Handkastið

Farið var yfir ótrúlegan sigur FH á Savehof. Landsliðsumræða með Alla Eyjólfs. Farið yfir Olís-deild kvenna og spáð í spilin fyrir 8.umferðina í Olís-deild karla. Nýr liður hófst í þættinum: Heitustu pörin í Olís-deildunum.

Strákarnir fóru yfir 7.umferð Olísdeildar karla. Er landsliðsfyrirliðinn á leiðinni aftur í atvinnumennsku? Fórum yfir úrslit í Olísdeild kvenna og Meistaradeild Evrópu.

Þríeykið var mætt og fór yfir Evróputvennuna í Kaplakrikanum. Farið var yfir síðustu umferð í Olís-deild kvenna og hitað upp fyrir næstu umferðir í Olís-deildum karla og kvenna.

Farið var yfir 6.umferð í Olís deild karla. Heil umferð er á morgun hjá stelpunum. Kaldi leikmaður umferðarinnar valinn og skitan fór á kunnulegar slóðir. Meistaradeild Evrópu og margt fleira í þætti kvöldsins.

Þátturinn um víðan völl stendur heldur betur undir nafni í dag. Evrópudeildin, Olís-deild kvenna, Olís-deild karla, Strákarnir okkar erlendis, hvað er að frétta af landsliðtreyjunum og hvar verður Final4 haldið? Að lokum hringdum við til Noregs þar sem Sigurjón Guðmundsson markvörður Kolstad var á flugvellinum á leið til Frakklands að spila í Meistaradeildinni. Ótrúleg saga.

Ponzan, Andri Berg og EuroBelli yfir fyrstu 5 leikina í Olísdeild karla þar sem Gróttumenn sitja á toppnum eins og allir spáðu fyrir tímabil. Karen Knúts er mætt aftur á parketið hjá Fram og spilað var til úrslita í heimsmeistarakeppni félagsliða.

Fram eru farnir að gera sig gildandi í toppbaráttunni. FH átti tvo lélega leiki í vikunni en tókst að sækja 4 stig. Strákarnir okkar erlendis og óvænt hetja hjá Kolstad. Hver er þessi Bjarki Jóhannsson hjá Álaborg? Stelpurnar okkar kláruðu æfingarmót í Tékklandi um helgina í undirbúningi sínum fyrir EM 2024.

Stymmi Klippari, Ásgeir Jónsson og Benni Grétars fóru yfir fyrstu leikina í 4 umferðinni í Olísdeild Karla. Valsarar unnu loksins sinn fyrsta sigur og Gróttumenn eru á toppnum. ÍR-ingar sýndu að þeir geta gefið öllu liðum í deildinni leik á góðum degi. Hvað er að gerast fyrir norðan?

FH hafði betur gegn Haukum í Hafnarfjarðarslagnum sem fór ekki framhjá neinum. Hitað upp fyrir 4.umferðina í Olís-deild karla sem hefst í kvöld. Hverjar hafa skarað framúr í Olís-deild kvenna og Strákarnir okkar erlendis. Kíkt var til ársins 2015 í "Aftur til fortíðar" þegar íþróttasíður Morgunblaðsins voru stútfullar af fréttum um Þjóðaríþróttina.

3.umferð Olísdeildar Karla gerð upp með Einari Inga og Nabblanum. Óvænt úrslit í skemmtilegustu deild í heimi þar sem allir virðast getað unnið alla. Olísdeild kvenna er komin í stutt landsleikjahlé og fóru yfir úrslitin í Meistaradeild Evrópu.

Róbert Geir Gíslason framkvæmdastjóri HSÍ var í viðtali þar sem farið var yfir Handboltapassann, markaðsmál, landsliðsbúningamálin og meira til. Hitað var upp fyrir 3.umferðina í Olís-deild karla og farið yfir 2.umferðina í Olís-deild kvenna. Að lokum var farið yfir Strákana okkar erlendis.

Ponzan, Euro-Belli og Andri Berg fóru um víðan völl í þessum þætti. 2. umferð Olísdeildar karla brotin til mergjar, farið yfir leiki í Olísdeild kvenna, Meistaradeild Evrópu gerð góð skil og meira til!

