Ligwalagwala FM Current Affairs

 Letehlakalo takamuva tekubudlova kanye nekubulawa kwalabasikati setiholele ekutseni mengameli Cyril Ramaphosa amemetele kutsi utawukhuluma nesive kulamalanga letako kutositjela kutsi yini leyentiwa nguhulumende ekulweni nalesihlava. Letehlakalo tibone kusukuma imikhakha leminyenti lefaka ekhatsi tinhlangano temadvodza, bomake, bafundisi nebamandla, bahoili bendzabuko kanye nebelaphi bendzabu...

Batsengi baseNingizimu Afrika banetinsuku letingema-45 kutsi baphawule noma bavete imibono yabo mayelana nekutsi ingabe lomtsetfo wekuvikela batsengi iConsumer Protection Act (CPA) ungasetjentiswa njani kuvikele kahle batsengi kubanikati betitolo tetiphaza labangatsembeki kanye nalabo labatsengisa emgwacweni. Kukhuluma sicele lokhulumela likhomishana lebatgsengi iNational Consumer Commission, Phet...

Kushayisene emaloli lamatsatfu agcabuka emalangabi emlilo emgwaceni i-N4 emkhatsini kwe Hectorspruit ne Komatopoort kulesifundza se Mpumalanga. Kutfola kabanti ngalesehlakalo, sichumana nalokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi

Namuhla sicubungulula libhuku lelinesihloko lesittsi "The Mind of the Mind" lelibhalwe ngu Ronny Banda.

Kuboshwe basolwa labasikhombisa ngesehlakalo sekubulawa kwa Xolani Lubisi wase Sifunindlela dvute na KaBokweni kulesifundza se Mpumalanga. Indzaba ya Lubisi beyisematseni etinkundleni tekuchumana kuleliviki lapho kusolwa kutsi ushaywe wadzimate wafa sishoshomane sebantfu bebamsola ngekutsi sigebengu. Umndeni utsi ufuna bulungiswa. Kuyibuka kabanti lendzaba sicocisana nalokhuluela lihhovisi lebashu...

Kushona kwemuntfu emndenini kuvamisile kutsi kubange tinkulumo ngenca yekungavisisani kahle kutsi kumele uchutjwe njani umsebenti wekumfihla. Kubalule kangakanani kutsi umndeni ubonisane kungakaveli kufa kutsi kulomndeni kwentiwa njani nakukhona losashonile. Sicele sati ngetemasiko Sense Tsabetse kutosicushisa.

Namuhla umhlaba wonkhe ugubha lilanga lekuvikela liphaphu, i Wolrd Lung Day. Kuyicoca kabanti lenandzaba simeme dokedela lotimela walapha e Mbombela,  Simangele Nkosi...  

Umcimbi welilanga lemagugu wavelonke bewubanjelwe enkundleni yetemidlalo eBongolethu, e-Oudtshoorn. Mengameli Cyril Ramaphosa wetfule umlayeto wahulumende kulomcimbi.  Sagree Chetty na  Zandile Nkosi basihlanganisele  lombiko.

Mengameli Cyril Ramaphosa utsi kulamalanga latako utawumemetela esiveni tinyatselo letitawutsatfwa nguhulumende ekulweni nalesihlava sekubudlova nekubulawa kwalabasikati (GBVF). Kubuka kutsi loku kungaba namuphi umtselela ekulweni nalesihlava, sikhulumisana nasolwati ngetebugebengu, Dkt Mxolisi Mathebula.

Mengameli Cyril Ramaphosa nakakhulu nesive emcimbini wekubungatwa kwelilanga lemagugu eOudtshoorn, eNshonalanga Kapa, utsite emagugu alelive akhuluma ngco nekutsi ungubani wena sicu sakho. Simeme somlandvo losati ngetemasiko, Umnumzane Khaya Ndwandwe kutokhuluma ngalendzaba

Bantfu labasha nalabadzala bebabutsene esikolweni sase-Makhazeni dvutane naseMachadodorp kulesifundza seMpumalanga kuyodlala imidlalo yendzabuko, lefana nabo-Morabaraba, Ingendvo, Intfonga, kanye ne-jukskei. Mthobisi Mkhaliphi uyasibikela

Mengamemeli waseveni lase-South Sudan Salva Kiir sowuhlakate lohulumende wesikhashane lowacokwa nga-2018, nalapho kwentiwa khona sivumelwano sekuthula. Mengameli Salva Kiir  sewufake lohulumende ngaphasi kwembhasobhi .Simeme umhlatiyi wetindzaba temave emhlaba, Khanya Vilakazi.

Namuhla lelive libungata  lilanga lemagugu. Lobambe njengemhleli lomkhulu weSilulu Sesiswati, lekungumtimba longephansi kwebhodi yetilwini kulelive, Umnumzane Jabulane "JJ" Mayisela utsi kubalulekile kutsi Emaswati angatikhobosi ngelulwimi lwawo futsi nakavunulile kubonakale kutigcaja ngebuve bawo. 

