LADINIA LIVE - Podcast

Tel cheder de la ativitèdes di servijies linguistics del Comun General de Fascia vegn endrezà ence chest an "Berlichete!" n domesdì de spas per fèr damat out a bec e bezes da l ultim an de scolina a la quinta populèra. L laboratorie vegn metù a jir en colaborazion con MarameoLab ai 17 de november. En rejonon con Doris Valentini e Alice Dellantonio, conduzion Anna Mazzel.

Le cor y grup musical Kyrios de Badia festejëia chësta finn dl' edema cun trëi dis de manifestaziuns l' iubileum de 50 agn de storia. Elvis Burchia, presidënt di Kyrios, cunta dla fondaziun dl grup, de süa ispiraziun, dl liam de 5 generaziuns de corisc' y musizisc - incër 200 persones- unis dala pasciun de ciantè deburiada. I albums y les cianties di Kyrios è da ciafè sön les plataformes de musiga...

Rafael Prugger, da Urtijëi, vir y laora a Milan coche scienzat tl setur dla inrescida alimentara. Sües poesies se ispirëia purchël ince ala sciënza y al conzet de simetria. Poesies portades dant pro le Festiva de Poesia alpina, organisè da la Lia di Autores dl Südtirol Saav. N program de Alessandro dapunt

Le pröm ejam de ladin é gnü fat tl 1977, por arjunje le reconoscimënt dl trilinguism tres n atestat. Rut Bernardi, che é bele tosc 30 agn tla comisciun de ejam, nes dij tl detail de ci che ara nen va y co che i candidac y les candidates po se arjigné ca a chësta proa. N program de Sara Frenner

Te chest an particolarmenter critich e pesoch l besegn de pesc e respet stenta a troèr na lèrga ti pensieres de chi che mena la geopolitica del mond. N ocajion di dis de Festa di Senc e di Morc met pen fèr vèlch riflescion più sota dintornvìa l valor de la vita e de la meseries che gran pèrt de la jent padesc. Pensieres adaut de Stefen Dell’Antonio, program de Anna Mazzel

Le poet Claus Soraperra da Cianacei, insegnant tl' Istitut d' Ert, è n artist n pü ecentrich mo dër aprijè tla Ladinia. Al porta dant poesies da Festival de Poesia Alpina. Na manifestaziun organisada dala Lia di Auturs dl Südtirol Saav. Program de Alessandro Dapunt

La veles provinzieles dl Südtirol de n dumënia ai 22 de utober à dessenià n cheder nuef dla política locala. Tl cunsëi provinziel iel sën presënc bën 12 partic, tanc sciche giut nia plu y bën 15 cunselieres ie nueves te chësta ncëria de respunsabeltà. Ma la majera ndesfideda ie chëla dl daunì: co jirala pa inant ti proscimi 5 ani? Na analisa cun Florian Mussner, assessëur ladin dla Provinzia de Bu...

"Le boxer" é la comedia de Otto Schwarz y Carl Mathern che l'Uniun dl teater da La Pli mët sön paladina. Le regist, Tone Palfrader nes presënta le toch teatral. N program de Sara Frenner

Gianluca Franco, scritur y poest dal Friul. Presentaziun de poesies portades dant pro le Festival de Poesia Alpina, tignì a Porsenù de mà dl 2023, organiseè dala Lia di Auturs dl Südtirol Saav, cun süa presidënta Rut Bernardi. N program de Alessandro Dapunt

La pluanies de Sëlva y S.Crestina mët a ji dai 15 ai 22 de utober l'ena dla fede, dal titul "Ie son l linëus dl mond". Na lingia de manifestazions cun truepa zelebrazions y ntraunides religëuses y liturgiches, ma nce sozieles, pensedes per duc i credënc dla valeda. De cieche la se trata avisa nes conta l pluan de Sëlva, sen. Ivo Costanzi. Conduzion Leo Senoner

Le obietif de chësc dé é da deventé cosciënc di problems che reverda la sanité mentala te döt le monn y da slarié fora le sostëgn a düc chi che á debojëgn. N program de Sara Frenner

La Cèsa de Paussa de Fascia é vegnuda metuda en pè acá 20 egn. Rejonon de si storia e si atività co la presidenta Barbara Bravi, conduzion Anna Mazzel

Dal Festival de Poesia Alpina d'aldedaincö metü a jì dala Lia di Aturs dl Südtirol, poesies y tesc' leterars dl autur romanc Claudio Spescha, jornalist y scritur.

