Ligwalagwala FM Current Affairs

Letinye tinhlangano letiyincenye yekomidi yephalamende leyatfunywa kuphenya ngetinsolo letentiwa ngunkomishana wemaphoyisa aKwaZulu Natal Nhlanhla Mkhwanazi tikhatsatekile ngebudze beluhla labofakazi. Ngekusho kwaMkhwanazi kuletinsolo waveta kutsi emaphoyisa lamakhulu kufaka ekhatsi indvuna yemaphoyisa Senzo Mchunu basolwa ngenkohlakalo kanye nekwatana nalebasolwa ngebugebengu. Lilunga leActionSA...

Mengameli wenhlangano iOperation Dudula, Zandile Dabula utsi kubaniketa bumatima batali bebantfwana balelive lebagcina baswela tikhala tekufundza etikolweni talelive ngenca yekugcwala kwebantfwana lebavela ngaphandle kwalelive

Litiko lekuphepha kwemphakatsi kuvikeleka nekuchumana kulesifundza seMpumalanga belibamba Imbizo yekulwa nebugebengu enkhundleni yetemidlalo Elukwatini kumasipala weChief Albert Luthuli kulesifundza seMpumalanga. Simeme yena umphatsiswa walelitiko Jackie Macie kutokhulula ngebugebengu kulesifundza.

Namuhla umhlabawonke ubungata lilanga lekuhlela umndeni, iWorld Contraception Day, Kukhuluma kabanti ngalendzaba sicocisana nemhlelembisi lobuke tindzaba tabomake nebantfwana etikweni letemphilo kulesifundza seMpumalanga, Thembi Mdluli.

Umcondzisi welihhovisi letebushushisi iNPA KwaZulu Natal Elaine Harrison kulindzeleke avele ekomishaneni iMadlanga Commission ePitoli lamuhla. Kuvela kwakhe kulindzeleke kugcile kakhulu ngekuhlakatwa kweluphiko lemaphoyisa laphenya ngekubulawa kwabosopolitiki iPKTT lekusolwa kutsi lahlakatwa indvuna yelitiko lemaphoyisa Senzo Mchunu. Kwanyalo batsatfu bofakazi lebavete tinsolo tekungenelela kwetep...

 Indvuna yelitiko letekutfutfukisa tenhlalo kulelive Sisisi Tolashe itawube ihola tinhlaka tayo letifana neSASSA kanye ne National Developmental Agency (NDA) emkhankasweni wekubhalisa bantfu labeswele eDelmas kumasipala we Victor Khanye. Kuva kabanti elucingweni sinalokhululumela iSASSA kulesifundza seMpumalanga, Senzeni Ngubeni.

Umkhandlu lomelele bantfu besilisa i-Mens' Council South Africa ubita hulumende kutsi ente taba tekulwa nekuhlumeteka engcondvweni kwebantfu besilisa kulelive. Loku kulandzelwa sehlakalo lesenteke e-Thekwini lapho lijaha lelineminyaka lengema-21 kubikwe kutsi litijike ebhulohweni i-M19 dvute nase Mngeni Interchange. Kute sive kabanti ngalolubito samukela mengameli walomkhandlu Fikile Dyantyi.

 I ANC esigopdzini sase Gert Sibande kulesifundza seMpumalanga ibambe inkomfa yekukhetsa buholi balesasigodzi. Lenkomfa ivulwe ngalokusemtsetfweni ngusihlao wayo kulesifundza Mandla Ndlovu. Kuva kabanti ngekuhlala kwayo lonkomfa simeme lokhulumela iANC eMpumalanga, Sasekani Manzini.

Umphatsi wetekuchumamana ku-National Credit Regulator (NCR), Akhona Mata utsi kunesidzingo sekuchibiyela umtsetfo i-National Credit Act njengobe baya ngekwandza lababolekisa imali ngalokungekho emtsetfweni kulelive. 

Mengameli Cyril Ramaphoyisa utsi ukhuluma livi lelingujuvcu ngalekufute babemalunga eCabinethi. Bekaphendvula kulemibiko letsi umholi weDA uhlongota kukhipha aphindze avalele emalunga alenhlangano kuCabinet yembuso. iDA kubikwa kutsi ilungiselela kugucula iCabinethi njengoba kunemalunga alenhlangano lababukene nekucoshwa. Mengameli Ramaphosa ukhulume nebetindzaba ngesikhatsi aphetsa luhambo lwakhe...

Lingena esukwini lesitfupha likomishana iMadlanga kulalela buhfakazi ngetindlela tekusebenta nekuphatfwa kwemsebenti wemaphoyisa kulelive iSAPS. Mengameli welive Cyril Ramaphosa wasungula lelikomishana kutsi liphenye tinsolo letiyamene nebugebengu, kungenelela kwetepolitiki kanye nenkohlakalo emsebenti wetebulungiswa. Lelikomishana lelacala kusebenta evikini leliphelile libuvile bufakazi bankomish...

Njengobe sichubeka nekugubha inyanga yemagugu lamuhla sikhumisana na Thembisile Maphanga lovela enhlanganweni letimele i- "You are Enough",  lebuke kutfutfukiswa kwetemasiko. Kulokunye lenhlangano ibeka embili kuvunula ngeSiswati, kugidza sibhaca, kunaka tridzingo tabomake beLutsango, timbali nalokunye.

