Jetzt redet mir

Extra für de Podcast de Dave ihflüge lah us de USA, haha. De Dave isch gebore und ufgwachse ih de Schwiz, lebt jetzt ide USA und isch en sehr erfolgriche Unternehmer. USA vs Schweiz, Pros & Contras. Chlini Ihblick ih sin Lebenslauf. Was isch sini Philosophie, öb uf d`Arbet oder allgemeine ufs Lebe bezoge. Wie mir festgestellt hend hemmer viel Gemeinsamkeite womr au besprechet wie z. B die lieb...

Kuckuck Vale isch wieder zrugg. Achtung sie isch voll im Rede-flow haha. Die hütigi Themene wieder voll freestyle. Weli Wert vertretemer und wie sind eusi Erfahrige damit. Wie het sich die Welt veränderet und welli Wert sind blibe oder gange. E Prise no vo Sternzeiche und Religion. Zudem au eusi persönliche Alltagsproblem und wie gömmer demit um? Mir therapieret eus chli gegesitig ih dere Folg. Vi...

Ramona verzellt hüt bi JRM über ihri Trennig. Wie isches sich ztrenne, de Entschluss ztreffe und das trotz gmeinsame Kinder? Mit wellne Problem het me zkämpfe? Zudem het sie e Lehr gmacht trotzdem sie es zitli alleierziehendi Muetter gsie isch. Respekt davor. Lernemer vonenand. Au chlini Ihblick ih ihre Job mit Asylsuechende Kind.

Im Gspröch hüt mit de Zaira. E gschätzti Ex-Arbeitskollegin. Sie isch Körperpsychotherapeutin. Ich ha ihre es paar Frage mitbracht. Bispilswis, therapieret Psychologe und Psychologinne sich im geheime eigentlich selber? Was isch das innere Kind-Ich? Welle Mensch brucht welli Therapieform? Emanzipation & Gender werdet au besproche. Ich glaub e Folg, wo sich jede en wertvolle Tipp cha mitneh.

Welcome back Mike. Hüt gits die zweiti Folg. Ih de erste Folg hemmer gstarter mit de Frag, was für Musik de Mike macht, hüt 19 Folge spöter hemmers beantwortet. Zudem die Frag, öb er die 10 Gebote endlich kennt? Chli Strassephilosophie und es typisches Sunntigsgspröch halt mal wieder.

Simmer ume?! Ih dere Folg red ich mit de Shana. Sie isch Dj und plant au ihri eigeni Partys. Ih dere Folg schnidemer extrem viel Themene ah, wo ih eusere Gsellschaft grosse Rum ihnehmet. Themene wo chli breitflächiger besproche werdet THC, de Entzug und au die Motivation dahinter. Zum andere ADHS.

Chömed manne überhaupt drus mit Sternzeiche? Manu & ich philosophieret drüber. Zwei Manne mitm gliche Sternzeiche. Stimmt das was so gseit wird über de Widdermah oder alles nur Hokuspokus? Z`erwähne isch vilicht au, dass mir kei Spezialiste sind und umespekulieret mit eusem Halbwüsse. Au chlini Ihblick ih euses Lebe bzgl. Hobby & Thema Dütschland. Manu wird sicher es zweites Mal cho, s`The...

De Eric & Haris bi JRM! Sorry für de Ton amel, de Küehlschrank het au welle debi sii. Mir drü kennet eus eigentlich null, also hemmer denkt lernemer eus doch vor de Kamera kenne und verzellet en Teil vo eusere Gschicht. Alles wie immer voll freestyle. Mir redet über Eric sini Kleidermarke, wie isch de Beginn gsie, welli Schwierigkeite het er müesse erlebe und was het ghulfe witermache? Zudem m...

Mir nennet die Folg Chrüsimüsi, will mit mehreri Themene ahgschnitte hend ohni es Thema abgschlosse zha. Ursprungsthema wär gsie, vo Partynudel zu Supermama. Rubi und ich kennet eus scho mehreri Jahr und sind früehner viel in Usgang zemme. Hüt isch sie Mami und ganz amene andere Punkt im Lebe, was het sich veränderet und wie isch slebe hüt so? Statt Drinks im Club jetzt Windle wechsle? Wie gseit s...

Es super gspröch mitm Brüeder Randy (insta: @rxwdylife). Themene wo eus all öppis ahgönd und mir eus söttet demit befasse. De Randy isch sit Jahre sportlich richtig umää und defniert selber sis glück folgendermasse: "Du muesch din Körper ready mache demit din kopf cha schaffe, demit dini seel glücklich isch." Es isch alles kei hokuspokus, meh bewusstsi meh selbstliebi.

Dasmal zemme mit de Nina (@quasigurus), dGründerin vo Lipboom & Bleachme. E sehr gueti kollegin, e Macherin, en Sunshine uf zwei Bei wo en Teil vo minere family isch. Nina verzellt über die erste Schritt ih de Businesswelt und das bereits mit 19ii, mir redet über eusi Fründschaft, über dLiebi und no vieles meh, teilwiis au überraschendi Themene..

Die Folg red ich mit de Lisi. Mir schaffet im gliche Gfängnis und redet über die Arbeit. Wie gaht Lisi demit um, als Frau inere "Männerdomäne" & als Mami im Gfängnis zschaffe. Söttet Fraue im Gfängnis schaffe? Wie definiert sie ihri Rolle im Gschäft und wie macht sie de Spagat zum Private als Mami und wird dem alles grecht?

