Ligwalagwala FM Current Affairs

Umbuso sewucedzile kuhola bufakazi kulelicala lekubulawa kwa Senzo Meyiwa. Basihlanu bamangalelwa labatekiswa lelicala lekubulawa kwalonozinti we Bafana Bafana kanye nelicembu leOrlando Pirates. Meyiwa wadutjulwa ekhabosingani sakhe Kelly Khumalo e Vosloorus e Gauteng nga 2014.  Kubuka kutsi yini lesingayilindzela kuya phambili , sikhulumisana nesati setindzaba temtsetfo Bongani Matsane longu...

Umbuso sewungete umsolwa wesihlanu,Nthabiseng Nzama, kulelicala lekwetama kubulala umlingisi, Tebogo Thobejane. Lomsolwa ujoyina loyo bekasingani sa Thobejane, somabhizinisi Vusi "Cat" Matlala nalabanye labatsatfu labekwe nabo licala. Kusenjalo, liphephandzaba lase Swatini, i Times of ESwatini, lishicilele indzaba letsi kusolisa kwangatsi Vusi "Cat" Matlala ubhaliswe njengesakhamuti saseSwatini. S...

Litiko lemisebenti yesive, imigwaco netekutfutsa kulesifundza se Mpumalanaga litsi seliphotfule imigwaco lemikhulu lelishumi nakunye. Loku kuvele ngalesikhatsi umphatsiswa waleleitiko Thulasizwe Thomo etfula luphakelomali itolo. Sicocisana naye umphatsiswa Thomo.

Emaphoyisa atsetse ayophonsa ngemibuto batali balomntfwana loneminyaka lemitsatfu budzala, Nkosingiphile Ntiwane, wase-Mshadza ngaseHazyview, eMpumalanga lekusolakala kutsi unyamalele adlala ekhayakubo. Lokhulumela emaphoyisa esifundza seMpumalanga, Lt-Col Jabu Ndubane uyayichaza lendzaba.

 Kunemibiko letsi bomasipala labambalwa bakulesifundza seMpumalanga babukene netinkinga letifaka ekhatsi kuntengantenga ngasetimalini, kwehluleka kwetfula tinsita esiveni kanye netinsolo tenkhohlakalo.  Ngetulu kwaloko bantfu labanyenti bakulesifundza bayakhala kutsi sebahleti sikhatsi lesidze balindze kwakhelwa tindlu tesibonelelo sahulumende. Njengoba litiko laka-COGHSTA beletfula luph...

Emaphoyisa atsi yachubeka nekufuna lomtfwana loneminyaka lemitsatfu lolahleke eMshadza ngase-Hazyview kulesifundza seMpumalanga. Ngekusho kwembiko wemphoyisa Nkosingiphile Ntiwane bekadlala ekhayakubo ngalesikhatsi kubonakala kutsi sewulahlekile. Kutfola kabanti kutsi kwentekeni, sicocisane na bebabekati walomntfwana, Doris Malele kanye nalokhulumela emaphoyisa esifundza Lt.- Gen Jabu Ndubane. &nb...

Umholi we-Build One South Africa, Dr Mmusi Maimane usandza kutfweswa ticu tebudokotela, e University of Johannesburg. Sicocisane naye  Dr Maimane.   

Siphelile sigwebo sekumiswa kwebulunga bemgcinimafa weANC eMpumalanga, Umnumzane Mandla Msibi. Mabhalane walenhlangano kulesifundza Muzi Chirwa utsi lokuphela kwalesigwebo kusho kutsi Msibi ubuyela esikhundleni sakhe sekuba ngumgcinimafa.

Bososayensi sebavakalise kukhatsateka ngengoti lebangelwa kusebentisa tinongotelisi-mbumbulu (artificial sweeteners) emtimbeni wemuntfu. Kukhuluma kabanti ngalendzaba sicocisana nesati ngekudla lokunemsoco (Dietician) Zama Mashile..  

 Mengameli Cyril Ramaphosa sewuyicoshile indvuna yelitiko letemfundvo lephakeme nekucecesha Dr Nobuhle Nkabane kwatsi esikhundleni sakhe wafaka Buti Manamela lebekaliphini la Nkabane. Ramaphosa uphindze wacoka Dr Nomusa Dube-Ncube njengelisekela laManamela.  Kubuka lendzaba ngeliso lemhlatiyi, asemukele Professor Ntsikelelo Breakfast.

 Inhlangano i-Economic Freedom Fighters ihlanganisa iminyaka leli-12 yasungulwa kulenyanga. Kukhuluma ngendlelaleseihanjwe ngulenhlangano kufikela namuhlam sikhulumisana nelilunga lelisesigungwini lesisetulu salenhlangano, Umnumzane Muzi Khoza.

