新靈異世界

Ep 43 - 今次又想講多啲唔同嘅神同鬼，有陣時上面都未必一定全部都係好，下面又唔一定所有都係差嘅，又講吓到底地府同地獄有乜嘢分別~~ 13.11.2022 58:13 ↓

重有大家如果有機會見到鬼神的話，每個人睇到嘅都可能唔同樣，真係可以話係相由心生~~

Ep 42 - 今次轉下講改名，中文果然博大精深，最估唔到係阿In原來識咁多字，重以為我哋兩個都唔識字架嘛~~ 30.10.2022 36:03 ↓

同場加影幫人擇時辰吉日，都唔知已經第幾次一講就中，人怪就係咁，真係唔抵得阿In~~

Ep 41 - 今次係阿In講故仔，竟然係講宇宙點樣開始！唔知聽完大家覺得點呢~ 16.10.2022 48:23 ↓

呢次真係要大家自己去理解下嘞，不喜盡插，我哋都係敍述唔識答架嘞~

Ep 40 - 今次我哋繼續講續夢，仲勾起番阿In幾年前探靈之後接收到嘅夢，重點係幾年前冇解決到，宜家可能係時候嘞~~ 02.10.2022 47:38 ↓

令外一個夢真係幾慘同埋可憐，好現實嘅社會悲劇，真心希望唔好再發生~

Ep 39 - 今次講吓阿In以前未通嘅時候啲鬼鬼係點樣報夢比佢嘅呢？夢入面又係點樣搵佢幫手？感覺好似打機咁~~ 18.09.2022 59:40 ↓

原來報夢都有得分段，方便解釋唔同嘅時間同環境，應該算係續夢嘅一種~

Ep 38 – 今次想同眾神宣傳吓，其實唔單止幾位出名嘅神厲害，例如黃大仙、關公、觀音、車公等等。原來重有好多中外嘅神都好厲害，各自都有好強嘅能力架~ 04.09.2022 1:09:33 ↓

我哋都想講其實神都有機會出少錯嘅，更加覺得佢哋都會間唔中搶下job，甚至有啲bromance感覺嘅關係添~

Ep 37 - 雖然呢集出街農曆七月已經就快過，不過我哋係都要講多集先高興，會講吓有啲乜嘢奇刑怪狀嘅鬼怪，重有真正嘅地下秩序~ 21.08.2022 55:39 ↓

我太多問題，連燒衣紙過多會唔會有反效果都想知，令外都想奉勸大家真係要小心啲，就算問事都要多啲用心思考，唔係好容易比人呃架~

Ep 36 - 今次想講下以前古埃及點樣對待神明，同埋對比一下宜家對神明嘅大不同~~ 07.08.2022 1:13:26 ↓

同埋結果忍唔住都係要講吓放負嘅壞處，同埋要講埋啲鍵盤戰士同網絡欺凌~~

Ep 35 - 鄰近農曆七月，係時候同大家分享下猛鬼出籠呢個月到底下面會發生乜嘢事同埋建議大家點樣過會好啲~~ 27.07.2022 55:30 ↓

基本上可以叫做農曆七月保平安手冊兼燒衣攻略~

Ep 34 - 今次講吓月老姻緣嗰條紅線係點樣嘅，好多嘢都係大家未必估到嘅~但係最緊要係原來呢個世界仲有黑線個喎！同埋最後嗰部份又真係幾厲害嘅~~ 10.07.2022 1:05:01 ↓

今次唔知點解又會講埋玩碟仙、銀仙、筆仙咁，仲有封面張圖唔講大家都未必知有幾恐怖~~

Ep 33 - 今次我哋又返轉頭講吓我啲收藏，係有感覺頭痛，不過唔係靈體，而係有啲好差嘅能量~~ 26.06.2022 57:21 ↓

都係响啲物件度好似睇錄影咁睇返啲歷史，特別係今集主角我收藏嘅呢隻靚公仔~~

Ep 32 - 今次高級囉，講吓點樣可以點到啲靈體周圍去，甚至可以變埋幫到手嘅朋友添~ 12.06.2022 36:32 ↓

重有點做白事都有可能會好笑，又點解會搞到啲兇靈會調番轉頭會多謝個事主咁得意~

Ep 31 - 今次雖然講嘅內容好似聽落好黑暗咁，講到地府會上嚟氹阿In開心咁恐怖？但係其實我哋都係想大家開心啲啫，話唔埋會幫到人架~ 29.05.2022 53:25 ↓

