不想禁文藝

百貨公司咩都有得賣，如果連夢都可以採購嘅話，唔知你會想買咩夢呢？小說嘅吸引之處就係可以帶我哋逃離現實世界，跳入另一個世界感受一下。呢本書嘅內容雖然好天馬行空，但有完整嘅世界觀同埋人物背景，唔怪得 Leanne 話唔捨得睇曬本書，要慢慢「品嘗」三日！ 歡迎光臨夢境百貨～大家可能喺特價區會搵到有關三位岸久店長嘅夢🤣，聽完呢集夢到我哋唔好同我哋講。🥱 （其實今集應該叫發夢同書店岸久事吹水大會🤣） Highlight： 00:38...

不想禁文藝又有嘉賓啦，佢係獅墨書店嘅店長，同時仲係香港古事記嘅版主 Dexter！👏👏 講到香港歷史，多數都會集中喺城市以內，但原來長洲嘅歷史都係好有趣，好值得留意㗎！研究香港史嘅 Dexter，今集會為我哋介紹一本叫《一九二零年代長洲生活記趣》嘅書。究竟長洲以前嘅生活面貌係點？作者點解會畀我哋話係「鋼鐵直男」？同場仲會加映 Dexter 與石碑、四寶與墓碑嘅小故事，想知就一定要聽呢集！ 廣告時間～📢 Dexter 出年將會出一...

每個人都有情緒，但唔係每個人都識面對情緒。睇完呢本書就好似上完一堂情緒堂咁，我哋要先理解自己嘅情緒，然後再好好消化同處理當下嘅問題。 送呢集畀所有準備去接受諮商/有意去接受諮商/面對緊情緒問題嘅人。💝 Highlight： 00:32 介紹本書同角色嘅背景 04:44 兒童狀態：「自然型」&「適應型」 13:11 認識呢啲心理學 concepts 並唔係用嚟標籤人 14:17 父母狀態：「挑剔型」&「教養型」 17:56 最理想嘅狀態——「成人自我狀...

今集返嚟，繼續講AI～ 微軟推出嘅AI小冰，又係主播，又係歌手，又係財經評論人，又係顏值鑒定師，又識寫詩？！簡直係最強Slasher！ 究竟AI寫嘅詩可唔可以同人類寫嘅詩魚目混珠？啲藝術家又點樣用小冰輔助佢嘅創作？科技越嚟越發達，AI似乎越嚟越有「智能」，又點樣帶來對後人類理論嘅insight，以至令四寶反思到人類中心嘅問題？ 你覺得小冰嘅詩寫成點？歡迎大家upload張相畀小冰幫你寫返首詩，再DM畀我哋開心share！ Highlight： 0...

如果有日 AI 變到好似電話咁，各家各戶日日都有一個，你會想請佢幫你做咩呢？你會點看待你同佢嘅關係？係僕人？工具？機器？定係家人呢？如果你嘅 best friend 同你講，其實佢嘅真實身份係一個 AI，同你做朋友只係佢嘅 setting 嚟，你會有咩想法？ 我哋將會一連兩集同大家介紹有關 AI 嘅遊戲、電影同埋〇〇。至於〇〇係咩，留待下集揭曉！ 呢個話題討論性極高，歡迎 DM 我哋一齊討論討論。 Highlight： 00:37 Mola介紹遊戲《底特律...

9月頭，大坑嘅Side Space出現咗 “Hong Kong is boring” 幾隻大字，隔籬又有塊寫住 “Do Nothing.” 嘅巴士牌，令好多人唔忿氣，亦有本地街頭藝術家決定Do something去回應呢個作品。 話香港悶嘅其實係一位叫做Richie Culver嘅英國藝術家。喺呢一集，我哋一齊了解下佢嘅背景，由佢2019年引起爭議嘅作品 “Did You Cum Yet?” 出發，討論下大家同social media之間嘅關係，再講下我哋對今次喺大坑展出嘅作品有咩睇法！ 如果係你，你又會選...