En würki bsundrige Gast: De Chris oder wie ich ihn nenne Chrigi, eine mine engste Fründe. Er het als Kind grossi Aggressionsproblem gha und verzellt wie er hüt mit dene Gfühl umgaht. Zudem isch er langjährige Thaiboxkämpfer gsie und het 46 Kämpft bestritte. Chrigi verzellt wie er zum Sport cho isch, was ihm de Sport git und vorallem was ihm das Wort "Selbstreflexion" bedütet.

Jessy isch lideschaftlichi Personaltrainerin und verzellt im Gspröch über ihri Vergangeheit und die Problem wo sie zbewältige gha het. Riese Ruum im Gspröch nimmt sicher d`Essstörig ih, sie verzellt wies dezue cho sich, was sie alles dagege gmacht het und wie sie hüt demit umgaht.

Jetzt redemer mit de Vale! Eusi Hassliebi zunenand bestaht scho lang und aktuell e chli meh Liebi als Hass. Sie isch e langjährigi Kollegin, zweifachi Muetter, e Stimmigsmacherin und no so viel meh. Vale verzellt übers Mami sii, über ihri Art vo Erzihig und öppis wo anschinend nur 2% de Bevölkerig wüsset. LETS GO!

Das Video isch ufgno worde am 30.7.23. De Luci und ich kennet eus vom Kampfsport und sind durs BJJ gueti Kollege worde. Er verzellt wie er zum Sport cho isch, de Weg zum Kampfsport und wies dass das BJJ sis Lebe "grettet" het. Mir redet zudem über Egoproblem, über s`Vater sie und über ungueti gfühl wo er verspürt het und die ih de Gsellschaft tabu sind. Selbstverständlich werdet ih dene...

Humberto und ich kennet eus vom schaffe. "Er isch Spanier süsch, falls ihn bi Rasse wetsch nenne." Erst vor churzem het er chli verzellt über sin Ihsatz in Afghanistan. Drufabe simmer grad is Studio und hend det witer drüber gredet, will mirs mit eu hend welle teile. Wie muess me sich das vorstelle im Krieg? Ischs wie ih de Film oder gseht d`Realität anderst us? Wie isch es dezue cho, wi...

Hüt mitm Faton, de Sunneschii us eusem Gfängnis! En Mensch mit viel Humor, Respekt & Nöchsteliebi. Mir redet über de Islam, Faton isch praktizierende Moslem & ich bin nöd religiös. Trotzdem simmer gueti Fründe, unterstützet eus gegesitig und respektieret dem andere sin Lebensstil vollumfänglich. Paar Themene schnidemer ah, gönd aber nonig all zu tüüf id Marterie, das gern es anderes mal, w...

Erstmal Sorry fürs Video/ de Schnitt, und de Ton, dass isch die erst Folg wo für JetztRedetMir je ufgnoh worde isch! Has es super Gspröch gfunde und trotzdem mit eu welle teile. De Zammim isch min Gast und ich bin super happy drüber. Es wird FIX nöd sletzte Mal sie wo er zGast isch im Podcast. Mir hend e mega gwünnbringendi Fründschaft und hend immer super tüfgründigi Gspröch. Zur Abwechslig tuen...

Ich seg eu vo herze, ich lieb die Folg mega, ha mich gfreut sie chöne veröffentliche. Wil ich sThema maximal wichtig finde & eifach en coole Vibe ume gsie isch. Laura verzellt über ihri Arbeit ide Psychiatrie und über ihres Privatlebe und die psychische Problem wo sie het müesse überwinde. "Chasch ide Psychiatrie schaffe und de Lüt grecht werde, wenn selber am stuggle bisch?" Laura b...

Flo hüt zu Gast bi Jetzt Redet Mir! Er isch Basejumper. Wie ischs lebe als Basejumper, was het er bis etz erlebt, wie lebt sichs, dass als Bruef zmache und isch alles immer Friede Freude Eierkuchen wie es uf de Social Media Plattforme usgseht oder gits au tristi Täg? En schmale Grad zwüschet Adrenalinkick und de Tod ständig vor de Nase. Sehr spannend isch au am Flo sini Ahsicht über de Tod „Wenn s...

„Ich bin am Bode ahcho bro, es lit dra, dass ich hüt zfriede bin“, seit de Mc Hero. Er verzellt chli über sini Vergangeheit und de Grund wieso er hüt zfriede isch. Was für Problem het er gha und wieso het er nie ufghört trotz de Rückschlag dra zblibe und witerhin unermüedlich sinere Musik nah zgah. Wie gaht er mit de Negativität um? Zudem redemer drüber was die Zuekunft bringe söll, was isch plant...

Locker zum ihstieg ih min Podcast, es gspröch am sunntig über alles und irgendwie au nüt. Sehr typisch ih eusem Umfeld, mir fanget mitere Frag ah und hoppet denn ih 1000 Themene und beantwortet nöd emal die Ursprungsfrag. Am Schluss hemer glachet, sinnfrei us de Lebere use gredet, eusi ahsichte teilt und chli Herdewärmi gspürt.