Kunemibiko letsi banfu labanyenti babatimisele kuyovakasha esiciwini  iKruger National Park (KNP) itolo bajikisiwe egedeni ngoba kutsiwa besekugcwele. Loku kwenteka ngesikhatsi lapho baka-SANParka basemkhankasweni weliviki lekungena mahhala eticiwini tabo. Kuyivisisa lendzaba simeme lokhulumela iSANParks, Reynolds Thakuli

Seyifike emaphetselweni ingcungcutsela yemalanga lamabili yelitiko lekuhlunyeleliswa kwesimilo lebeyibuka kabanti luhelo lekuyocedzela sigwebo ngaphandle (parole). Sicopcisana nalokhulumela lelitiko Singabakho Nxumalo.

Mengameli Cyril Ramaphosa utjele umkhakha wetemabhizinisa eMelika kutsi live leN/A ngete libutsatsele phasi budlelwane bekutsengiselana neMelika ngesikhatsi agcizelela litsemba kwekutsi tinkapani taseMelika titawuchubeka nekutjala kulelive. Bekakhuluma emhlanganweni wekutjengiselana kanye nekutjalwa kwetimali ePhalamende yenhlangano yamhlabuhlangene leseNew York. Lomhlangano bowuholwa mikhandlu ye...

Sati ngetemasiko Khaya Ndwandwe utsi imihambo nemagugu adlala indzima lenkulu emphilweni kanye nasesimilweni semuntfu.

Nkomishana wemaphoyisa akuleli Fanie Masemola sewucedzile kwetfula bufakazi bakhe phambi kwelikhomishana laMadlanga. Kuva kabanti ecingweni sichumana nesati ngetekuphepha nekuvikeleka Umnumzane Andy Mashaile.

Indvuna yetemisebenti yesive netakhiwoncanti  Dean MacPherson ikwemukele kukhishwa eluhlwini lwetinkapani letisebentisana nahulumende kwetinkapai letingema-40 kuze tingaphindzi titfole umsebenti kuhulumende. Sicele umphatsi we-Construction Industry Development Board (CIDB) Bongani Dladla kutosichazela ngaloludzaba.

Namuhla umhlaba wonke ubungata lelilanga lekukhuluma ngetandla, iInternational Day of Sign Languages.  I-World Federation of the Deaf itsi kunebantfu labangeva etindlebeni labangetulu kwetigidzi letingu-70 emhlabeni wonkhe. Kukhuluma kabanti ngalelilanga, simeme Onica Mabaso longulomunye wabotoliki lebakhuluma ngetandla.

Licale itolo liviki lekungena mahhala eticiwini tetinyamatane letingaphansi kweSANParks. Simeme lokhulumela iSANParks Reynold Thakuli kutosichazela.

 Inyonyane yemasotja i South African National Defence Union (SANDU) itsi seyitetfulile timfuno tayo mayelana nekubhadalwa kwemali yekusebenta ngaphandle kwalelive kwemasotja akuleli (allowances).. Lenyoyane itsi emalunga latsintseka kakhulu ngulawo lebekadze atfunyelwe eveni lase DRC. Kutfola kutsi tihamba njani letinkhulumiswano simeme umholi wenyonyana iSANDU, Jeff Dubazana.

Live leNingizimu Africa kubikwa kutsi libukene nenkinga lenkhulu yekutsengiswa kwetjwala lobungekho emtsetfweni. Lemibiko itsi lelive lilahlekelwa yimali lelingaselwa ngetulu kwa R25 billion wemarandi  ngenca yalokutsengiswa kwalotjwala.  Kubuka kutsi loku kunawuphi umtselela sikhulumisana Mbongeni Shabangu longumcondzisi wekulandzelwa kwemtsetfo ku Gauteng Liqour Board.

Sichumana nentsatseli yeSABC Sibahle Motha kutosibikela ngalokuvele namuhla kuKhomishana laMadlala njengobe bekuvele fakazi wesibili Nkomishana wemaphoyisa kulelive Fannie Masemola.

Likomishana leliphenya tinsolo tebugebengu, kugcambukela kwabosopolitiki kanye nenkohlakalo emsebentini wemaphoyisa i-Madlanga Commission litsi Nkomishana wemaphoyisa Fannie Masemola utawuba ngufakazi lolandzelako njengoba lichubeka namuhla. Kuyikhuluma lendzaba simeme umhleli wetindzaba tepolitiki laka SABC Mzwandile Mbeje.

Emaphoyisa atfungatsa basolwa lababili bekudzabuka eNigeria lekukholwa kutsi bayincenye yesikhungo lesikhicita tidzakamiva eVolkrust kulesifundza iMpumalanga. Lesikhungo lesingumshoshaphasi lesikhicita sidzakamiva iCrystal meth lebita ngetulu kwa-350 Million wemarandi savalwa maphoyisa ngaLwesihlanu kulandzela kulunywa indlebe takhamuti tendzawo. Kuboshwe madvodza lamane ladzabuka eMexico nayinye...