Ligwalagwala FM Current Affairs

Inyonyana yetisebenti iSAFTU seyivakalise kukhatsateka nmgesincumo seNERSA sekuvumela iEskom kutsi ikhuphule intsengpo yagezi nga-12.7%. Lokhulumela lenyonyana Zwelinzima Vavi uyasichazela.

Esigabeni setfu semabhuku, namuhla sicubungula libhuku lelinesihloko lesitsi "The Power of Words" lelibhalwe ngu Apostle Dumisani Nxumalo. Kukhuluma kabanti ngalelibhuku, sinaye umbhali walo, Apostle Nxumalo.

Inhlangano i- African Transformation Movement ( ATM) yenta lubito lwekutsi kuvikelwe libhange iIthala Bank kanye nemsebenti walo lomuhle beliwenta.  Lenhlangano itsi kuleminyaka lengu 60 leyengcile lelibhange ngilo belisita bantfu balelive labahlala etindzaweni letinganakwa mabhange lamakhulu, ikakhulukati esifundzeni saKwaZulu Natal. Lokhulumela i-ATM Zama Ntshona uyacacisa.

Ngekusho kweCancer Association of South Africa (CANSA), iNingizimu Africa inesibalo lesisetulu setehlakalo temdlavuta wesikhumba emhlabeni ilandzelka iAustralia. Tibalo tikhomba kutsi bantfu bakulelive basengotini lenkhulu yekungenwa ngumdlavuta wesikhumba ngenca yemisebe yelilanga leshisa kakhulu. Sicocisene nadokotela losebenta ngetifo temdlavuta ebantfwaneni, Dr Thandeka Ngcana.

Lisukunyiswe namuhla luhlelo lwe e-impilo electronic medical record system kumasipala weSteve Tshwete. Loluhlelo lihlose kugcina ngalokufanele mininingwane yetigulane emitfolampilo. Kepha kutfola kabanti ngaloluhlelo, asamukele yena umphatsiswa welitiko letempilo kulesifundza seMpumalanga, Sasekani Manzini...  

Siphakamiso semphatsiswa welitiko letemphilo e-Gauteng, Nomantu Nkomo-Ralehoko, lesitsi kuphocelelwe bantfwana bemantfombatana labafundza sikolo kutsi bafakwe i-implant yekuhlela umndeni ngekuvumelana nebatali,  sihlangabetene nekugcekwa ngulabanyenti. Simeme mabhalane weNational Association of School Governing Bodies. 

Kuvamile kutsi nakushone indvodza noma babe welikhaya kusolwe inkhosikati yakhe ngekuba nesansdla kulokufa. Leti nguletinye tingcinamba letibukana nebafelokati kulelive. Kulesinye sikhatsi  labanye batitfola sebakhishwa nasendlini ngenca yekutsi kutsiwa likhaya lemnaketfu leli. Namuhla ehlelweni sifuna kubuka tinsayeya letibukana nebafelokati nekutsi bangatigwema njani tehlakalo taloluhlobo....

Inyonyana i-COSATU itsi lamasotja laseDRC kufanele esekelwe ngetinsita letifanele kuze awente kahle lomsebenti wekugcina kuthula emphumalanga yalelalive. Mabhalane wetindzaba tangaphandle kuCosatu, Bongani Masuku uyayichaza lendzaba.

Emalunga emindeni yemasotja alelive le Ningizimu Africa layincenye yalawo latfunyelwe e DRC, evakalise kukhatsateka ngalesimo lesichubeka eGoma eMphumalanga yeDRC. Loku kulandzela kubulawa kwemasotja lalishumi nakutsatfu embutfo wetekuvikela kulelive i SANDF, njengoba ibambene ngetihlutfu emkhatsini wemasotja ahulumende waseDRC kanye nemavukelambuso e M23, edolobheni i Goma. Simeme Vusi Mnisi wase...

Lucwaniningo lwe Stats SA lwemnyaka timali wa 2022/2023 lolumayelana nemiholo nendlela lekusetjentiswa ngayo imali, lutfole kutsi bantfu labamnyama batfwele matima ngasetimalini nabacatsaniswa  nebelumbi, emandiya ema khaladi kulelive. Lombiko waletibalo ukhululwe ngumphatsi lomkhulu we Stats SA ,Risenga Maluleke, ePitoli.  Sicocisene nemhlatiyi wetemnotfo lotimele, Mandla Malope.

 Sihlalo wekomiti yasephalamende lebukele kusebenta kwemaphoyisa, Ian Cameron, uphakamisa kutsi kumele aphanyekwe tigwebo leticinile emaphoyisa latawulahlwa ngemacala ekugagadlela. Letiphimiselo takhe tita ngemuva kwekutsi  i-Independent Police Investigative Directorate (IPID), ibike kutsi emnyakeni timali wa 2023/2024, bekunemacala langu-110 emacala ekugagadlela labandzakanya emaphoyisa...

Sikhungo lesiholela timphunga tahulumende imphesheli iSASSA, sitsi siyagcina kusebentisa llikhadi le-gold card kulenyanga letako, mhlaka 28 February.. Kuva kutsi kungani nekutsi lihawuhanjiswa njani loluhlelo lekuntjintja lelikhadi, sicocisane nalokhulumela  i-SASSA kulesifundza seMpumalanga, Senzeni Ngubeni…  

Solwati ngetebuchwepheshe SIphumelele Zondi utsi tinyenti tindlela bantfu labangatisebentisa kuze batentele imali ngekusebentisa tinkundla tekuchumana.