人人都食嘢，唔通人人都識食嘢咩！你有冇諗過，其實好多時你食緊嘢嘅時候，都享受唔到進食嘅過程？ 今次講嘅《怎麼吃》，係「跟一行禪師過日常」系列嘅其中一本，裡面提到嘅「正念飲食」，可以幫助人重新體驗「食嘢」嘅美好，增加生命嘅厚度。 究竟咩係「食嘢」？「食嘢」係為咗啲咩？原來你食緊成個宇宙？錄完呢集完真係好想試下禪修呀！ Highlight： 00:46 一行禪師嘅背景 04:11 咩係正念飲食？食嘢就係食嘢！ 09:36 一個蘋果就...

「III級電影」即係鹹片？其實唔係所有色情電影都係III級電影，III級電影都唔一定有裸露鏡頭。今次介紹嘅三部電影風格完全唔同，上映嘅年份都唔同，但同樣有吸引之處。今次為大家介紹嘅有唯美的日本電影、意味深長的台灣電影同埋一部經典中嘅經典。除咗眼球衝擊同內心嘅震撼之外，III級電影帶比我哋嘅意義可能比想像中多⋯⋯ Highlight： 00:46 《火口的二人》：Lulu第一次去戲院睇嘅三級片 07:22 男主角好似一條蛇 08:18 Lulu覺得美...

柴崎幸主演嘅日劇《坡道上的家》，被稱為「反婚反育完美教材」，睇嘅時候最大感慨就係想打鳩個細路——講笑啫！🤪其實最大感慨係媽媽們湊仔嘅辛酸根本唔係你可以想像到嘅。 由仔女到老公到長輩到社會，媽媽嘅壓力來源真係好多。究竟「生仔要考牌」呢句說話，代表住點樣嘅一套社會價值？我哋應該跟隨社會嘅「普通」，定好似結衣BB嘅《逃避雖可恥但有用》噉，選擇建立一個「不普通」嘅家庭呢？ 由於時間關係，其實套劇仲有好多值得討論...

最近每一日都好熱，天氣越嚟越反常，我哋嘅生活都好似越嚟越多危機。如果你知道48小時之後人類會滅亡，你會做啲咩？ C AllStar喺上年出咗一隻概念大碟《人類世》，想像自己係地球嘅最後一代，用音樂去講末世嘅故事。「人類世」係一個未被正式認可嘅地質時期，講緊人類所做嘅嘢已經嚴重影響地球嘅環境（所以如果真係末世，諗下係邊個嘅問題，惡果仲要唔係人類獨自承受🥲）。喺呢隻專輯入面，C AllStar有時係AI，有時係其他動物，當...

自己嘅死亡無辦法提前經歷，只可以提前想像。 睇完呢本書後嘅感覺唔係「千祈唔可以死」，或者「死亡其實並唔係咁得人驚」呢啲一面倒嘅感受，反而本書係提醒我們喺生前好好認識死亡、想像死亡同理解死亡嘅意義。 死亡唔係威脅，死亡係生存嘅一部分，就等我哋一齊睇下作者想像嘅死後40種生活，再好好規劃下你所掌握嘅人生。 Highlight： 00:34 《死後四十種生活》簡介 03:05 〈總和 Sum〉 ：Lulu最愛嘅故事 05:55 〈朋友圈 Circle of...

喺九七主權移交25年後嘅今日，睇返當年陳果拍嘅《香港製造》，嗰種悲觀氛圍，好似仍持續至今。 主角中秋（李璨琛飾）因乜事打咁多架飛機落嚟？佢得到把⼿槍之後high到跳舞，到要殺人嘅時候又驚青到跌落山咁滯，究竟代表啲咩？點解啲主角去墳場開心過返屋企？佢阿爸又點樣中港融合？ 最後想問大家一個問題：你覺得香港製造咗啲咩呢？ Highlight： 02:20 介紹《香港製造》拍攝背景 04:08 情節梗概 08:03 人物背景 11:36 得5個人嘅cre...

登登登櫈！我哋嘅節目終於迎來第一位嘉賓，佢就係成日可以喺文學雜誌見到佢嘅新生代作家——王碧蔚！ 佢要介紹嘅遊戲《Outer Wilds》，除咗令佢愛上量子力學，仲幫助佢戰勝對死亡嘅恐懼，同埋令佢明白到追求知識嘅浪漫。究竟《Outer Wilds》係點樣啟發到王碧蔚有呢啲咁哲學嘅思考？棉花糖又點解會係遊戲嘅靈魂、精華所在？其他太空科幻電影同《Outer Wilds》對人類嘅睇法有咩唔同？ 總之，一句講晒：棉花糖，inevitable！ Highlight...

