Mstdfr | مستدفر

بمشاركة [ فيصل عسيري و حسين عطار و عمير طيبة ]   حلقة اليوم مختلفة شوية… جاتنا دعوة خلال الأسابيع اللي راحت اننا نشارك في مؤتمر ليب في نسخته الثانية واللي أقيمت سنة 2023، المؤتمر جمع أكثر من مية ألف مبتكر تقني وخبير من جميع انحاء العالم لاكتشاف الأفكار الخلّاقة والرائدة وبناء شراكات جديدة، إلى جانب التواصل مع المستثمرين والملهمين. ومع إننا للأسف كنا مشغولين وما قدرنا نحضر المؤتمر ما حبينا نضيع الف...

كل واحد فينا عنده اللي يعجبه واللي ما يعجبه… بي في نفس الوقت في الأشياء اللي يجتمع على حبها أو كرهها الأغلبية. وهذا يخلي هذه الأشياء تعتبر المقياس، وهذا لكثير مننا للأسف ما يكون منصف! لأنه مهو بس عشان أغلبكم يحب شيء معناته اللي أنا أحبه يعتبر غلط… وحتى لو الأغلبية ما قدروا قيمة الشيء اللي أنا أحبه… هل هذا يعطيهم الحق في الإستنقاص منه؟

بمشاركة [ فيصل عسيري ]   مؤخراً صرنا نلاحظ إنه كثير من المشاهير حول العالم بدأوا يحطوا نفسهم في مواقف بايخة تخرب عليهم شغلهم وحياتهم بشكل كبير… هل المشكلة في الناس؟ أو المشكلة كانت دائماً موجودة… ولكن الآن صار الوصول للمعلومات المخفية أسهل؟   صديقنا الدافور القديم فيصل عسيري شارك معانا النقاش اليوم واتكلمنا عن مواضيع مختلفة من ضمنها سباقات الفورميلا ون وناقشنا كمان مدى تأثيرها على حياتنا اليومية.

بمشاركة [ أميرة شيخ و مرام العيسائي ]   إنتاج المحتوى من فن أو برامج أو غيره يحتاج خبرة، ومو دايماً تكون متوفرة عندنا الموارد الرسمية أو الفرص المناسبة اللي تعطينا هذه الخبرة. في هذه الحالة عندنا واحد من خيارين… يا نستسلم ونقعد نحلم بحياة تمنينا نعيشها لسنوات… أو نلاقي طريقة نعلم نفسنا ونشتغل بالطول وبالعرض. والخيار الثاني هو المفهوم اللي ضيوفنا اليوم بيطبقوه في حياتهم كل يوم وبه قرروا يعيشوا الحي...

بمشاركة [ فيصل عسيري و ياسر ناصف ]   اليوم طلعنا الرياض وقعدنا مع مستدفرنا القديم… ولدنا الضايع فيصل عسيري وشاركنا صديقنا العزيز ياسر ناصف. وفي نهار ممطر في الرياض جلسنا ندردش على مواضيع مختلفة بدأت بكروية الأرض وانتقلت لبعض ألعابنا المفضلة على البلايسيشن إلى ما وصلنا لحقوق حفظ القصص والشخصيات.   وللأسف كان في مشكلة في التسجيل وبالتالي الصوت ما كان بالجودة المطلوبة، بس ما حبينا نترككم اليوم من غير...

بمشاركة [ فايز مليباري ]   مع السنة الجديدة كثير من الناس يحاولوا يبدأوا حياة جديدة… ومو لازم تغيير كلي، يحاولوا يتغيروا حتى ولو بجزء بسيط. لكن ليش هذه التغييرات ما تجي غير مع بداية السنة؟ جانا هذا التسائل وقررنا نناقشه مع صديق البرنامج الدافور القديم فايز مليباري اللي حكانا عن بعض التغييرات اللي هو قرر يطبقها في حياته مع بداية سنة ٢٠٢٣.

