Ligwalagwala FM Current Affairs

Imibutfo yetinyonyana tetisebenti ibambe umhlangano lomkhulu wekwetama kubuka tindlela tekwenta ncono tindzawo tekusebentela. Lemibutfo yetinyonyana lefaka ekhatsi i-COSATU, FEDUSA, NACTU ne SATFU ihlangene ku- Labour 20 Summit e -Nshonalanga Kapa. Kuva kabanti ngalomhlangano sikhulumisana nelisekela lamabhalane we COSATU Noxolo Bhengu.

TINDZABA @LIGWALAGWALA FM 29.07.025

Kutfutfuka kwebucwepheshe sekufike netintfo letinyenti njengekucopha livi lemuntfu kubengatsi kukhuluma yena kantsi kusetjentiswa iArtificial Intelligent. Kuyicoca lendzaba sikhulumisana nesati setebuchwepheshe lesifundzisa eDurban University of Technology,  Siphumelele Zondi.

Umhlatiyi wetepolitiki Sandile Swana utsi bantfu baseNingizimu Africa abayitsatseli enhloko ipolitiki kungako bavotela bantfu labafana naboKenny Kunene etikhundleni tekwakha live.

Uyacala namuhla umbutsano webacwaningi welihlandla lesitfupha lobitwa nge-Emerging and Established African Researcher Training Academy. Lombutsano uhlelwe ngumkhandlu we-Human Sciences Research Council (HSRC), ngekubambisana nemanyunivesi lafaka ekhatsi iUniversity of Pretoria, University of KwaZulu/Natal kanye ne- Sol Plaatje University.  Kukhuluma ngalombutsano sicocisana na Dr Bongiwe Mncw...

Inhlangano i-AWANA SA iyachubeka neluhlelo lwayo iReach4Life ngekusebentisana nemasontfo ekufundziseni bantfu labasha ngemakhono labatabasita bakwati kumelana nemphilo. Kutfola kabanti ngaloluhlelo sikhulumisana naPatricia Khoza lophuma kulenhlangano.

Cishe sekuphele emaviki lamabili uvaliwe kusebenta ebusuku umtfolamphilo losedolobheni i-Mbombela kulesifundza se-Mpumalanga. Lokhulumela litiko letemphilo Dumisani Malamule utsi hulumende bekangakatiswa ngalokuvalwa kwalomtfolamphilo. Kantsi mabhalane weDENOSA eMpumalanga, Cyril Mdluli kutsi sekusikhatsi bakhulumisana nalelitiko kepha kwafana nekutsela emanti emhlane welidada.

Hulumende waseNingizimu Africa utsi litiko letekuvuselelwa kwesimilo letfwele matima ngekwandza kwesibalo sebantfu labagwetjiwe emajele akuleli labachamuka kulamanye emave. Lisekela lendvuna yelitiko letekucondziswa kqwesibili Lindiwe Ntshalintshali utsi  kusakhulunyiswana ngetiphakamiso letitsi letiboshwa kumele tibuyiseklwe emaveni ato tiyodvonsela khona tigwebo tato.

Sewutfolakele lomntfwana loneminyaka lemitsatfu budzala  wase-Mshadza kulesifundza seMpumalanga Nkosingiphile Ntiwane, lebekubikwe kutsi ulahlekile ngasekucaleni kwaleliviki. Kutfola takamuva sinababekati walomntfwana Doris Malele.

Lokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi utsi letinye tetintfo letihlelwe ngulelitiko kulomnyaka timali tifaka ekhatsi kusebentisana nemaphoyisa emphakatsi, kuvala tikhala letitsite temsebenti kanye nekucinisa tinhlelo tekulwa nebugebengu.

Ngetulu kwekutsi imfundvo igwabula ingcondvo, iphindze idlale inzuma lebalulekile ekwakheni likusasa lelichakatile. Kamuva lilunga leANC ephalamende, Malusi Gigaba utfweswe ticu tebudokotela, i Phd, e-University of Johannesburg. Sicocisana naye Dr Malusi Gigaba.

Lomtsetfosvivinywa lotfunyelwe ephalamende leMelika njengendlela yekubuyeketa budlelwane bayo ne-Ningizimu Africa kanye nekunswinya bosopolitiki labatsite be ANC, uphasiswe yikomiti lebukele tindzaba tangaphandle eMelika.  Solwati wetindzaba temhlaba, Njingalwati Zamo Mbandlwa uyasichazela.

Umbuso sewucedzile kuhola bufakazi kulelicala lekubulawa kwa Senzo Meyiwa. Basihlanu bamangalelwa labatekiswa lelicala lekubulawa kwalonozinti we Bafana Bafana kanye nelicembu leOrlando Pirates. Meyiwa wadutjulwa ekhabosingani sakhe Kelly Khumalo e Vosloorus e Gauteng nga 2014.  Kubuka kutsi yini lesingayilindzela kuya phambili , sikhulumisana nesati setindzaba temtsetfo Bongani Matsane longu...

