Ligwalagwala FM Current Affairs

Sikhungo lesibukele tifo letisatselanako i National Insitute for Communicable Diseases ( NICD) ikhiphe secwayiso mayelana nekukhula kwesibalo sebantfu labangenwa ligciwane le-rotavirus. Sikhulumisana ne Clinical Epidemiologist, Nqobile Ngoma 

Inhlangano lengasebenteli inzuzo iSweet Papa Foundation itsi isemkhankasweni wokwetfula tinhlelo letihlose kutfutfukisa simo senhlalo ebantfwaneni ikakhulukati labo lebangafiki ngesikhatsi esikolweni nalabadvonsa matima etifundvweni tabo. Sicocisane nemsunguli walenhlangano Thapelo Mashego.

Mengameli Cyril Ramaphosa uchaze sishikashiki semzabalazo Nokuthula Simelane njengamake lebekanesibindzi futsi anekutimisela ekulweleni inkululeko yalelive. Ramaphosa beketfula inkhulumo-sifundvo yekucala i Nokuthula Simelane Memorial Lecture enyuvesi yase Mpumalanga. Simelane wanyamalala nga-1983 ngalesikhatsi atfunjwa maphoyisa elubandlululo. Mthobisi Mkhaliphi uyasibikela.

Sikhungo setekuvakasha kanye nemapaki kulesifundza sase-Mpumalanga (MTPA) sitsi simatasatasa kulenyanga yetekuvakasha sifundzisa bantfu ngetindlela labangatenta kute batfutfukise lomkhakha wetekuvakasha. Kutfola kabanti sichumana nemphatsi lomusha we MTPA, Pam Ntuli.

Inhlangano yeANC seyibite likhomishana lelitimele lelukhetfo iIEC kutsi liphenye ngekuphutfuma loku lelitsi kuholele ekutseni luhlelo lweOnline Candidate Nomination System laka-IEC lehluleke kwemukela emagama ebantfu labatayimelela elukhetfweni. Ntlantla Kgatlhane na Given Mahlalela bayasibikela

Umkhandlu wetikhungo letesekela intsandvo yelinyenti kulesifundza seMpumalanga, titawube tisemkhankasweni wekuhlangana nesive e Dundonald kumasipala weChief Albert Luthuli. Letikhungo letifaka ekhatsi, likhomishana lemalungelo eluntfu, likhomishana letekulingana ngebulili, ikhomishana lelukhetfo naletinye, titawube tisita bahlali ngetintfo letahlukahlukahlukene. Sikhulumisana na Margaret Salila lo...

Emaphoyisa sekakucinisekisile kucoshwa emsebentini kwa-Major-General Firoz Khan lebekaphetse ligumbi le-Counter and Security intelligence ngephansi kweluphiko lekulwa nebugebengu bemshoshaphansi emaphoyiseni.  Sicocisana nasolwati ngetebugebengu, Dr Mxolisi Mathebula

Litiko lemfundvo lephakeme livumile kutsi alilandzeleli ngeticu letitfweswe bafundzi basetikhungweni temfundvo lephakeme. Loku kuvele ngalesikhatsi indvuna yalelitiko Bhuti Manamela aphendvula imibuto ephalamende. Sikhulumisana nasolwati ngetemfundvo Dr Thuli Mngomezulu.

Umkhandlu lobukele kusebenta kwetemtsetfo, i-Legal Practice Council, utsi kunencwadzi legunyata kuboshwa kwemmeli lohlaselwe tinkinga kulamalanga, Malesela Teffo. Loku kuta ngemuva kwekutsi Teffo atetfule phambi kwelijaji enkantolo lephakeme eJozi lebeyilalele licala la-Vusumuzii "Cat" Matlala kanye nalabanye labane lebangalelwe nabo. Lomkhandlu webameli utsi Teffo wakhishwa eluhlwini lwebameli ng...

Sewufungisiwe mengameli wase Zambia Hakainde Hichilema, longena lihlandla lesibili kulesikhundla. Hichilema wetsembise kutsi utawuletsa lubumbano aphindze afukule umnotfo walelalive. Kepha lomcimbi wekufungiswa kwakhe ubukene nekungcubutana kwetepolitiki kulandzela kuboshwa kwemholi wenhlangano lephikisako, Brian Mundubile, ngemacala ekuvukela umbuso. Ditaba Tsotetsi naBongani Mondlane basihlangan...

Lelikomiti lasephalamende lelibuke lendzaba yekukhishwa kwamengameli, litsi litayifakela ingcova phansi lendzaba yesiphakamiso sekufaka Advocate Thandazani Madonsela kutsi abe ngumholi webufakazi. Loku kuta ngemuva kwencwadzi lephikisana nekufakwa kwakhe levela kumengameli  Cyril Ramaphosa. Zalene Merrington na-Zandile Nkosi bayabika

Inhlangano yematje esikhumbuto, i-Southern Africa Funerals and Tombstones Industry Institute seyibita hulumeni kutsi akavumele letinkapani letakha lamatje kutsi tiwagadze emathuna. Lokuta ngemuva kwekwandza kwetehlakalo tekucekelwa phasi kwemathuna lafaka ekhatsi ase-Avalon, Slovoville nase-Doornkop , eGauteng.  Lenhlangano seyisungule umkhankaso lobitwa ngeGravesite Watch campaign kulwa nale...

