Kahaniyon ka Mantra

Baar baar din yeh aaye wala din yaani ki birthday jab bhee aata hai, bahut saare yaadgaar moments de jaata hai. Aur jab yeh birthday aapka 18th birthday ho tab toh yeh aur bhee khaas hona chahiye...nahi? Kitna khaas saabit hua yeh adult birthday humare hero ke liye...Jaan'ne ke liye suniye Kahaniyon Ka Mantra ki aaj ki kahani: Happy Birthday To Me

Ados Pados mein rehne wale Azad Miya aur Bharat Laal ke gharo ke beech hai choti ki vivadit zameen, jismein dono hi karna chahte hain kabja. Aakhir kise milegi wo zameen, janne ke liye suniye, Kahaniyon ka Mantra ka ye episode – Azad Bharat ki Kahani

Bobby ko best friend Sunny ne de diya crush ko Love Letter likhne ka idea. Magar sick leave ki application se jyada toh aaj tak kuch likha naa tha Bobby ne. Ab kya karega Bobby, jaane ke liye suniye, Kahaniyon Ka Mantra ka ye episode – My Best Friend.

Sar se lekar paon tak barish mein bhiga akela Mohit sadak par khada mang raha hai lift. Magar kya use milegi lift, ya barish ke liye uski nafrat aur badh jayegi. Janne ke liye suniye ‘Kahaniyon Ka Mantra’ ki ye Monsoon special love story – Barish ka punchnama

Mausam vibhag mein kaam karne wale Suraj ko pata chala ek bahut hi bade tufaan ke bare mein. Shahar mein sabhi ko bataya usne magar kisi ne use seriously liya hi nahi. Ab sabhi ko kaise bachayega Suraj uss tufaan se janne ke liye suniye, Kahaniyon ka Mantra ka ye episode – “Andhi Aai Hai”

Gaon mein rehne wala Badku, Mukhya Mantri banne ke liye jaana chahta hai shahar. Magar tez barish kar deti hai uske irado ko beasar. Kya hoga uske safar ka manjar, janne ke liye suniye, Kahaniyon ka Mantra ka ye episode – Mukhya Mantri Banna hai

Subah sokar utho, aur agar barish ho rahi ho, toh office jana toh dur, bed se uthne ka bhi dil nahi karta Pappu ne bhi dil ki suni aur nahi gaya office. Magar fir ghar par kya hua uske sath, janne ke liye suniye, Kahaniyon ka Mantra ka ye episode – Barish ka Bahana

Baarish ke mausam mein dukhi hote hain wo bechare jo bhig kar bimar pad jate hain. Aur khush hote hain kuch beimaan doctors, jinke clinic mein patients ki line lag jati hai. Magar Dr. Popat beimaan hain ya imaandar, janne ke liye suniye, Kahaniyon ka Mantra ka Doctor’s day special episode – Beimaan Doctor?

Kya aap bhi karna chahte hain love marriage magar pareshan hain ye sochkar ki Abba ko kaise manaye! Toh suniye Kahaniyon ka Mantra ki ye kahani – Abba Nahi Manenge, aur manaiye apne Abba ko!

Pappu ko apne Pappa se hamesha hi mila laad aur pyaar, magar jab baat aai apni pasand ki ladki se shadi karne ki, toh kya kar denge Pappa inkaar. Janne ke liye suniye, Kahaniyon ka Mantra ka ye episode – Baap baap hota hai

Ahmedabad ka bada wedding planner Mivaan, aur divorce lawyer Komal hain shadi ke shakht khilaf. Hazaro rishto ko reject karne ke baad bhi aakhir kyu kar lete hain ek dusre se jhat se shadi, Jaan'ne ke liye suniye, Kahaniyon Ka Mantra ka ye episode -   Ram Milaye Jodi, Ek Andha Ek Kodi

Aa gaya hai Shadiyon ka season, aur sath hi aa gaya hai shadi mein daba ke khane ka season. Magar kya hoga, agar Fufaji ke khane se pehle hi khatam ho jayega khana! Janne ke liye suniye Kahaniyon ka Mantra ke naraj fufaji ki ye kahani – Frustrated Fufaji  

Yeh garmi ki chhutiyaan, mangoes ki khushboo aur bin bulaaye rishtedaaro ki guftagoo lekar aaati hai. Kacche, pakke, chote, mote, khatte, meethe aam khaane aur khilaane ki ab race lag jayegi. Khayenge isse kayi bulae- bin bulae mehmaan mil baat kar, kuch choos kar, toh kuch kaat kar. Lekin kya kisine kabhi yeh socha ya, ki apne King of Fruits ko kaunsi baat khaaye jaa rahi hai. Aaiye sunte hain, p...

