Ligwalagwala FM Current Affairs

Emaphoyisa atsi asukumise luphenyo kulandzela sigameko sekudubula lesenteke enyunivesi iWalter Sisulu University ekhempasini yaseMthatha. Kusuke umsindvo itolo kulenyunivesi kwadubuleka umuntfu washona lekutsiwa abengafundzi futsi angasiso nesisebenti salenyunivesi. Kulimele titjudeni letimbili kulesehlakalo..  Sicocisane na  Demian Mkansi lolilunga lekomiti yavelonkhe yenhlangano yetitj...

Kunekuswelakala kwemishini yekusita tigulane letiphetfwe tifo temdlavuta kulesifundza seMpumalanga. Ngekusho kwaDr Bonginkosi Shoba loyi-Oncologist esibhedlela sembuso iRob Ferreira utsi lesifundza seMpumalanga site i-radiation lekungumshini lodzingeka kakhulu ekwelapheni bantfu lebaphetfwe ngumdlavuta, lekubanga kutsi tigulane tigcine titfunyelwa eStebe Biko Academic Hospital ePitoli. 

:Sikhwama lesilekela titjudeni ngetimali i-NSFAS, sitsi sitawuchubeka sisebentisane nebaholi betitjudeni tasemanyunivesi nasemakolishi kuze tigcugcutele labo lebatfole lemali lelingaiselwa ku-R13 800 bakhiphe R10 800 babhadale tindzawo labahlala kuto. Loku kuta ngemuva kwekutsi iNSFAS ifake lemali yekubhadala tindzawo tekuhlala ema-akhawundini ebafundzi. Simeme lokhulumela i-NSFAS velonke umnumzan...

Tisebenti letingemalunga enyonyana iSAMWU kumasipala waseNkomazi tihlele kumashela emahhovisi alomasipala tikhala ngemphatsi wawo. Lokhulumela lenyonyana kulomasipala Nkosinathi Mkhwanazi.

Umphatsi wamasipala waseNkomazi Umnumzane Xolani Mabila utsi lomasipala akakhoni kuticashela tisebenti njengoba emandla ekucasha batsatselwa litiko letekubusa ngekubambisana kulesifundza seMpumalanga.

I-Border Management Authority (BMA), seyimemetele kutsi kutawuciniswa tekuphepha eminceleni yakuleli kulamaholide letako eliphasika. Lesikhungo sitsi sitawusebentisa buchwepheshe lobusezingeni lelisetulu kuvimbela kungena kuleli ngalokungekho emtsetfweni nekucinisekisa kutsi kwendlula noma kuhamba kulemincele kwenteka  ngaphandle kwetihibe . Sikhulumisana neActing Port Commander yaseMananga p...

Umphatsiswa welitiko letetimali kulesifundza se-Mpumalanga, Bonakele Majuba, kulindzeleke ahlangane nabo bonkhe bomasipala bakulesifundza ngaphansi kweluhlelo lolubitwa nge Finance MUNIMEC namuhla.  Sicocisana Umphatsiswa Majuba ngalolmhlangano.

Lobekangumkhuti wembutfo wetekuvikela eGabon Brice Oligui Nguema uphumelele lukhetfo lwemengameli kulelalive wehlula imbangi yakhe Alain Claude. Lolukhetfo belubanjwe mhla tili-12 kulenyanga lesetulu, belilekucala kusukela kwakhishwa ngemasotja umndeni waka Bongo lebesewubuse lelalive iminyaka lengu 56. Sicocisane nemhlatiyi wetindzaba tepolitiki, Umnumzane Thulisa Ndlela.

Basengotini yekucoshwa lapho bahlala khona bafundzi labangetulu kwemakhulu lasihlanu bakulesifundza seMpumalanga lababhadalelwa yi-NSFAS. Banikati baletindlu letihlalisa labafundzi bakhala ngekutsi iNSFAS ihlulekile kufeza setsembiso sayo sekubhadala. Kutfola takamuva sicocisana nalokhulumela i-Mpumalanga Accommodation Service Association (MASA), Umnumzane Amos Mdluli

Kutfolakale sidvumbu semelaphi wendzabuko ngemphelasontfo emfuleni Umgwenya  dvute na KaNyamazane kulesifundza se Mpumalanga. Lokhulumela emaphoyisa Colonel Jabu Ndubane.

Inhlangano lephikisako eveni le Tanzania, i-CHADEMA PARTY, yalile kusayina imigomo lemisha yekutiphatsa ekhetfweni (Electoral Code of Conduct), lokusho kutsi ingahle ingavunyelwa kutsi ingenele lukhetfo lwamengameli lekuhlelwe kutsi lubanjwe ngenyanga yeMphala kulomnyaka losetulu. Sicocisene nemhlatiyi wetepolitiki, Sandile Swana.

Inhlangano yebaholi bendzabuko iCONTRALESA ibita hulumende kutsi ete netindlela letitawusita kugwema kundlulisela etinkantolo tinkinga letihlangabetana nemindeni yebukhosi. Mengameli weCONTRALESA, Kgosi Mathupa Mokoena utsi imindeni leminyenti yasebukhosini seyigijimela etinkoantolo kuze isombulule tinkinga tasebukhosini letifaka ekhatsi netembango wesihlalo sebukhosi. Mokoena utsi tikhona tindlel...

Lenkofa yabomake labangemaJaji, i Biennial Conference of International Association of Woman Judges lebanjelwe eKapa, ifika emaphetselweni namuhla. Lenkofa beyibanjwe ngaphasi kwesicubulo lesitsi 'Resilince Women in Leadershig to End Gender Based Violence and Femicide'.  Simeme lomunye bekahambele lenkomfa Zikhona Ndlebe lophuma egunjini iDemocratic Governance and Rights Unit ngephansi kwe-Jud...