Njengoba namuhla lelive ligubha lilanga lemagugu, sikhulumisana ne-tour guide yase Samora Machel Monument and Museum eMbuzini kulesifundza seMpumalanga, Umnumzane Raymond Magagula.

Sifundza se Mpumalanga, sitawube sibambe umcimbi wekubungata lilanga lemagugu enkundleni yetemidlalo i Metsimadiba kumasipala we Dr JS Moraka.   Kepha kuva kabanti ngalomcimbi wanamuhla asamukele umphatsiswa walelitiko letemasiko, temidlalo nekukhibika, Leah Mabuza.

Liphiko letekushushisa i-NPA selivakalise kutsi litawuphenya indlela  lekuphila ngayo emalunga eluphiko lolulwa nenkhohlakalo iIDAC kanye nabashushisi bayo.  Loku kuta ngemuva kwekukhatsateka ngendlela letisebenti talesikhungo tiphila ngayo. Kuyibuka lendzaba, sikhulumisana nesati setebugebengu ngu-Liso Nobanda.

Tinhlangano te politiki kanye nalabatawube betimele elukhetfweni lwabohulumende basekhaya basayine sibopho sekutiphatsa ngendlela lefanele kulolukhetfo. Lokutibophelela kufaka ekhatsi kucinisekisa kutsi lukhetfo lutawuchubeka ngendlela lekhululekile nangaphandle kwekutsikameteka. Kepha kuva kabanti ngekubaluleka kwanasi sifungo asamukele lokhulumela iIEC kulesiifundza seMpumalanga, Thanduxulo Chem...

Likomiti lelibuke imigomo yetimali i-Monetary Policy Committee (MPC), kuSilulu semabhange lincume kwenyusa  intalo yemali-mboleko (repo rate) nga- 20 basis points. Kubuka kutsi kusho kutsini loku ebantfwini bakulelive, sikhulumisana nemhlatiyi wetemnotfo lophindze abe ngumsunguli we-Makwe Fund Managers, Makwe Masilela.

Bashushisi batsi kunetiinsolo tekugcambukela kubofakazi bembuso kulelicala lelibekwe lisekela leNkomishana wemaphoyisa lelimisiwe emsebentini, General Shadrack Sibiya. Sibiya uvele kancane enkantolo yamantji eRandburg lapho abukane nelicala lekudlwengula, kushushunjiswa kwebantfu kanye nelekutfombisa ngetemacansi umntfwana loneminyaka leli-16 budzala. Thabiso Radebe naMillicent Phakathi bayasibike...

Inhyonyana yemaphoyisa iSAPU itsi kuyakhatsata kuboshwa kwemuntfu losesikhundleni  lesifana nesaGen. Shadrack Sibiya ngetinsolo tekugagadlela nekutfombisa ngetemacansi. Sikhulumisana nelisekela lamabhalani weSAPU Jabulani Mabena.

Kulindzeleke kutsi likomiti lebukele umgomo  wetetimali ku-Reserve Bank kulindzeleke limemetele ngentalo yemalimboleko namuhla. Bosomnotfo bachagela kwekutsi lekomiti ingahle iyenyuse intalo yemali-mboleko. Sikhulumisana Nemnumzane Lunga Mahlaba lovela kuNkunzi Wealth Group.

Bafundisi bacela emabandla kutsi akhulekele lesihlava sebudlova kanye nekubulawa kwebafati kulelive. Loku kulandzela kutfolakala kwetidvumbu tebafati Ekurhuleni kuletinyanga letimbili letengcile. Kubuka kabanti loludzaba sichumana nemfundisi Mdluli waJehova lovela enhlanganweni yemasontfo, i- Christian Leadership Council

Umbuso uyachubeka nekuphindzilita ngemibuto lobekayindvuna yelitiko letekuvikela kanye nasomlomo wephalamende phambilini, Nosiviwe Mapisa-Nqakula, mayelana nalenkontileka leyaniketwa Nombasa Ntsondwa-Ndhlovu. Mapisa Nqakula uphekwa ngembuto yinkantolo yemacala laphakeme ePitoli ngetinsolo tekukhwabanisa kanye nekuhweba ngemali lengcolile. Zara Groenewald naZandile Nkosi basihlanganisele lombiko

Lisekela laNkomishana wemaphoyisa lelisamisiwe emsebentini, Gen. Shadrack Sibiya uvele enkantolo yamantji eRandburg nyalo ntsambama kantsi licala lakhe lihlehliselwe ku-Lesibili evikini lelitako. Lesikhulu semaphoyisa sibukene nelicala lekugagadlela intfombatana leneminyaka leli-18  kanye nekutfombisa ngetemacansi sidzandzane lesineminyaka leli-16. Kuyibuka kabanti lendzaba asamukele solwati...

Simeme ummeli lotimele Bongani Matsane kutosichazela kutsi licala lelinjani leli lekutfombisa ngetemacansi (sex grooming).