牽囡仔 ê 手，來聽囡仔古

【食飽未】你上愛食啥物菜蔬｜EP42 今仔日阿妹嘛來錄音，到底是佇遐烏白舞，這集內底有真濟囡仔喝咻的聲，音量愛斟酌哦!! 算看覓，到底講著幾項菜蔬，阿妹佇內底唱的歌，予逐家ioh看覓，閣有囡仔上愛的放屁歌喔~~ ◆ 聲音演出 / A-iông 剪輯製作 / A-iông -- Hosting provided by SoundOn

頭一集「囡仔看百業，愈看愈趣味」，欲綴囡仔兄、囡仔姐去「警察局」 熟似警察阿叔、阿姨愛做啥物款工課？閣有囡仔上愛的「őo-to-bái」 特別感謝台北市延平派出所、警廣台北分台協助 ◆訪問 / A-lîng 剪輯製作 / A-iông -- Hosting provided by SoundOn

過去有一站仔，全台灣ê磨石仔流籠攏hőng拆了了，換做四界攏真相siāng ê 罐頭公園。有一陣家長關心囡仔遊戲ê權利，跳出來推捒特色公園，hōo囡仔有挑戰家己ê機會。這陣家長要意ê是啥物咧？遊戲對囡仔來講，到底有啥物好處？ -特公盟是按怎開始推捒這个議題？ -兒童遊戲權是啥物款ê概念？ -為啥物囡仔表達ê權利遮爾重要？ -兒童遊戲ê概念kah囡仔ê安全kám有法度雙頭好？ -自由遊戲是啥物款ê概念？ -特色公園武功秘笈？ ◆訪談 / A-lîng...

譯自《希望小提琴》作者 / 幸佳慧 繪者 / 蔡達源 小天下出版 囡仔兄囡仔姊，你敢知影過去，佇咱這片土地，捌發生過228的事件？捌有一段時間，大人攏會叫囡仔有耳無喙，彼段白色恐怖的過去？ 凡勢有人捌聽過，有人無聽過；嘛有人小可仔知影，毋過無蓋清楚。 毋管你是佗一種，《希望bai-óo-lín》是一本誠適合咱按呢，對台灣歷史有關心、有好奇的人來看喔。 《希望bai-óo-lín》是頭一本共台灣歷史畫做圖、寫做故事，欲和囡仔講著人權...

譯自《森林的元宵節》 作者 / 陳貴芳 繪者 / 陳貴芳 星月書房出版 正月十五得欲到矣，囡仔會 kuānn 鼓仔燈四界 se̍h，食圓仔湯。 你的鼓仔燈生做啥物形？是按怎做的咧？咱來看動物 in 按怎過元宵！ ◆ 台文翻譯 / 阿君 聲音演出 / 阿君 剪輯 / A-ian 台文顧問 / 王秀容老師 -- Hosting provided by SoundOn

逐家時常佇Freddy的面冊頂懸看著Freddy的查某囝米魯講台語。到底當初Freddy是按怎決定欲佮囡仔講台語ê？ 伊的牽手Doris 敢有贊成？來聽Freddy趣味閣感動人心的台語家庭故事。 －Freddy按怎用心創造多元的語言環境？ －Freddy kah阿媽感人的心情故事。 －米魯去幼稚園了後，伊對台語的態度敢有變？ －台語較無輾轉的Doris，敢捌予Freddy笑過？ －Freddy為何會用台語創作？ －這馬是立法委員的Freddy，未來會想欲替台語做啥物代誌？...

眷村對咱的囡仔兄、囡仔姐，可能較生分，一般來講，眷村講的是1949年綴國民黨軍隊，對中國逃難來台灣的人住的所在。 一跤皮箱，綴主人坐船來台灣，陪伴in ê 生活，聽見濟濟故事，上尾hőng送去眷村博物館，咱來聽看覓這跤皮箱，欲共逐家講啥物故事… ◆作者 鄭若珣 譯者 王昭華 繪者 孫心瑜 玉山社、台灣文學館聯合出版 ◆ 聲音演出 / 阿君 剪輯 / A-iông 咱 ê 網站 https://taigiloo.tw 欲送冊囉～緊來去面冊專頁看覓！https://www.fa...