Banaras ke Bansi Kaka ka hai bada dil aur ek chota kulfi ka thela. Magar unke thele ke thik samne khul gaya ek fully decorated air-conditioned ice-cream parlour. Toh kya hoga aage, kya Bansi Kaka apna thela hatayenge, ya customers dikha denge uss ice-cream parlour ko thenga, jaane ke liye suniya, Kahaniyon Ka Mantra ki nayi kahani – Kulfi ka thela.

College jaane ke liye Chintu kharidna chahta hai ek nayi scooter, magar uski single Mom nahi badhana chahti koi expenditure. Toh kya Chintu jeetega ye ladai, ya direct jeet lega aap sabhi ka dil, jaane ke suniye Kahaniyon Ka Mantra ki aaj ki ye kahani – Maa ki Silaai machine

Gaon mein rehne wale Chaudhry sahab ke ghar shahar se aa rahe hain Jawai Babu. Garmi se bachane ko unhe, lagwa liya hai Chaudhry saab ne naya AC, magar kya chal payegi AC ya ho jayegi AC ki taisi, Jaane ke suniye Kahaniyon Ka Mantra ka ye episode – AC ki Taisi

Jaise share market mein lagaya hua paisa ek na ek din “doob hi jaata hai” Waise hi dosto ke sath Goa jaane ka plan bhi “cancel ho hi jaata hai” Magar Gopalpur mein rehne wale Goluu ne dhund nikali hai ek aisi tarqeeb, jisse khushi khushi maan gaye uske parents use Goa bhejne ke liye Janna chahte hain kya hai wo tarqeeb, toh suniye aaj ki ye kahani – Goa ka Plan

Ramzaan ke roze huye pure, ab baari hai eid ki, Lekin tyohaar ho koi, parivaar ke bin hai woh adhure.. Aisi hi hai aaj ki kahani, CRPF ke jawaan Akram Khalid jo ghar se dur Hyderabad jaa rahe the Election duty ke liye, kya woh last minute ghar walo ke saath eid manaa payega, yaa apne saathi Jawaano ke saath duty mein busy ho jayega. Jaan'ne ke liye suniye Kahaniyon Ka Mantra ka aaj ka episode 'She...

Dilwalo ki nagri Delhi mein rehne wala Dalbir office se chutti lekar karne chala hai railgadi ka safar… Uska ye safar suhana hoga, ya ban jayegi uske life ki sabse badi “suffering”, janiye ke liye suniye Kahaninoy ka Mantra ki ye kahani – Railgadi Ka Suffer

Teen Medical students nikle ek fun trip par...par us trip mein milne laga fun se zyada horror aur tension. Ab yeh students darenge ya phir apni medical knowledge ka istemaal karenge? Jaan'ne ke liye suniye Kahaniyon Ka Mantra ki agli kahaani: 'Kar Bhala Toh Ho Bhala' 

Sadak par daudne wale auto drivers ka sirf challan hi nahi kat'taa, kabhi kabhi pyaar mein khud unka bhi kat jata hai… Ab apne Auto Driver Sanju ke pyaar ki gaadi pahuch jayegi apni manzil par, ya katt jayega uska, janne ke liye suniye, Kahaniyon Ka Mantra ka ye Episode – Auto-Matic Pyaar

Jo hote hain exams mein fail, kya wo life mein bhi fail ho jate hain? Aur jo class mein top karte hain, kya iss baat ki koi gurantee hai ki wo life mein bhi bahut successful hi hote hain? Agar aap bhi janna chahte hain iss mushkil sawal ka jawab toh suniye Kahaniyon Ka Mantra ki yeh kahani – Pass Ya Fail?

Teen mastaane chale number zyada paane.... Cheating karke marks zyada laane. Ab kya nakal mein lagegi inki akal ya phir ek jhatke se aayenge in cheaters ke hosh thikaane? Jaan'ne ke liye suniye Kahaniyon Ka Mantra ki brand new kahaani- Smart Cheaters.

Backbencher hona vaise toh cool lagta hai par exam ke time Backbencher ko sabse bada fool maana jaata hai. Toh is exam season mein humaare ek backbencher ne thaan liya hai ki woh topper bankar khilayega phool ...par ho jaati hai ussey ek chhoti si bhool. Kaun si? Jaan'ne ke liye suniye Kahaniyon Ka Mantra ki is hafte ki kahani - Backbencher Bana Topper?

Holi aane wali hai, magar Holi ke sath aa rahe hain Exams. Kamlesh khelna toh chahta hai holi hostel ke sabhi dosto ke sath, magar agle din hai uska final exam. Ab kya karega Kamlesh? Janne ke liye suniye Kahaniyon ka Mantra ki ye kahani - Holi Vs. Exam.