Dal 30 de setember ai 7 de otober, te Fascia, ge sarà la setemèna del azet. Na setemèna rica de evenc e scontrèdes che chest an l'à l titol “Cercando casa, abitando la comunità”. Per jir donca più ite te chest tem e per jir tel fon di segnificac de “inclujion” e “azet” rejonon con Paola Rasom, Coordenadora Responsabola di Servijes Sozio-assistenzièi del Comun General de Fascia. Conduzion Cinzia Pi...

Daniel Zardini y Filippo De Col é le duo rap/hip-hop, che mët te parores ritmades süa usc critica de vers de tematiches desvalies. Program de Sara Frenner

L'otava edizion dl Ladinia Tour, l festival de mujiga moderna ladina metù a ji dala Union Generela di Ladins l prim iede tl 1989, ie sul program n chësc fin dl’ena cun trëi sëires a Urtijëi, Cianacei y La Ila. Prejentazion dl program cun Georg Mussner, respunsabl dl cumitè de urganisazion dla manifestazion. Conduzion Leo Senoner

La jent de Fascia se lascia fotografèr desche zacan, projet fotografich de l'Istitut Cultural Ladin de Fascia en colaborazion col fotograf Davide Baldrati. En rejonon con Sabrina Rasom diretora de l'Istitut Cultural, conduzion Anna Mazzel

Antonella Sbuelz, de Udin cun na letüra de poesies dal Festival de poesia d'aldedaincö metü ajì dala Lia di Auturs dl Südtirol SAAV (presidënta Rut Bernardi) a Porsenù de mà 2023.

Chest an l Fascia balon l festejea 45 egn da sia fondazion. Per jir deretorn ai momenc più segnificatives, per vardèr colugn che l é i projec per l davegnir e per rejonèr di valores che l é vindedò chest sport se fajon na ciacolèda col president de la sozietà Gualtiero W. Ghetta e con l’arcedador di joenec Patrizio Cigolla. Conduzion de Cinzia Pistoia

Dal Festival de poesia d'aldedaincö organisè dala Lia di auturs de Südtrilo SAAV, la letüra de poesies portades dant dal poet y scritur furlan Francesco Indrigo. N program de Alessandro Dapunt.

Cun le mëte man dl mëis de setëmber, presënta le grup musical GANES le album "A cordes". Ara se trata de na revijitaziun acustica de valgönes de sües cianties. N program de Sara Frenner

Ai prumes de aost ence n grop de joegn de Fiem e Fascia à tout pèrt a la GMG la Giornèda Mondièla di joegn e joenes de dut l mond che chest an se à binà adum col Papa tel Portogal. En rejonon con Ilaria Ragnes, conduzion de Anna Mazzel

L Zënter de mubilità de Gherdëina, metù su tl 2023 per laurè ora n masterplan dla mubilità tla valeda y sun i pasc de Gherdëina, se tòl dant l traviert mpurtant de purtè soluzions al problem dl trafich y dl busiamënt sun la stredes y nia me. Ntervista cun Helmuth Moroder, espert de mubilità, nciarià per cont dl Zënter de mubilità de Gherdëina. Conduzion Leo Senoner

Ai 24 de aost, a Moena, vegnarà portà dant l'event final del Val di Fassa Panorama Music, l festival de musega che per dut istà ne à tegnù compagnia con sons da marevea sù per noscia bela monts. Co se serele pa sù la coltrines del festival chest an? N rejonon con la ciantarina protagonista de l'event Elena Favè e con sie produtor e ence fonich del festival Marco Mattia. Conduzion Cinzia Pistoia

L'intendënta dles scores y dles scolines ladines Edith Ploner, nes cunta te chësc program di azënc che scora y scolina mët por le ann che vëgn, alzan fora ince chestiuns desvalies che reverda le laur di insegnanc y dles insegnantes. N program de Sara Frenner