印象中，藝文活動攏佇北部，阮劇團是按怎決定欲留佇故鄉嘉義，按怎下決心做台語劇，閣去歐洲搬台語版的仲夏夜之夢-熱天酣眠，佇這個國際化的時代，咱欲按怎看待咱家己的文化? -阮劇團咧創啥物? -佇囡仔劇內底得著力量 -劇團內底生做啥物款 -用台語搬莎士比亞!!??閣去外國搬!? -搬戲的「初心」佮對故鄉的愛 -- Hosting provided by SoundOn

囡仔兄、囡仔姐得欲過年矣，恁敢有聽過燈猴？學校可能干焦講著年獸，阿君阿姨今仔日欲講一個足無仝款，干焦佇台灣有的，二九暝，沉地夜的故事喔，可能會淡薄仔恐怖，緊佮阿爸阿母攬做伙，來聽看覓… ◆聲音演出 / 阿君 腳本&剪輯製作 / A-iông 台語顧問 / 王秀容老師 Music: Pooka by Kevin MacLeod -- Hosting provided by SoundOn

哞～你會曉用台語念十二生相無？今年是牛年，茄苳阿姨特別改編十二生相的故事，欲共心適閣趣味的故事講予咱囡仔古的朋友聽！ ◆ 腳本&聲音演出 / 茄苳 剪輯製作 / A-iông 台語顧問 / 王昭華老師 -- Hosting provided by SoundOn

節目做半冬矣！感謝逐家的收聽，那做那學習，感謝聽眾朋友的牽教，向望逐家多多分享予你的朋友，嘛予阮五星評論，做伙來聽囡仔古！ 未來，閣有閣較 sim-sik 的單元喔～ ・節目勘誤：「大象-->大隻象」、「lù 喙齒--> bín 喙齒」、排灣 ê 居住地 ◆剪輯製作 / A-iông -- Hosting provided by SoundOn

台灣 ê 多語環境是咱 ê 寶，莫放棄，佮台語路做伙行落去！ ◆剪輯製作 / A-iông Music Title: Happy And Joyful Children Music Link: https://youtu.be/lv1YPeP1O8k 這改串連活動由《牽囡仔ê手來聽囡仔古 》、SoundOn主辦，攏總有幾十个節目鬥陣完成，向望予逐家聽著台灣多元豐富ê文化底蒂，閣有足濟精彩節目，請搜揣「母語日」 開頭ê聲音是無仝族語ê「把母語/族語找回來」，照順序是：泰雅語、東排灣語、西拉雅語、賽夏語、達悟語...

本集節目由美角設計贊助提供，感謝in的幫贊，向望逐家做伙共台灣文化捒去全世界！ 你敢有看過花布？阿媽的眠床單？阿姨的花裙？ 花布是按怎來的？咱這馬看著的花布，又閣是按怎發展出來的？ 今仔日阿君阿姨欲來交逐家講花布的故事喔～ ◆台文翻譯&聲音演出 / 阿君 剪輯製作 / A-iông Royalty free music from Fesliyan Studios 美角實驗所MeiGa Lab是一个足有挑戰精神ê品牌，對台語「鋩角」的諧音號名，代表𪜶重幼路頂真ê精神、...

翻譯自《好癢！好癢！》/ 文圖 陶樂蒂 玉山社出版 古錐的熊仔囝，這改拄著大代誌矣，尻脊骿（kha-tsiah-phiann）有夠癢，世界癢 ê 啦！啥人會來鬥相共哩？ © 本內容已獲玉山社授權台語路錄製有聲版本，僅限非營利使用 ◆台文翻譯&聲音演出 / 阿君 剪輯製作 / A-iông -- Hosting provided by SoundOn

這集囡仔姊欲來介紹逐家上愛的公園仔！咱來算看覓，故事內底講著幾項？ ◆聲音演出 / 阿娟 剪輯製作 / A-iông 想知道遊樂設施怎麼說？來看看台語路×特公盟合作的影片 「溜滑梯」，台語按怎講？ 『盪鞦韆』，台語按怎講？ -- Hosting provided by SoundOn

繪本作家林小杯經典之作《喀噠喀噠喀噠》新版冊的台語有聲故事來矣！ ★榮獲第四屆豐子愷兒童圖畫書獎首獎 ★榮獲第66屆日本產經兒童出版文化獎翻譯作品 「喀噠喀達喀噠⋯⋯」彼是啥物聲呢？喔～原來是阿媽的𨑨迌物仔啦！喀噠喀噠喀噠有夠厲害的，我想欲愛的物件伊攏做會出來。害矣！伊哪會雄雄歹去矣？欲按怎才好？ 感謝遠足文化事業股份有限公司（步步出版）授權予阮製作台語有聲版本。逐家緊去買冊來讀，足精彩的！嘛會當來阮「牽囡...

