Mahlakung

Heeee! Bra Bizza o tshepiša Phetola gore o tla mo fokoletša tšhelete yeo a mo kolotago yona. Naa ke gona ge Phetola a phonyokgile sekolotong sa Bra Bizza!

Bizza o boditše Bra Tick gore o tseba Kapamba le Sticks, gomme se se dira gore Dikeledi a gononwe gore o a amega mo go tšhabišweng le go golegwa ga phetola, mola le Masedi le yena a nale dikgonono ge Bizza a tsebana le Kapamba le Sticks. Naa e kaba Bizza ke yena a bego a romile Kapamba le Sticks go golega Phetola goba ba be ba romilwe ke Brandon le Sophia?

Moruti Kgole o latofatša Phetola Lethebe ka go fa Badgirl sethunya. Phetola o tlaba Moruti Kgole ge a mmotša gore sethunya seo Badgirl a se swerego, o se filwe ke Zakes Shabangu gore a itšhireletše go Sylvia yoo a bego a mo dirile lekgoša. Mmalo! A ke mararankodi. Naa ke mang a filego Badgirl sethunya magareng ga Phetola, Bra tick le Zakes Shabangu?

Sergeant Mampane o uwauwetša Badgirl gore a bollole ditaba tša sethunya ba tla mo dire hlatse ya mmušo a se swarwe. Naa Badgirl o tla utulla diphiri tša gagwe le Bra Tick le Phetola goba o tlo dira eng?

Milicent o botṧa Moruti Kgole gore o senya bophelo bja Badgirl ka go šalašala taba ya sethunya seo go thwego Badgirl o se swere morago, e bile o bo bea kotsing. Naa taba ye ke nnete?

Koloi ya mmaphodisa e eme saloneng sa Badgirl. Naa Badgirl o ya go swariša Phetola le Bra Tick goba a ka se bolele selo ka dithunya o tlo amogela tšhelete yeo ba mo tshepišitšego yona?

Sergeant Mampane o ile ga Alfios go nyakana le yena, gomme se se tšhoša Monica o mo kgopela gore a se mo sware. Naa Alfios o a amega mo bohodung bja leruo mo Mahlakung?

Bra Bizza o fedile ka ditshego ge Sophia a mmotša gore Brandon o a mmetha e bile o tšhaba go mo swariša ka ge a tšhaba go tšhaba go segiwa ke Matsheko le Moruti Kgole!!Mmalo!!

Bra Bizza o re Kapampa le Sticks ke majita a gagwe go la Josi, ke yena a ba thwasitšego go tšeo ba di dirago. Naa e kaba se ke taetšo ya gore Bizza le yena o a amega mo go tšhabišweng ga Phetola le go fišwa ga koloi ya gagwe ?

Masedi o gonolelwa gore Rethabile ge a be a mmotša gore ga go na motho yoo a ka mo ratago bjale ka Saki o be a nyaka go kwa gore naa maikutlo a Masedi ke a mohuta mang go Saki pele a ka ratana le yena. Naa Rethabile a ka ba a nale maikutlo a lerato go Saki goba go diragala eng ka yena?

Go humanwe lehodu la leruo le bolailwe kgaufsi le polasa ya Bra Tick., gomme se se bea Bra Tick kotsing ya go gononelwa go ba mmolai ka ge a ile a bolela mantšu a gore, “Mmmolai wa dikgomo tša gagwe o tla bona ka go hwa.” Naa ka nnete Bra Tick ke mmolai wa lehodu le?

“Ntwa ye ke tlo e lwago le wena e tlo dira gore Phetola a ye kgolegong, “ A ke mantšu a Millicent ge a be a bolela le Matsheko. Naa ke ntwa ya mohuta mang yona ye ya go tlo fediša segwera sa Millicent le Matsheko?”

Aiiii Brandon, o bethile Sophia ka mpama, Sophia ga a tshepe. Naa Sophia o tla feletša kae ka Brandon wa go mmetha?

Bizza o sekiša Sophia ka go tšhabišwa ga Phetola le go fišwa ga koloi ya gagwe, le gore o tseba Kapamba le Sticks naa. Naa Bizza o tswalana le Kapamba le Sticks, goba a ka ba a kwele ka bona ka mabarebare?

Hee Moruti Kgole o tšwa sephodiseng go bega ka bothata bja sethunya seo ngwana wa gagwe Hlapydi a se swerego gomme a se filwe ke Bra Tick le Phetola! Naa ke mang a tlilego go swarwa mo tabeng ye ya sethunya?

“Poelano ya Matsheko le Phetola , ga e tllišetše lapa le tše di botse”, a ke mantšu a Dikeledi Lethebe ge a botṧa mmagwe Sebjalebjale ka go bona a thabetše poelelano ya Matsheko le Phetola. Naa taba ye e bolelwago ke Dikeledi ke nnete!

Brandon o gana thaa! O re ge Sophia Takalani Maluleka a ka mo hlala, go ka hwa motho!!! Naa Sophia o tla bona a dirile eng ge maemo a le ka tsela ye?

"If you love something, let it go." A ke mantšu a Jonjon ge a lla sello se bohloko, a itshola go kgaogana le Matsheko! Naa o tla bona a dirile eng!!

Phetola le Matsheko ba apešane dipalamonwana ka letšatši la baratani. Masedi o lemoša le go eletša tatagwe Phetola gore Sophia o sa mo nyaka. Naa re ka tla ra bona Phetola a boelelane le Sophia goba go fedile ka nnete ka lerato la bona?

Sophia Takalani Maluleka o kwele bohloko kudu ge a bona Phetola Gentle Lethebe le Matsheko ba swarane ka matsogo le go laetša lethabo mmolong. Re kwa a rera le Dikeledi Lethebe gore ba ba kgaogantšhe. Naa ba tla atlega goba ba iphora ka lefeela?

“Masedi I love you….I love you more and more…” Ke mantšu a košana yeo Saki a bego a e opelela Masedi tšatšing la lerato, ge a be a mo fereya. Naa re ka bona Saki le Masedi ba ratana goba Saki o a di gagatla?

Badgirl o šišinya go Phetola gore go ka bjang ge a ka mo rekištša sethunya sela e salego ba mo fa sona gore a bolaye Zakes ka sona ka R10, 000.Naa se sa le gona sethunya se goba Badgirl o nyaka go itirela tšhelete ka sona?

Bra Bizza o lateletše Bra Tick go mmotšiša gore sethunya seo yena le Phetola ba bego ba se file Badgirl ke sa mang,Bra Tick o gana thaa o re ga tsebe selo ka sethunya seo. Naa ke nnete taba ye?

Banna Wee! Sophia o tshepiša Badgirl/Hlapyadi tšhelete gore a mo fe tshedimošo ka Bizza ka ge Bizza a sa nyake go mo lefela tšhelete ya diflat tšeo a mo rekišeditšego tšona. Naa Badgirl o tlile go mo fa ka gore Sophia ke yena a mo thušitšego go thoma kgwebo ya gagwe ya meriri?

Joo nna wee, Bra Bizza o lateletše Saki go seka sethunya seo a ilego a mo šupa ka sona ge a be a kgakgana le Phetola. Naa Ssaki o tla bona a dirile eng!!!