Ligwalagwala FM Current Affairs

Namuhla sikhulumisana nenhlangano yebameli i-Legal Practitioners Fidelity Fund (LPFF) mayelana nemehluko emkhatsini weTrust Accounts neTrust Fund. Simthandile Myemane umelele iLPFF.

Litiko letemisebenti yesive, imigwaco netekutfutsa eMpumalanga liyatiphendvulela kuletinsolo letitsi liyehluleka kucasha bantfu labakhubatekile ku-EPWP. Sicele umphatsi lobuke kusebenta kwaloluhlelo  lweEPWP kulelitiko, Mongikazi Malemela.

Inhlangano yeDA kulesifundza se Mpumalanga itsi ikhatsatekile ngekwehluleka kwelitiko letemisebenti yesive kucasha kuletikhala temsebenti betibekelwe bantfu lebakhubatekile ngobe bahola imali yesibonelelo sahulumende. uyiva kancono lendzaba simeme lilunga leDA kusishayamtsetfo sesifundza, Trudy Grover

Betiphishekile tinkantolol takulelive namuhla njengoba Nkomishana wemaphoyisa losamiswe kwesikhashana emsebentini Fannie Masemola, Vusi Cat Matlala kanye nalabanye basolwa bebabovele phambi kwamantji. Kucoca kabanti ngalendzaba, sichumana nesati ngetebugebengu, Dkt Mxolisi Mathebula. 

Lenye yetinkapani tamakhalekhikhini kulelive leningizimu Africa ivete kutsi iyachubeka naluhlelo lekusebentisa i-Data etinhlelweni tekuchumana. Ingabe bantfu baseNingizimi Africa bakulungele kuchumana nge-data njengoba ngaphambilini kuke kwakhalwa ngekubita kakhulu kwayo i-data. Kuva kabanti nge-Data Communication sikhulumisana  naSabelo Zimu loyi-Data Protection, Artificial Inteligence and I...

Kulomnyaka kuhlangana iminyaka lengema-30 kwemukelwa ngalokusemtsetfweni umtsetfosisekelo walapha e-Ningizimu Africa. Ngaleyondlela ligumbi letindzaba ka-SABC litawetfulela ticeshana letitawube tibuka futsi tikhuluma ngawo lomtsetfosisekelo walelive.  Namuhla kuloluchungechunge lwetinhlelo lesitawube sikwetfulela tona siligumbi letindzaba kaSABC, simeme lomunye lobekayincenye yekudvwetjwa kwe...

Inhlangano yatisebenti tetemphilo i-South African Medical Association (SAMA) itsi lelive lisengakakulungeli kwetfula umshwalense wentempihlo, i-National Health Insurance (NHI) nawutawuyekelwa ngalendlela lobhaleke ngayo. Sikhulumisana nasihlalo weSAMA Mvuyisi Mzukwa.

 Sikhungo lesibuke tekuvakasha netemapaki eMpumalanga, i-Mpumalanga Tourism and Parks Agency (MTPA), iyincenye yetikhungo netinhlangano letihambele umbutsnao wetekuvakasha i-Africa Travel Indab, eThekwini esifundzeni saKwaZulu Natal. Sibite lokhulumela i-MTPA, Simphiwe Shungube.

Tibalo takamva letikhishwe lihhovisi letibalo, i-Stats SA,  tikhombisa kutsi tibalo tebantfu labangasebenti kulelive tenyuke nga 1,3-percent tisuka ku 31,4%  kukota  yesine yemnyaka lophelile, tatofika ku32,7% kulekota yekucala yalomnyaka wa  2026.  Kuyibuka lendzaba asamukele sati ngetindzaba tebasebenti, Umnumzane Bukani Mngoma.

Mengameli wele-N/A Cyril Ramaphosa uvule ngalokusemtsetfweni umhlangano we-Africa Travel Indaba lobanjelwe e-Durban. Kulomhlangano, bekunabosomabhizinisi labehlukahlukene bakhangisa ngemisebenti yabo. Sifundza sase-Mpumalanga sona besimelwe tikhungo letifaka ekhatsi i-MRTT,  lebukene nekufundzisa bantfu kupheka kanye nekulalisa tivakashi. Sikhulumisane nelilunga lebhodi yeMRTT, Bethuel Nxumal...

Mengameli Cryil Ramaphosa, utsi angeke ehle esikhundleni sekuba ngumengameli welive ngetulu kwekutsi kube nalababita kutsi abeke phansi tintsambo kulandzelka sijubo senkantolo yemtsetfosisekelo lesitsintsa umbiko wase-Phala Phala. Itolo ebusuku, Mengameli Ramaphosa utjele sive kutsi lombiko utawendlulisela ekutseni uyocutjungulwa yinkantolo yemtsetfo.  Ingabe kusho kutsini loku ngetemtsetfo?...

Kube netehlekalo tekulwa kwebafundzi kuletinye tikolwa takulesifundza se Mpumalanga. Lokhulumela emaphoyisa kulesifundza Jabu Ndubane.