Bacwaningi basenyuvesi yase-North-West batsi batfole kutfolakele imitfonselana yemishwanguto yeARV kuleminye imitfombo yemanti yakulelive. Nanobe kunjalo, lisekela lendvuna yetemanti nekuhlanteka David Mahlobo ucinisekise sive lokutfolakala kwemitfonselana yema-ARVs kuleminye imitfombo yemantini akulelive angeke kuholele ekutseni bantfu bangenwe sandvulelangculazi. 

Mengameli Cyril Ramaphosa ugcine ayicoshile indvuna yelitiko letemfundvo nekucecesha Dr Nobuhle Nkabane. Esikhundleni sakhe kufakwe Buti Manamela lobekalisekela lalendvuna. Sikhulumisene nemhleli wetepolitiki ka-SABC Mzwandile Mbetje.

Lokhulumela litiko letemfundvo eMpumalanga, Gerald Sambo utsi luhambe kahle luhlelo lwabo lwekufundzisa ngemalaholide asebusika (winter classes).

Luhlelo lwekuchumana lolwatiwa ngeMayibuye Consultation Process lucala kulesifundza seMpumalanga kuleliviki. Loluhlelo luholwa nguloyi bekangunobhala wenhlangano ye-MK Party, Floyd Shivhambu. Kutfola kabanti ngaloluhlelo, ecingweni sichumana na Hlumelo Biko lokhulumela iMayibuye. 

 Umholi weMK Party Jacob Zuma utsi bayalwesekela live laseMorocco kulokungcubutana kwalo neWestern Sahara. Loku kumangalise labanyenti ngoba ngalesikhatsi Zuma asasengumengameli walelive abelihamba embili ekuvakaliseni kwevelana nebantfu baseWestern Sahara kulengcushuncushu. Simeme umhlatiyi wetembangave Prof Bheki Mngomezulu.

Uhlonishwa ngemali letinkulungwane letingema-50 temaRandi, Mlungisi Maseko wase Mooiplaas lowakhombisa buntfu emphakatsini wangakubo. Maseko wasondzetela lomphakatsi emanti ngekusukumisa umklamo lowabita imali lengu 1.3 million wemarandi lapho asebentisa imali yakhe yeRAF kwenta lomklamo. Mlungisi Maseko utsi kumtfokotisile kuhlonishwa ngelilanga laMandela.

Kusukela kucale leliviki ligumbi letindzaba kaSABC belibungata iminyaka lengema-75 lisakata tindzaba. Netilwimi betitsatseleka phansi kulelive nato tigcine tiyitfolile indzawo kumabonakhashana nanobe tingenetiseki ngesikhatsi letisitfolako. Kubuka kutsi tindzaba tilitfutfukise njani lulwimi simeme Dr Sesani Mdluli longulomunye wabomake bekucala kusakata tindzaba ngeSiswati kumabonakhashane ka SABC...

Esigabeni setfu sekucubungula emabhuku, namuhla sitawube sibuka libhuku lelibhalwe ngu-Lunga Ntuli lelitsi  "Nomfundo, The Girl Who Chose To Rise." 

Kusukela kucale leliviki ligumbi letindzaba kaSABC belibungata iminyaka lengema-75 lisakata tindzaba. Kubuka indzima ledlalwe bosotinkinobho ekusakateni tindzaba ka-SABC, sicocisene  naSlangman Gwebu losebente sikhatsi lesidze angusotinkinobho...

Bahlatiyi betekuvikeleka batsi atinasisekelo letinsolo letitsi kunalababophe lifindvo lekufuna kuketula umbuso. Loku kulandszela inkhulumo yendvuna ehhovisi lemengameli Khumbuzo Ntshavheni, lotsite lelive lisengotini yekuvukelwa kwembuso. Kubuka lendzaba kabanti simeme umhlatiyi wetekuphepha nekuvikeleka Dr Funeka Sihlobo.

Lokhulumela iSwaziland Solidarity Network, Lucky Lukhele usifananise nebuhlanga sento seMelika sekutfumela tiboshwa letigwetjwe kulelalive kutsi tiyodvonsa tigwebo tato eSwatini.

Losabambe kwesikhashana sikhundla salokhulumela hulumende waseSwatini Thabile Mdluli utsi banesivumelwano nelive leMelika lesiholele kutsi letiboshwa tiletfwe eveni laseSwatini

Atselekile ema-Lowveld Walkers eMbombela achamuka eZimbabwe. Umsunguli wemaLowveld Walkers, Joseph Mashaba utsi lube matima luhambo lwabo lwaseveni laseZimbabwe labalicale mhla tisitfupha kulenyanga lesetulu.

Ligumbi lebetindzaba ka-SABC lichubekile nekubungata iminyaka lengemashumi lasikhombisa nesihlanu lasakata tindzaba tekucala. Itolo bekuhlangana iminyaka lengema-75 kwenteka loku nga-1950. Labanye basebenti belitiko letindzaba kulomsakato wemmango babuka kutsi i-SABC igucuke kangakanani kute ihambisane netikhatsi ekusakateni tindzaba futsi ihlale icotfo emsebentini wayo wekwatisa sive. Puseletso M...