ميديكازون بودكاست

تأخر الإنجاب والحقن المجهري حكايتهم كتير والمعلومات عنهم أكتر، عشان كده استضفنا في حلقة #ميديكازون_بودكاست الجديدة الدكتور حسام العطار – أخصائي علاج وتأخر الإنجاب والحقن المجهري بمركز جنين- عشان يكلمنا عن تأخر الإنجاب وأسبابه والحقن المجهري وأهم عوامل نجاحه.

جراحات السمنة عالم حكاياته ومعلوماته ما بتنتهيش عشان كده استضفنا في حلقة #ميديكازون_بودكاست الجديدة الدكتور حسام صبحي – أستاذ مساعد جراحات المناظير والسمنة وزميل كلية الجراحين الملكية بلندن- عشان يكلمنا عن جراحات السمنة وكيفية اختيار الجراحة المناسبة للمريض وهل عمليات السمنة سحر ولا على المريض دور في نجاح العملية.

الحمل الحرج أسبابه قد تكون موجودة قبل الحمل وقد تطرأ أثناء فترة الحمل، مثل ارتفاع ضغط الدم وسكر الحمل والمشمية المتقدمة وغيرها. هيكلمنا في حلقة #ميديكازون_بودكاست الجديدة الدكتور حسن جعفر -استشاري أمراض النساء والتوليد والحمل الحرج وطب الجنين- عن كل مشاكل الحمل وازاي بيتعامل مع مرضاه نفسياً من أول يوم في الحمل إلى يوم الولادة.

تكميم المعدة مش سحر، نجاح التكميم بيعتمد بنسبة 20 % على الجراح والباقي عليك. اعرف التفاصيل من حلقة #ميديكازون_بودكاست الجديدة مع الدكتور محمد مجدي، استشاري جراحات السمنة والمناظير.

انتشر في الآونة الأخيرة تأخر الإنجاب لدى الرجال، وده بيرجع إلى عدةعوامل قد تكون بيئية أو سلوكية وكما ممكن تكون خلقية. في حلقة #ميديكازون_بودكاست الجديدة هيكلمنا الدكتور أحمد عادل- استشاري أمراض الذكورة والعقم- عن أسباب تأخر الإنجاب عند الرجال وهيقولنا أهم النصايح لتفادي المشكلة دي وكمان نصايح لتحسين الصحة الجنسية.

قد يولد الطفل مصاباً بالشفة الأرنبية أو شق الحلق أو التصاق الأصابع أو غيرهم من التشوهات الخلقية، هذه التشوهات تحتاج إلى جراحات تجميل على يد جراح أطفال متمكن مثل ضيف حلقة #ميديكازون_بودكاست الجديدة الدكتور محمد فتحي -استشاري جراحات الأطفال والمناظير وتجميل الأطفال واستشاري جراحات الأعضاء التناسلية ومجرى البول للأطفال- اللي هيكلمنا عن مثل هذه الجراحات وكيفية إجراءها.

جراحات الزائدة والمرارة حصل فيها تطورات كبيرة في الفترة الأخيرة، اعرف أهم التطورات دي من دكتور أحمد سامي -استشاري الجراحة العامة- في حلقة #ميديكازون_بودكاست الجديدة.

نصائح هامة للحفاظ على صحة عمودك الفقري يقدمها الدكتور أحمد زهران - استشاري جراحة المخ والأعصاب والعمود الفقري وعضو هيئة التدريس بجامعة عين شمس- في حلقة #ميديكازون_بودكاست الجديدة.

نصائح كتير لازم تسمعها من متخصص عشان تعيش حياة جنسية ناجحة مع شريك حياتك، عشان كده استضفنا في حلقة #ميديكازون_بودكاست الجديدة دكتور عمرو المليجي -استشاري أمراض الذكورة والعقم- عشان يقدملنا نصايح تحسن من الأداء الجنسي والعلاقة الحميمية بين الزوجين.

السمنة بتسرق العمر، عالجها واخرج من زنزانة الوزن الزايد وعدم قدرتك على ممارسة حياتك بشكل طبيعي. هل جراحة السمنة هي الحل؟ و لو نويت تعمل جراحة عشان تتخلص من وزنك الزايد، ازاي تختار الجراح الشاطر؟ وإيه هي تفاصيل العملية؟ اعرف الإجابات من حلقة #ميديكازون_بودكاست الجديدة مع الدكتور احمد حاتم، استشاري جراحات السمنة.

جراحات إصلاح السمنة مش للهواه من الجراحين، ليه؟ وبتتعمل إزاي؟ وإيه الحالات اللي بتستدعي جراحة الإصلاح بعد عمليات السمنة؟ كل ده هيوضحه الدكتور كريم صبري -أستاذ جراحات السمنة والمناظير بطب عين شمس في حلقة #ميديكازون_بودكاست الجديدة.

عملية تغيير مفصل الركبة تفاصيلها كتير لازم تعرفها قبل ما تُقدم على خطوة زي دي، عشان تبقى عارف إيه اللي هيتركب في جسمك وهتقدر تتعايش معاه ازاي وهيعيش معاك قد إيه، وده اللي هيكلمنا عنه الدكتور إبراهيم جادو -استشاري جراحة العظام والمفاصل الصناعية في حلقة #ميديكازون_بودكاست الجديدة.

ما ينفعش تقولي عايزه جسمي ذي بنت خالتي أو زي ممثلة معينة، كل جسم ليه شكله الأمثل ليه. اعرفي معايير تنسيق قوام الجسم والفرق بين شفط الدهون وتنسيق القوام في حلقة #ميديكازون_بودكاست الجديدة مع الدكتور محمد الخولي -استشاري جراحات التجميل وتنسيق القوام وزميل جامعة هارفرد.           

