Mahlakung

#Mahlakung –Kgokong le Matsobane ba a kgakgana dipoledišanong tša bona. Kgokong o bolela mantšu a gore, ‘go tla hwa noga gomme o tla e latela’, naa o hlatha eng ka se?

#Mahlakung- Phetola o botšiša Saki gore ke ka lebaka la eng a saena le Dimakatšo, Saki o mmotša gore ke yena a mo gapeleditšego. Naa go saena go nale bothata?

 #Mahlakung – Brandon o nyakwa R5000 ke lekgarebetsoko, morago re kwa pego ya ditaba ya mosetsana wa go bolaiwa kgaufsi le University, ka lehlakoreng le lengwe re kwa Jonjon morago ga go kwa ditaba tša polao, a botša Mabatho gore o leletša Mampane mogala. Naa go diragala eng? Mmolai ke mang gona mo, ke Mampane goba ke Brandon?

#Mahlakung – ‘Selosecha ‘ David Mampane ,le Jonjon ba a kgakgana ka taba ya ge Malehu a ile a tsenwa ke moya ge a be a ile ga Mojela, e bile re kwa a mo laela go hlwa ka gae le gore a kgaogane le go ya bathong. Naa Mampane o tlo khuta go fihla neng ?

#Mahlakung –Joo nna wee! Badgirl , o botša Monica gore a kgethe gore o ka ngakeng goba ka kerekeng naa. Naa ke phošo ge Malehu le Monica ba eya kerekeng ?

#Mahlakung –Dr Lethebe le Sister Millicent, ba sega maemo a Brandon ka baka la kotsi yeo Masedi a mmaketšego yona. Naa ke tshwanelo gore ba mo sege  ka yona tsela yeo?

#Mahlakung- Rethabile o  befeletšwe mmagwe Titi , ge a mmotša gore a kgaogana le Robert ka ge a le kotsi go feta Bra Bizza. Rethabile o mo fetola ka gore , a kgaogane le taba tša gagwe tša marato. Naa ge go le bjalo, Titi a dire eng go mo phološa go Robert?

 #Mahlakung – Mmalo! Alfios o ile le Selosecha ga gagwe moo a humanego Malehu yoo a ilego a napa a tsenwa ke moya, a hlakahlakana ge ba mo tsebiša yena? Naa go diragala eng ka Malehu?

#Mahlakung – Mofahloši Kgokong o botša Petronella go tlogela go nyakišiša monna wa gagwe Mtasobane? O mo eletša go mo thekga gore a se bee bophelo bja gagwe kotsing. Naa taba ye ke nnete?

#Mahlakung –Brandon o kgopela thušo go Bra Bizza , gomme re kwa Bra Bizza a mo tshepisa go mo fa Robert Nchaupe. Naa re ka bona Masedi a timeleditšwe motseng wa Mahlakung?

#Mahlakung –Masedi o lemoša Sophia gore a tlogele go sega maemo a Brandon, ka ge seo se ka dira gore a be le pefelo e kgolo bathong ba basadi gomme a be kotsi go bona ka go itefeletša. Naa se ke nnete goba ke mabarebare ao a fošagetšego?

#Mahlakung- Bra Bizza o sekisa Alfios ka go ba moleloko ga Phetola kerekeng ya ga Mabona. Alfios o mmotša gore ge a nyaka go tseba le yena a tle  kerekeng ka gore ke diphiri ga di botšwe bao e sego maleloko. Naa go direga eng kerekeng ya ga Mabona?

#Mahlakung – Joo! Selosecha o botša Jonjon gore o bone mollo o etšwa mahlong a Moruti Mabona, (Matsobane) o mo lebile, morago a kwa nke o hlabja ke dinelete, kemoka a wa fase puu,Naa ke ka lebaka la eng Selosecha a hlagetšwe ke se?

#Mahlakung –Selosecha o ikhumana a le gare ga dintwa tša baruti, Kgole le Mabona. Naa a dire eng go tliša khutšo magareng ga bona, ka gore ga a rate go ba lweša?

#Mahlakung –Phetola Gentle Lethebe o botša Bra Bizza gore ba swanetše go ya kerekeng ka gore ke kgale ba senyetša batho. Naa se se re botša eng ka Phetola?

#Mahlakung –Matsobane o botša Petronela gore e ka se be banna ba babedi ka lapeng, mola re ekwa le Mochichi a botša mmagwe Petronella gore ga a hlomphe tatage Matsobane. Naa ke nnete Petronella o nyatša monna wa gagwe , goba bothata bo go kae?

#Mahlakung- Bra Bizza o botša Titi gore ge nkabe Rethabile e le ngwana wa gagwe, o be a tla lwa le yena gore a kgaogane le Robert. Naa Robert ke mang, gona morero wa gagwe mo Mahlakung ke ofe?

 #Mahlakung – Taba ya tendara ya kabo ya meetse kerekeng ya ga Mabona, e tsošitše hlakahlakano lapeng la ga Lethebe. Ke  semphete ke go fete.

#Mahlakung –Mmabatho o botša Jonjon gore lephodisa Mpedi, o rata go dira diteko tša DNA go Selosecha. Naa go tla sa bjang gona mo ka Selosecha/Mampane le Jonjon?

#Mahlakung –Masedi o botša mmagwe, Matsheko gore matšatši a ,Saki o a mo tena,le go mo fediša pelo le gore o a mo šišimiša. Matsheko o mmotša gore seo se hlolwa ke maikutlo a lerato go Saki. Naa taba ye ke nnete?

#Mahlakung –Titi  o roma Alfios gore a ye go nyakišiša ka lesogana leo Rethabile a ratanago le lona ka ge a gononwa gore ke lehodu. Re kwa Alfios a bolela gore , ge eba o tsebana le Bra Bizza, gona go bjalo ke lehodu. Naa Robert ke mang, gona o tswalana bjang le Bra Bizza?

#Mahlakung- Badgirl o sekiša Matsobane ka Selosecha. O bolela gore go nale seo se sa hlakanego ka yena. Naa Badgirl o bona eng seo ba bangwe ba sa se bonego ka yo Selosecha?

 #Mahlakung – Saki Makhumetja o botša Masedi gore ge a ka no tšwela pele go mo phediša ka moo a mo phedišago ka gona, o tlo gapeletšega go tlogela dikgwebo tša ga Lethebe a ya a ithomela tša gagwe. Naa go diragala eng magareng ga Saki le Masedi?

#Mahlakung –Bra Bizza o thabetše go ya kerekeng e bile re kwa a botša Jonjon gore o ya go opela beisi ya dira ga di bonwe. Naa napile Selosecha o tla dira gore a nape a be moleloko wa kereke wo a feleletšego?

#Mahlakung – O fihlile Selosecha motseng wa Mahlakung, gomme bontšhi bja batho ba a mo tshepa. Naa o tla o beša wa tuka goba sephiri sa gagwe sa gore ke yena David Mampane se tla utuloga?