Driesestig

Navorsing wys dat duiwe se lewer hulle mag help met rigting, veral op bewolkte dae.

Nostalgie word soms vasgevang in ‘n plant of boom. Wanneer jy trek of verhuis, troos ‘n bekende stukkie groen jou dalk in die nuwe omgewing, maar soms kan dit glad nie daar aard nie, en gaan dit dood. Teen die agtergrond van onder andere semigrasie het Johan Rademan met Suzanne Papenfus, ‘n landskappeerder van Vergenoegd-Löw Wynlandgoed langs die Eersterivier, gesels.

Dr. Ria Smit praat oor peptiedes, wat deesdae ‘n gonswoord in die skoonheidsbedryf is. Sy verduidelik wat dit is, en hoe dit gebruik word.

Die FBI het by David Rush, tot onlangs ‘n senior lid van die CIA, se huis op 303 stawe goud ter waarde van $40 miljoen afgekom ná ‘n ondersoek.

Jy hoor haar stem gereeld in die nuus op radio en TV. Haidee Muller-Isaacs gesels met Zalene Merrington oor hoe sy in die nuuswêreld beland het, en haar komvandaan, De Aar in die Groot Karoo.

Nadia Hearn vertel van The Greater Tygerberg Partnership se terugkoopwinkel, wat plaaslike en internasionale erkenning ontvang het as ‘n nuwe manier om werkloosheid aan te pak.

Die hoogeregshof in Italië het bepaal dat die land se wette en regulasies nié bepaal dat ‘n restaurant kraanwater hoef te verskaf nie. Dit volg nadat ‘n toeris gekla het toe vyfster hotel slegs peperduur gebottelde water aangebied het, geen kraanwater nie.

Lolene Venter vertel vir Martelize Brink van die lewe in Eastbourne in Engeland. Dis in Oos-Sussex, wat ook bekendstaan as die Sonskynkus.

Pierre Strydom vertel vir Martelize Brink van Nooitgedacht in die Kougaberge, wat al drie weke lanl afgesny is van die buitewêreld. Hy vertel hoe mense hande vat om die gemeenskap deur te dra.

Die Enhanced Games het die afgelope naweek plaasgevind, waar atlete onder andere testosteroon, groeihormone, peptiede en anaboliese steroïede mag gebruik, wat andersins verbode is. Die resultate was toe nie wat verwag is nie.

Veearts dr. Kaylin du Plessis praat oor die versorging van konyne, en die wanopvattings oor hulle voeding.

In hierdie week se landbounuus kyk ons wildboere wat ‘n saak teen Gauteng se Departement van Sosiale Ontwikkeling, Landbou, Landelike Ontwikkeling en Omgewingsake, wen; die pluimveegroep, Astral, maak sy finansiële resultate bekend; die bek-en-klouseer-siektebeheergebied in KwaZulu-Natal word geskrap; en Suid-Afrika se koringinvoertarief spring na nul rand per ton.

Adele du Toit gesels van die SA Rooibosraad praat oor kaffeïnsensitiwiteit, en hoe verbruikerspatrone skuif na alternatiewe daarsonder.

Die burgemeester van Cohutta in Georgia in die VSA het dorp se hele polisiemag afgedank weens aanmerkings wat hulle oor sy vrou op sosiale media gemaak het.

Beryl Botman se lewe het tot stilstand geruk toe sy op 53 'n weduwee geword het. Maar nou, op 65, vier sy die lewe met allerhande klein dingetjies wat haar siel voed. Sy het selfs besef hoe lekker lyndans is. En ja, sy is die jongste in daardie lyndansgroepie, vertel sy vir Haidee Muller-Isaacs.

Kos- en kultuurhistorikus Hetta van Deventer-Terblanche praat oor suiker en suikerriet, en hoe dit die wêreld gevorm het.

Neville Greene van Ontario in Kanada het 19 jaar lank ’n rooilig-veerkeersoortreding in die hof beveg, en uiteindelik sy appèl gewen.

Ebbe Rabie praat oor die onlangse vloede, die skade, en risikobepaling vir versekering.

Dr. Ria Smit praat oor sonskerm eiligheid, asook die veiligheid van talkpoeier.

‘n Man in Texas het sy Cybertruck se “wade mode” in ‘n meer beproef, maar toe gaan hy dieper as die 32 duim wat die handleiding toelaat...

Haidee Muller-Isaacs gesels met die Namakwalandse storieverteller en TV-aanbieder, Lyntjie Jaars, oor wat deesdae gebeur in haar loopbaan, en haar liefde vir haar Ma na wie sy liefdevol verwys as Mammagoed. Sy is glo 'n groot RSG-aanhanger. Natuurlik hoor ons ook meer van Lyntjie se "vleistanne".

Dr. Gideon Groenewald vertel van ‘n fossiel wat hy gevind het, wat onlangs met die swaar reën oopgespoel het.

Hlumelo Nyaluza van Soweto se luukse handsakke en rugsakke is koeëlvas.

Kevin Leo vertel vir Martelize Brink van die lewe in Panama, waar hy die afgelope vyf jaar woon.

Prof. Pierre Volschenk het op 1 Mei 2026 ‘n eeu oud geword. Johan Rademan het met dié merkwaardige Suid-Afrikaner gesels. Hy was die eerste persoon in Suid-Afrika om ‘n doktorsgraad in beeldende kuns aan ‘n plaaslike universiteit te behaal. Hy gesels oor klei as terapie, en ikoniese nalatenskappe.