Moremogolo

Bosegong bja lehono re le tlisetsa Diagametse tseo go tsona re ilego go boledisana le monna le mosadi. Mosadi ke yena mongongoregi mme o lla ka gore mogatsagwe o gana a thusa ba gabo mola e le gore le yena (monna) kgale o be a thusa ba gabo ka chelete ya lapa la bona. Monna yowe o a dumela gore ga a nyake taba yeo ka gore ba bogweng bja gagwe ge mogatsagwe a ba thusa, namile ga ba sa dira selo ba...

Ge re thoma lenanego la lehono ka Sa Mafahleng a Moswa re rata go lefa sebaka baswa gore nke le lokologeng mme le re botse tseo di le go mafahleng a lena mme le ratago go no bolela ka tsona ka ge di ama lena. E ka ba ditaba tsa gago tsa marato; e ka ba ditaba tsa gago le bagwera; e ka ba ditaba tsa gago le batswadi ba gago; e ka ba ditaba tsa go go ama ka kerekeng ya geno; e ka no ba se sengwe le...

Go Diagametse lehono re tlo le balela lengwalo la mosadi wa go tswa Mamelodi yowe a re go batswadi ba gagwe ba ganne magadi a monna yowe a nyakago go mo nyala wa go tswa Lagos Nigeria. Monna yo o rometse motswalagwe le bagwera ba gagwe go ya go ntsha magadi, mme batswadi ba lekgarebe ba gana magadi ao ba ba ba ba raka. Theeletsa ngongorego ye ka botlalo go tswa lengwalong la molli ge re tlo ba re...

Bosegong bja lehono go Sex And Intimacy Talk ya Moremogolo re ile go boledisana le ditsebi ka mathata a banna a go se tsogelwe ge ba swanetse go tsenela thobalano le go se tsogelwe ga botse.

Bosegong bja lehono go Tsa ka Pukung re tlo boledisana le lelokophethisi la South African Book Development malebana le beke ye ya dipuku ka mono Afrika Borwa le pontsho ya dipuku ka Gauteng yeo e thomago gosasa. Ka morago ga mowe re tlo tsena pukung ya kgwedi ya padi yeo e ngwadilwego ke Samuel Machitela mme yona e bitswa Kgalagalo tsa Setu. Puku ye magareng ga tse dingwe e re bontsha gore bophelo...

Bosegong bja lehono batheeletsi re sala Diagametse tsa maabane morago mowe lesogana le be go le ganetswa go itlhokomelela ngwana ke mmago lekgarebe la lona leo ba be go ba se sa ratana ka gore ba gabo ga se ba lefela chelete ya "damage". Lekgarebe leo le be le se tse le ena le ngwana yo mongwe pele a tla dira owe le lesogana leo. Ba ga bo lesogana ba ganne go ntsha chelete ya "damage" ka la gore b...

Bosegong bja lehono re tlo ba re boledsisana le malapa a ma bedi ao morwa le morwedi wa ona ba be go ba ratana mme ba ba le ngwana. Bjale ga bjale go tsogile dikgogakgogano magareng ga malapa a malebana le cvhelete ya "damage." Morwa o nyaka gore kgaetsedi ya gagwe le bommagwe ba mo thekge ka go tsenela dipoledisano le lelapa la bo yowe e be go e le kgarebe ya gagwe gore ngwana wa gagwe a se ke a...

Bosegong bja lehono re tlo boledisana le morwa le bommagwe. Morwa ke yena mongongoregi mme o lla ka la gore bommagwe ga ba mo fe thekgo go selo ka gae, go swana le ga bjale ge a nyaka go nyala mme bommagwe ba sa mo fe thekgo yeo e feletsego. Bommagwe bona ba re ga se gore go bjalo e no ba gore morwa wa bona o na le mekgwa ye me be ya go dira dilo. Theeletsa Moremogolo bosegong bja lehono.

Bosegong bja lehono go Sex & Intimacy Talk ya rena re tlo boledisana le ditsebi ka Dikholego Tsa Lephelo (health) Tseo Di Tliswago Ke Thobalano/ SEX HEALTH BENEFITS. Poledisanong ye re memile bahlahli ba ba bedi ba tsa dikamano (Intimacy Coaches) go tlo re abela tshedimoso ka hlogopoledisano ye.

Bosegong bja lehono re tlo boledisana le monna yowe a re go o rata go abelana le lena batheeletsi, kudu banna le basadi bao ba sa hlwago ba nyala ka tsa bophelo bja gagwe bja lenyalo. Monna yo e be le hlogo ya sekolo mme o tswile lapeng la gagwe ka baki ka lebaka la mosadi yowe le yena e be go e le hlogo ya sekolo, a ilego a mo ntsha ka ga gagwe e le ge a mo latofatsa ka gore bophelong bja bona ka...

Batheeletsi bosegong bja lehono re tlo ba re boledisana le lesogana leo le re kgopetsego gore re le kopantshe le batho bao le ba kwesitsego bohloko ka go ba utswetsa dichelete le dithoto tsa bona. Batho ba, ba bangwe ba bona ba amana le lesogana le ka madi mola ka go le lengwe ba bangwe e le batho fela. Bjalo re tlo boledisana le lesogana le le ba bangwe ba batho bao, le ge e le gore ba bangwe bon...

