Ligwalagwala FM Current Affairs

Sihlalo wendlu yebaholi bendzabuko kulesifundza seMpumalanga, Kgosi Mathupa Mokoena utsi akahambisani nesento setitfunywa tebukhosi bakaSiphezi, lekubikwa kutsi tifike tavala emagede emahhovisi endlu yebaholi bendzabuko namuhla.

Batali bebafundzi basesikolweni iDayimani eBushbuckridge bavale emagede alesikolo. Nonkululeko Shongwe uyabika

Inhlangano leyengamele telibhola letinyawo e Europe, i-EUFA, isukumise luphenyo ngemva kwemibiko letsi umdlali we- Real Madrid, Vinicius Junior akhonondze ngekubandlululwa ngekwebuve ngulomunye umdlali we-Benfica. Kepha ingabe yinkulu kanganani lenkinga yekubandlulula ngekwebuve ebholeni letinyawo futsi ingabe tinhlangano letilawula lomdlalo tenta ngalokukwanele ekulweni nalenkinga. Sicocisana nem...

Balimi bemhoba esifundzeni saKwaZulu-Natal bacela hulumende kutsi ahlenge inkapani yashukela lenkhulukati kuleli i-Tongaat Hulett. Batakuli bemabhizinisi bafake sicelo sekutsi ivalwe lenkapani ngoba ingasenamali. Kukhuluma kabanti ngalendzaba sicocisene nasihlalo wenhlangano lebuke kutfutfukiswa kwebalimi i-South African Farmers Development Association, Dr Siyabonga Madlala.

Imindeni yalamadvodza lamane lalandvwe eRussia ibonge mengameli Cyril Ramaphosa nemlingani wakhe wase-Russia, ngekubuya kwalamadvodza. Lamadvodza atseleke esikhumulweni setindiza i-OR Tambo ngoLesitsatfu ebusuku ngemuva kwekucitsa sikhatsi ayincenye yalemphi lesemkhatsini kwe-Russia ne-Ukraine. Kwanyalo kusafike emadvodza labane kulaba lebali-17 lebahamba batsi bayoceceshelwa kuba bologadza kepha...

Kuscubuke umlilo esiteshini semaphoyisa e-Schoemansdal kumasipala wase-Nkomazi. Simeme lokhulumela emaphoyisa aseMpumalanga Brigadier Donald Mdluli kutosatisa kutsi kwentekeni.

Lilunga lelikomidi lebukele temfundvo lephakeme nekucecesha ephalamende,  Yanga Govana utsi bafuna timphendvulo kuletikhungo temfundvo lephakeme letichasha bantfu bangaphandle lebanemakhono lakhona kulelive.

Bahlali baseNaledi dvute neMiddleburg kulesifundza seMpumalanga bevakalise kukhatsateka ngemayini i-Seriti lebayisola ngekubadzilitela tindlu tabo. Palesa Sotomela uyabika

Umkhandlu wetimbiwa kulelive utfumela litsimba kuyowelekelela emayini -Ekapa Minerals e Kimberley esifundzeni sase Nyakatfo Kapa, lapho kuvaleleke tisebenti letisihlanu ematfunjini emhlaba. Loku kuta ngemuva kwesehlakalo sekudzilika kwemgodzi kulemayini.  Inyonyana yetisebenti i-NUMSA  icele buholi balemayini kutsi baphumele ebaleni ngetinhlelo lebanato tekuhlanga letisebenti. Kutfola&nb...

Lihhovisi lelibuke kuholelwa kwetimphesheni iSASSA kulesifundza seMpumalanga selicalile ngeluhlelo lekubhalisa kabusha bantfu labahola imali yahulumende. Simeme lokhulumela iSASSA kulesifundza, Senzeni Ngubeni.

Lucwaningo lolwentiwe yinyuvesi yase-Free State lutfole kutsi kunekhemikhali lenebungoti lengaphatamisa umtimba webomake labasebentisa tinsita tekuya emalangeni (sanitary pads) kuleminye yemikhicito lehloliwe naletsengiswa kulelive le-Ningizimu Africa.  Kukhuluma kabanti ngalendzaba sikhulumisana nasosayensi Nokuzola Ndwandwe longumsunguli wenhlangano letimele iTeam Free Sanitary Pads.

iNational Converner yeSADTU Student Chapter Siyanda Mthimkhulu utsi yinyenti lemali lekhokhiswa bothishela lebangasebenti yiSACE.

Live lase Zambia limise kungena kwemfuyo nemkhicito wenyama walelive le Ningizimu Afrika ngenca yakubhedvuka kwesifo sematele lesihlaselle imfuyo yalelive. Simeme umfuyi waseGert Sibande kulesifundza se Mpumalanga, kutotfola kutsi batsikameteke kanganani ngalesifo, Itumeleng Ramofako.

