Aallakaatitassiortoq: Dagmar Mørch Dalager

Neriuffiit Kattuffiata ukiumoortumik katersuiniartarnera unnummut ingerlanneqartussanngorpoq. Katersuiniarnerup ingerlanneqarnerata TV-kkut aallakaatinneqarnerani aqutsisooqataasussaq Andreas Poulsen aamma Neriuffiit Kattuffianni allaffissornikkut aqutsisoq Bent Mølller oqaloqatigineqarput. Aaqqissuisoq Frederik Lund.

Ullumikkut aallakaatitsinissatsinni noqartarnermut tunngasumik sammisaqassaagut tassani oqaloqatigissavarput, Arnannguaq Rosing Olsen, Arnannguup ernera ataatsimik ukioqarluni ersittumik noqartalernera aallartippoq. Aqqutigisimasaannillu oqaluttuartipparput. Aallakaatitassiortoq: Pilunnguaq Jørgensen

Qarasaq timilu suleqatigiissillugit Frederik Brummerstedt ukioqqortusilaareeraluarluni arpannermik unammeqataasarnermini angusarissaartarpoq. Frederik aqqusaakkani assigiinngitsut pillugit misigisalikkersaartipparput. Aallakaatitassiortoq: Uju Petersen.

Nuup immikkoortuani Avannarlerni qanga inuuneq Louise Petersen aamma Ari Martens peqatigalugit eqqartorparput, taamani Avannarlermiut illui, inuttaasalu kikkuuneri aamma sammillutigit. Aallakaatitassiortoq Maliinannguaq Marcussen-Mølgaard

Uummannaq Uummannallu eqqaani oqaluttuarisaanermik takussutissat assigiinngitsut alapernaaffigaavut. Aallakaatitassiortoq: Dagmar Mørch Dalager

Nunatsinni suliffeqarfinnik aallarnisaaniartunut, ineriartortitsiniartunullu siunnersuinermik ingerlataqartoq Nalik Ventures A/S pulaarparput, tassanilu nunanut allanut tunnganerusunik siunnersuinermik suliaqartoq Gorm Geisler Vold oqaloqatigalugu. Aallakaatitassiortoq Maliinannguaq Marcussen-Mølgaard.

Meeqqat atuarfianni atuarnermi aqqusaagassat ilagaat suliffimmik misiliineq, ullumikkullu knr radiomi suleqatigisarput Najaaja Rossen Petersen oqaloqatigaarput - ilaatigut angalasarneranit timersortarneranillu oqaluttuartillugu. Aallakaatitassiortoq: Pilunnguaq Jørgensen.

Nunasiaataasimanerup kinguneri maannamullu inissisimavimmut killiffissiorneq nangillugu inuit assigiinngittunik tunuliaqutallit aggersarneqarput. Aallakaatitassiortoralugu Andrea Christiansen.

Nunatsinni epilepsiimik innarluutillit qarasaat qanormita misissorneqartarpat? Uani aallakaatitassiami noqartarnermik innarluuteqarneq sammineqarpoq, tassanilu Siila Reimer Geisler Vold oqaloqatigineqarpoq. Aallakaatitassiortoq: Pilunnguaq Jørgensen.

Isiginnaartitsisartoqarnerup nunatsinni ineriartortinneqarnera sammillugu aallakaatitat immikkoortuisa pingajuanni naggataannilu oqaloqatigineqarput Makka Kleist aamma Vivi Sørensen. Aaqqissuisoq Frederik Lund.

Kajumissutsimik ikiuunneq isumalerujussuuvoq, kalaaleqaterpullu Cecilia Josefsen Josenius Afrikami meeqqanik sullissilluni ikiuuppoq, misigisimasaanillu oqaluttuartipparput. Aallakaatitassiortoq: Pilunnguaq Jørgensen

Novembari naalerpat nunatsinni timmisartuussisarnerit tungaatigut pissutsit allat atuutsilissapput. Nuummi mittarfittaassap atulernissaata tungaanut piareersaatit killifffii pillugit oqaloqatigineqarpoq Air Greenland-imi Piujuartitsinermut Attaveqaqatigiinnermullu pisortaq, Inga Dora G. Markussen. Aaqqissuisoq Frederik Lund.