Ligwalagwala FM Current Affairs

Emakhulukhulu ema-Krestu lavela  emasontfweni lehlukahlukene ahlangene emashini beyibanjelwe lapha e-Union Buildings e-Pitoli, akhala ngesincumo salelikhomihsana letenkolo i-CRL, sekusungula likomiti i-Sections 22. Kukhuluma kabanti ngalendzaba sicocisana na-Pastor Lucas Nkosi lophuma ku-South African Church Defenders 

Inhlangano yebetindzaba i-SANEF, itigcekile letiphimiselo letentiwe ngunkomishana wemaphoyisa esifundza sa KwaZulu Natal, Lt-General Nhlanhla Mkhwanazi ngalesikhatsi avele phambi kwekomiti yesikhashane ephalamende lephenya tinsolo tenkhohlakalo nekugcambukela kwetepolitiki emsebentini wemaphoyisa.. Mkhwanazi utjele lelikomitii kutsi kunetintsatseli lekufanele tiphenywe sinyenyela ngoba tibhebhetse...

Umhlelembisi wenhlangano yebafundzi iSASCO, Vuyo Tologu utsi bafundzi benyunivesi yeFort Hare bakhala ngekutsi iVice Chancellor ayiwenti kahle umsebenti wakhe.

Mengameli Cyril Ramaphosa sewusukumise litsimba lelitawucoka umuntfu lotawungena esikhundleni sekuba ngumcondzisi wetekushushisa, i-National Director of Public Prosecutions (NDPP). Loku kungenca yekutsi inkontileka yalophetse lesikhundla kungunyalo, Advocate Shamila Batohi, iphelelwa sikhatsi ngaBhimbidvwane kulomnyaka lotako. Mengameli ukhetse indvuna yelitiko letebulungiswa kanye nekutfutfukiswa...

Kusuke umbhikisho lobelutfutfuva kwashiswa netakhiwo letitsite itolo ebusuku enyunivesi yaseFort Hare esifundzeni se Mpumalanga Kapa. Imibiko itsi bafundzi lababili balenyunivesi baphutfunyiswe esibhedlela ngemva kwekulimala ngalesikhatsi bangcubutana nemaphoyisa. Sihlalo weSouth African Youth Council eMpumalanga Kapa, Vuyo Tologu utsi labanye bafundzi batsi akashiye mphansi umphatsi wenyunivesi,...

Babalelwa ngetulu kwetinkulungwane letine bafundzi basetikhungweni temfundvo lephakeme labafaka ekhatsi nebasenyuvesi yase-Mpumalanga, labalengela engotini yekucoshwa kuletindzawo labahlala kuto letingephandle kwaletinkambu takuletikhungo, Umholi wesikhungo iMpumalanga Association of Student Accommodation (MASA), Robert Dlamini utsi basengakabacoshi labantfwana.

Sihlalo wemtimba lowengamele kusebenta kwetikolo kuvelonke, Elphus Maseko uyakhala ngaletikolo letibhadalisa bafundzi kuze babe yincenye yetifundvo tasentfwasahlobo. 

Lokhulumela litiko letemfundvo kulesifundza seMpumalanga, Jasper Zwane utsi kute umfundzi lekumele ashiyelwe ngaphandle ngobe anganamali yekubhadala tifundvo tasentfwasahlobo

Inyonyana yemaphoyisa i- Police and Prisons Civil Rights Union (POPCRU) ibambe umhlangano wayo wekomidi lesenkhulu e Jozi. Simeme mengameli wePOPCRU Thulani Ngwenya kutosichazela ngalomhlangano.

Iyachubeka inkomfa yelihlandla lema-22 yavelonke lebanjwa minyaka yonkhe iNational Oral History. Kutfola kabanti ngalenkomfa, sikhulumisana nemphatsi weOral History Association of South Africa, Umnumzane Sipho Zulu.

Lelive libungata inyanga yekuchushisa ngemdlavuta wemabele. Bosolwati batsi sibonakala senyuka sibalo selabasikati labaneminyaka lengaphasi kwalengema-40 lebahlaselwa ngumdlavuta wemabele. Kukhuluma ngaloludzaba simeme Dr Bonginkosi Shoba losebenta njenge-Oncologist esibhedlela iRob Ferreira, eMbombela, Mpumalanga.

Mengameli Cyril Ramaphosa ukhetse litsimba lebuholi lebutawusingatsa tinhlelo tekucashwa kwalotawuba yinhloko yeluphiko letebushushisi kulelive iNational Director of Public Prosecutions. Loku kwenteka njengoba siyaphela sikhatsi sa-Adv Shamila Batohi sekubasehhovisi ekupheleni kwaBhimbidvwane lotako. Mengameli ukhetse indvuna yelitiko letebulungiswa kanye nekutfutfukiswa kwemtsetfo-sisekelo Mmamol...

Lisekela lendvuna yelitiko letemanti nekuhlanteka uMnumzane David Mahlobo utsi batawusebentisa buchwepheshe bakamuva kuhlanta emanti langaphansi kwemhlaba kuze aphindze asetjentiswe.

Inyonyana i-COSATU ibungata lilanga lemhlaba lemisebenti lenesitfunti pheceleti i-International Day for Decent Work, ngekubamba imibhikisho yavelonkhe. Sikhulumisana namabhalane weCOSATU kulesifundza seMpumalanga, Umnuzane Thabo Mokoena.