Bantfu labasikati labasemkhakheni wetemidlalo, kudzingeka kutsi batfole letinye tindlela tekungenisa imali eceleni kuze bakhone kuphila. Loku kuvele embikweni weluphenyo belumayelana nekulingana kutemidlalo lolwentiwe  likhomishana letekulingana ngekwebulili. Lombiko wetfulwe phambi kwekomiti yetemidlalo, emasiko nebuciko ephalamende. Sicocisane Sandile Useni lovela egunjini letemtsetfo ekhom...

Mengameli wenhlangano i-African People's Convention (APC) Themba Godi utsi bafuna kucinisekisa kutsi naketfula umhlahlandlela liwadi ngalinye litentele ibhajethi yalo kuze tinsita tifike malula ebantfwini. 

Mengameli Cryil Ramaphosa, sewucoke Leonard Lekgetho, njengenhloko yeluphiko loluphenya emacala lakhetsekile lekuyi Special Investigating Unit (SIU).  Lekgetho ucale namuhla kulesikhundla sakhe lesinsha njengobe avale Advocate Andy Mothibe. Kepha kubuka kutsi ungubani lowekunene asamukele sati setindzaba tebugebengu ngu Dr Mxolisi Mathebula...........

I DA kulesifundza sase-Mpumalanga ibhalele Ndvunankulu Mandla Ndlovu ngetinsolo tekusetjentiswa budlabha kwemali lelinganiselwa ku-R52 million kubhadalwa ema-Crime Prevention Wardens lahleti emakhaya angasebenti. Sikhulumisana nelilunga le-DA kusishayamtsetfo saseMpumalanga, Teboho Sekeledi. 

Litiko letekuphepha kwemphakatsi kuvikeleka  kanye nekuchumana kulesifundza seMpumalanga litsi ayisilo liciniso lemibiko letsi labantfu lebaceceshelwa kuba ngema-Crime Prevention Wardens bahola bahleti emakhaya. Lokhulumela  lelitiko Moeti Mmusi uyasichazela

I IFP seyiwamemetele emagama alabo labatayimela njengabosodolobha kumasipala waseThekwini kanye namasipala wase-Umhlathuze njengaloku ihlose kutsatsa labomasipala labakhulu KwaZulu Natal babe ngaphasi kwayo.  Zanele Buthelezi uyasibikela.

Belaphi bendzabuko labangetulu kwema-800 bebabutsene enkundleni yetemidlalo KaMhlushwa eNkomazi kulesifundza se-Mpumalanga. Loku bekuyincenye yemcimbi welitiko letempilo wekubungata lusuku lwemitsi yesintfu, i African Traditional Medicine Day.  Nonkululeko Shongwe uyasibikela. 

 Kubitwe fakazi lomusha wembuso kulelicala lelibukene na Vusimuzi "Cat" Matlala kanye nalalabane lamangalelwe nabo. Ummangalelwa wekucala wekucala kulelicala  Musa Kekana utjele lenkantolo kutsi walinyatwa matima ngemaphoyisa. Sashin Naidoo naVusi Shongwe bayabika 

Sikhwama lesibonelela bafundzi ngetimali iNSFAS, sitawube sivakashele tikolo letintsatfu takulesifundza, kumasipala weMbombela eMpumalanga. Letikolo letivakashelwako tifaka ekhatsi i-Khutsalani Secondary,  leKabokweni, i-Lihawu Secondary kanye neEJ Singwane ePienaar. Kutfolaka kabanti ngalokuvakasha, simeme nemphatsi weligumbi leAudit and Risk Management ku-NSFAS, Umnumzane Fortune Mkhabela.

 Live laseBotswana selisihocisile lesigwebo sentsambo lebelisiphanyeke bantfu lababili labatsandzana ngebulili lobufanako, nalekungumtsetfo lekutsiwa washaywa bacindzeteli. Kukhuluma kabanti ngalendzaba simeme umhlatiyi wetindzaba tase Africa, Dr William Mpofu 

Umholi we African People's Conventions (APC), Themba Godi utsi lenhlangano yakhe ibhalisele kungenela lukhetfo kubomasipala labangema-58 etifundzeni letisikhombisa.  Godi bekakhuluma e- Louis Trichardt, eLimpopo ngalesikhatsi etfula umhlahlandlela weAPC letawugadla ngawo elukhetfweni lwabohulumende basekhaya.  Rudzani Tshivase na Zandile Nkosi basihlanganisele lombiko

Ikomiti lebukele timali tesive ephalamende, iSCOPA , seyingasemaphetselweni ekuhlanganisa umculu wekugcina ngetiphakamiso tekuchibiyela umtsetfo we-Road Accident Fund Act. Loku kulandzela tinsolo letiyamene nekungasetjentiswa kahle kwetimali kaRoad Accident Fund. Simeme sihlalo weSCOPA Songezo Zibi

Inhlangano i-WHO IS SHE ihlonipha bomakei ngendzima lebayidlalako emangweni. Simeme Gladys Mndawe longumsunguli walenhlangano kutovavala naye lenyanga yebantfu labasikati ngekubuka umsebenti lowentiwa ngulenhlangano.