 Inhlangano letimele lekhutsata kufundza i-Book Hive ibuyile futsi nemcimbi wayo weminyaka yonkhe lobitwa nge-Tinganekwane Festival. Lomcimbi uvame kubanjwe etindzaweni letahlukahlukene takulesifundza ngenhloso yekufundzisa kusetjentiswa kucoca tinganekwane kanye nekutfutfukisa lulwimi lweSiswati. Kuva kutsi tisiphatseleni Tinganekwano lonyaka, sicocisana nalokhulumela i-Book Hive, Lungelihle...

Tinyonyana tetisebenti tiphawula ngekwehlukana mayelana naletibalo takamuva letikhululwe lihhovisi laka Stats SA kantsi tikhombise kutsi lehle nga 0.5% linani lebantfu labangasebenti kulelive  Loku kusho kutsi letibalo tehle tasuka ku 31.9 kukota yesitsatfu yemnyaka taya 31.4 kukota yesine yemnyaka wa 2025. Simeme mabhalane we-SAFTU, uMnuzane Zwelinzima Vavi

Lihlehliselwe nge Msombuluko lotako licala lalabasolwa ngekubulala umshayeli wemoti letfutsa bagibeli lebhadalwa ngelibanga lebitwa ngekutsi i E-hailing. Sidvumbu  nemoti ya Isaac Satlat lobekaneminyaka lengema-22 sitfolwe e Atteridgeville evikini leliphelile. Bashayeli be E-hailing batsi bativa bangakaphephi. Kutfola luvo  lwabo labashayeli, sicocisana nalokhulumela inhlangano yabo i-NE...

Sati ngetemlandvo, Khaya Ndwandwe utsi akanawo emandla ekususa esikhundleni lenye Inkhosi yesive lesitsite, Inkhosi Buyelekhaya Dyalindyebo. Loku kuta ngemuva kwekutsi Inkhosi Dalindyebo amemetele kutsi wehlisa esikhundleni Inkhosi Mandla Mandela.

Lucwaningo lolwentiwe yinhlangano i-Worldometer luveta kutsi enyangeni yekucala yalomnyaka wa-2026 kubikwe ngekutibulala kwebantfu labalinganiselwa ngetulu kwa-80 000 emhlabeni wonkhe jikelele. Kulelive le-Ningizimu Africa kubikwa kutsi bantfu labasha labanyentana bashona ngekutsatsa timphilo tabo.

Badvube umsebenti bologadza labacaphele tikhiwoncanti tamasipala waseNkomazi bakhala ngekutsi solo abaholi kusukela nga-Bhimbidvwane. Motsebi Monareng uyasibikela.

Sishayamtsetfo sesifundza seMpumalanga sinikele ngetinsita tekulima ekhaya lalabadzala iZanele Old Age Home lelise Matibidi dvute nase-Graskop. Palesa Sotomela uyasibikela...

Ludzaba lwetimphi letichubeka emaveni latsite e-Afrika ngulokunye bekugcame kakhulu emhlanganweni wenhlangano yebunye bemave ase-frika, iAfrican Union (AU) lobewubanjelwe e-Addis Ababa eEthiopia. Ekhatsi kwalabo labahambele lomhlangano ngu Mengameli Cyril Ramaphosa. Kantsi Mengameli waseBurundi Evariste Ndayishimiye sewutsatse ngalokusemtsetfweni sikhundla sekuba ngusihlalo lomusha we-AU .Kukhulum...

Mengameli Cyril Ramaphosa umemetele naketfula inkhulumo yebunjalo belive  kutsi kutawuhlanyelwa esimasotja etindzaweni letihlaselwe bugebengu kanye nemacembu etigelegece e- Gauteng nase-Nshonalanga Kapa. Nanobe kunjalo, nyonyama yemalunga embutfo wetekuvikela i-South African National Defence Union (SANDU) itsi ngetulu kwekutsi umtsetfo uyamgunyata mengameli kutsi atfumele emasotja nakabona ku...

Inhlangano ye Democratic Alliance kulesifundza se Mpumalanga seyiphindze yakhetsa Jane Sithole njengemholi wayo ngaphandle kwekuphikiswa kulemkomfa yekukhetsa buholi lebeyibanjwelwe Sabie kulemphelasontfo lesibuya kuyo . Labanye labakhetfwe ngaphandle kwekuphikiswa ngu-Trudy Morgan loboyiswele esikhundleni selisekela lemholi walenhlangano kulesifundza kanye Bosman Grobler lobuyele kulesikhundla sa...

Bekavele enkantolo yamantji eNaspoti kutocela ibheyili ummangalelwa Lungelo Sithole losolwa ngekubulala Luyanda Mathabela eMataffin kulomnyako lophelile. Palesa Sotomela uyasibikela.

Badvumele batali bebafundzi besikolo semabanga laphansi iTsandzanani ngemuva kwekutsi litiko letemfundvo liyekele lomklamo wekwakha lesikolo lowacala nga-2016. Labatali bavakalise kukhatsateka ngekuphepha kwebantfwana babo. Nonkululeko Shongwe uyabika.