Ligwalagwala FM Current Affairs

Mengameli wase Melika Donald Trump sewutsetse sincumo sekutsi iMelika iyaphuma ekwesekeleni ngetimal sivumelwano sekulwa nekugucugucuka kwesimo selitulu emhlabeni i-United Nations Framework Convention on Climate Change kanye naletinye letingephansi kwa Mhlabuhlangene. Tilinganiselwa emashumini lasitfupha nesitfupha tinhlangano temhlaba iMelika lememetele kutsi iyaphuma kuto njengoba beyitesekela n...

Licembu le-National Freedom Party (NFP) seliphumile ekubeni yincenye yalohumunde welubumbano esifundzeni KwaZulu Natal. Lenhlangano ihlela nekucondzisa tigwegwe lilunga layo lelikusishayamtsetfo salesasifundza, Mbali Shingo.  Kubuka loludzaba sicocisene nemhlatiyi wetepolitiki Dr. Zamo Mbandlwa. 

Namuhla kuhlangana iminyaka leli-114 kwasungulwa inhlangano yeANC. Kantsi umcimbi lomkhulu wekubungata lelilanga utawubanjelwa enkhundleni yetemidlalo eMoruleng eRustenburg esifundzeni saseNorth West ngeMgcibelo. Kepha kusukela kucale leliviki buholi beANC buphishekile behla  buyenyuka eNorth West butilungiselela lomcimbi wangeMgcibelo. Kuva kutsi kuhamba njani kutilungiselela kwalenhlangano,...

Vusi Thani lovela kulitiko letemfundvo kulesifundza seMpumalanga, utsi akusilo liciniso kutsi luyabhadalelwa loluhlelo lwe-Matric Second Chance Program.

Sihlalo wenhlangano yebafundzi iSASCO kulesifundza seMpumalanga Siyabonga Shabalala utsi bayatamukela letincumo teNSFAS kulomnyaka.

Takamuti taseMattafin, ngaphandle kancane kwelidolobha iMbombela kulesifundza seMpumalanga, bavalise kukhatsateka ngekucitseka kwendle legeletela emakhaya abo ikakhulu nakuta tlitulu. Nonkululeko Shongwe uyasibikela. 

Umkhandlu lobuke kutfutfukiswa kwemtsetfo sisekelo i CASAC, utsi kucokwa kwa Andy Mothibi njengemcondzisi wetekushushisai kulelive, bekungakalindzeleki. Mengameli Cyril Ramaphosa umemetele lokucashwa kwakhe itolo. Mothibi utawucala kusebenta mhlalulunye kulenyanga letako, nakuphela sikhatsi senkontileka ya Shamila Batohi. Kutfola kabanti kutsi ingabe letingucuko titayisita ngani i NPA ecingweni sa...

Litiko letekutfutfukisa tenhlalo eMpumalanga livakalise kukhatsateka ngekwenyuka kwetibalo tebantfwana labakhulelwa basebancane. Kuva kabanti kutsi ingabe yinkhulu kangakanani lenkinga, sicocisana na- Mdu Shongwe longumphatsi egunjini lelibukene netemindeni kulelitiko letekutfutfukisa tenhlalo e-Mpumalanga. 

Kulamalangana lengcile kudaleke umonakalo emakhaya lamanyenti ngenca yesangcondvo lesashaya ngemandla ikakhulukati kumasipala waseHlanzeni. Lesangcontfo samosha kakhulu ePienaar nakuletinye tindzawo taseMbombela ngekusho kwemibiko. Tindlu letinyenti tapheshukelwa luphahla letinye kwadzilika tindvonga kwaphuka nemafastelo. Sicocisene nalokhulumela litiko le CoGHSTA Freddy Ngobe kutewuva takamuva ma...

Inhlangano ye ANC nayo seyeleke lisindvo lelivi layo kulabo lebasola iMelika ngekubopha mengameli wase-Venezuela Nicolas Maduro kanye nemkakhe. Mabhalane jikelele we ANC Fikile Mbalula  ukhulume ase-Rustenburg e North West kutsi lesento asihambisani nemtsetfo wemave emhlaba. Kuyibuka ngeliso lebahlatiyi lendzaba, simeme Njingalwati Ntsikelelo Breakfast 

Umcondzizi lomkhulu iChief Director for District Coordination, kulesifundza seMpumalanga Chukudu Manyabeane utsi sikulungele kuvulwa kwetikolo sifundza lesifundza ngetulu kwekutsi kiunetikolo leticekelwe phansi timvula.

Umphatsiswa wetemfundvo eMpumalanga Lindi Masina utsi balinganiselwa ku-9000 bantfwana labasengakatitfoli tikhala tekufundza kulomnyaka wanga-2026. Masina bekatfula umkhankaso we-Back to School eMathupa Primary School eMarite ngaphandle kancane kwase-Hazyview. Michael Mdluli uyasibikela.

Sikhwama lesilekelele ngetimali bafundzi basetikhungweni temfundvo lephakeme , i-NSFAS sesikucisenkisile kutsi sesiticubungule tonke ticelo tekwelekelelwa ngemali ngembi kwekucala kufundza kulomnya wa-2026. Kuva kabanti ngaloku, sinalokhulumela iNSFAS, Umnuzane Ismail Mnisi.

