Ligwalagwala FM Current Affairs

Litiko letasekhaya selingete sikhatsi sekusebenta ngema-awa lamabili kudzimate kube ngumhla ka-20 kulenyanga. Lelitiko litsi emahhovisi alo sekatawuvala ngensimbi yesitfupha ntsambama ngenhloso yekufuna kusita bantfu lebafuna emadokhumende lafana nema-ID, passport nalokunye. Sicocisene nemphatsi welitiko letasekhaya kulesifundza, Ndalisa Jele…

Inhlangano iATM ibita kutsi kusungulwe futsi kwetfulwe luhlelo lolwatiwa nge-Combined DNA Index System (CODIS) kuze kuliwe nekwandza kwesibalo semacala ekugagadlela langasombululeki. Lokhulumela iATM, Zama Ntshona.

Sikhungo lesilawula kutsengiswa kwetjwala kulesifundza seMpumalanga siyawube siphume ngetinkani sicinisekisa kulandzelwa kwemtsetfo etindzaweni letitsengisa tjwala kulesifundza. Lesikhungo kulindzeleke silandzele nalabo labatsengisa tjwala bangenamvumo. Kukhuluma kabanti ngalomkhankaso sicocisana nemnumzane Elijah Mamba lovela eMpumalanga Economic Regulator

Sikhwama lesincesitela bantfu labatfole tingoti temgwaco (RAF), sitsi kunemkhuba lesewucala kutipha emandla lapho bantfu batiphonsa ngamabomu etimotweni letihambako kuze batoncesitelwa ngulesikhwama. Lesikhwama sikhiphe secwayiso lesitsi angeke sitibhadale  ticelo  tetigameko letinjalo. Sicocisene nalokhulumela iRAF, uMnuzane McIntosh Polela.

Lihhovisi lemgcinimafa litsi licabanga kwenyusa kakhulu intsengo yetjalwa njendlela yekulwa nalenkinga yekubhubhudlwa kwetjwala kulelive . Umgcugcuteli wenhlangano yebatsengisi betjwala Umnumzane Lucky Ntimane utsi lesinyatselo sahulumende singahle sandzise lomkhuba wekutsengiswa kwetjwala lobungekho emtsetfweni. 

 Indvodza yasePolokwane leneminyaka lengemashumi lamane budzala ifuna kubona kwenteka bulungiswa ngesehlakalo sekugagadlela lekusolwa kutsi senteka eminyakeni lengemashumi lamabili nesihlanu leyengcile. Kusolwa kutsi lendvodza yagagadlelwa ngemalunga lamabili elibandla ineminyaka  lelishumi nakunye nga-1999. Simeme sati semtsetso Umnumzane Mpumelelo Zikala lovela ku-Zikalala Attorneys

Mabhalane jikelele we -SAFTU  Zwelinzima Vavi sewuhalalisele Nico Ndima losandza kukhetfwa njenge-Mengameli we Food and Allied Workers Union i- FAWU, lekungulenye yetinyonyana letingaphansi kwe-SAFTU . Ndima, longumuntfu lomusha  lodzabuka e-Nkomazi kuso sifundza se-Mpumalanga, phambilini uke wabamba tikhundla letinyentana  kulenyonyana ye-FAWU.  Sicocisane naye lomengameli lom...

Inhlangano yemango i-South African National Civics Organisation (SANCO) itawumashela e Union Building e Pitoli kusasa ngenhloso yekuvakalisa tikhalo letahlukahlukene kumengameli walelive. Sinalokhulumela lenhlangano kulesifundza se Mpumalanga Nkosi Godfrey Nkgate.

Sekusele emalanga lamatsatfu kutsi kufike umncamula-jucu wekwetfulwa ngalokuphelele kwemtsetfo i-BELA Act.  Ngenyanga yeNyoni mengameli Cyril Ramaphosa wawujsayina waba semtsetfweni lomtsetfo kepha welula ngetinyanga letintsatfu sigaba 4 na-5 kutsi kuboniswane ngato njengoba tinhlangano letifana neDA tevakalisa kugongonyeka ngendlela letibhaleke ngayo. Kantsi inyonyana yabothishela itsi kunin...

Bantfu labasiphohlongo lababekwe licala lekutfumba, kumba igolide ngalokunge emtsetfweni kanye nekwephula umtsetfo wekungena kwetifiki eveni, babingelele inkantolo yamantji eSabie, eMpumalanga. Labantfu basolwa ngekuba bobhongoza labatfumba lalabanye bantfu bekuchamuka babaphocelela kutsi bayongena emgodzini bembe igolide ngalokungekho emtsetfweni. Intsatseli yetfu Motsebi wa Monareng uyasiikela.....

Emaphoyisa atsi sekabophe labemba igolide ngalokungekho emtsetfweni labangetulu kwetinkulungwane letingema-50 etifundzeni letahlukene takulelive kusukela acala  umkhankaso wawo i-Operation Vala Umgodi. Katakulwe labanye labalibangiselwa ekhulwini nemashumi lasihlanu lebebavaleleke emgodzini wemayini lengasasebenti eSabie kulesifundza seMpumalanga. Yini ledvonsa labantfu lebabitwa ngemaZama-Za...

Indvuna yetekutfutsa kulelive Barbara Creecy bekavakashele umncele waseLebombo kutowetama kucinisekisa kutsi usebenta kahle ngalamaholide akhisimusi. Loku kulandzela imibiko letsi kuphindze kwaphatamiseka kungena nekuphuma kwebantfu kulomncle lowehlukanisa iNingizimu Africa neMozambiki ngemphelasontfo. Lisekela laNkomishana weBorder Management Authority, General David Chilembe wecwayisa bantfu kut...