كلنا اليومين اللي راحت سمعنا عن توقيع كريستيانو رونالدو مع نادي النصر السعودي… ومع إنه فوائد هذه الصفقة على البلد له فوائد كثيرة… بعض الناس يشوفوا انه الموضوع ما يسوى الهيلمان هذا كله بالذات انه رونالدو معد صار زي أول. لكن هل احنا فعلاً نحتاج منه اليوم قدراته الرياضية؟ أو نحتاج منه خبرته العالمية أكثر؟   وهذا الكلام ينطبق بشكل كبير على كل الناس اللي وصلوا سن التقاعد في عملهم… هل تشوفوا انه خبرتهم...

بمشاركة [ مستمعي مستدفر ]   مع نهاية أول سنة ميلادية تمكنا فيها من اننا ما نفوت ولا حلقة خلال ٥٢ أسبوع…  قلنا ما يصير ندخل السنة الجديدة من غير ما ننهي بحلقة خاصة نشاركها مع الناس اللي هم سبب نجاحنا بعد الله… مستمعينا الدوافير!… فدخلنا انستجرام لايف وأخذنا مشاركات ومداخلات من مستمعينا اللي شاركوا معنا أهم الدروس اللي اتعلموها خلال ٢٠٢٢ وكمان أكثر الأشياء اللي يتطلعوا لها في ٢٠٢٣.   شكراً من القلب...

بمشاركة [ حكيم جمعة و خالد يسلم ]   لما نتعود على ممثل أو ممثلة في أدوار معينة مثلاً زي الكوميديا… صعب لكثير من الناس انهم يتقبلوهم في أدوار درامية مثلاً. على سبيل المثال الممثل الأمريكي ”آدم ساندلر“ أتعرف بالأفلام والأدوار الكوميدية، وقبل كم سنة مثل دور درامي جاد في فيلم ”أن كت جيمز“. لكن ردة الفعل كانت غير متوقعة وكثير من الناس أنبهروا بأدائه وقدر يثبت عكس المفهوم المتعارف عليه. وعشان كدة قعدنا...

بمشاركة [ سعيد الشامسي و صابر الغامدي و أحمد حيدر و ياسر الحربي ]   لما صديقنا المبدع وأحد رواد بودكاست رووت كويست سعيد الشامسي يزور مدينة جدة… لازم نستغل الموضوع ونستضيفه في بودكاست مستدفر. بس هذه المرة ما جا لوحده وجا معاه زميلنا الرهيب أحمد حيدر من بودكاست مقهى الآنيمي وكمان عرفونا على أصدقاء دوافير جدد… الخلوق صابر الغامدي والكاتب ياسر الحربي. وحاولنا نتكلم في مواضيع ملهمة لكن كعادة سعيد قلب ل...

بمشاركة [ هاشم الزين ]   قد في مرة كنتم بتطالعوا في تصميم في مكان أو على سجادة وشفتوا شكل وجه؟ إذا إيوة فإنتم مو لوحدكم… هذه ظاهرة موجودة عند بعض الناس ولها إسم علمي. ولها علاقة بالخيال والإلهام والإبداع… وعشان كدة اليوم قعدنا مع الدكتور هاشم الزين وتناقشنا عن عالم الخيال والإبداع اللي ناقشه في أحد أحدث مقالاته.   ولا تخافوا… هذه المرة جلسنا ساعة نتكلم في الموضوع!   ممكن تقرأوا تلخيص الكتاب على ال...

بمشاركة [ مستمعي مستدفر ]   بعد نجاح التجربة الأسبوع اللي فات… قلنا نجربها ثاني… دخلنا انستجرام لايف وأخذنا مشاركات ومداخلات من مستمعينا اللي شاركونا بمواضيع مختلفة من ضمنها السفر إلى كوريا… اللغة العربية… وكمان الدراسة واختيار التخصص.

