Ligwalagwala FM Current Affairs

Umholii we-EFF kulesifundza seMpumalanga Collen Sedibe utsi bayakwamukela kukhishwa kwampohatsiswa wetemfundvoi Cathy Dlamini kulesikhundla.

Sosiswebhu we-ANC kusishayamtsetfo sesifundza seMpumalanga Ntombizodwa Makhabane utsi bayakwamukela kuhlelwa kabusha kwelikhabinethi lesifundza.

Sifundza saseNyakatfo Kapa saba sekugcina lapho ligumbi letindzaba kaSABC lavula lihhovisi lalo nga-1996. Labanye bebangemahambembili, batsi ngalawo malanga ngalesikhatsi lelive lingena embusweni wentsandvo yelinyenti, tintfo betimatima. Intsatseli yeSABC Thabiso Radebe usihlanganisele lombiko lesiwetfulelwa nguZandile Nkosi. 

 Inkapani yetebucwepheshe i-CyberM8, yetfule umkhankhaso wavelonkhe wekucwashisa takhamuti takuleli ngebugebengu lobentiwa ngetebucwepheshe besimanje lobitwa nge Qaphela online. Loku kuta ngesikhatsi kunekukhatsateka ngekwandza kwaloluhlobo lwebugebengu emhlabeni wonkhe. Kute sitfole kabanti ngaloku. Sicocisana nemphatsi walenkampani, Manqoba Mngomezulu.

Titfunywa temave langemalunga eG20 betibonisana ngetihloko letifaka ekhatsi kugucugucuka kwesimo selitulu, kuguguleka kwemhlabatsi, somiso, tikhukhula kanye netindlela letincono tekulahlwa kwemfucuta. Lomhlanmgano, loholwa litiko letemahlatsi, kudoba tinhlanti kanye netemvelo uchubeka esiciwini setinyamatane iKruger National Park. Kutfola kutsi kuhambe njani futsi yini leseta kulomhlangano, sicoci...

 Njengoba ligumb i letindzzaba kaSABC ligubha iminyaka lengu-75 lisemoyeni, sibuka emuva tindzaba letahamba embili, lebetikhetsekile kulomsakato wesive. Kaone Boikanyo (24) wamangalisa sive nakakhuluba nebetindzaba kungakahlelwa nga-2019, kulandzela umlilo lowangcongcisa sitsabatsaba setitolo eStation Road eMahikeng.  Intsasteli yeSABC, Sentleeng Lehihi lowacocisana naBoikanyo cishe emin...

Mengameli welive Cyril Ramaphosa unikete ilivu lekhetsekile indvuna yemaphoyisa Senzo Mchunu. Mengameli uphindze wamemetela ngekusukunyiswa kwelikhomiahana leliyophenya ngetinsolo letenteka emaphoyiseni akuleli. Kukhuluma kabanti ngalendzaba elucingweni sichumana nesati setindzaba tebugebengu Dr Mxolisi Mathebula.

Lokhuumela inyonyana yemaphoyisa iSAPU, Lesiba Thobakgale bayasemukela lesincumo semengameli Cyril Ramaphosa sekusukumisa likhomishana lelitawuphenya ngaletinsolo letivetwe nguNkomishana wemapghoyisa KwaZulu Natal, Nhlanhla Mkhwanazi. 

Lenkhundla lephenya tinsolo tekungatiphatsi kahle kwamengameli wemajaji ase Mpumalanga Kapa Selby Mbenge siphotfule kumphindzilita ngemibuto kuleliviki leliphelile. Kubuka kutsi kuhambe njani kutiphendvulela kwaleliJaji naliphindziloitwa ngemibuto, simeme ummeli lotimele lophuma kuDonda Attorneys, Melusi Xulu.

Kushone bantfu labane engotini yemoti leyenteke emgwacweni iN4 emkhatsini we-Malelane neHectorspruit itolo. Kuva nganayindzaba elucingweni sicocisene nalokhulumela litiko letekhuphepha kulesifundza seMpumalanga Moeti Mmusi.

Kulindzeleke ucale namuhla umhlangano wesibili kulemihlangano lemitsatfu ye G20 lebuke tindzaba temvelo kanye nekugucugucuka kwesimo selitulu. Lomhlangano loholwa litiko letemahlatsi, kudoba tinhlanti kanye nemvelo, utawube ubanjelwe esiciwini setinyamatane iKNP kusukela namuhla kudzimate kube nguLesihlanu. Sicocisene nalokhulumela lelitiko Thobile Zulu-Molobi.

Utawufihlwa namuhla eMahushu umsakati we-Ligwalagwala FM, Nontuthuko Lekhuleni lowendlule emhlabeni ngasekucaleni kwalelivi. Kuyikhuluma lendzaba sicocisana nemhlelembisi wetinhlelo ku-Ligwalagwala FM Sphiwe Mnisi lotsi Nontuthuko bekawenta ngelutsandvo nangebuhlakani umsebenti wakhe.

