Gotetsa

Sekhutlwana seno sa ditsala se keteka botsala le go atlhaa-tlhaa dikgang tsa seshweng tseo di re amang jaaka basha le sechaba ka kakaretso.

Bontlhanngwe jwa dikgatiso tsa ga Chris Matshaba and Madala Motsamai

Boitumelo Legodi ke mosha wa dingwaga dile 23, yo o sa kgonang go tsweletsa dithuto tsa gagwe morago ga marematlou, mme a tsaya tshweetso ya go tsweletsa talente ya gagwe ya botaki ka go nna motaki.

Dikgatiso tsa Modiri ka rona wa maloba Chris Matshaba

Re buisane le Kaone Mokgajane go tswa kwa Mmabatho High School yoo falotseng Grade 12 ka dinaledi dile supa ,re batla go itse gore o kgonne jang le gore oya kae go tloga fa?.

Re buisane le Rre Kgosi Monageng go tswa kwa Lefapheng la Thuto ee Kgolwane go re tlhaba botlhale ka tsela eo re ka tlhotlhomisang fa setheo se le mo molaong kana nnya.

Mme Thembi Mswane yo o dirang gantsi ka basha ba eleng makgoba a diritibatsi o bua le rona ka ga seritibatsi se sesha se se itsegeng ka la Zombie/Flakka Drug.

Re buisane le basha ka ga kamano magareng ga basha le mofuta wa mmino yoo ba o reetsang.

Dr Malinga ka ga tshusumetso ya mmino mo maitsolong a batho ga mmogo le botlhokwa jwa one.

Re buisane le Mmakgwebo, Kelebogile Pega, ka ga leeto la gagwe mo go tsa kgwebo.

Re buisane le basha ka ga ma ikutlo a bone ka ga “flirting”.

Mme Thapelo Tlhabane, yo eleng Relationship coach, ka ga ditlamorago tsa go itira yo o nang le kgatlhego ya lerato mo mothong yo mongwe.

Re buisane le setlhopa seo se tukang malakabe ga jaana mo mererong ya tsa mmino, Team Mosha, ka ga leeto la bone la mmino go fitlha ga jaana.

Re buisane le Rra-Kgwebo, Paseka Lesolang, ka ga kakanyo ya gagwe ya go somarela metsi eo a e fetoletseng go nna kgwebo ee atlegileng.

Re buisane le basha go utlwa maikutlo a bone ka ga mokgwa wa go itagisetsa motho kwa menateng.

Re buisane le sebueledi sa sepodisa mo Bokone Bophirima, Brigadier Sabata Mokgoabone ka ga petelelo le go itagisetsa motho kwa monateng.

Re buisana le Mme Dimakatso Sechogo (counselor) go tswa kwa LifeLine Centre, ka ga tsela eo batswa setlhabelo ba petelelo ba amegang kateng ke tiragalo eno ya petelelo.

Re buisana le seopedi/motlhagisi, Dr Moruti, ka ga leeto la gagwe la mmino go fitlha ga jaana.

Re buisane le basha go utlwa maikutlo abone ka ga go sotlakakiwa ga banna.

Re buisane ka ditlamorago tsa tshotlakako mo boitekanelong jwa Rre yo o sotlakakiwang, re lebeletse thata jaang seemo sa tlhaloganyo le maikutlo. Moeng wa rona ke Nthabiseng Ramothoala (Psychologist)

Re buisana le Rre Vusi Cebekhulu go tswa kwa Sonke Gender Justice ka ga dikgwetlho tseo di itemogelwang ke banna bao ba sotlakakiwang.

Rebuisane le basha go utlwa ka ga maitemogelo a bone ka ga dikgotlhang le batsadi ba bone.

Rebuisane le Mme Patricia Manganyi ka ga dikgotlhang tseo di nnang gone magareng ga bana (basha) le batsadi ba bone, ditlholwa ke eng gole gantsi le gore re di rarabolola jaang.

Eddie Diphoko yo eleng Life Coach, o neelana ka maele fa go tliwa mo go samaganeng le dilo tse dibotlhokwa mo botshelong jaaka mosha.

Re buisane le basha ba rona ka ga botlhokwa jwa goitse dilo tse eleng dintlha-phisegelo (priorities) mo botshelong jwa mosha fa a fetsa go konosetsa dithuto tsa gagwe. Maikaelelo ele go utlwa gore dintlha-phisegelo tsa basha ke dife.