بمشاركة [ مستمعي مستدفر السهرانين ]   اليوم قلنا نجرب شيء جديد… دخلنا انستجرام لايف وأخذنا مشاركات ومداخلات من مستمعينا اللي كانوا سهرانين معانا. وبكل أمانة جداً انبسطنا بالتجربة وشكلها حتصير عادة جديدة نسويها كل بعد فترة.

من أكثر الأسئلة اللي تتكرر علينا هي ”كيف أبدأ بودكاست؟“ وبكل أمانة في كثير مواقع تشرح خطوات الصناعة من الألف للياء… بس حبينا اليوم نعطيكم شرح للخطوات الرئيسية اللي لازم تحطوها في بالكم قبل ما تخوضوا هذه الرحلة… من واقع خبرتنا الشخصية طبعاً. وفي حال ما قد فكرتوا انكم تصنعوا برنامجكم الخاص… يمكن هذه الحلقة تحمسكم تبدأوا.

بمشاركة [ هاشم الزين ]   مافي انسان في الدنيا ما يواجه مشاكل وأبواب تتقفل في وجهه… لكن طريقة تعاملنا مع بيئتنا والمواقف اللي تحصل لنا هي اللي حتحدد نجاحنا أو فشلنا في الحياة. وهذا النوع من الدروس الحياتية ألهم صديقنا الدكتور المهندس هاشم الزين لكتابة مقالة يشرح فيها كيف قسوة والده في الصغر صنعت منه مهندس مبدع وناجح. وحكى لنا في حلقة اليوم كيف قدر يكتشف مهاراته ويحولها اليوم إلى شركة وطنية ناجحة.  ...

بمشاركة [ خيرة بندقجي ]    بالنسبة لنا كسعوديين اللغة العربية تعتبر لغة الحوار اللي المفترض كلنا نتقنها… لكن الواقع ممكن يكون مختلف شوية بالذات للناس اللي كبروا في بيئة كانت تستخدم لغة ثانية في الحوار زي ضيفتنا اليوم اللي لقت نفسها في بيئة تستخدم الإنجليزي كلغة رئيسية بالذات مع والدتها الأمريكية وكان مالها أي ذنب في الموضوع. ولما كبرت بدأت تاخذ دورات في اللغة العربية لكن المشكلة اللي واجهتها انها...

بمشاركة [ غزل أبو خشبة ]   الدخول الى سوق العمل بالنسبة للخريجين الجدد ممكن يكون مخيف شوية، وهو أكيد تغيير جذري في حياة أي إنسان. وزي ما قالت لنا اليوم صديقتنا الدافورة المبدعة غزل أبو خشبة… بداية حياتها الوظيفية ما كانت سهلة أبداً وبالذات بعد كورونا. لكن التغيير يحتاج له وقت عشان نتعود عليه ولو أعطيناه فرصة… أحياناً حنلاقي انه كان أفضل شيء ممكن يصير لنا.

في أوقات كثيرة من حياتنا نسعى اننا مثلاً نسوي شيء معين أو نقتني شيء معين… لكن ربي يصرفه عننا لأسباب خارجة عن إرادتنا. والشيء هذا يزعل… لكن لو أفترضنا انه سبب عدم تحقيقنا لمبتغانا ولو كان لفترة محددة كان يصفي مصلحتنا… حياتنا حتكون جداً أسهل! ونظرتنا للحياة حتختلف ١٨٠ درجة حسب وجهة نظر عمار اللي ناقشها في هذه الحلقة.   رابط مسلسل كوكب رقم ٣: https://www.storytel.com/sa/ar/series/91125-kokb-rkm

بمشاركة [ هاشم الزين ]   التغيير مهو سهل وكثير مننا يحاولوا يتجنبوه وبالذات لما يتعودوا على وضع معين… لكن الثابت الوحيد في الحياة هو التغيير… ومهم اننا نواكب العصر والتغييرات في حال كانت إيجابية. وعشان كدة اليوم قعدنا مع الدكتور هاشم الزين وتناقشنا عن موضوع التغيير والملخص اللي كتبه عن كتاب ”غير أي شيء“.   ممكن تقرأوا تلخيص الكتاب على الرابط: https://medium.com/p/3213202945bb

