Ligwalagwala FM Current Affairs

Sikhulumisana nasolwati longumetfuli wetifundvoi eUniversity of Mpumalanga, Dkt Nsizwazonke Yende mayelana nekubaluleka kwekutsi emalunga ephalamende adzalule imphahla kanye nemali lanayo ngenhloso yekugweba inkhohlakalo nekukhwabanisa.

Sewucoshiwe emsebentini thishelanhloko wasesikolweni i-Magwagwaza Secondary School e-Bushburckridge kuso lesifundza seMpumalanga. Lothishelanhloko ucoshwe ngemuva kwekulahlwa ngelicala lekuba nebudlelwane betemacansi nebafundzi. Simeme lokhulumela litiko letemfundvo kulesifundza seMpumalanga, Gerald Sambo kutosichazela ngalesehlakalo.

Likomishana lebatsengi kulelive iNational Consumer Commission (NCC) selicele batsengi kutsi babuyisele emuva ema powerbank latsite ngoba anebungoti. Lokhulumela iNCC Phetho Ntaba

Inkantolo yemtsetfo-sisekelo iyalelel inkapani iCash Payment Services (CPS) kutsi ibhadale ii-SASSA Imali lengu 81-million wemarandi. Lenkantolo incume kwekutsi lenkontileka leyatfolwa yiCPS emkhatsini wa-2012 na-2018 beyingekho emtsetfweni. Simeme lokhulumela iSASSA eMpumalanga Senzeni Ngubeni.

Indvuna yelitiko letebulungiswa, Mmamoloko Kubayi utsi kutawuhlanganiswa luhla lwavelonkhe lekubhalisa tinhlabamkhosi kuhulumende kanye nasemkhakheni lotimele kuze tikhone kubika ngephandle kokwesaba inkhohlakalo nekukhwabanisa lokwentekako.. Kubayi wente lesimemetelo namuhla ekuseni ngalesikhatsi etfula umtsetfosivivinywa lomusha, i Protected Disclosure Bill. Kuyibukisisa kabanti lendzaba, sikhul...

 Umbhishobhi welibandla lema-Anglican Thabo Makgopa utsi hulumende wakuleli kumele angenelele endzabeni yekukhangiswa kwetinhlelo tekugebula kulelive njengoba bantfu labanyenti bancwile etikweletini ngako kugembula. Kubuka kabanti lendzaba sikhulumisana nasomnotfo Lunga Mahlaba lovela ku-Inkunzi Wealth Group

Ngekwemtsetfo iBasic Education Laws Amendment Act (BELA) kumele bangacoshwa bafundzi labatetfwele esikolweni, futsi kumele baniketwe imvumo yekubuyela esikolweni nasebabelekile. Simeme mengameli wenhlangano lemele imitimba yebatali etikolweni takulelive(SGB), Umnumzane Elphss Maseko.

Mengameli  Cyril Ramaphosa usayine imitsetfo lemibili lekuyi Public Administration Management Amendment Act kanye nePublic Service Amendment Act,, lekusinyatselo lesichazwe ngulabanyenti njengaleso lesibaluleke kakhulu kuleminyaka lengema-30. Lemitsetfo lemisha iniketa tinhloko tematiko nebacondzisi jikelele emandla ekucasha kungasabi tindvuna noma baphatsiswa bematiko ahulumende. Sikhulumisa...

Ticondziso letingaphasi kwalomtsetfo  lobitwa ngekutsi i Basic Laws Amenedement  Act (BELA) ngal letikhuluma ngekukhulelwa kwebafundzo tidzalulwe yindvuna yetemfundvo lesisekelo Siviwe Gwarube, ngasekucaleni kwalenyanga. Simeme lisekela lendvuna Reginah Mhaule kutococa ngalendzaba.

Inyonyane yabothishela iNATU nayo iphawule kabanti ngaleticondziso letentiwe ku-BELA act letimayelana nekukhulelwa kwebantfwana etikolweni. Sicocisene nelisekela lamengameli wayo ngu-Mandla Mabuza

Umphatsiswa welitiko letemfundvo kulesifundza seMpumalanga Lindi Masina utawuvakashela tikolo letimbalwa namuhla ekuseni kuyobuka kutsi tikulungele kuvulwa kwato. Utsi balitiko bakulungele kucala le-themu yesibili yekufundza nekufundzisa.

Sati setemtsetfo Abigail  Ngobeni wecwayisa bantfu kutsi bacinisekise kubhalisa imishado yabo yesintfu kuze bagwebe kuhlangabetana netinkinga nakwenteka kushona umlingani.