越放負就越吸得仲多負，反為出少少愛仲大可能幫到自己甚至救到人，呢啲小確幸真係唔錯架~

Ep 30 - 今次係講真正嘅與神對話，阿In點樣同神討論乜嘢係愛或者係大愛。同埋點樣鬧交同埋分享失敗~ 15.05.2022 47:21 ↓

講完神之後，變咗分享失敗，簡直係失敗中嘅失敗。仲有有啲時候個人多事未必係壞事~~

Ep 29 - 今次話深又得話淺又得，簡直係變咗哲學，我哋會用一碗暗然銷魂飯去解開神鬼嘅分界線~ 01.05.2022 31:17 ↓

其實有啲鬼真係唔係咁可怕，都唔夠人咁恐怖，只不過有時佢哋係有啲執念要幫手解開吓咁樣啫~

Ep 28 - 明明話今次講下點樣搞正能量傳銷金字塔架嘛，講講吓發覺人嘅慾望真係幾出事，結果變咗分享大家點樣小心啲唔好因為諸事不順或者貪心而亂咁失控用好錢去求呢樣求嗰樣~~ 10.04.2022 52:43 ↓

特別最容易係因為貪婪或者感覺絕望之纇嘅時候要清醒理性啲，唔好誤墮唔同類型嘅騙局，尤其是呢個時勢真係特別容易中招~

Ep 27 - 由超準預言講到人係咪真係有可能持續無限量供應再生能源呢？有啲感覺新靈異世界就快可以加多個標題做新能量世界~~ 27.03.2022 38:53 ↓

呢一集真心想多啲人幫手分享出去，希望幫到個世界變好少少都唔錯架啦~

Ep 26 - 繼續，到底上天有好生之德，咪好人壞人都幫呢？點樣判定呢？重會分享一個好難會相信嘅經歷，聽完接受唔到係完全明白嘅~~ 13.03.2022 29:53 ↓

重有到底乜嘢係夢想？係咪一定要有夢想呢？

Ep 25 - 今次會講吓齊天大聖係點樣清靈體，重有金童女出現！同埋分享有陣時連結咗靈體感受到佢哋嘅情緒都幾辛苦，但係幫到靈體係好開心嘅~~ 27.02.2022 46:02 ↓

都講吓點解想多啲分享同教多啲人認識靈界同埋相關嘅嘢，希望大家減少機會比人有心無意咁害到。最高難度係冇得對比邊個啱邊個唔啱~

Ep 24 - 上次講負能量今次撞啱情人節梗係要講正能量啦！原來靈體都有啲好有愛又好玩嘅，等「靈界調解員」同我哋分享下~~ 14.02.2022 58:15 ↓

認真了解其實好多靈體都好單純好搞笑，佢哋個世界比我哋簡單得多，所以其實真係唔應該驚，可能溝通完感覺會唔同哂~

Ep 23 - 今次搵咗個之前有好多負能量嘅朋友來分享下，搞到講埋正能量，同埋點樣利用負能量，仲有負能量點解咁吸引靈體~~ 23.01.2022 58:43 ↓

我哋今次連心理質素都講埋，為咗盡量唔好太離題，都有講有個女靈體想去一個地方好耐但係去極都未到，其實佢都幾可憐~

Ep 22 - 阿In終於準備完成隔離放監嘞，臨走都走多個女靈體出來同佢傾計，結果三位女靈坐哂响度睇電視傾計，都算係happy ending丫~ 11.01.2022 57:29 ↓

可能阿In去呢間酒店隔離都係整定嘅，又幫多咗幾個女仔都幾好呀。同埋今次又分享埋聽落應該係最厲害嘅防空洞經歷作為今次英國之旅嘅結尾~

Ep 21 - 阿In英國靈修之旅講咗咁耐，終於可以聽到關於石柱群嘅用途同有乜嘢能力啦！ 26.12.2021 57:03 ↓

我哋今集除咗講石柱群之外，結果越講越遠，講到成個地球又太空又平衡宇宙咁，仲要連宗教都有講吓~~

Ep 20 - 可愛女鬼阿妹做咗阿In朋友之後唔知係咪靈氣迫人，跟住就又有一位靈體來搵佢幫手，不過今次連個樣都見唔到…… 12.12.2021 58:31 ↓

呢位靈體嘅經歷重慘，聽完都覺得傷心。但係之後唔知點解講到去骨場同賭場嘅，結果原本要講嘅要去到下一集先得~~

Ep 19 - 終於知道可愛女鬼叫乜嘢名嘞，重有佢講返佢自己嘅故事，重有去到教堂阿In到底會唔會見到神或者天使呢？ 28.11.2021 59:07 ↓

除咗同可愛女鬼溝通，講吓阿In去唔同教堂嘅經歷之外，重有講埋响隔離酒店做嘢嘅人到底有幾大壓力~