Umbuso sewungete umsolwa wesihlanu,Nthabiseng Nzama, kulelicala lekwetama kubulala umlingisi, Tebogo Thobejane. Lomsolwa ujoyina loyo bekasingani sa Thobejane, somabhizinisi Vusi "Cat" Matlala nalabanye labatsatfu labekwe nabo licala. Kusenjalo, liphephandzaba lase Swatini, i Times of ESwatini, lishicilele indzaba letsi kusolisa kwangatsi Vusi "Cat" Matlala ubhaliswe njengesakhamuti saseSwatini. S...

Litiko lemisebenti yesive, imigwaco netekutfutsa kulesifundza se Mpumalanaga litsi seliphotfule imigwaco lemikhulu lelishumi nakunye. Loku kuvele ngalesikhatsi umphatsiswa waleleitiko Thulasizwe Thomo etfula luphakelomali itolo. Sicocisana naye umphatsiswa Thomo.

Emaphoyisa atsetse ayophonsa ngemibuto batali balomntfwana loneminyaka lemitsatfu budzala, Nkosingiphile Ntiwane, wase-Mshadza ngaseHazyview, eMpumalanga lekusolakala kutsi unyamalele adlala ekhayakubo. Lokhulumela emaphoyisa esifundza seMpumalanga, Lt-Col Jabu Ndubane uyayichaza lendzaba.

 Kunemibiko letsi bomasipala labambalwa bakulesifundza seMpumalanga babukene netinkinga letifaka ekhatsi kuntengantenga ngasetimalini, kwehluleka kwetfula tinsita esiveni kanye netinsolo tenkhohlakalo.  Ngetulu kwaloko bantfu labanyenti bakulesifundza bayakhala kutsi sebahleti sikhatsi lesidze balindze kwakhelwa tindlu tesibonelelo sahulumende. Njengoba litiko laka-COGHSTA beletfula luph...

Emaphoyisa atsi yachubeka nekufuna lomtfwana loneminyaka lemitsatfu lolahleke eMshadza ngase-Hazyview kulesifundza seMpumalanga. Ngekusho kwembiko wemphoyisa Nkosingiphile Ntiwane bekadlala ekhayakubo ngalesikhatsi kubonakala kutsi sewulahlekile. Kutfola kabanti kutsi kwentekeni, sicocisane na bebabekati walomntfwana, Doris Malele kanye nalokhulumela emaphoyisa esifundza Lt.- Gen Jabu Ndubane. &nb...

Umholi we-Build One South Africa, Dr Mmusi Maimane usandza kutfweswa ticu tebudokotela, e University of Johannesburg. Sicocisane naye  Dr Maimane.   

Siphelile sigwebo sekumiswa kwebulunga bemgcinimafa weANC eMpumalanga, Umnumzane Mandla Msibi. Mabhalane walenhlangano kulesifundza Muzi Chirwa utsi lokuphela kwalesigwebo kusho kutsi Msibi ubuyela esikhundleni sakhe sekuba ngumgcinimafa.

Bososayensi sebavakalise kukhatsateka ngengoti lebangelwa kusebentisa tinongotelisi-mbumbulu (artificial sweeteners) emtimbeni wemuntfu. Kukhuluma kabanti ngalendzaba sicocisana nesati ngekudla lokunemsoco (Dietician) Zama Mashile..  

 Mengameli Cyril Ramaphosa sewuyicoshile indvuna yelitiko letemfundvo lephakeme nekucecesha Dr Nobuhle Nkabane kwatsi esikhundleni sakhe wafaka Buti Manamela lebekaliphini la Nkabane. Ramaphosa uphindze wacoka Dr Nomusa Dube-Ncube njengelisekela laManamela.  Kubuka lendzaba ngeliso lemhlatiyi, asemukele Professor Ntsikelelo Breakfast.

 Inhlangano i-Economic Freedom Fighters ihlanganisa iminyaka leli-12 yasungulwa kulenyanga. Kukhuluma ngendlelaleseihanjwe ngulenhlangano kufikela namuhlam sikhulumisana nelilunga lelisesigungwini lesisetulu salenhlangano, Umnumzane Muzi Khoza.

Bacwaningi basenyuvesi yase-North-West batsi batfole kutfolakele imitfonselana yemishwanguto yeARV kuleminye imitfombo yemanti yakulelive. Nanobe kunjalo, lisekela lendvuna yetemanti nekuhlanteka David Mahlobo ucinisekise sive lokutfolakala kwemitfonselana yema-ARVs kuleminye imitfombo yemantini akulelive angeke kuholele ekutseni bantfu bangenwe sandvulelangculazi. 

Mengameli Cyril Ramaphosa ugcine ayicoshile indvuna yelitiko letemfundvo nekucecesha Dr Nobuhle Nkabane. Esikhundleni sakhe kufakwe Buti Manamela lobekalisekela lalendvuna. Sikhulumisene nemhleli wetepolitiki ka-SABC Mzwandile Mbetje.