平時入去藝術館望住幅畫，大家可能淨係會留意到幅畫好靚、好逼真同埋好細緻。大家不妨去睇吓呢本神話入門書，相信你哋知道幅畫背後嘅故事之後，欣賞幅畫果陣一定會有另一番感受！大家可以DM我哋分享一啲更加「神奇」嘅神話故事🤣Lulu 表示好有興趣！ 🙏唔好意思，今集因為技術問題收音比較差，請大家見諒！🙇‍♂️下次一定會check好啲器材先！ Highlight： 00:44 Mola嘅中二過去 02:55 珠寶品牌Pandora個名竟然同災難有關？！ 10:40...

唔知大家記唔記得podcast第4集嘅Spotify年尾回顧入面，Mola講咗陳嘉係佢嘅年度之選，但其實成集都冇好好介紹過佢🤣。所以今次，Mola決定找數，出返成集講陳嘉。 今次Mola會介紹陳嘉嘅4首歌（但冇講到嘅都一樣高質！），講完之後連本身冇聽開陳嘉嘅四寶都抵擋唔到佢嘅魅力，忍唔住將啲歌放落自己嘅playlist，仲話後悔自己太遲認識呢個咁有才華嘅音樂人添呀！希望大家聽完呢集，都會同我哋三個一樣愛上陳嘉嘅音樂啦💋。 Highlight：...

細個會為咗追一套卡通片坐定定喺電視面前等，甚至會好似Mola噉朝早6點半起身追，果時嘅我哋真係好易滿足！雖然好多人都不想變大個，但現實中都冇得唔想架啦。🤣希望長大後嘅大家keep住咁有童真，留住細個果陣善良同單純嘅心；當諗起呢啲陪伴我哋成長嘅動畫時，亦可以獲得同怪魔對抗嘅力量。 Btw 聽我哋podcast 果陣要有紅色/粉紅色/橙色心心！❤️💓🧡 Highlight： 00:35 《魔界女王候補生》：你個心乜顏色？ 04:01 割韭菜噉割人心 0...

細個睇嘅動畫，有時到大個都會回味，就等我哋同大家分享下細個睇過咩印象深刻嘅動畫啦。 四寶號稱要帶上天堂無限loop嘅《銀魂》，除咗搞笑同無厘頭嘅金句之外，仲有啲咩魅力？阿銀同Madao呢兩個角色雖然頹廢，但又可以從佢哋身上得到好多啟發。希望大家聽完呢集之後，能夠學識Jacky Chan有幾多個鼻——啊唔係——我哋應該點樣面對人生嘅失敗同挫折，笑住向前行！ 01:04 簡介《銀魂》 07:54 四寶同阿爸一齊睇《銀魂》嘅回憶 11:10 《銀...

錄《匿名大象》呢集真係笑到肚痛，一定要出返集花絮留念，畀大家聽下我哋幕後嘅爆笑情況。🤣 Highlight： 00:13 Me! Me! 00:42 最佳原創電影歌曲〈大象與我〉嘅故事 04:01 荷里活大電影 04:18 錄音app bug咗，四寶個「感覺到」慘被autotune 04:30 女朋友差啲做咗主角阿嫲 04:52 Mola配音血淚史 06:27 噉就五十幾分鐘…… 06:42 《匿名大象》原本會係3D 07:41 噉就92分鐘…… 08:07 默契咩嚟㗎？食得㗎？ 08:35 一講四哥就口窒 08:54 中...

本地製作嘅動畫電影《匿名大象》衝出國際，又提名又攞獎，原來香港獨立動畫係咁勁！仲要Mola有份參與配音，呢套真係一定要介紹。究竟主角嘅家族同大象有咩關係？點解主角身邊成日出現大象圖案？套戲又點用音樂同顏色去塑造獨特嘅風格？大家一定要聽到最後，包保你覺得今集非常充實，獲益良多！🤪歡迎大家share畀朋友仔聽，等佢都感受下《匿名大象》背後嘅陰謀~ （因為限聚嘅關係，我哋今集唔可以一齊錄音，只可以各自分開用headpho...

