Ligwalagwala FM Current Affairs

 Labo labanelwati ngetindzaba tentsela kuleli bagcugcutela bantfu labenta imali etinkundleni tekuchumana letifaka ekhatsi i-Facebook, X (lebeyatiwa nge-twitter), bo-Tiktok kubala nje letimbalwa, kutsi bangakhohlwa kubhadala imali yentsela ka SARS. Kuyibuka kabanti lenandzaba, sikhulumisana nesati ngetebuchwepheshe, Sphumelele Zondi.

 Inhlangano letimele i Healthy Living Alliance (HEALA) seyibita hulumende kutsi acinise imitsetfo letawuphocelela kutsi kudla lokusemaphaketheni kubhalwe kwekutsi kucuketseni futsi kunesilinganiso lesinganani loku lokucuketfwe. Simeme sati ngekudla lekunemsoco Umnumzane Wellington Mokoena.

Lilunga lekomiti lenkhulu yeSACP Madala Masuku utsi busachubeka budlelwano balenhlangano neANC ngetulu kwekutsi seyincume kungenela lukhetfo iyodvwa kulomnyaka lotako.

Indvuna yetekuchumana Solly Malatsi utsi kusebenta ngekukhuluka kwebetindzaba kuyincenye lebalulekile yekusimama kwentsandvo yebantfu . Bekakhuluma engcungcutseleni yemalanga lamabili yebetindzaba i-M20 Summit lehambisana netinhlelo temalungiselelo engcungcutsela yeG20 letawubanjelwa e-Jozi ngasekupheleni kwalomnyaka. Kukhuluma kabanti ngalendzaba sicocisana na Hopewell Hadebe lophuma enhlanganwne...

Sikhwana i-Tshiamiso Trust sitsi sisibhadale imali lengetulu kwa R2.27 billion ebantfwini lebake basebenta etimayini nasemindenini yalabo labashona ngenca yesifo semaphaphu i-silicosis kanye nesesifuba. Kubuka kutsi sewuhambe kangakanani umsebenti walesikhwama, sicocisana, nenhloko yetekuchumana kuTshiamiso Trust, Lusanda Jiya. 

Lewake waba ngunkomishana wemaphoyisa eWestern Cape Lennit Max utsi lilungelo lakhe Nkomishana wemaphoyisa kulelive Fannie Masemola kubita kubuyiselwa kwema-Dokethi emacala lali-121 latsatfwa ephikweni lemaphoyisa laphenya ngekubulawa kwabosopolitiki KwaZulu Natal. Mengameli Cyril Ramaphosa kubikwa kutsi simtfukutselisile sincumo saMasemola. Libamba lendvuna yelitiko lemaphoyisa kulelive Firoz Cac...

Kutipha emandla kubhema lokuhambisana nekuhogela intfutfu lenetitsako i-vaping, etikolweni takulelive kantsi kunebungoti. Loku kuvetwe bosolwati betemphilo kulemihlangano yemango lebanjwe leliviki, nalemayelana nemtsetfosivivinywa lohlose kulawula imikhicito kanye netindlela tekubhema tesimanje (E-Cigarrettes). Kwenaba ngebungoti baloluhlobo lwekubhema, sicocisana naDokotela Sfiso Nxumalo..

Umphatsiswa welitiko letemnotfo netekluvakasha kuesifundza seMpumalanga Jesta Sidell umemetele ngetinhlelo tetekuvakasha letitawetfulwa ngulelitiko ngalenyanga yetekuvakasha. 

Loyi bekadze alisekela lendvuna yetekuvakasha kulelive Umnumzane Fish Mahlalela umenyetelwe njengalotawuhola ibhodi yesikhashana yesikhungo setekuvakasha kulesifundza iMpumalanga Tourism and Parks Angency (MTPA). Umphatsiswa welitiko letekutfutfukisa temnotfo netekuvakasha kulesifundza, Jesta Sidell, utsi Mahlalela unelwati lolujulile kutebuholi.

Inhlangano iAction SA itsi itawuchubeka nekuba yinhlangano lephikisa ngekutimisela kulohulumende welubumbano. Lenhlangano beyigubha iminyaka lesihlanu yasungulwa kulemphelasontfo . Umholi weActionSA Herman Mashaba umemetele kutsi batawungenele lukhetfo lwabohulumende basekhaya kubomasipala labangendluli ku-42 kulomnyaka lotako. Kukhuluma kabanti ngalendzaba naletinye tepolitiki, simeme umhlatity l...

Umndeni wase California eveni le Melika, uvulele  i Open-AI licala, ngobe iyisola ngekutsi inkundla yayo yetekuchumana iChat-GPT ngiyo legcugcutela indvodzana yawo kutsi itibulale. Ngekusho kwalomndeni lomfana loneminyaka leli-16 wacala kusebentisa iChat-GPT nakenta tifundvo takeh kepha wagcine sekayetayele kakhulu sekayicocela ngebumatima labukene nekutsi ucabanga kutibulala.  Umndeni u...

Inkapane yetimoto i-Ford South Africa seyikhiphe satiso lesisemtsetfweni mayelana nesincumo sayo sekufuna kudzilita tisebenti letingetulu kwa-470. Simeme lokhulumela iCOSATU Zanele Sabela kutewuva kutsi ngutiphi tinyatselo lebatatitsatsa kuvikela letisebenti letibukene nekudendwa. 