Sikhulumisana naWandile Zulu welibandla i-Methodist Church KaBokweni mayelana neluhlelo lwekukhutsata bafundzi ngetifundvo letitawubabeka ematfubeni nasebaphotfulile (Career Expo). 

Bashayeli betimoto bacwayiswa ngemigwaco letawuvalwa kwesikhashana edolobheni i-Mbombela njengoba kunenkonzo yemngcwabo yalobekalisekela lemengameli David Mabuza . Kulindzeleke kutsi kutsikabeteke emigwacweni i-R 40 emkhatsini we Mbombela ne Barberton kanye neR38 lebheke eManzana. Lokhulumela masipala weCity of Mbombela, Joseph Ngala.

Inkantolo lephakeme yaseGauteng isigodlile sincumo ngelicala lelifakwe yi-Labour Party of South Africa ngenhloso yekuvimbela kubanjwa kwaletingcoco tavelonkhe letatiwa nge-National Dialogue. . Sikhulumisana nalosabambe kwesikhashana njengemengameli weLabour Party South Africa, Umnumzane Joseph Mathunjwa.

Ukhala letimatfonsi umndeni ngekwendlula emhlabeni kwemetfuli weluhlelo lwetemfundvo emsakatweni weSABC, Ligwalagwala FM, Nontuthuko Lekhuleni. Lekhuleni wendlule emhlabeni ngemuva kwekugula sikhatsi lesidze. Sicocisene namake Sanny Mona, lotawukhulumela umndeni ngalesimo

Umsakato weSABC, Ligwalagwala FM, ugubetelwe lifu lelimnyama kulandzela kwendlula emhlabeni kwalomunye webasakati labephindze abengumhleli weluhlelo lwetemfundvo, Nontuthuko Lekhuleni. Lekhuleni wendlule emhlabeni ngemuva kwekugula sikhatsi lesidze. Sicocisane nalosebente naNontuthuko sikhatsi lesidze kuleligumbi letemfundvo lapha kaSABC, make Angie Maziya

Lona bekangumhleli lomkhulu wetinhlelo tetemfundvo emsakatweni Ligwalagwala FM, Nomalanga Sibiya, ubhodlela emswaneni ngekwendlula emhlabeni kwemsakati wetinhlelo temfundvo, Nontuthuko Lekhuleni.

Umetfuli nemhlatiyi wemdlalo welibhola letinyawo kumsakato Ligwala Gwala FM, Sibusiso "SD" Mashabane utsi lona bekangumphatsi welicembhu lelibhola letinyawo Veli Mahlangu unemlandvo lomuhle ekutfutfukisweni kwemdlalo welibhola letinyawo kulelive.

Kulindzeleke kubanjwe tinkonzo tesikhumbuto kulandzela kwendlula emhlabeni kwalobekalisekela lemengameli kuleli Umnumzane David Mabuza. Mabuza wendlule emhlabei ngaLesine kuleliviki leliphelile esibhedlela sase Jozi. Lotositjela kabanti ngaloludzaba, simeme mabhalane we ANC kulesifundza, Muzi Chirwa.

I-South African Depression and Anxiety Group (SADAG) seyibite bacashi kutsi babe nendlela yekucinisekisa kunakekelwa kwemphilo yetisebenti (employee wellness). Loku kuta ngemuva kwetibalo letikhishwe yi-SADAG letiveta kutsi batinkulungwane letili-13 bantfu lebatibulala njalo ngemnyaka kulelive.  Simeme umphatsi weligumbi lekunakekelwa kwetisebenti emsebentini etikweni letemphilo kulesifundza...

 Luphenyo belwentiwa yi-Section 59 Investigation Panel mayelana netinsolo tekubandlululwa ngekwelibala kwabodokotela labamnyama tinkapani tema-Medical Aid, lutfole kutsi tiliciniso.  Sicocisane nasihlalo we-South African Medical Association (SAMA) Dr Mvuyisi Mzukwa.  

Likhomishana leliindzaba tebatsengi i-National Consumer Commission, limemetele kutsi itfole umbiko lotsi kunetimoti lekumele tijikiswe ngoba tinetinkinga letitsite letingahle tifake engotini imphilo yebantfu. Sicocisana nalokhulumela iNCC, Phetho Ntaba.  

Sikhulumisene nelisekela lendvuna yetemanti nekuhlanteka David Mahlobo mayelana nekwendlula emhlabeni kwalobekalisekela lemengameli David Mabuza. Mahlobo usebente kakhulu naMabuza kulesifundza seMpumalanga.

Lokhulumela inyonyana yemaphoyisa iSAPU Lesiba Thobakgale iphakamisa kutsi mengameli welive angenelele masinyane kulendzaba letinsolo letibhibitwe nguNkomishana wemaphoyisa KwaZulu/Natal Lt-Gen Nhlanhla Mkhwanazi. Thobakgale letinsolo timatima ngoba titsintse kuphepha nekuvikeleka kwelive kungako mengameli kufanele angenelele masinyane.