Ligwalagwala FM Current Affairs

Litiko Letebulungiswa litsi tibalo takamuva tikhombisa kuwandza kwemacala ekudlwengulwa kwebantfwana labasebancane ngemnyaka (statutory rape)  kulomnyaka timali  wa 2025/26 Kuyibuka  lendzaba sikhulumisana na Ntombi Matjshila, loyi-Registrar ku-National Register For Sex Offenders etikweni letebulungiswa.

Libamba lendvuna yetemaphoyisai Firoz Cachalia, utsi lizinga lekubulala lehle nga 9.5% kantsi nebugebengu lobunebudlova behle nga 4.6%. Cachalia bekaftula tibalo tebugebengu lebenteke emkhatsini wenyanga ya January na March kulomnyaka.  Kepha kubuka letibalo tebugebengu  letikhishwe namuhla asamukele sati ngetindzaba tebugebengu Dr Mxolisi Mathebula..

Inyanga yeNkhwekhweti yinyanga yekuvikelwa kwebantfwana. Kepha namuhla sitsite asesibuke indzaba yekunakekelwa kanye nekukhuliswa kahle kwemntfwana wemfana. Kubuka emkhakheni wetemfundvo kutsi yini lebayentako kucinisekisa kutsi umntfwana wemfana akasaleli emuva ecingweni sikhulumisana neliphini lendvuna yelitiko letemfundvo Dr Reginah Mhaule

Baphatsi be Mbombela Stadium bugcugcutela bantfu kutsi bafike ngesikhatsi  emdlalweni we Orlando Pirates ne Obirt College. Kutfola kabanti ngemalungiselelo, sinalokhulumela  lenkhundla yetemidlalo, Mthuthuzeli Zondo 

 Emandla emali yakulelive alimele kulandzela kwenyuka kwe inflation nga 4% kulenyanga lephelile. Bosomnotfo batsi loko kundlondlobaliswa ngulokushuba kwesimo eMiddle East kanye nekumba ecolo kwemafutsa etimoti. Tibalo takamuva letikhululwe yi-Stats SA tikhombisa kwenyuka kwnkomba yetintfo letitsengwako iConsumer Price Index (CPI) ngeliphesenta linye. Kuyikhuluma nemhlatiyi wetemnotfo sichuman...

Lokhulumela inyonyana yetisebenti i-COSATU Zanele Sabela uphawula ngaletehlakalo tekucoshwa kwebalabanganamaphepha lasemtsetfweni kuleli.

Lihhovisi  lemtselisi i-SARS litsi kusukela mhla lulunye kulenyanga leyitawetfwasa ya-June tonkhe timoti letingena naletiphuma eminceleni yakulelive ikakhulukati leto letivela kumave langaphansi kwe-Southern African Customs Union (SACU)  sekutawufanele tibhalie ku-SA Traveller Management System. Sicele lotasitjel kabanti ngaletingucuko, lekungulokhulumela iSARS, Siphithi Sibeko.

Uchubekile lombhikisho lokhonondza ngebantfu lekutsiwa bakuleli ngalokungekho emtsetfweni kantsi labanye bete emaphepha ekuba kulelive eThekwini. Kubonakele labanye bantfu bekuchamuka bagitjeliswa emabhansi namuhla khona eThekwini. Kepha kuva kahle kutsi bekwentekani namuhla asamukele intsatseli ye SABC ngu Gcina Malinga..  

Likhomishana letelukhetfo i Independent Electoral Commission (IEC) litsi likhatsatekile ngekwandza kwemibiko ledvukisako mayelana nendlela lelichuba ngayo lukhetfoo. Kutfola kabanti ngaloludzaba simeme lokhulumela iIEC kulesifundza se Mpumalanga, Thanduxolo Chembeni........

Kushone banftu labali-10 ngalesikhatsi kushayisana litekisi nebhasi emkhatsini kwe Standerton ne Morgenzon kulesifundza seMpumalanga, namuhla ekuseni. Kepha kutfola kabanti ngalengoti asamukele umphatsiswa welitiko letekuphepha kwemphakatsi, kuvikeleka nekuchumana e Mpumalanga, Jackie Macia.

Live leNingizimu Africa lihamba embili emhlabeni jikelele ngekutfumela emaveni angaphandle imikhicito yalokusawolintji. Kodvwa letimvula takamuva tikuphatsikametile kusebenta kwemboni yalokusawolintji etifundzeni i-Mpumalanga Kapa ne-Nshonalanga Kapa. Kwenaba kabanti ngaloludzaba asamukela somnotfo lobuke tekulima ( Agricultural economist) Thabile Nkunjana.

Takhamuti tasedolobheni leMbombela nemaphetselo tivakalise kukhatsateka ngejani lobudze lobudvutane nemigwaco, tigodzi letisemgwaceni (potholes) kanye nema robot langasebenti. Simeme lokhulumela masipala weCity of Mbombela Joseph Ngala kutosichazela ngetindlela tabo.

Labo labachamuka emaveni angaphandle labafuna kukhosela kulelive lebahlaliswe eDiakonia Centre enkabeni yelidolobha lase Durban, batsi angeke basuke nangabe kungafiki lophuma kuhulumende kutobakhulumisa. Lelicembu lebantfu licitse busuku bonke kulendzawo ngemuva kwekutsi bacoshwe esiteshini semaphoyisa eThekwini. Batsi sebesabela timpilo tabo njengobe bekubanjwe umbhikisho we-March and March namuh...