Re tlo boledisana bosegong bja lehono le moswa yowe a kgopelago go nyakiswa mosadi ka ge a nyaka go nyala.

Bosegong bja lehono re tlo boledisana le ditsebi ka Thobalano le Bolwetsi bja Sukiri. Magareng ga tse dingwe re tlo nyaka go tseba gore naa banna le basadi ba ka amana bjang thobalanong ka katlego ba dutse ba phela ka bolwetsi bja sukiri bjowe bo tsebegago bo sitisa balwetsi ba bjona go tsenela thobalano.

Go Diagametse re tlo boledisana le mogolo le moratho ka diphapano tsa bona ka gae tsa moratho yowe a latofatswago ka gore ga a hlokomele bana ba gagwe ebile o somisa maseleng a bona a mmuso a mphiwafela go nwa bjala ka ona. Tabeng ye go ngongorega gape le mma-motswadi yowe a llago ka la gore morwedi wa gagwe yo monnyane o no kgona go sepela a ya masoganeng a gagwe a tlogetse bana ba se na mohlokom...

Batheeletsi bosegong bja lehono re tlo boledisana le moswa yowe a llago ka tshwaro ya makgwakgwa go tswa go tatagwe yowe e se go wa madi. Magareng ga tse dingwe moswa yo o ile a ba a nagana le go ka ipolaya ka lebaka la tlaiso ya monna yo go yena le morwarragwe.

Bosegong bja lehono go Diagametse re tlo boledisana le mma yowe a ilego a imiswa ka go katwa, bjale ka morago ga ge a ile a ikgodisetsa ngwana wa gagwe, mokati wa gagwe a tla a mo tseela ngwana yowe mola a se tse a godile. Mma yo yena ge a be a ikgodisetsa ngwana yowe o ile a tsea sephetho sa gore a ka se mo tsebise ka mokgwa owe a tlilego ka gona lefaseng.

Batheeletsi bosegong bja lehono go Tsa ka Pukung re tlo feleletsa go boledisana le mongwadi wa puku ya kanegelophelo ya go bitswa A Fractured Journey, The Road to Redemption. Yo ke mosadi yowe bophelo bja gagwe bo ilego bja fetoga ka pong ya leihlo ka morago ga lehu la mogatsagwe mme ka madimabe mohlako wa mo gapeletsa go ya go thoma go gweba ka diokobatsi. Mosadi yo o rile go swarwa nageng ya ka...

Bosegong bja lehono re tlo bolela ka go bogela diswantsho le difilimi tsa thobalano(Pornography) le dipoelo tsa seo tse di botse le tse mpe. Ge re fetola mawa re tlo bolela ka dilo tseo thobalano e di direlago lephelo (health) la rena.

Batheeletsi le bosegong bja lehono re sa no tswelapele ka go tlisa mogasi wa mafelelo yowe lenanego le la Moremogolo le thomilego ka ena. Yena ke tate Peter Sebothoma ebilego a ilego ya ba gape molaodi wa setisi se sa Thobela FM nakong yeo se be go se sa bitswa Radio Lebowa. O be a tumile ka leina la gore ke Papa-Sepanere.

Ge re tlo fetola mawa re tlo bala lengwalo la mokgekolo yowe a re go o godisitse bana ba gagwe a le tee monna a kitima le mathari a gauteng, Mme ga bjale bana ba gagwe le ba bogadi ba mo gapeletsa gore a amogele monna yowe ga bjale a boilego gauteng a lwala.

Bosegong bja lehono batheeletsi Moremogolo e tla ba e keteka kgwedi ye ya June ya matswalo a Thobela FM, mme ka go re yalo re tla re tlo boledisana le Jimmy Mohlaloga e le go mogasi wa kgale wa lenanego le.

Batheeletsi lehono re thakgola puku ye ntshwa ya kgwedi ya tiragatso ya go bitswa Polawa ke Mong. Mongwadi lehono o tli le go alela kakaretso goba kgwekgwe ya puku ye.

Bosegong bja lehono re tlile go fa baswa sebaka sa go tsweletsa ditaba tsa bona tseo di ba diragalelago le go ba tshwenya maphelong a bona. Baswa ba tlile go bolela le ditaba le ditaba tse ka moka ba bonago di ka bolelega moyeng mme ba matlafatsana ka tsona.

Bosegong bja lehono go Diagametse re tlo boledisana le mosadi yowe mogatsagwea mo hladileng ka lebaka la gore a ile a thoma go ba le badimo mme a ya go thwasa ya ba ngaka. Ba bogadi ba mosadi yo ebile ba mo latofatsa ka boloi k a ge bjale e le ngaka. Monna yena o hladile ebile ga bjale o nyetse mosadi yo mongwe.

Re boledisana le banyalani bao yo mongwe wa bona a latofatsago yo mongwe ka gore ga a na boitshepo ebile o itebelela fase ka lenyalong la bona, mme seo se mo dira gore a mo phare ka melato yeo a sa e tsebego.