Umkhandlu wetekuvikeleka kuMhlabuhlangene bewubambe umhlangano lophutfumako kulandzela kutsatfwa ngendluzula kwamengameli wase Venezuela, Nicolas Maduro kanye nenkosikati yakhe Cilia Flores, live lase Melika nge-Mgcibelo. Lomengameli wase Venezulela - loneminyaka lengema-63 kanye nalenkhosikati yakhe bavele enkantolo eNew York itolo ngemacala leyamene nekushushumbisa tidzakamiva. Simeme umhlatiyi...

Tiboshwa takulelive setivakalise kukhatsateka ngekungakaphatseki kahle emajele akulelive, titsi timo letiphila ngaphasi kwato atikafaneli kuhlala bantfu. Titsi kusukela kwangena indvuna yetekuvuselelwa kwesimilo kulesikhundla, Dr Pieter Groenewald, simonhlalo emajele sesibi kakhulu. Kute sitfole kabanti ngalesikhalo, simeme sishikashiki lesilwela emalungelo etiboshwa, Golden Miles Bhudu.

Umkhandlu wetekuvikela ku-Mhlabuhlangene bewubite umhlangano lophutfumako kulandzela kuoboshwa kwamengameli wase-Venezuela, Nicolas Maduro kanye nenkosikati yakhe Cilia Flores, live lase Melika nge-Mgcibelo. Lomkhandlu bewubonisana ngalesento seMelika lesihiye umhlaba ubambe wangentansi. Maduro kulindzeleke avele enkantolo yase-New York eMelika namuhla ngemacala leyamene nekushushumbisa tidzakamiv...

Mengameli waseVenezuela Nicolas Maduro kulindzeleke avele enkantolo yaseMelika namuhla. Loku kuta ngemuva kwekutsi emasotja aseMelika ahlasele ngetindiza temphi e-Venezuela aphindze atfumbe nalomengameli wakhona. Kuyibuka ngeliso lemhlatiyi lendzaba, simeme Njingalkwati Bheki Mngomezulu

Aphahlatekile emaphupho eBafana Bafana ekwendlulele esigabeni lesilandzelako kulomchudzelwano we Africa Cup of Nations (AFCON), ngemuva kokwehlulwa yi-Cameroon ngemagoli lamabili kulinye itolo ebusuku. Kubuka kutsi kuhambephi kabi, sikhulumisana nemetfuli wetemidlalo kuLigwalagwala FM, Sibusiso "SD" Mashabane.

Litiko lemisebenti yesive imigwaco netekutfutsa kulesifundza se Mpumalanga, licela bashayeli betimoti labasebentisa migwaco yakulesifundza se Mpumalanga, kutsi bacaphelisise nabahamba kulemigwaco njengoba timvula tiyimoshile. Kepha kuva kutsi lelitiko lentani ngalenkinga  lefaka ekhatsi nekudzilika kwemabhuloho, simeme lokhulumela lelitiko Bongani Dlamini.

Kulindzeleke lokunyenti kupolitiki yalelive kulomnyaka wa- 2026  kantsi njengasemihleni umnyaka uvulwa ngeJanuary 8 statement yeANC, letawube ise-North West kulomnyaka. Kubuka kutsi yini lengalindzelwa kulomnyaka  asamukele Umhleli wetepolitiki ka SABC Mzwandile Mbeje

Njalo nakusuka umnyaka bantfu  labanyenti bavame kutsi babe  netifiso kanye nemaphupho lebafuna kuwafeza ngalowomnyaka. Kepha esikhatsini lesinyenti letinye taletifiso tigcina tingakafezeki. Kubuka kutsi yini leyenta letifiso tingafezeki nekutsi yini umuntfu langayenta kubukana ngco naleto tinseyeya, sikhulumisana na-Ronnie Masilela lowatiwa ngaRONMAS.

Ukhotseme kuleliviki leliphelile Umntfwanenkhosi Tikhontele Solomon Dlamini webukhosi bakaLomshiyo. Chief Tikhontele ufulatsele lomhlaba sekaneminyaka lengemashumi lasiphohlongo nakutsatfu (83). Kubuka umshiyandvuku weMntfwanenkhosi Tikhontele, sicele mengameli weContralesa lophindze abe ngisihlalo wendlu yebaholi bendzabuko kulesifundza seMpumalanga, Kgoshi Mathupa Mokoena.

Namuhla sicubungula libhuku lelibhalwe nguBishop Bongani Khoza lelinesihloko lesitsi Divine Providence. 

Indvuna lebukene netindzaba tabomake, banftu labasha nalabakhubatekile ehhovisi lemengameli, Sindisiwe Chikunga utsi kufanele baboshwe batali lebanatsisa bantfwana tjwala.  

Tinyenti tehlakalo tebugebengu letentekile kulesifundza se Mpumalanga kulamaholide. Sicocisene nalokhulumela emaphoyisa alesifundza Brigadier Donald Mdhluli kubuka letinye tato.