Esigabeni setfu  semabhuku, namuhla sicubungula libhuku lelibhalwe nguNjabulo Mabanga lelinesihloko  lelitsi "Stop Being A Nice Guy". 

Inyonyana yabothishela iNATU itsi kubalulekile kuhlola limuva labothishela kuze kucinisekiswe kutsi abanawo emacala ekuhlukumeta bantfwana ngetemacansi. Lisekela lememngameli weNATU Mandla Mabuza uphakamisa kutsi lokunye lokungasita kuhlola limuva lemuntfu lofundzela buthishela asasenyuvesi kunekutsi ayekelwe afundze iminyaka lemine abese utohlolwa sekacedzile. 

Licembu lemculo wembholoho i-Ladysmith Black Mamba lihlanganisa iminyaka lengema-65 lasungulwa. Njengencenye yekubungata leminyaka, lelicembu kulindzeleke lihambele tindzawo letinyentana njengenceye yekujabulisa balandzeli balo. Sikhulumisene na-Albert Mazibuko lolilunga lawo Amambazo Amnyama.

Kulandzela kuphuma toli kwemfundisi Timothy Omotoso lobekabukene nemacala langemashumi lamatsatfu nakubili lafaka ekhatsi kugagadlela, nekunnkubeta ngekwemacansi, tikhungo letintsatfu tahulumende tincume kusungula likhomishana lelitawubuka indlela lekushushiswa ngayo emacala ekugagadlela. Letikhungo letitsetse lesincumo likhomishana lekutfutfukisa temasiko, inkolo nelulwimi iCRL, kube likomishana...

Indvuna yetekubusa ngekubambisana netindzaba tebaholi bendzabuko, Vekenkosini Hlabisa, ucwayise banikati betitodlwana tetiphaza lebangalandzeli imigomo lebekiwe kutsi beme kusebenta. Hlabisa bekakhuluma ngaphandle esibhedlela iChris Hani Baragwanath, eSoweto kulandzela lesigameko salomtfwana losesimeni lesibucayi  ngemva kwekutsi adle emafotjofotjo lanebutsi. Simeme Umnuzane Sakhile Madonsela...

Umhlatiyi wetemtsetfo ummeli Bongani Matsane lophuma ku-Matsane Attorneys utsi kutsatsa sikhatsi lesidze kwekutekwa kwemacala ekugagadlela kunemtselela lomubi ekushushisweni ngemphumelelo kwalamacala. Matsane utsi lenye insayeya kungabo nebashushisi lebanelwati l;olujulile ngemacala lakhetsekile.

Lesincumo samengameli waseMelika Donald Trump sekwenyusa intsela yemali lebhadalwa imikhicito lengena eMelika siyachubeka nekutamatamisa timakethe temave emhlaba. Kulo leliviki Trump umemetele kutsi ukumisa ngetinsuku letingema-90 kukhuphula lentsela yakulamanye emave ngephandle kweChina layikhuphulele nga-125%. Sicocisana naProf Bonke Dumisa kutosichazela kabanti ngalendzaba yema-tariffs.

Inyonyana yetisebenti tamasipala i-South African Municipal Workers' Union , isemukele sincumo senkantolo yemtsetfosisekelo lesitsi incenye yemtsetfo  i-Municipal Systems Act  levimbela tisebenti kutsi tibambe tikhundla tepolitiki siphambene nemtsetfo sisekelo futsi asikho emtsetfweni . Lesincumo sita  ngemuva kwekutsi i-SAMWU iphikisane netigatjana letitsite kulomtsetfo i-iMunicipal...

Inhlangano yemakhomanisi iSACP itsi ikhumbula imphilo yemholi wayo lowabulawa Chris Hani eminyakeni lengemashumi lamatsatfu nakubili leyengcile, ngelusizi ngoba ikholelwa ekutseni bulungiswa amange bugcinwe ikakhulukati ngekukhululwa ejele kwembulali wakhe Januz Waluz. Sikhulumisene namabhalane jikelele we-SACP kulesifundza seMpumalanga, Umnumzane Lucky Mbuyane

Indvuna yelitiko letekuhwebelana netimboni Parks Tau nendvuna yelitiko letekutfutfukiswa kwemabhizinisini lasasemancane asemalokishini, Stella Ndabeni betfule ngalokusemtsetfweni sikhwama semali lengu R500 million yekwesekela emabhizinisi lamancane. Kukhuluma ngalendzaba sicele uMnu Sakhile Madonsela lovela enhlanganweni i-Food 4 Nation Foundation. 

Litiko letemaphoyisa kuvelonkhe litamukele tiphakamiso takamuva  letentiwe likomiti letemaphoyisa ephalamende leliphakamise kutsi kwentiwe luphenyo nge-forensic laboratory emaphoyisa. Kunemibiko letsi kunekubambeleleka kwekukhishwa kwemiphumela yeluhlolo lweDNA lolutsintsa emacala lasenkantolo labalelwa ku-140 thousand. Kukhuluba kabanti ngalendzaba sicocisana na Brigadier Fikile Hlalela loph...

Litiko letemisebenti yesive, imigwaco kanye netekutfutsa kulesifundza seMpumalanga litsi limatasatasa lilungisa letinkinga letibange kwabambeleleka kubhadalwa kwabanikati betimoti letitfutsa bafundzi naabaya noma babuya sikolweni (scholar transport). Kuyiva kahle lendzaba simeme lokhulumela lelitiko, Umnumzane Bongani Dlamini.