Nkomishana wemaphoyisa aKwaZulu Natal L.t Jenene Nhlanhla Mkhwanazi utjele iPhalamende kutsi luphiko lemaphoyisa laphenya ngekubulawa kwabosopolitiki iPKTT lasukunyiswa ngetizatfu letiphatsekako. Bekatfula bufakazi embikwekomidi yesikhashane yePhalamende lephenya ngetinsolo letimayelana nekuphepha kwelive. Lekomidi yasungulwa kutsi iyophenya ngekungenelela kwebugebengu, inkohlakalo kanye netepolit...

Litiko letemisebenti yesive, imigwaco netekutfutsa kulesifundza seMpumalanga kulindzeleke lisukumise ngalokusemtsetfweni inyanga yetekutfutsa namuhla. Kulomnyaka lelitiko litawusukumisa lomkhankaso ngekubambisana netinhlaka letiphima etifundzeni iGauteng, Kwazulu-Natal kanye ne Free state. Sinemphatsiswa walelitiko Thulasizwe Thomo.

Inhlangano i- ActionSA  seyimemetele Xolani Khumalo njengalotayimelele embangweni wesikhundla sekuba ngusodolobha wamasipala Ekurhuleni elukhetfweni lwabohulumende basekhaya. Khumalo watiwa ngekulwa kakhulu nenkhohlakalo, kusetjentiswa nekushushumbisa tidzakamiva eluhlelweni lolwatiwa ngekutsi Sizokuthola.

Tinhlangano  tepolitiki  letintsatfu letatiwako kuleli lekuyi Rise Mzansi, GOOD Party kanye Build One South Africa timemetele kutsi titawungenela lukhetfo lwabohulumende basemakhaya nga 2026  ngaphansi kwelicembu lelisha lelibitwa nge Unite For Change. Kukhuluma kabanti ngalendzaba asemukele lisekela le-Mengameli we-Build One South Africa (BOSA) , Nobuntu Hlazo-Webster.

Kunetikolo letingu 20 000 letinebasiti babothishela labangakaholi kulenyanga lefile. Indvuna yelitiko lekucasha kanye netisebenti Nomakhosazana Meth uticitsile tinsolo tekutsi litiko lakhe amange likhulule timali tekukhokhela basiti babothishela nalabo labasebenta imisebenti leminye etikolweni, etikweni lemfundvo lesisekelo. Kuva kahle kutsi kwentekeni, sicele lisekela lendvuna yalelitiko Jomo Sib...

Umhlatiyi wetepolitiki Prof Nsikelelo Breakfast utsi ngumcondvo lohlakaniphile lokubunjwa kwalenhlangano lensha iUnite for Change, lesungulwe tinhlangano letintsatfu, lekuyi-Rise Mzansi, BOSA kanye ne-GOOD Party.

Indvuna yelitiko latagezi Dr Kgosientsho Ramokgopa ukhutsata bantfu kutsi basebentise titofu netifutfumeti te-hasi (gas) (gas stoves and heaters), njengendlela yekwehlisa kutfwala matima kwagezi. Simeme  Umnumzane Abdul Phiri loyi professional Gas installer kutosichushisa ngekuphepha kwe-hasi.

Sicocisene naKanego Thete lophetse lihhovisi letekuchumana etikweni letekutfutfukisa tenhlalakahle kulesifundza se-Mpumalanga mayelana nekubungatwa kwenyanga yekutfutfukisa tenhlalo. 

Inkapani iEzulwini Investments itsi itimisele ngekuyilandza yonke imali leyikolotwa iANC. Loku kulandzela kutsi lenhlangano yephule sivumelwano sekukhokhela lenkapani sikoloto lesidzala semali lengu-150 Million wemarandi. iANC ibukene nekutsatselwa imphahla kulandzela kutsi inkantolo igunyate lenkapani lekolotwa imali lengu-85 Million wemarandi yekukhankasela lukhetfo lwavelonke nga-2019. Lenkapan...

Ikomidi yePhalamende yelitiko lekuphatfwa kwetimali tesive iSCOPA lamuhla itawucala luphenyo letinsolo tekungaphatfwa kahle kwemsebenti wembuso, kusetjentiswa kabi kwetimali tesive esikhwameni sekuncephetelisa etingotini temgwaco iRoad Accident Fund. Inhloso lenkulu ngaloluphenyo kufuna kutfola kabanti kutsi kwabakhona yini kungalandzelwa kwemtsetfo nobe imigomo yekusebenta kweRAF. SCOPA nasitawut...

Nkomishana wemaphoyisa aKwaZulu Natal Nhlanhla Mkhwanazi kulindzeleke avele embikwekomidi yesikhashane yePhalamende letfunywe kuphenya tinsolo tesongelwa kwetekuphepha kulelive. Mkhwanazi liphoyisa lekucala lelikhulu kuvela embikwalekomidi. Wenta tinsolo letifaka ekhatsi inkohlakalo, kungenelela kwetepolitiki emsebentini wemaphoyisa kanye nasemsebentini wekutekwa kwemacala. Iphalamende yakhetsa Ad...