Ligwalagwala FM Current Affairs

Kunhlaselwe tisebenti telogumbi letibalo kuleli iStatsSA lebetiisemsebentini wekucoca lwati eErmelo. Letisebenti titfunyelwe kuyococa imininingwane yelucwaningo lolutawusetjentiswa velonke. Kukhuluma kabanti ngaloludzaba elucingweni sichumana nemnumzane Lucky Fakudze lovela ehhovisini laka ka-StatsSA eHlanzeni  

Indvuna yetekutfutfukisa emabhizinisi lamancane Stella Ndabeni-Abrahams sewumemetele ngekusungulwa kwesikhwama lesitawulekela tiphaza. Hulumende ufake imali lelinganiselwa kuR500 million kulesikhwama ngenhlose yekusita tiphaza  netindzawo letitsengisa kudla kuze tikhone kuchudzelana netitolo letinkhulu. Kukhuluma kabanti ngalendzaba asemukele mengameli wenhlangano lemele banikati betiphaza ku...

Kudutjulwe kwashona umfundisi lodvumile itolo entsambamba eMkhuhlu kulesifundza se Mpumalanga. Kutfola kabanti ngalesehlakalo sichumana nalokhulumela emaphoyisa Brigadier Donald Mdluli.

Kuphefumulwe ngetindlela letahlukene emangweni mayelana nalamadvodza lamabili lafake sicelo enkantolo yemstetfo-sisekelo lapho afuna kutsatsa tibongo tebafati bawo. Kubuka kutsi utsini umlandvo wesintfu ngalolokufunwa ngulamadvodza ecingwnei sichumana nesati semlandvo wemasiko esintfu Umnumzane Khaya Ndwandwe.   

 Sigodliwe sincumo kulelicala lelisenkantolo yemtsetfosisekelo lapho emadvodza lamabili lashadile afuna kusebentisa tibongo tebafati bawo. Yinye kulamadvodza ifuna kutsatsa sibongo semfati wayo, kantsi lena lenye ifuna kuhlanganisa sibongo sayo kuze ikhone kufaka sibongo semfati wayo. Sicocisana nesati setemtsetfo, JB Sibanyoni.

Inhlangano yebaholi bendzabuko i-CONTRALESA iphakamisa kutsi kuhociswe umtsetfo lolawula kusoka noma kushaya ingoma lobitwa nge Initiation Act. Mengameli weContralesa Mathupa Mokwena utsi kuniketa baholi bendzabuko emandla nemagunya ekulawula kushaywa kwetingoma kungacinisekisa kutsi kuyaphela lokushona kwebasokwa. 

Icale itolo inkomfa lekhuluma ngetindzaba tetemandla kulelivekati lee-Africa, iAfrica Energy Indaba, lebanjelwe e-Kapa. Indvuna yetindzaba tagezi Dr Kgosietsho Ramokgopa wetfule inkhulumo lekhetsekile kulenkomfa. Kutfola kabanti ngalenkomfa sicocisene nalokhulumela indvuna yetagezi Tsakane Khambane.

Tibalo letikhululwe baka-Stats SA tikhombisa kutsi kwenyuke nga-06% kutsengwa kwemikhicito yakulelive, i-GDP. Sikhulumisene nasomnotfo Owen Nkomo lovela kuNkunzi Wealth Group

 Namuhla umhlaba wonke ubungata lilanga lekucwayisa ngekukhuluphala ngalokwengcile. Kukhuluma kabanti ngengoti yekukhuluphala ngalokwecile, simeme Sara Gumede longumphatsi etikweni letemphilo kulesifundza seMpumalanga 

Bewubanjwe namuhla umhlangano emkhatsini wenyuvesi yeMpumalanga kanye nenhlangano yebantfu labasha balapha eMbombela. Loku kuta ngemuva kwemashi lebanjwe kuleliviki leliphelile lapho labantfu labasha betfula incwadzitikhalo kubaphatsi balenyuvesi bakhala ngekutsi kucashwa bantfu bangaphandle kulesikhungo.  Kuva kutsi uhambhe njani lomhlangano sikhulumisana nemhlelembisi walelusha, Thapelo Mag...

I-Operation Dudula isayine sivumelwano sekusebentisana nenhlangano i Professionals Unity of South Africa - PROFSA  ngenhloso yekubalekelela etinkantolo. Lelicembu litsi bantfu lebachamuka emaveni angaphandle akufanele bavunyelwe kuphatsa titolo letitiphaza. Mengameli we Operation Dudula, Zandile Dabula utsi umnotfo wasemalokishini kumele ugcinwe etandleni tebantfu bendzawo.

Inyanga yeNdlovulenkulu yinyanga lapho kubukwa kubaluleka kwekuphakelwa kwemanti lahlantekile.  I Ningizimu Africa isabukene nenkinga lenkhulu yekuswelakala kwemanti futsi kunemiphakatsi lekhala ngekutsi seyihleti iminyaka-nyaka ingawatfoli emanti lahlantekile. Sicocisana nelisekela leNdvuna yemanti netekuhlanteka David Mahlobo kutobuka kabanti lendzaba yemanti

Namuhla umhlaba wonke ubungata lilanga lekuchushisa ngekunakekelwa kwetindlebe kuze tikhone kuva kahle. Sikhulumisana ne Audiologist, Dr Vusi Msimango.

