Ligwalagwala FM Current Affairs

I Bafana Bafana yehlule live laseSouth Korea lekwenta kutsi yendlulele phambili emidlalweni yemave lasele langu-32 kulomchudzelwano weFIFA World Cup 2026. Sinemhltiyi welibhola letinyawo  Professor Sibusiso Mazibuko.

Tinhlaka tetekuphepha letifaka ekhatsi nebangasese be-PSIRA  batibophelele ngekucinisekisa tekuphepha nekuvikeleka njengoba kunemibiko letfusa ngekutsi kungahle kube nemibhikisho lemikhulu ekupheleni kwalenyanga. Sikhulumisana nentsatseli yetfu Calvin Dludla lebekahambele lomhlangano webetekuphepha.

Inhlangano yeDA, itsi akunekelwe esiveni konkhe lokuchubeka enkapanini legcina timali tetisebenti tembuso i Public Investment Corporation (PIC). Loku kulandzela tiphakamiso letentiwe likhomishana laMpati lelivete kutsi kukhona lokushaya emanti kulenkapani. Kuyibuka lendzaba asamukele sati setindzaba temnofto lesivela kuNkunzi Wealrth Investment, Lunga Mahlaba

Tinhlangano temango letihambisana ne March and March tiyakucinisekisa kutsi solo timile kulelokutsi labo labakulelive ngalokungekho emtsetfweni babuyele emuva emaveni abo kungakendluli umhla ka-30 kulenyanga. Letinhlangano temango kanye na yo I March and March betibambe mhlangano nebetindzaba namuhla e Jozi. i March and March ivakalise kukhatsateka ngalemali lengu-600 million lekutsiwa ibekelwe ku...

Sikhungo lesibuke lukhetfo kulelive i-IEC sesikhutsata bantfu bakulelive kutsi basebentise tinhlelo tesimanje kubhalisela kuvota, zero-rated online rfegiostration. Simeme lokhulumela iIEC eMpumalanga Thanduxolo Chembeni kutosichazela.

Sikhungo iSmall Enterprise Development and Finance Agency (SEDFA) sisukumise umkhankaso wekusita banikati betitolo letincane ngeticelo tekulekelelwa ngetimali. Michael Mdluli uyabika.

Somlomo weliphalamende lavelonke, Thoko Didiza utsi liphalamende seliyichibiyele leminye yemitsetfo lemayelana neludzaba lekukhipha mengameli esikhundleni. 

Bahlatiyi betindzaba tembangave bavete kutsi lokuphasiswa kwalomtsetfo sivivinyo lomayelana nekuchitjiyelwa kwemtsetfo sisekelo wase-Zimbabwe kutawuniketa licembu lelibusako emandla kutsi lisekelwe kakhulu. Loku kulandzela kusekelwa kwalomtsetfo sivivInyo  ngemalunga lamanyenti asephalamende. Simeme- umnumzane Ngcabutho Mabhena lovela ku-SACP yase-Zimbabweni

Tati tetindzaba temnofto ticagela kutsi kungenteka intsengo yemafutsa etimoto yehle kulenyanga letako ngemuva kwekusebenta kahle kweli Randi. Loku kwenteka ngetulu kwekutsi isacungutela lemphi yeMelika neIsraeli lebhekiswe kulase-Iran. Kepha kuva kabanti kutsi ingabe anganani ematfuba aloku asamukele sati setindzaba temnotfo, Khaya Sithole 

Libamba lendvuna yelitiko lemaphoyisa kuleli Firoz Cachalia, utsi sekubekelwe eceleni imali lengu six-hundred-million wemarandi kute kucinisekiswe tekuphepha nekuvikeleka njengoba kusondzela umcamlajucu wamahla ka-30 June lotsintsa bantfu lebakuleli ngalokungekho emtsetfweni. Loku kulandzela imishuco lebeyibanjwe kulelive tinhlangano temphakatsi letikhala ngekutsi bonkhe bangaphandle labanganamaph...

I SANCA Lowveld kulesifundza seMpumalanga ikhutsata batali kutsi basukumele etulu baletse bantfwababo lebabasola ngekutsi basebentisa budlabha tidzakamiva. Sikhulumisana nemphatsi weligumbi lelitfutfukisa umphakatsi ngekulwa netidzakamiva ku-SANCA, Umnumzane Sibusiso Mthembu.

Lokhulumela litiko letemfundvo kulesifundza seMpumlanga, Gerald Sambo utsi lelitiko litawuta netinhlelo letitawelekelela kwenta ncono imiphumela yamatekuletjeni kuze ibe ngale kwema-90 kulomnyaka.