Khomishana wemaphoyisa esifundzeni sa Kwazulu Natal Nhlanhla Mkhwanazi sewuyalele kutsi lelinye lemaphoyisa limiswe kuto tonkhe tinhlelo tesiphoyisa, njengobe kusaphenywa ngetinsolo tekutsi unesandla kutepolitiki. Mkhwanazi ukhulumisene nakhomishana wesigodzi sase King Cetshwayo elugwini lolusenyakatfo kutsi kube nguye lochuba lomsebenti. Leliphoyisa lelisebentela esiteshini sase Ntambanana kusola...

Nkomishana wemaphoyisa KwaZulu Natal Nhlanhla Mkhwanazi ubite kutsi limiswe lemaphoyisa lelitsintseka ephenyweni lepolitiki. Mkhwanazi uchumene nankomishana wemaphoyisa esigodzindzini iKing Cetswayo enyakatfo nesifundza kutsi asabalalise lomlayeto. Tinsolo titsi kuneliphoyisa asesiteshini iNtambanana lekusolwa kutsi bekagcoke tembatfo tetinhlangano tepolitiki layincenye yemsebenti yaletinhlangano....

Lucwaningo lolwentiwe yinkapani yemshwalensi i Old Mutual luveta kutsi bomake labangemaphesenti langema-34 bakhonte kakhulu kugembula. Kepha kuva kabanti ngensayeya yekugembula kulelive, sikhulumisana nemeluleki ngetetimali, Mandla Malope.

Kulemphelasontfo lelive ligocota inyanga yebantfu labasikati, njengoba bekubukwa tintfo letahlukahlukene letifaka ekhatsi inzima lebayidlalako emangweni nasemisebentini. Simeme Slungile Ndlala loyiLife Coach kutococisana naye kutsi yini  leyenta bantfu ikakhulukati bomake, bangasekelani lolokutsiwa yi "Pull Down Syndrome" 

Likomishana iMadlanga Commission litsi litawucala kuchumana nabofakazi. Nanobe kunjalo litsi litawucala kulalela kuphawula kwesive nasekuphotfulwe kuholwa kweluhlelo lolusha lekuchuna umniningwane ngetebuchwepheshe iICT. Lelikomishana litsi litiko letekwahlulela kanye nekutfutfukiswa kwemtsetfo-sisekelo licashe tinkapani letitawucinisekisa kusebenta lokuphelele kwetebuchwepheshe konga umniningwane...

Inhlangano iSACP itsi lelidlelandzawonye linetinhlelo letivulekele emalunga kubhobokelana ngaLebangakuboni ngendlela lefanako. Loku kuvela njengoba lamanye emalunga eSACP aphikisa sincumo sekuyelukhetfweni labohulumende basemakhaya lomnyaka lotako. Mabhalane jikelele weANC Fikile Mbalula utsi umsebenti wemadlelandzawonye utawuphatamiseka kakhulu nakwenteka lidlelandzawonye lingenela lukhetfo ngeku...

Esigabeni setfu sekucubungula emabhuku, namuhla sikhuluma  ngelibhuku lelibhalwe nguDr Sanele Gamede lelitsi "How To Earn Your Degree Online." 

Sekuyavala kubhalisa bantfwana labafuna tikhala tekufundza etikolweni temabanga laphansi kulomnyaka lotako kulesifundza seMpumalanga. Simeme Umnumzane Ephraim Malope lophuma etikweni letemfundvo kutosichaze ngaloluhlelo.

Sikhungo lesilwa netifo letitsatselanako iNational Institute of Communicable Disease (NICD) secwayisa ngekubhedvuka kwesifo sencubulunjwane (measles) etifundzeni letifaka ekhatsi se-Gauteng, Free State neMpumalanga. Kuva kabanti ngalesifo sichumana namake Euginah Mashabane lophuma etikweni letemphilo kulesifundza se-Mpumalanga.

Inhlangano yeDA kulesifundza seMpumalanga ibita umphatsiswa welitiko letekutfutfukiswa kwemnotfo netekuvakasha kutsi angasivuselele lesikhatsi lesifika emaphetselweni ekupheleni kwalenyanga selibhodi lakaMTPA. Lomelele lenhlangano Trudy Grove-Morgan 

Hulumende waseLimpopo utsi uyachubeka nekutfutfukisa simo senkapani lephetfwe ngumbuso yemabhasi iGreat North Transport. Lenkapani yakhungatfwa tinkinga letifaka ekhatsi kungaphatfwa kahle kwetimali kanye nenkohlakalo nalekwabanga kwehluleka kukhokhela incenye yesikhwama sempesheni yetisebenti kanye nekunakwa ngetempilo. Akhuluma nebetindzaba ePolokwane ndvunankulu Phophi Ramathuba utsite buholi l...

Inkantolo yemacala ebugebengu betimali eMiddleburg kulesifundza iMpumalanga igwebe umnikati wenkapani lebeyisebentela iEskom iminyaka leli-12 ejele ngelicala ekukhwabanisa. Sigwebo sa-Jessie Kubheka silengiswe ngeminyaka lesihlanu ngephasi kwemibandzela lecinile. Kubheka uphindze wabitwa kutsi abuyisele imali yeEskom lengetulu kwa-2.5 Million wemarandi. Luphenyo leEskom nga-2020 latfola kutsi wakh...

iSABC itsi ilubonile loludzaba lelimayelana nendlela yekutiphatsa kwalomunye webetfuli betindzaba. Loku kulandzela inkulumo labenayo nasihlalo weDesmond Tutu Intellectual Property Trust Dktl Mamphela Ramphele. iSABC itsi baphatsi batawutsatsa tinyatselo letifanele ngekulandzela imigomo yekusebenta kwalenkapani. iSABC iphindze yaveta kutsi imigomo yemsakateli wesive ihlose kwakha kwetsembana nesive...