繼續上集嘅話題，我哋今集會為大家介紹更多M+嘅藝術品。張洹又玩出格嘢，今次係同大自然融為一體。徐震同班friends喺條街度大嗌嘅行為藝術，fun到我哋都想玩埋一份，點知原來四寶都做過行為藝術，仲要係比艾未未啟發？！而Michael Joo就用盾牌折射參觀者對警民衝突嘅態度。總之，無論係畀人鬧，定畀人禁，呢班藝術家都令我哋睇到——藝術，就係要踩界！ Highlight： 00:21 張洹《為無名山增高一米》 02:10 對毛主席嘅愛，有如滔滔江...

西九嘅M+開咗咁耐，唔知大家有無去呢？M+而家閉緊館so sad，心喐喐想去嘅話，可以暫時聽住我哋嘅聲音導航。張培力對手套情有獨鍾，但真係睇到黑人問號，要搵海德格出嚟解畫；王興偉反思兩個國家嘅革命史有咩唔同；張洹犧牲「色相」，搞到個樣憨居居噉；陳羚羊仲要攞啲__嚟玩？！藝術真係好有趣，今集完全未夠喉，下集返嚟會繼續講M+，留意我哋消息啦！ Highlight： 01:23 張培力《X?》 05:32 海德格對藝術本源嘅睇法 10:35 王興偉...

烏拉圭作家愛德華多．加萊亞諾嘅《擁抱之書》，書寫拉丁美洲嘅政治創傷，今日再睇總係有種似曾相識之感。😢書入面嘅篇章短小精悍，平實得嚟又發人深省，有溝女溝到唔記得揸車嘅司機，亦有默不作聲地被捕嘅革命者，令你發笑又心痛。喺呢個極需要療癒嘅世道，不妨畀加萊亞諾嘅文字擁抱下你，繼而得到力量，去擁抱回憶同創傷。 Highlight： 01:01 作者及時代背景 03:34 由今日開始四寶就係仙氣擔當 10:17 溝女司機 12:23 原來大家都食...

如果真係可以「無痛失戀」，大家又願唔願意？Clementine同Joel簡直係火星撞地球，兩個性格南轅北轍嘅人居然愛上對方兩次？真係洗腦式戀愛！😂故事特別、選角選得好、鏡頭又靚……總之真係好好睇。雖然入面有N咁多金句，但Lulu 表示最鍾意嘅都係佢哋嘅Okok，睇穿曬對方啲衰嘢之後仲可以毫無保留咁愛對方，係真愛呀！ 嗱，唔好誤會，標題嘅「膠」係講緊我哋三個啊。因為呢集可能係我哋最好笑嗰集，千祈唔好飲住水聽。🤣 Highlight： 00...

Mola最愛嘅林家謙最近出咗新碟《SEVEN》，呢張專輯究竟有咩特別，令佢心花怒放要錄成集自肥表白？今集就由佢帶住社會學家Simon Frith對流行音樂嘅見解，同我哋一齊進入特倫斯嘅音樂仙境，喺充滿七個字嘅世界入面探險。喺呢一秒半秒，大家可以暫時放低對真假嘅執着。 雪國裡有雪獸滲奇香，香港都有好多音樂人滲奇香（？），無論你中意咩類型嘅音樂，總有一個啱你心水！ Highlight： 03:20 四寶的懺悔：流行音樂同身分 05:40 林家謙...

作為四寶同Mola想世世代代都咀爆嘅導演，今敏（Kon Satoshi）嘅電影究竟有咩咁吸引？今集就同大家傾吓佢嘅《千年女優》，由女性角度講到薛西弗斯同永劫回歸，由原節子講到楊丕琳（其實並唔關事😂），帶大家走進今敏——呢位窮其一生追求理想作品嘅偉大導演——嘅世界。 Highlight： 00:59 介紹今敏 07:13 劇情大要 09:02 電影背後嘅fun facts 12:36 由女性角度切入 16:30 我哋雖然唔係考取功名，但我哋都有堅定而美麗嘅眼神 17:58 點解...