Ndvunankulu wase-Brithani Keir Starmer sewusulile kulesikhundla sakhe ngemuva kwekucindzetelwa ngekhatsi enhlanganweni lebusako. Kuphuma kwaStarmer ehhovisi kuvulela umholi wesikhombisa kulesikhundla kungakapheli iminyaka leli-10. Starmer utsi sewuyibikele Inkhosi yemaNgisi, King Charles III ngalesincumo sakhe. Simeme  sati setindzaba temave emhlabaThembisa Fakude.

Likhomishana  lelukhetfo iIEC litsi kutawubanjwa umkhankaso  wekugciona wekubhalisela kuvota mhla ka-1 na-2 kuAugust. Lokhulumela iIEC eMpumalanga, Thanduxolo Chembeni.  

Lihhovisi lemtselisi kulelive i-SARS litsi selikulungele kubukana nekucala kwesikhatsi sekubuyiswa kwentsela (tax return season). Kutfola kutsi yini umkhokhintsela langayilindzela, sichumana nalokhulumela iSARS Siphithi Sibeko  

Lamalunga lamabili lacoshwe yinhlangano i-MK Party, Nhlamulo Ndhlela kanye na Duduzile Zuma-Sambudla, atsi ahlela kuya enkantolo kuyophikisa nalokucoshwa kwalo. Itolo Ndlela utjele tintsatseli kutsi beve etindzabeni kutsi bacoshiwe. Kuyibuka ngeliso lemhlatiyi lendzaba, sikhulumisana nemhlatiyi wetepolitiki Njingalwati Bheki Mngomezulu.

Lokhulumela likhomishana lelukhetfo iIEC, eMpumalanga, Thanduxolo Chembeni utsi ihambe kahle lemphelasontfo yekubhalisela kuvota kulesifundza nanobe kunetikhungo  letitsite letingakavulwa ngesikhatsi. 

Ummeli lonelwati ngetebasebenti lophuma enkapanini i-Ramosomisi, Malope and Nene, Dan Malope, utsi bologadza basebenta ngephansi kwetimo letingemukeleki kulelive.

Lucwaningo lolwentiwa lihhovisi letibalo lukhombisa kutsi bantfwana labangemaphesenti langemashumi lasitfupha bakhula banganabobabe.  Namuhla njengoba kulilanga labobabe ( Father's Day), sifuna kubuka kutsi kuba khona nekungabi khona kwababe ekukhuleni kwemntfwana kuba nemtselela lonjani empilweni kusasa. Kukhuluma kabanti ngalendzaba simeme sati ngetenhlalo, Amos Mdluli.

Lucwaningo lolwentiwe yi-Central Drug Authority ( CDA) luveta kutsi bangemaphesenti lalishumi nesihlanu bantfwana lebatigcila  tetidzakamiva kulelive.  Simeme umphatsi wenhlangano iLaapeng Foundation lesita ekutfutfukiseni bantfu labasha, Thima Zwane.

Kulemphelasontfo i-IEC itawube ichuba umkhankaso wekubhalisela kuvota kulolukhetfo lolutako lwabohulumende basekhaya. Sinalokhulumela iIEC kulesifundza seMpumalanga, Thanduxolo Chembeni kutosichazela.

Labanyenti bebahambele inkonzo yesikhumbuto yaBheki Nxumalo lowake wasebenta emsakatweni Ligwalagwala FM kantsi besekasebenta kumasipala weCity of Mbombela, bamchaze njengemuntfu abetitfobile, futsi atikhandla kuko konkhe lakwentako. Nxumalo wendlule emhlabeni ngeLisontfo lelengcile kantsi kulindzeleke abekwe endlini yakhe yekugcina kusasa.  Sicele lomunye lowake wasebenta naye etindzabeni ka...

Selentiwe laba ngumdlalo loticephucephu wakumabona khashane, i-TV Series, libhuku lelibhalwe nguSue Nyathi lelitsi the Polyganist. Sicocisana naye umbhali Sue Nyathi.

Inhloko lemisiwe emsebentini yeluphiko lwema-Hawks esifundzeni saKwaZulu Natal, Gen. Lesetja Senona,  uchubekile nekwetfula bufakazi phambi kwelikomishana laMadlanga nalapho achaze kabanti ngalendlela laphatfwa ngayo emsebentini  ngemuva kwekutsi etfule bufakazi bakhe kulelikomishana ngasekucaleni kwalomnyaka. Namuhla ufike aphekeletelwa  sikhondlakhondla semmeli Dali Mpofu. Senona...

Litiko letasekhaya litawube liwavulile emahhovisi abo ngalemphelasontfo kusi lisite bonkhe bantfu labafuna bomatisi. Loku kungenca yekuvulwa kwemphelasontfo yekubhalisela kuvota. Sikhulumisana nemphatsi wemahhovisi etasekhaya kulesifundza seMpumalanga, Ndalisa Jele.