Indvuna yelitiko letekulima John Steenhuisen, uvakalise kwenetiseka ngendlela lokuchubeka ngayo luhlelo lwekugomela sifo sematele. Mthobisi Mkhaliphi uyasibikela

Mengameli Cyril Ramaphosa uvakalise kutsi ufuna kubuyeketwe lombilo lokhuluma ngendzaba yase-Phala Phala. Utsi angeke esule esikhundleni. Kukhuluma  ngalendzaba simeme umhlatiyi wetepolitiki lotimele Umnumzane Thami Malinga

 I Earth Life Africa yetfule sikhungo sesibili semphakatsi lesihlose kugcugcutela kukhicita emandla langangcolisi umoya. Lesikhungo sitfulwe esabelweni i-Malale, eVenda esifundzeni se-Limpopo. Lomcimbi bewuhanjelwe bantfu labahlala etindzaweni letibukana nekungcoliswa kwemoya lokubangwa yi Musina-Makhado Special Economic Zone, kanye nebaholi bendzabuko. . Kuyibuka kabanti lendzaba asemukele T...

Litiko letemanti nekuhlanteka selibite bonkhe bantfu labasebentisa emanti kunisela emasimini lamakhulu noma kwenta ibhizinizi kutsi babhalise kulelitiko kungakapheli tinyanga letintsatfu. Kukhuluma kabanti ngalendzaba sichumana nelisekela lendvuna yalelitiko Umnumzane David Mahlobo 

Khenela Francois Steyn, losikhulu semaHawks eWest Rand eGauteng utjele likomishane laMadlanga kutsi lamacembu etigebengu lantrjontja tidzakamiva emahhovisi alesikhungo bewangeke akhone kukwenta loku kube bebangasebentisani netikhulu temaphoyisa. Simemesati ngetebugebengu,  Dr Mxolisi Mathebula.

Sifundza se Mpumalanga, siyinceye yaleto letichazwe njengaletibukene nehlekelele ngenca yalesimo lesibi selitulu lesihlasele kulamalanga. Kepha kuva kutsi ingabe loku kusho kutsini sikhulumisana nephatsiswa welitiko letekubusa ngekubambisana, kuhlaliswa kwebanftu kanye netindzaba tebaholi bendzabuko kulesifundza se Mpumalanga, Speedy Mashilo.

Litiko etekubusa ngekubmbisanaa, kuhlaliswa kwebantfu kanye netindzaba tebaholi bendzabuko bemdzabu kulesifundzai sase-Mpumalanga litsi lifuna kucinisekisa kutsi kute basokwa labashonako engomeni kulomnyaka. Loku kuvele kumhlanganosikolwa  walelitiko locale namuhla nalekulindzeleke uphele kusasa. Sikhulumisana nasihlalo wendlu yebaholi bendzabuko eMpumalanga, Kgosi Mathupha Mokoena nmgalomhla...

Indvuna yelitiko letekulima John Steenhuisen uvakalise injabulo ngeluhlelo loluchubekako lwekugomela tinkhomo sifo sematele. Ukhulume emkhankasweni bewulapha kaTshabalala dvute nase-Hazyview eMpumalanga. Simeme umphatsiswa welitiko letekulima eMpumalanga Khethiwe Moeketsi.

Mabhalane jikelele we-SACP, Solly Mapaila, sewubita mengameli Cyril Ramaphosa kutsi ehle esikhundleni kulandzela lesijubo senkantolo yemtsetfosisekelo eludzabeni lwasePhala Phala. Uvete loku emcimbini wekubungata umshiyandvuku wa-Chris Hani eAcornhoek dvutane nase Bushbuckridge kulesifundza Mpumalanga. Mthobisi Mkhaliphi

Lisekela lendvuna yemfundvo lesisekelo, Dr Reginah Mhaule utsi loluhlelo lwettifundvo tesikhashana ltebufundisi luhlose kuntjintja imphilo kuletikhatsi tanamuhla 

Sishayamtsetfo sesifundza seMpumalanga, silindzeleke kutsi setfule kabusha umkkhandlu lohlose kulwa nesifo sesifuba i-TB. Kuyikhuluma lendzaba sicele somlomo wesishayamtsetfo Make Makhosazana Masilela.

Hulumende wakulesifundza seMpumalanga utsi bonke baholi bendzabuko bakulesifundza batawuniketwa timoti teluhlobo lwemaveni  kanye nemfuyo. Loku kumenyetelwe nguNdvunankhulu Mandla Ndlovu, ngalesikhatsi avula ngalokusemtsetfweni indlu yebaholi bendzabuko, i-House of Traditional and Khoisan Leaders. Kukhuluma kabanti ngalendzaba simeme sihlalo wendlu yebaholi bendzabuko eMpumalanga, Kgoshi Math...

Iyachubeka nekutipha emandla lemibhikisho lekutsiwa yekukhonondza ngekugcwala kwebantfu labakulelive ngalokungekho emtsetfweni. Kusukela ekucaleni kwalenyanga tinhlangano tepolitiki netemmango tingenele imishuco lebita hulumende kutsi asukumele lloku lebakuchaze ngekuganga lokwentiwa ngulabantfu lebabasola ngekuba kulelive ngalokungekho emtsetfweni. Kuva kutsi baholi betenkolo batsini ngalendzaba...