Eth maitin d'Aran

Aué mos lheuam damb era notícia sus era condemna deth baile de Naut Aran, César Ruiz-Canela, per un delicte d'abús sexuau. Tanben auem parlat deth projècte "Era capsa de galetes", un conde dirigit as mès petits de casa que mos parle de valors coma era tolerància e eth respècte.

Aué èm balanç dera dusau edicion deth congrès de ciberseguretat Armari 6. Tanben vos aufrim "Es Lagarde de Sant Beat contra Aran", era naua entrega der "Hiu der Archiu".

Era actualitat dera Val d'Aran en aranés. Eth Conselh Generau d'Aran daurís un expedient sancionador a ua enterpresa de Tarragona per irregularitats ena espleita d'ua subhasta de husta en Les. Vien de començar es activitats deth Conselh Esportiu dera Val d'Aran. Atletisme, natacion fotbòl e esqui, es protagonistes.

Era actualitat dera Val d'Aran en aranés. Eth setantau anniversàri deth parc nacionau d'Aigüestòrtes e Estanh de Sant Maurici e era relacion damb es municipis de Naut Aran e Vielha e Mijaran. Un nau "Cimalh dera lengua nòsta", damb Jusèp Lois Sans.

Era actualitat dera Val d'Aran en aranés. Er espitau Val d'Aran trabalhe damb eth sistèma Teleictus que permet una millor recuperacion funcionau des pacients damb ictus e pòt esvitar traslats. Era associacion Amentaran apròpe as aranesi era medecina chinesa damb diferentes charrades.

Era actualitat dera Val d'Aran en aranés. Era taxa de lordères puje 5 ¤ per increment restacat ar IPC e arribe as 145 ¤. Eth CGA a presentat ath Conselh de Bailes un plan de gestion deth paisatge e de proteccion en cas d'incendi enes entorns des pòbles aranesi. Parlam deth libre "Audèths dera Val d'Aran" e deth gat putz damb es membres dera associacion Aran pera Natura.

Era actualitat dera Val d'Aran en aranés. Arturo Calbetò a revirat, damb eth titol de "Cenizas bajo la nieve", un roman dera autora francesa Renée Seillé-Aubac, que parle des darrèri abitants de Montgarri. En hiu der Archiu, dusaua part deth tresau capitol damb es istòries deth mosquetèr Exupérie Bartièr Dufour per uns deutes qu'era Val d'Aran a damb era sua familha.

Era actualitat dera Val d'Aran en aranés. 15 ans deth projècte Refu, era cervesa artisanau protagonista damb David Serrano. Dormir ben, ua bona inversion de temps en salut damb Carla Estivill. Era actualitat esportiua, cross escola, fotbòl e patinatge artistic.

Era actualitat dera Val d'Aran en aranés. Les acuelh era naua trobada falhaire que coïncidís damb eth detzau anniversari dera declaracion des hèstes deth huec coma Patrimoni Mundiau dera Umanitat per part dera UNESCO. Tanben un nau article d'opinion, 'En Cimalh dera Lengua Nòsta', damb Jusèp Lois Sans.

Era actualitat dera Val d'Aran en aranés. Vos dam tarlat dera dusau edicion deth Congrès Armari 6 de Ciberseguretat, que se hè aguesta setmana ena Val d'Aran damb taules redones, ponéncies e debats entre expèrts e talhèrs tà poder evitar ciberestafes e saber identificar notícies, videos e imatges irreaus.

Era actualitat dera Val d'Aran en aranés. Era exempcion deth pagament der IBI ar Espitau Val d'Aran e ara Residéncia Geriatrica Sant Antòni de Vielha e d'auti ahèrs deth darrèr plen der Ajuntament de Vielha e Mijaran. Tanben mos apropam ath sector primari en Aran tà saber com viuen es noticies sus era dermatòsi nodular. Parlam damb Marc Cuny, president dera FECAPI, e Oriol Cros, president dera Ass...

Era actualitat dera Val d'Aran en aranés. Es d'Ordóñez de Vielha, era carniceria que daurie en 1951, barre es pòrtes pera jubilacion deth propietàri. En "Hiu der Archiu" arribam en capitol 3, a on seguim er hiu a un mosquetèr deth rei francés qu'a eretat es deutes de sa pair, François Bartièr. Tanben jogam damb es paraules deth "Mot horaviat".

Era actualitat dera Val d'Aran en aranés. Bossòst acuelh era prumèra recreacion istorica dera Operacion Reconquista. En octobre deth 1944 mès de 4.000 maquis e guerrilhèrs sagèren de conquistar Espanha en tot entrar pera Val d'Aran. S'haràn visites guidades e teatralizades sus aqueri hèts. Tanben recuperan eth reportatge que hèrem en 2024 sus es actes deth 80 aniversari d'aqueri hèts e es jornades...