Sérfræðingurinn og Gaupinn settust niður og fóru um víðan völl í þætti dagsins. Olís-deild karla, Olís-deild kvenna, Evrópudeildin, Meistaradeildin, vistaskipti Íslendinga í Evrópu og Evrópurúnturinn.

Stymmi Klippari fékk þá Ásgeir Jónsson og Ásgeir Gunnarsson til sín í stúdíó til að fara yfir fyrstu umferðina í Olísdeild karla og kvenna. Félögin virðast flest koma vel undan sumri og eigum við vona á æsispennandi móti í allan vetur.

Keppnistímabilið í Olísdeildinni fer af stað í vikunni og Handkastið hefur opinberað spá sína en það þurfti tvær tökur til. Meistarakeppni kvenna fór fram um helgina þar sem Valur hafði betur. Verið með okkur í allan vetur.

Enn eitt tímabilið er að hefast og Handkastið verður að sjálfsögðu með ykkur í allan vetur. Ásgeir Jónsson og Einar Ingi Hrafnsson kíktu í stúdíóið til Stymma og ræddu sumarið og félagsskiptin í sumar. Verið með okkur í allan vetur.

Sigursteinn Arndal þjálfari Íslandsmeistara FH kíkti til okkar í spjall um tímabilið. Hlustendaverðlaun Handkastsins voru einnig veitt. Takk fyrir tímabilið.

Fórum yfir úrslitaeinvígi UMFA og FH þar sem FH-ingar tryggðu sér Íslandsmeistaratitilinn 3-1. Dregið var í riðla fyrir HM2025 þar sem Ísland mun spila í Króatíu.

Fengum Aðalstein Eyjólfsson til okkar í stúdíó-ið að ræða leik FH og UMFA. Valsmenn skrifuðu söguna með því að tryggja sér Evrópumeistaratitilinn þegar þeir unnu Olympiakos í vítakastkeppni.

Fórum yfir leik UMFA og FH í fyrr í kvöld þar sem innkoma Arons breytti öllu. Farið var yfir félagsskipti innanlands og velt því upp hvort UMFA spili með 3 markverði innanborðs á næsta tímabili.

Afturelding leiðir í baráttunni við FH um Íslandsmeistaratitilinn og Valsmenn eru í góðri stöðu fyrir seinni úrslitaleikinn í Grikklandi næstu helgi.

Afturelding er komið í úrslitaeinvígið eftir að hafa slegið út Val í undanúrslitum og mætir þar Aroni Pálmarssyni og félögum í FH. Tímabilinu er þó ekki lokið hjá Val sem mætir Olympiacos í fyrri úrsitaleik Evrópubikarsins um helgina. Valsstelpurnar tryggðu sér Íslandsmeistaratitilinn eftir að hafa sópað úrslitakeppninni.

Ísland er komið á HM áttunda mótið í röð eftir þægilega sigra á Eistum. Fagmannleg frammistaða og loksins vinnur Ísland sannfærandi sigur á útivelli. Stefán Rafn Sigurmannsson fyrrum leikmaður Hauka og íslenska landsliðsins var gestur þáttarins ásamt Guðjóni Guðmundssyni. Hitað var upp fyrir það sem koma skal í úrslitakeppninni og farið yfir stöðuna í úrslitaeinvíginu kvennamegin.

25 marka sigur strákanna okkar á Eistlandi gefur góð fyrirheit fyrir seinni leikinn um helgina. Sæti á HM í janúar bíður. Úrslitaeinvígið um Íslandsmeistaratitil kvenna er farið af stað og það með miklum látum. Hrannar Guðmundsson þjálfari Stjörnunnar var gestur þáttarins.

Við settumst niður með Ásgeir Jónssyni og fórum yfir undanurslitaeinvígin í Olís deild karla. FH-ingar eru komnir í úrslit og Mosfellingar eru í lykilstöðu í sínu einvígi gegn Val. Kíktum á úrslitaeinvígið hjá stelpunum og skúbbuðum nýju þjálfarateymi hjá nýliðum Fjölnis í Olísdeildinni.