فتق أكبر..ارتجاع أكتر..حموضة أصعب ، ده عنوان حلقتنا الجديدة من #ميديكازون_بودكاست مع الدكتور ياسر الغرابلي -استشاري الجراحة وأخصائي جراحة الجهاز الهضمي والأورام والمناظير- اللي هنعرف من خلالها كل المعلومات عن فتق الحجاب الحاجز وارتجاع المريء والحموضة.        

بتشخر ومش عارف السبب ولا عارف تتخلص من المشكلة دي! هل فعلاً الأذن الوسطى المسئولة عن الاتزان؟ أزاي تنضف ودنك من الشمع بطريقة صحيحة؟ هل ثقب الطبلة علاجه جراحي فقط؟ إيه هي أسباب ارتشاح الطبلة عند الأطفال والكبار وإيه هي طرق العلاج؟ هتعرف إجابات الأسئلة دي كلها من خلال حلقة #ميديكازون_بودكاست الجديدة مع الدكتور مصطفى على حسين، استشاري الأنف والأذن والحنجرة وتجميل الأنف.  

أسهل حاجه عند أي حد ضرسه واجعه ومش منيمه الليل إنه يخلعه، هل ده صح ولا غلط؟ هيشرحلنا الموضوع باستفاضه الدكتور محمد حمدي -طبيب أسنان ومدير مركز ألتي كير لطب الأسنان- في حلقة #ميديكازون_بودكاست الجديدة

الأنف هي العضو البارز في الوجه، وجمالها يُضفي جاذبية خاصة، ولهذا يُحدثنا الدكتور حسام ممدوح -استشاري تجميل ومناظير الأنف، والحاصل على لقب أفضل جراح أنف عربي بمهرجان نجم العرب بكان- في حلقة #ميديكازون_بودكاست الجديدة عن معايير جمال الأنف وكيفية تجميلها جراحياً بدون ألم وبدون تورم.

الارتجاع وفتق الحجاب الحاجز وجهان لعملة واحدة، اعرف ازاي الأطباء بيتعاملوا مع الحالتين وطرق علاجهم المناسبة في حلقة #ميديكازون_بودكاست الجديدة مع الدكتور عبد الرحمن مصطفى، استشاري الجراحة العامة وجراحات المناظير المتقدمة والسمنة المفرطة.

ضعف النظر مش قصر وطول نظر بس، حرامية النظر كتير. اتعرف عليهم من خلال الاستماع إلى حلقة #ميديكازون_بودكاست الجديدة مع الدكتور هالة وهبة، استشاري طب وجراحات العيون.

الفحص الوراثي للأجنة بيضمنلك ولادة طفل خالي من الأمراض الوراثية الصعبة ذي متلازمة داون وغيرها. اعرف تفاصيل أكتر عن الفحص الوراثي للأجنة ومدى أهميته وازاي بيُجرى في حلقة #ميديكازون_بودكاست الجديدة مع استشاري النساء والتوليد والحقن المجهري وصاحب ومدير مركز زينة الحياة للحقن المجهري.

بفضل وسائل التشخيص الحديثة وبرامج التشخيص المبكر للأورام، أصبحت نسبة الشفاء من مرض السرطان عالية. في حلقة #ميديكازون_بودكاست الجديدة هيكلمنا الدكتور ياسر البساتيني -استشاري الجراحة العامة وجراحة الأورام- عن وسائل تشخيص الأورام الخبيثة وأسس علاجها، وكمان هيوضح هل العادات الغذائية الخاطئة بتزود فرص الإصابة بالسرطان ولا لأ.

الست ولا الراجل المسئول عن تأخر الإنجاب؟ مين المفروض يكشف ويحلل الأول؟ ازاي يحدث الحمل مع بطانة الرحم المهاجرة؟ هل تربية القطط بتسبب الإجهاض المتكرر؟ كل الأسئلة دي وأكتر هيجاوب عليها الدكتور هاني المغربي، استشاري النساء والتوليد والحقن المجهري بمركز جنين. في حلقة #ميديكازون_بودكاست الجديدة.

جراحات السمنة كتير منها التكميم وتحويل المسار والساسي، وكمان في طرق غير جراحية زي بالون المعدة والكبسولة الذكية، هنعرف معلومات عن كل الطرق دي في حلقة #ميديكازون_بودكاست الجديدة مع أ.د محمد مجدي، استشاري جراحات السمنة والمناظير كلية طب جامعة عين شمس.

الناسور الشرجي مشكلة بتضايق ناس كتير وبتعوق حياتهم في أوقات كتير، فمنهم اللي بيمشي ورا الوصفات الطبيعية والأعشاب على أمل إنها بتعالج الناسور وده طبعاً نتيجة خوفهم من العملية، هل الكلام ده صح؟ اعرف الإجابة من الدكتور أحمد سامي- استشاري الجراحة العامة وجراحة المناظير والشرج بالليزر- في حلقة #ميديكازون_بودكاست الجديدة.

الخصية المعلقة، الخصية النطاطة، العضو الذكري المدفون، الطهارة ومشاكلها، تصحيح الجنس للمولود، الإحليل البولي السفلي، الفتق الأربي في الأطفال، كل دي موضوعات هيُثيرها الدكتور محمد فتحي -أستاذ جراحة الأطفال والمناظير وتجميل الأطفال بكلية الطب واستشاري جراحه الأعضاء التناسلية ومجرى البول في الأطفال- في حلقة #ميديكازون_بودكاست الجديدة.