Ligwalagwala FM Current Affairs

Indvuna yetetimali Enoch Godongwana, utawetfula inkhulumo yeluphakelo timali lwalomnyaka kusasa . Bosomontfo bayilindze ngalabovu lenkulumo kwatise kwekutsi lena kuyawuba yinkulumo yekucala yaluphakelo timali ngaphansi kwahulumende welubumbano i-GNU. Kukhuluma kabanti ngalendzaba siococisana nemcwaningi wetemnotfo khona layikhaya ka SABC, Velemseni Mthiyane 

Bafundzi basenyuvesi i-Wits bangenele umbhikisho wekudvuba kudla ngenca yetinkinga tekungakhoni kubhaliswa kuze bachubeke nekufundza. Lilunga lesigungu lesisetulu senhlangano yebafundzi iSASCO, Demian Mukansi utsi letinye taletikweleti letisetjentiswa ngulenyunivesi kuvimbela bafundzi kutsi babhalise, tikweleti takudzala (historical debts).

Mengameli wenhlangano yebaholi bendzabuko, iCONTRALESA,, Kgosi Mathupa Mokoena ubita hulumende kutsi alekelele imindeni yalamasotja lashonele eveni lase-DRC, ekutseneni ikhone kulandza umphefumulo wawo. Mokoena utsi ngekwelisiko umoya wemuntfu uyalandvwa nangabe ashone ngalendlela.

Kusukela mhla tiyimfica kulenyanga lesetulu kudzimate kube ngunamuhla, lelive libungata liviki lekucushisa ngetifo temacansi kanye nekusetjentiswa kwelijazi lemkhwenyana.  Kantsi kulenyanga yeNdlovana kubukwe kakhulu i-sexual reproductive health month.  Kukhuluma kabanti ngalendzaba, sikhulumisana neMphatsi weligumbi lelisebenta ngemajazi emkhwenyana etikweni letemphilo eMpumalanga, Ntom...

Inhlangano ye MK Party yemukela emalunga lamasha lafaka ekhatsi lowake waba ngusodolobha waseNkomazi nalowacoshwa kuANC, Johan Mkhatshwa. Lomcimbi bewubanjelwe eMgobodzi kumasipala wase-Nkomazi kuso lesifundza se Mpumalanga nalapho bewuchutjwa ngumhlelembisi we MK Party kulesifundza Busisiwe Mkhwebane. Kutfola kabanti simeme yena umhlalembisi walenhlangeno kulesifundza, Busisiwe Mkhwebane.

Esigabeni setfu  sekucubungula emabhuku, namuhla sikhuluma  ngelibhuku lelibhalwe NguNtombeko Nontshokweni, lelinesihloko lesitsi uNobuntu. Lombhali uhambele lomcimbi wemabhuku lobanjelwe eveni lase Cuba lobitwa nge Havana International Book Fair. Ukhona Ntombeko Nontshokweni kutokhuluma ngelibhuku lakhe kanye neluhambo lwakhe laseCuba.

 Likhomishana lelibuke tindzaba tebatsengi kuleli i National Consumer Commission (NCC), litsi litfole tikhalo letinyenti kubatsengi bakuleli labatsenge timoto lesetihambile enkapanini i We Buy Cars. Kuva kutsi lelikomishana lihamba libaseite njani batsengi kunalu luhlangotsi simeme lokhulumela yona i NCC, Phetho Ntaba

Mengameli weleMelika Donald Trump ugcine awusayina lomyalo wekumisa lusito lwetimali ngaphasi kwe-USAID. Lomelele inhlangano lesati bahlukunyetwa ngalapha eHlanzeni iGreater Rape Intervention Programme (GRIP), Nomshado Ndlovu utsi lesincumo seMelika sesiholele ekumisweni kwetisebenti letimbalwa kanye netinhlelo letitsite bebatetfula esiveni.

Sikhungo lesikhangeta imali yesibonelelo sahulumende selule sikhatsi sekuntjintjwa kwemakhadi kudzine kube yinyanga yaMarch. Lokhulumela iSASSA Paseka Letsatse. 

 Live leNingizimu Africa limenywe njengesitatanyiswa emcimbini lomkhulu wemabhuku i-Havana International Book Fair eCuba. Sicocisene nelincusa lakuleli eCuba, Pinky Phosa.

Nkhomishana wemaphoyisa alelive General Fannie Masemola umemetele kutsi litiko lemaphoyisa litawetfula luhlelo lwekucinisekisa kutsi emaphoyisa asesimeni lesikahle setempilo I Employee Health and Wellness Initiative. Sicocisene na mabhalane jikelele walenyonyana yemaphoyisa iPOPCRU, Jeff Dladla. 

I BookHive ingulenyhe yetinhlangano takuleli letihambele umcimbi lomkhulu lowatiwa ngeHavana International Book Fair eCuba. Sicocisana nemsunguli weBookHive Bobo Lukhele

UMnumzane Jerome Bele lovela enhlanganweni i-Black Sash, uncusa bantfu kutsi basukume bayontjintje lamakhadi abo akaSASSA batsatse lawa lamnyama ase-Postbank kuze babalekele tinkinga.