Era actualitat dera Val d'Aran en aranés. En Día Mondiau dera Alimentacin parlam damb Esther Carmona, nutricionista e ua des referents d'atencio primària e comunitària en Espitau d'Aran e Imma Caubet, pediatra, de com e que mingen es mainades e mainatges en minjador escolar. Aué en 'Cimalh dera Lengua Nòsta' un prumèr article damb era cronica dera inauguracion der IEA-AALO en Barcelona

Era actualitat dera Val d'Aran en aranés. Aué comencen en Cambrils es jornades gastronomiques 'Mar e montanha' enes que participen 6 codinèrs aranesi e 6 de Cambrils. Eric Marquez Delaurens a presentat era sua prumèra novèlla, 'La Venganza de Margarita' a on barrege ficcion e suspens en préner coma basa ua legenda de Bossòst. Tanben eth rapàs ara actualitat esportiua en Aran.

Era actualitat dera Val d'Aran en aranés. Er Ajuntament de Vielha execute eth projècte Carrèr a Carrèr, de milhora des carrèrs e trepadèrs deth cap lòc damb ua inversion de 2 M¤. Es òbres s'alongaran enquia 2026. Tanben parlam dera processionària e deth tractament que s'ha hèt enes bòsqui de Vila e Montcorbau e Vilamòs.

Era actualitat dera Val d'Aran en aranés. Era darrèra ora des aiguats en Montsià damb Sofia Cabanes. Era importància dera vacunacion dera gripa enes mainatges, damb era pediatra en Espitau Val d'Aran, Immaculada Caubet. Un nau capitol de er Hiu der archiu e eth Mot horaviat.

Era actualitat dera Val d'Aran en aranés. Eth detalh des discorsi ena inauguracion dera sedença dera Acadèmia Aranesa dera Lengua en Barcelona, eth concors tà escuélher es milhors shivaus dera Val d'Aran dera raça pirinenc català e era actualitat esportiua damb es resultats e partits des equipes de fotbòl aranesi.

Era actualitat dera Val d'Aran en aranés. Era Tocineria Casasnovas de Vielha a barrat es pòrtes d'aguest comèrç que daurie en 1968 e que enes darrèri ans a regentat Carme Casasnovas. Aué en 'Cimalh dera Lengua Nòsta' 'Eth departament d'educacion a d'implementar eth C2 d'Occitan'.

Era actualitat dera Val d'Aran en aranés. Ath torn d'ues 400 persones, segons er Ajuntament de Les, responèren aguest diuendres ara crida de diuèrses entitats deth municipi entà manifestar-se en solidaritat damb eth pòble de Palestina e entà reclamar era fin deth genocidi en Gaza. Recuperam era Fira darrèra de Vielha, de Pepita Caubet.

Era actualitat dera Val d'Aran en aranés. Arriben 3 dies de heires en Les, Salardú e Vielha. Heires damb mès marchands que bestiar. En Salardú 6 restauradors haràn ua mòstra dera codina de tardor damb es misharnons coma protagonistes. Tanben un nau capitol de 'er Hiu der Archiu' a on coneishem a François Bartièr, de Sant Beat que prèste sòs ara Val d'Aran.

Era actualitat dera Val d'Aran en aranés. Aué presentacion d'un projècte de cooperacion sanitària en Nepal en quau i participarà era pediatra aranesa Immaculada Caubet. Era actualitat esportiua damb es resultats e partits que an es equipes aranesi aguesta dimenjada.

Era actualitat dera Val d'Aran en aranés. Ua naua pana telefonica, era tresau enguan, a deishat sense servici pendent 24 ores as usatgèrs d'Orange e Vodafone en Aran e Alt Àneu. Tecnics dera CHE avaluaran aguest mès d'octobre er estat der arriu Garona ath sòn pas per diuèrsi pòbles dera Val d'Aran dempús qu'eth CGA damanèsse un plan urgent d'acondicionament der arriu. Aué, "En cimalh dera lengua n...

Era actualitat dera Val d'Aran en aranés. 8 associacions de Les, en Quate Lòcs, convòquen ua manifestacion tà diuendres damb eth lèma "Lheuem era votz per Gaza". En Institut d'Ostalaria de Les eth cors a començat damb ua naua propòsta educativa, un cicle formatiu de grad miei de Suenhs Auxiliars d'Infermeria. Entà conèisher de prumèra man aguestes nauetats qu'auem visitat era Escòla.

Era actualitat dera Val d'Aran en aranés. Era valoracion der ostiu damb eth conselhèr de Torisme, Josep Canut, e es propòstes de tardor com es jornades de codina "Mar e montanha". Tanben era inauguracion dera delegacion der Institut d'Estudis Aranesi - Academia Aranesa dera Lengua Occitana (IEA-AALO), que se plaçarà laguens der Institut d'Estudis Catalans en Barcelona.