治療師的便利貼是兩个佇病院作工課ê治療師開ê podcast，分享足濟兒童發展的資訊，這改咱邀請沛吟& Demi ，用醫學觀點來看母語家庭，怹足認真用全台語分享，歡迎逐家訂閱怹 ê 節目喔！ ◆剪輯製作 / A-iông 咱 ê 網站 https://taigiloo.tw -- Hosting provided by SoundOn

這集特別邀請著嘛是台語家庭ê牧師一家伙仔，來和囡仔兄、囡仔姐介紹基督教聖誕節的由來，閣教逐家唱台語聖誕歌「平安暝」，好聽閣簡單哦～緊來唱看覓 《歌詞》 平安暝 聖誕暝 真安靜 真光明 Pîng-an-mî, sìng-tàn-mî,tsin an-tsīng, tsin kong-bîng 光照老母照嬰孩 真溫純閣真可愛 Kng tsiò lāu-bú tsiò ing-hâi, tsin un-sûn koh tsin khó-ài 上帝賜安眠 上帝賜安眠 Siōng-tè sù an-bîn, siōng-tè sù an-bîn p.s.節目內底講ê「疼t...

囡仔姊安安欲請逐家臆謎猜，答案就佇故事內底喔！這改A-iông阿姨欲共逐家講一個泰雅族 ê 故事，故事上尾閣有好聽 ê 囡仔歌哦～ 來認捌顏色哦～紅色âng-sik 柑仔色kam-á-sik 黃色n̂g-sik 草仔色tsháu-á-sik 藍色nâ-sik 紺色khóng-sik 茄仔色kiô-á-sik ◆聲音演出&剪輯製作 / A-iông ◆虹 詞曲 / Bûn-lîng 編曲&演唱 / 小硬 -- Hosting provided by SoundOn

你愛食啥物果子？哈勇阿姊欲kah逐家紹介伊上愛的果子，閣有趣味好念的念謠喔！ p.s.果子 kah 水果攏是仝款意思，只是「水果」是華語直接翻，講「果子」閣較台語氣喔！ ◆聲音演出&剪輯製作 / A-iông ◆買果子 詞& 聲音演出 / Bûn-lîng 阮 ê 網站 https://taigiloo.tw -- Hosting provided by SoundOn

囡仔兄、囡仔姊，頂改講著太空動物 ê 代誌，逐家敢閣會記得？這改，欲來講著太空人欲按怎食物件！ 你若想欲看太空人食物件是啥物款，遮有影片會使點https://www.youtube.com/watch?v=PDzLSXljkok ◆聲音演出 / A-iông 剪輯製作 / A-iông 台語顧問 / 昭華老師 咱 ê 網站 ：https://taigiloo.tw -- Hosting provided by SoundOn

囡仔兄、囡仔姊，恁敢捌喙齒痛？抑是去予齒科醫生檢查過喙齒？阿玲阿姨佮囡仔欲來討論喙齒 ê 代誌，內底閣有一條新歌「齒抿火車」，做伙來聽看覓 ◆聲音演出 / 阿玲 剪輯製作 / A-iông ◆齒抿火車 詞曲 / Bûn-lîng 編曲 / A-ian 演唱 / Vivi -- Hosting provided by SoundOn

囡仔兄、囡仔姐，恁感覺你家己有法度決定偌濟代誌咧？哈勇阿姊對囡仔權利嘛足有想法。 11/20，是一個對囡仔足重要的日子，是「囡仔人權日」，30年前，聯合國，就是地球頂懸足濟國家鬥陣開會討論，宣布《兒童權利公約》，內底講啥物咧？ 緊來聽看覓！ ◆ 聲音演出 / A-iông & 哈勇阿姊 剪輯製作 / A-iông 台語顧問 / 王秀容老師 想欲知影閣較濟節目信息？會記得tshi̍h「訂閱+五顆星」，嘛歡迎來阮ê面冊看覓「牽囡仔ê手 行台語ê路...

EP19.【食飽未】台灣小食 囡仔兄、囡仔姊，恁敢捌食過啥物台灣小食？蚵仔煎、肉圓、米粉炒，你上愛佗一項？今仔日西瓜阿姨欲紹介予逐家知喔～ ◆聲音演出 / 西瓜＆乃嘉 剪輯製作 / A-iông *****工商服務***** 想欲親身參與講古現場，佮囡仔做伙聽台語、耍手作？台語路最近佮幾若个親子團體合作，佇三峽、北投、台北市內攏有繪本課會當參加，詳細請看： https://www.facebook.com/taigiloo/posts/1990554291086564 想欲知影閣較濟節...

翻自《燕心果》/ 文 鄭清文、林婉玉 圖 / 陳貴芳 星月書房出版 燕心果，是鄭清文老師 ê 代表性作品，嘛是伊 ê 頭一本童話創作，捌入選「孕育台灣人文意識 ê 50本冊」名單，大人囡仔攏會當佇故事內底得著無仝 ê 體驗。 特別感謝玉山社，授權予阮製造台語有聲版本，予閣較濟人認捌台灣 ê 文學作品，歡迎逐家買冊、鬥幫贊！https://www.tipi.com.tw/books.php?pid=450 ◆台文翻譯 / 阿蓉 聲音演出 / 雅玲 剪輯製作 / A-iông 感謝昭華老...