Ikomidi yasephalamende lebukelele kutfutfukisa kwetenhlalakahle seyente lubito lwekutsi kwelulwe sikhatsi semncalajucu wekusetjentiswa kwelikhadi lembala weligolide laka SASSA. Kukhuluma kabanti ngalendzaba sicocisane na Bridget Masango longusihlalo walekomidi yasephalamende lebukelele kutfutfukiswa kwetenhlalakahle. 

Kubungatwa lilanga lemsakato i-World Radio Day ngaphasi kwengcikitsi letsi Radio and Climate Change sicocisene nemsakati losatsetse umhlalaphasi Doris Sibeko

Sibungata iRadio Day naAlbi Modise......

Namuhla umhlaba wonke ugubha lilanga lemsakato. Umsakato utsatfwa njengemngani lomkhulu wemuntfu noma wemlaleli. Kunyenti lokwentiwa ngumsakato, lekufaka ekhatsi kwatisa, kufundzisa kanye nekujabulisa. Namuhla simeme lomunye wabomnkantjubovu kutekusakata, Ike Phahla kanye netsatseli yeSABC Mthobisi Mkhaliphi

Litiko letekuhwebelana netimboni ngekubambisana nelitiko letekutfutfukiswa kwemnotfo netekuvakasha kulesifundza seMpumalanga kanye namasipala wwase-Gert Sibande bahlele umhlangano-sikolo (workshop)  wekusita bosomabhizinisi labasafufusa ngekutsi bangahlomula njani kulesivumelwano sekuhwebelana nelivekati le Africa, i- African Continental Free Trade Area ( AFCFTA). Kutfola kabanti ngale worksh...

Indvuna yeltiko letekucasha netisebenti, Nomakhosazana Meth, umemetele kutsi silinganiso semali lephansi seliholo lemsebenti, i-National Minimum Wage, ngeli-awa seyitawuba ngu R28. 79 isuka ku R27.58 , kusukela ngamhlaka 1 March 2025 .Loku kusho kutsi lemali ikhuphuke nga  4.4% . Kuva tinyonyana titsini ngale  National Minimum Wage , sicocisana nalokhulumela iCOSATU Zanele Sabela.

Bosomnotfo lababacwaningi bemabhuku (Acturialist) bavame kubuyeketa emabhuku etimphesheni tembuso njalo ngemuva kweminyaka lemitsatsatfu. Batsite nabacwaninga lamabhuku emphesheni yetisebenti tembuso kulomnyaka batfola kutsi kumele babeke indlela yekucedza emandla tisebenti tahulumeni letifisa kutsatsa umhlalaphasi sikhatsi singakafiki (early retirement) ngekungeta emaphesenti kute kube luswatana...

 I-Action SA seyihlanganyele naletinye tinhlangano tepolitiki letibite kutsi indvuna yelitiko letekuvikela kanye nabomnkantjubovu Angie Motshekga esule kulesikhundla. Loku kuvele kulenkhulumo mphikiswamo beyisephalamende ngalokubulawa kwemasotja akuleli eDRC. Kuva Inyonyana lemele emalunga embutfo wetekuvikela i-SANDU itsini ngalolubito netinhlelo tekuletsa letidvumbu talamasotja kuleli,&nbsp...

Kuleliviki litiko lemfundvo lesisekelo libungata liviki lekuvimbela kutibulala kwebantfwana. Injongo lenkulu kufundzisa ngetindlela letingasetjentiswa ekulweni nalesihlava. Sicocisane na dokotela lotfoba ingcondvo, Dr Rapi Phetla.  

Likhomishana lelibuke tindzaba temasiko, inkolo netilimi i-CRL ngalamafisha, belihlangene nalabatsintsekako kutewukhulumnisana ngetintfo letimbalwa letitsintsa emasiko, inkolo nelulwimi emimangweni. Kukhuluma kabanti ngaloko lokubonisenwe ngako sicocisana neMntfwanenkosi George Mahlangu lovela kulelikomishana

Litiko lemfundvo lesisekelo kuvelonke libungata liviki lekucushisa sive ngetindlela tekuvikela bantfwana kutsi bangatibulali. Sikhulumisene nemcondzisi jikelele etikweni lemfundvo lesisekelo velonke lobuke kutfotjwa kwengcondvo, Sibongile Monareng.

Litiko letemidlalo buciko nemasiko belisingatse umhlangano sikolwa libambisene nalikomiti lelibuka kuguculwa kwemagama etindzawo.nalapho belibite bonke labatsintsekako kutsi batowetfula luvo lwabo kuletiphakamiso tekuchitjiyelwa kwemtstefo lobuke kuguculwa kwemagama etindzawo. Simeme umphatsiswa walelitiko Leah Mabuza, kutosichazela.