Kuvalwe imincele lesihlanu yakulelive kulandzela imvula lebange kugcwala kwemanti kulemincele. Sikhulumisene nemcondzisi wetekuchumana ku-Border Management Authority, Memme Mokgotsi.

Mengameli Cyril Ramaphosa utjele indlu yebaholi bendzabuko kutsi kuyakhatsata lokungetfulwa kweluphakelotimali njengoba bekuhleliwe.  Loku kwenteke ngemuva kwekutsi tinhlangano letiku-GNU tingavumelani ngesiphakamiso sekukhushulwa kwentsela, yeVAT ngema percent  lamabili.  Kantsi netati tetindzaba temnofto tiphawule ngekwehlukana kwato ngaloludzaba njengoba kwetfulwa kweluphakelo ti...

Lihhovisi letangoma telitulu selecwayise ngemvula lenkhulu lelindzeleke esifundzeni saKwaZulu/Natal lapho likhiphe secwayiso sa- level 5. Bangetulu kwemashumi lamabili bantfu lesekucinisekiswe kutsi bashonile ngenca yaletikhukhula letidalwe nguletimvula. Kutfola kabanti ngesimo salesasifundza, sicocisene nalokhulumela litiko letekubusa ngekubambisana KwaZulu/Natal, Senzelwa Mzila.

Likhomishana lemalungelo eluntfu kulesifundza seMpumalanga beliphisheke ngemkhankaso wekuvakashela tindzawo letitsite ngenhloso yekuhlola kutsi ingabe bantfu bayatitfola yini tinsita tembuso ngendlela lefdanele. Sikhulumisana nalomunye webaphatsi balelikhomishana eMpumalanga, Deli Salila.

Kuhlelwe umcimbi wekuklomelisa bahlabelali bemculo wema-Zayoni, ema-JerichoT, baka-Shembe kanye nalabanye. Simeme lomunye webahleli balomcimbi Sabelo Khumalo lowatiwa ngela-Dr Mashobane kutosichazela kabanti.  

Loyi logacele sikhundla sakuba ngunobuhle wakulelive lodzabuka khona lapha e-Mpumalanga Hlengiwe Mthembu uphishekile ngemikhankaso letambeka ematfubeni ekuphuma nesikhuni sivutsa kulomncintiswano. Mthembu kulindzeleke avakashele indzawo ya-KaMhlushwa lokungulapho atawube elekelela endzaweni lokuphekelwa kuyo bantfwana besikolwa semabanga laphansi. 

Sehlile sibalo semacala lanebudlova kuletinyanga letintsatfu tekugcina talomnyaka lophelile.. Lamacala ehle nga 4 point 8 -percent nakucatsaniswa nemanyaka wa-2023. Kukhuluma ngaletibalo simeme umphatsiswa welitiko letekuphepha kwemphakatsi, kuvikeleka netekuchumana eMpumalanga, Jackie Macia.

Esigabeni setfu semabhuku sicubungula libhuku lelibhalwe ngu-Nomava Diko lelinesihloko lesitsi "Parents know and understand your roles to God's Given Gift- Your Child".

Njengoba Ndvunankhulu wesifundza seMpumalanga, Mandla Ndlovu atawube etfula inkhulumo yebunjalo besifundza, inhlangano lephikisa ngalokusemtsetfweni kulesifundza iMK Party itsi bantfu sebadziniwe tetsembiso letingafezwa. Loku kuvetgwe ngumhlelembisi weMK Party kulesifundza  Advocate Busisiwe Mkhwebane.

Takhamuti takulesifundza seMpumalanga tilindzele kuva inkhulumo yebunjalo besifundza letawutfulwa nguNdvunankhulu Mandla Ndlovu namuhla. Sifundza se-Mpumalanga njengaletinye tifundza talelive, subukene netingcinamba letifaka ekhatsi bugebengu kanye kuswelakala kwemisebenti. Sicocisene na James Masango weDA kuva kutsi yini lebayilindzele kulenkhulumo.

Sishayamtsetfo sakulesifundza se-Mpumalanga sitsi sesikulungele kusingatsa inkhulumo yebunjalo besifundza, i-State of the Province Address (SOPA), letawetfulwa ngu Ndvunankhulu Mandla Ndlovu kusasa. Sicocisana naSomlomo we Sishayamtsetfo eMpumalanga, Umhlonishwa Lindi Masina 

Hulumende waseMpumalanga utsi unebudlelwale lobuhle netinhlangano letingasebenteli inzuzo, emaNGO/NPO. Libambela lemphatsiswa welitiko letenhlalakahle eMpumalanga, Sasekani Manzini bayativakashelaletinhlangano, batifundzise futsi batifake nakuma-workshop kute tingaphambuki emtsetfweni wahulumende.