Tinhlangano temango setivakalise kukhatsateka kutsi lomhlahlandlela lobuyeketiwe wahulumende  lobuke kungena kwebantfu bangaphandle kuleli kanye nekuvikeleka kwebakhoseli, kungenteka ubhebhetselise kushiyelwa ngaphandle kwebantfu bekufika labete emaphepha kanye nekutsi bangatfoli lusito lwetemphilo. Kutfola kabanti kutsi ingabe kuyaphatseka yini leletikhala ngako letinhlangano simeme sishikas...

Batali bebantfwana labafundza esikolweni i-Tiga Primary School, e-Pienaar ka-Dantjie dvute nelidolobha i-Mbombela batsikamete kufundza nekufundzisa bakhala ngekutsi lesikolo asikho esimeni lesifanele. Kuyiva kahle lendzaba sicele lilunga lemtimba lowengamele lesikolo,  Kutfola kahle ngalendzaba simeme lilunga lemtimba lowengamele lesikolo, Ben Ndlovu.   

Hulumende waseNshonalanga Kapa, i-Amabhangune kanye ne nyonyana iSolidarity bamikise ludzaba lwemtsetfo i Public Procurement Act enkantolo yemtsetfo sisekelo. Nanobe kunjalo, ummeli wabandlakhulu, Ndwako Maenetje utsite sive saniketwa litfuba lelanele lekutsi sifake imibono ngalesikhatsi kusadvwetjwa lomtsetfo. Simeme umhlatiyi wetemnotfo lotimele, Lunga Mahlaba.

I-UNISA  gekubambisana naletinye tikhungo temfundvo lephakeme, ibambe umhlangano wemalanga lamatsatfu lomayelana nekuhlanganiswa kwetinhlelo letinsha nekufundza kumakolishi ema-TVET. Kepha lotasitjela kabanti ngalomhlangano nguNjingalwati Viola T Sambo longumphatsi wesikhungo i-Unisa- UNEVOC Centre.

Licembu leMamelodi Sundowns lehlulekile kusuka esikhumulweni setindiza iOR Tambo International libheke eMorocco ngoba kutsiwa alikayitfoli imvumo yekungena ngendiza kulelalive. Sikhulumisana nentsatseli yetemidlalo kaSABC Mduduzi Ndlovu.

Umndeni waSenzo Meyiwa umashele eUnion Building ePitoli, kuyovakalisa kukhatsateka kwawo ngekudvonsa sikhatsi lesidze kwalelicala lekubulawa kwakhe. Sikhulumisana nabhuti waSenzo, Sifiso Meyiwa

Hulumende kutawufanele abuke tindlela tekwenta kube lula kutfola lusito lwetemphilo emkhakheni wangasese kulandzela sincumo senkantolo yemtsetfosisekelo lesibalule njengaletingekho emtsetfweni tigatjana letitsite temtsetfo i National Health Act.  Kutfola kabanti kutsi sisho kutsini lesincumo ehlangotsini labodokotela simeme Dokotela Mvuyisi Mzukwa longusihlalo wenhlangano yebetemphilo i SAMA...

Inhlangano lecwaninga ngetemaJaji,  i Judges Matter, itsi lesento semholi we-EFF Julius Malema sekugceka tinkantolo ngephandle kwebufakazi. Kulelivike lelengcile  i Helen Suzman Foundation, ifake sicelo enkanatolo lephakeme yase Nshonalanga Kapa, ifuna kutsi Malema akhishwe ekubeni lilunga lekomiti ye-Judicial Service Commission. Sikhulumisana nemcwaningi  weJudges Matter,  Mbe...

Litiko letemfundvo kulesifundza se-Mpumalanga livakalise kudvumateke ngekusha kwesikolo semabanga laphakeme i-Ramoshidi Technical School lesise-Seabe Village kumasipala we-Dr JS Moroka.  Kuva kahle ngalesehlakalo simeme  lokhulumela lelitiko, Gerald Sambo 

Libandla lelibuyeketa tifundvo etikhungweni temfundvo lephakeme lisemkhankasweni wekukhipha ticu letingasadzingeki kulesimo semnotfo lesiphila kuso. Loku kuhambisana nemitamo yekucondzisa temfundvo nekuceceshwa kwemakhono kuze kuhambisane nemisebenti ledzingekako. Kukhuluma ngaloludzaba simeme Njingalwati Jabulani Nyoni lophuma kuCollege of Education eUNISA. 

Kulenyanga kubungatwa iAfrica Month. Sigodzi seAfrica sibukene nekungatinti kutepolitiki nakutemnotfo kanye nekubambelela kwebaholi etikhundleni. Kuyo lenyanga uphindze wafungiswa kabusha Yoweri Museveni njengamengameli wase-Uganda lesekulihlandla lesikhombisa. Kukhuluma kabanti ngalenyanga yema-Africa sichumana nasolwati ngetindzaba taseAfrica, Dr William Mpofu.

Umshushisi ecaleni lekubulawa kwalobekangumabhalane weANCYL Sindiso Magaqa ukhale ngekutsi bofakazi labane kulelicala abasekho emhlabeni futsi sekuphele iminyaka lesitfupha labanye bofakazi bangaphasi kweluhlelo lekuvikelwa kwabofakazi ngenca yokubambeleleka kwalo. Umndeni utsi sesidze lesikhatsi solo balindza kutekwa kwalelicala. Sikhulumisana  nemnakabo Sindiso Magaqa, Lwazi Magaqa.