Tiyachubeka nekuhlala tinkomfa letintsatfu tenhlangano yabomake beANC kulesifundza seMpumlanga kulemphelasontfo. Loku kuta ngemuva kwekutsi inkantolo lephakeme yaseMbombela icitse sicelo sekufuna kumisa letinkomfa tase-Nkangala, Gert Sibande kanye neHlanzeni ngulamanye emalunga alenhlangano lagongonyekile. Lokhulumela iANCWL eMpumalanga, Lerato Mfokokeng.

Licembu lelatiwa mhlabawonkhe lemculo wembholoho iLadysmith Black Mambazo itsi ilahlekelwe yinjulabucopho ngekwendlula emhlabeni kwalomunye lowafaka sandla ekusungulweni kwalelicembu, Umnumzane Albert Mazibuko.. Sicocisana nemeninjeli yeMambazo Amnyama, Xolani  Majozii. 

Emaphoyisa akulesifundza seMpumalanga bekaphume ngelutsi lwawo kucinisekisa kutsi bantfu bakulelive bayaphepha ngaemphelasontgfo lendze yeliphasika. Kutfola kabanti ngemikhankaso yemaphoyisa, sicocisana nalokhulumela emaphoyisa esifundza seMpumalanga Khenel Mavela Masondo.

Likomishana letebatsengi kulelive latiswe ngekujikiswa kwetimoti letingema-58 ema-Hino 700 series kanye naletingengetulu kwema-400 te-Ford Ranger. Simeme lokhulumela lelikhomishana Phetho Ntaba  kutosichazela.

Tiphatsimandla telitiko letekuvuselela similo  tigasele ejele  -iPollsmoor tatfola bomakhalekhikhini kanye netidzakamiva. Lokhulumela lelitiko Singabakho Nxumalo uyasichazela.

Kulandvwa kwemuntfu loshonile abuyiswe ekhaya ngulelinye lemasiko lahlonishwa kakhulu bantfu. Kucoca ngalendzaba simeme sati ngetemasiko Umnuzane Sense Tsabedze.

Njengobe umhlaba ucushisa ngesimo se-Autism, bochwepheshe batsi kubalulekile kukhuluma nekufundzisana ngalesimo njengoba batali labanyenti bahlamngabetana nebumatima bekukhulisa umntfwana lone-autism. Kukhuluma ngetinsayeya letibukene nebatali bebantfwana labe ne Autism, sikhulumisana Sister Miriaam Zahoor  longumhlengikati aphindze abe nemntfwana lone-autism .

Basikhombisa bantfu lebashonele etingotini temigwaco kulesifundza seMpumalanga, kusukela ngaLwesine. Labatsatfu babo, lekungumake nebantfwana lababili lebebahamba ngetinyawo, bashayiswe yimoti emgwaceni i N4 ngase Belfast itolo. Lokhulumela litiko lekuphepha kwemphakatsi, kuvikeleka nekuchumana kulesifundza Moeti Mmusi uyasichazela.

Ngenyanga yeNyoni 2024, bantfu bakulelive baniketwa lilungelo lekubhasha incenye letsite yemali yabo yempesheni ngekusebentisa luhleo lolubitwa nge- 2 pot retirement system. Kunalabo lebasukumela etulu bavele bafaka ticelo talivula loluhlelo batsatsa lebatsi ngekwabo kantsi labanye basachubeke njalo nekuyitsatsa njalo ngemnyaka. Kubuka umtselela waloku, sicocisana nasolwati wetindzaba temnotfo, Ma...

Njengoba balandzeli benkholo yebu Krestu emhlabeni wonke jikelele baungata imphelasontfo yeliphasika, labanye basebentisa lesikhasti kuhlangana kwemindeni. Labanye lesi sikhatsi lesibavusela emanceba njengoba bayacala kugubha emaholide banganabo bantfu labasondzelene nabo. Simeme solwati wetindzaba tenhlalo, Amos Mdluli kutobuka kubaluleka kwekuba nemndeni kunasi sikhatsi. 

Namuhla sibuka libhuku lelikhuluma ngekukhutsata lapho litsemba lingekho lelinesihloko lesitsi "Courage, Ignore the Facts, Just Believe lelibhalwe ngu Apostle MVG Lephoko. 

Sibuka simo setimoti emgwacweni yakulesifundza seMpumalanga nalokhulumela litiko letekuphepha kwemphakatsi, kuvikeleka nekuchumana, Moeti Mmusi.

Nkomishana wemtimba lolawula imincele, iBorder Management Authority (BMA), Dr Michael Masiapato, utsi hulumende kufanele abuke ngekuphutfuma tindlela tekwakhiwa kabusha  kwafenisi leyehlukanisa iNingizimu Africa kanye ne-Mozambique ngasemnceleni we-Lebombo.  Sikhulumisana nelisekela laNkomishana aweBMA, General David Chilembe.