اليومين اللي راحت عمار كان في أبوظبي واليوم كانوا هو ورامي في دبي… سفرة دبي كان هدفها حضور منتدى بودكاست الشرق الأوسط الثالث واللي الآن صار إسمه ”صدى“ واللي نظمته شركة مستدفر وكيرنينج كلتشرز. ولكن هدف سفر عمار لأبوظبي كان لسبب آخر تماماً وأتكلم عنه بالتفصيل في حلقة اليوم.   منتدى صدى ٢٢ للبودكاست: https://sadaconf.com/ فعالية دوري كرة السلة الأمريكية في أبو ظبي: https://nbaevents.nba.com/abu-dhabi...

صحيح إنه برنامجنا له أسلوبه المميز اللي كثير منكم حبوه… وعلى مر السنين الروح اتغيرت أكثر من مرة. وفي مستمعين عاجبهم الأسلوب القديم… وفي مستمعين عاجبهم الأسلوب الجديد، عشان كده عمار ورامي اليوم أجتمعوا وناقشوا وضع البرنامج وإذا كانوا مبسوطين منه زي ما هو… أو إنه جا الوقت إنهم يجددوا في طريقة طرح الحوارات؟    انتم إيش رأيكم؟

بمشاركة [ منار منشي ]   تربية الأطفال مهمة صعبة ولها تأثير كبير على المجتمع… وكثير ما نناقش مسائل التعليم ونهتم فيها بشكل كبير لكن دائماً ننسى ان تعليم وتربية الأب والأم عشان يعرفوا يأدوا أدوارهم على أكمل وجه هو موضوع تأثيره جداً أكبر! مهما كان التعليم المدرسي متقن وعلى مستوى عالي… التربية في البيت ممكن تهدم كل شيء يصير في المدرسة.   وعشان كدة اليوم قعدنا مع ”صديقة الأمهات“ وصديقة البرنامج الأستاذ...

بمشاركة [ أبرار الجفري ]   البرمجة اللغوية العصبية هي من العلوم اللي مو كثير ناس يعرفوا عنها وحتى اللي سمع بهذا العلم المعروف بي ال“إن إل بي“ إحتمال ما يعرف إيش معناته. وعشان كدة اليوم قعدنا مع صديقتنا الأستاذة أبرار الجفري اللي شرحت لنا أكثر عن التخصص واستخداماته.

بمشاركة [ عمرو ضياء ]   اليوم كان المفترض تكون عندنا حلقة مميزة مع ضيوف مميزين… لكن أحياناً تجري الرياح بما لا تشتهي السفن، بس في نفس الوقت كل شيء مقدر ومكتوب من ربنا. كان عندنا حلقة جديدة سجلناها الأسبوع هذا وبسبب خلل تقني خرب الملف وما قدرنا ننشر لكم هي اليوم. لكن ما رضينا اننا نسيبكم بدون حلقة، فطلبنا من أحد دوافيرنا انه يجي يفزع لنا آخر الليل ويسجل معانا حلقة سريعة… وصديقنا الدافور والفنان الم...

بمشاركة [ تالا نجار و محمد قربان]   المدرسة تعلمنا كثير أشياء مهمة في حياتنا… لكن كثير من الخبرات اللي نحتاجها في الحياة حنلاقيها خارج الفصل، لكن للأسف الكثير من العوائل يركزوا فقط على الدراسة التقليدية في التعليم. اليوم ناقشنا موضوع الدراسة وبعض المواضيع المختلفة من الخطابة والالقاء لاختبارات تحديد الشخصية مع صديقتنا الدافورة تالا نجار وصديق البرنامج الدافور ومقدم بودكاست ورقة بيضا الرائع محمد قر...