Emalunga enhlangano yemaphoyisa emango Ehlanzeni (iCPF) abemashele emahhovisi ahulumende wesifundza seMpumalanga afuna kucaciselwa kahle ngaloluhlelo lekucashwa kwalaba lebabitwa ngema-wada latowelekelela ekulweni nebugebengu. Kuleliviki leliphelile umphatsiswa welitiko letekuphepha, kuvikeleka kanye nekuchumana eMpumalanga, Jackie Macia, wemukele ngalokusemtsetfweni licembu lekucala lalamawada. K...

Kubambisana kwemacembu emavukelambuso kufake sandla ekukhishweni kwamengameli wase Syria esikhundleni, Bashar al -Assad. Loku kuvakaliswe ngumncwaningi lomkhulu esikhungweni i-Mapungubwe Institute for Strategic Reflection  (MISTRA), Na'eem Jeena, lose DOHA e Qatar. Phambilini lamacembu emavukelambuso amemetele kutsi Al Assad ubalekile, keoha kjwangevakali kutsi ubalekelephi.  Sicocisene nemhlatiyi...

Kubikwa kutsi sewuvuliwe umncele wase-iLebombo, kulandzela imibiko letsi uke wavalwa kancane ngemphelasontfo.  Sicocisene nentsatseli yetfu Motsebi wa Moreng kuva kutsi ngekwati kwakhe bekwentekani kulomncelke ngemphelasontfo, kantsi siphindze sikhulumisane nemphatsiswa welitiko letekuphepha kwemphakatsi, Jackie Macie.

Inhlangano i OUTA itsi kusetjentiswa kabi kwemali yesive kuyachubeka nekuba yinkinga lenkhulu kulelive. Lenhlangano ivete loku njengaloku namuhla kubungatwa lilanga lekulw anenkhohlakalo emhlabeni i-nternational Anti-Corruption Day .  Sicocisene nasihlalo wePublic Service Commision, Professor Somadoda Fikeni.

Mengameli Cyril Ramaphosa utawube avakashele lesifundza seMpumalanga kuleliviki lesilicalako. Ndvunankhulu Mandla Ndlovu usichazela ngetizatfu talokuvakasha kwemengameli.

Kube netinkulumo mayelana nekulondvoloteka kwemisamo yemagugu (museums) kulelive leNingizimu Africa. Bantfu labanyenti bavamile kuvakashela indzawo yesikhumbuto i-Samora Machel Monument lapho bafike batfole umsamo lobakhamela lwati ngalengoti yekuphahlateka kwendiza. Ingabe isekhona inzima ledlalwa ngema-museum emiphakatsini lesihlala kuyo? Wona ema-museum, ingabe asekhona futsi ayanakekelwa? Sico...

Inhlangano yabodokodela kuleli i SAMA, icwayisa banftu bakuleli  kutsi  banganatsi tjwala ngalokundlulele  nganasi sikhatsi  semaholide ebunadzi. Lenhlangano iphindze yaveta kutsi ngetulu kwekunatsa kakhulu, bantfu baphindze basebentise netidzakamiva. Kuyivisisa kancono lendzaba nekutsi ubona njani kutsi sewunenkinga asamukele Dr Simangele Nkosi longu dokodela lotimele khona la e Nasipoti.

Namuhla bantfu baseGhana bayovota elukhetfweni lwavelonkhe kulelive. Inhlangano yebunye bemave e Africa itsi tincapheli telukhetfo setivele tifikile eGhana kutewucinisekisa kubanjwa kwelukhetfo lolukhululekile nalolungakhetsi.  Kubuka lolukhetfo lwaseGhana, simeme umhlatiyi wetindzaba tepolitiki Prof Bheki Mngomezulu.

Tangoma telitulu tecwayisa kutsi utawuchubeka lomswakamo wekushisa ngemandla etifundzeni letifaka ekhatsi i-Limpopo, Mpumalanga,Gauteng kanye ne-KwaZulu Natal. Kubuka kutsi lokushisa kunawuphi umtselela kubalimi sicocisene namengameli we-National Farmers Union i-NAFU kulesifundza Jabu Mahlangu.

Kunetimphunga tahulumende letikhala ngekutsi atikayitfoli imali yato yanga-Oktoba letinye titsi atikatfoli yangaNovember yesibonelelo lesichamuka kaSASSA.. Batsi sebangcingce kulamahhovisi kuze kufutsa tinyawo kepha lusito abalutfoli. Sicocisene nalokhulumela iSASSA kulesifundza seMpumalanga Senzeni Ngubeni

Litiko letetfutfukisa temnotfo netekuvakasha kulesifundza seMpumalanga lisingatse umhlanganosikolwa kutobonisana ngekusungulwa kwenchumomgomo lehlose kulwa netehlakalo tekugula lokubangwa kudla kwasetiphaza. Kukhuluma kabanti ngalendzaba simeme i-Acting Director Business Regulations and Governance, Umnumzane Bonani Dube

Lelitsimba lelitakula labavukiti labangekho emtsetfweni emayini yase-Sabie kulesifundza seMpumalanga selitsetse sincumo sekuwumisa kwesikhashana lomsebenti nganca yekucabangela tekuphepha. Sikhulumisebe nentsatseli ye-SABC Motsebi Monareng lolandzela lombiko

Ikomidi yelitiko letekuhweba, timboni kanye nekuncintisana ePhalamende itsi ifuna kuhlangana nemabhange nakusuka lomnyaka lotako kutobonisana ngetintfo letitsite. Sihlalo walekomiti Mzwandile Masina utsi kulula kutfola sikweleti setintfo letingenasidzingo kulelive kepha kulukhuni kubolekwa imali nawufuna kwenta libhizinizi. Simeme umhlatiyi wetemnotfo, Khaya Sithole.