Inkapani yemabhasi iPUTCO itsi kushiswe emabhasi ayo llabalelwa emashumini lamane nesikhombisa lebekamile ema-depho alenkapani eMoloto kulesifundza seMpumalanga. Lokhulumela lenkapani Lindokuhle Xulu.

Umhlatiyi wetekuvikela Dr Mfuneko Sihlobo lowake wabe nguLt-Col embutfweni wetekuvikela, utsi imbangela yelokubulawa kwemasotja akuleli eDRC kungenca yekuswelakala kwetinsita tekuwelekelela ekwenteni lomsebenti labnukene nawo. Emavukelambuso eM23 abonakele etinkhundleni tekuchumana afika catsatsa edolobheni iGoma leliseMphumalanga yeDRC. Dr Mfuneko Sihlobo utsi bekungafanele emasotja akuleli ahlas...

 Kunetinsolo letitsi kunabothishela lekungenteka bangaholi ikakhulukati labo labasebenta ngetinkontileka nangabe bangakaletsi sitifiketi lesicinisekisa kutsi abazange balahlwe ngemacala ekunukubeta ngekwemacansi, iNational Register for Sex Offender Certificate (NRSO). Kepha kuyiva kahle lendzaba sicele litiko letemfundvo kulesifundza seMpumalanga kutosichazela ngaloludzaba. Sicocisene na Glen...

Inyonyana yemaphoyisa iPOPCRU itsi kubacinise lidvolo kuva indvuna yemaphoyisa nayitsi kubulawa kwemaphoyisa kufanele kutsatfwe njengelicala lelikhulu. Ndvuna Senzo Mchunu bekakhuluma ngalesikhatsi kugujwa lilanga lemaphoyisa itolo. Simeme mengameli wePOPCRU, Thulani Ngwenya kutokhuluma lendzaba.

Umhlatiyi wetembangave Zabo Mbandlwa utsi iNingizimu Africa bekungafanele igcambukele kulemphi yaseDRC ngoba yingcabano yangekhatsi ledzinga kutsi letinhlangotsi letilwako tihlale phansi tikhulumisane. Loku kulandzela kubulawa kwemasotja layimfica akuleli kulemphi leshube eDRC nemavukelambuso eM23. 

 Indvuna yelitiko letagezi kulelive Kgosientsho Ramokgopa sewuphakamise kutsi lelive lingahle letfule gezi lotawutfolwa ngiibo bonkhe bantfu (universal access). Sikhuluma nje gezi emalokishini ucinywa ngetikhatsi letibekiwe ngoba bantfu labanyenti basemalokishini basolwa ngekutsi basebentisa tinyokanyoka noma abawutsengi gezi. Simeme sati ngetindzaba tagezi Umnumzane Mthunzi Luthuli.

Mengameli we ANC, Cyril Ramaphosa ucwayise lenhlangano ngekutsi ilengela eweni lekushabalala iphele nya. Ukhulume kule-Legotla lekomiti lenkhulu yeANC lebeyibanjelwe e Boksburg eMpumalanga ye Jozi ngemphelasontfo. Sicele umhlatiyi wetembangave Njingalwati Bheki Mngomezulu kutewubuka loludzaba.

I Border Management Authority (BMA) itsi livalwe kwesikhashana ligede lase-Oshoek ngenca yengoti lebangwe yiloli emini yasekuseni itolo. Lokhulumela iBMA Baleni Mkhabela loyi-Assistant Commissioner for Law Enforcemnet utsi leloli iphelelwe ngemabhuliki kantsi batawucubungula simo namuhla kutfola kutsi bangativulela yini timoti temitfwalo kuze tikhone kuchubeka nekwendlula.  

Sikhungo lesicwaninga ngesifo sengculazi kuleli i Centre for the Aids Programme of Research in South Africa (CAPRISA) sesivakalise kukhatseteka mayelana nesiphakamiso seMelika sekufuna kuphuma enhlanganweni yetemphilo emhlabeni i World Health Organisation (WHO). Mengameli wase Melika Donald Trump, umemetele kutsi i-Melika itawuphuma kulenhlangano. Kubuka umtselela walesincumo seMelika, asemukele s...

Inhlangano letibita nge-Nkomazi Parliament isebentisana nemaphoyisa, litiko letemphilo kanye naletinye tinhlangano kuvakashela tikolo letikumasipala wase-Nkomazi ngenhloso yekucwayisa bafundzi ngebungoti bekusebentisa tidzakamiva. Kutfola kabanti ngalendzaba, sikhulumisana nemengameli weNkomazi Parliament Penuel Thwala.

Esigabeni setfu  sekucubungula emabhuku, namuhla sibuka libhuku lelibhalwe nguThemba Skhosana lelitsi "Conversation with my thoughts" lekulibhuku lelikhuluma kabanti ngemihambo yebantfu labamnyama kanye nemihambo lesetjentiswa ngemave aseUrophi..Kunaba kabanti  ngalelibhuku sovele ukhona umnuzane Skhosana ecingweni.

Kulindzeleke kutsi inhlangano ye ANC kulesifundza se Mpumalanga ibambe umcimbi wayo we January 8 enkundleni yetemidlalo e Ga Morwe e Kammeelrivier kumasipala we Dr JS Moroka namuhla. Lokhulumela iANC kulesifundza Muzi Chirwa uyasichazela.