Dear MOR

"Hindi ako selosong boyfriend. Pero kapag ako, may nakitang mali, ibig sabihin, may mali talaga. Kaya ‘wag na ‘wag mo akong masasabihan na ‘wag akong magselos sa kanya dahil may nakikita akong mali." – The Ricky Story – #DearMORAkuin

"Ang gusto ko, maayos kung ano man yung meron sa’tin! Kahit yung friendship lang Eula, kahit yun man lang matira. Hindi yung ganito na parang hindi natin kilala yung isa’t isa!"

"Anong gusto niya?  Mag-take advantage ako sa kanya? Di naman ako ganoong lalaki. Hindi ko ugaling gumamit ng babae dahil lang sa alam kong kaya kong utuin at maging sunud-sunuran sakin para maramdaman kong lalaking-lalaki ako."  - The Jon Story -  #DEARMORMemories

"Wala naman masamang umasa ‘di ba? Paano kung sa mga darating na araw, matauhan siya at ma-realize niya na ako pa rin pala talaga ang mahal niya? Na ako pa rin pala ang gusto niyang makasama sa binubuo niyang pamilya?"  - The Ronnie Story -  #DearMORMare

"Hindi ka nga nambababae, wala ka ngang bisyo, pero matuto ka namang sumeryoso sa buhay! ‘Yun lang naman ang wala sayo eh. ‘Yung determinasyon! Kaseryosohan! Sa madaling salita, ‘yung pagiging lalaki!"  – THE  DENICE STORY  #DearMORHatakan

“Oo… malaki ang kasalanan ko sa’yo at kahit anuman ang gawin hindi ko na mababalik o mababago yung mga desisyon na nagawa ko noon. Hindi mo alam yung mga pinagdaanan ko kaya humantong ako sa ganung desisyon. Nagawa ko lang rin yun kasi mahal kita.”

"Wag ka muna magsorry, Hindi ko pa naman sinasabi na gusto nga kita. Confuse pa lang ako. Kaya nga sinasabi ko sayo, maghiwalay na tayo ng landas habang hindi ko pa alam kung may feelings nga ba ako sayo."  - The Mimi Story - #DearMORCaregiver

"Hmp! Hindi naman totoo ‘yan eh. Nakakailang salo na ako ng bulaklak sa kasal, konting-konti na lang, pwede na akong magpatayo ng flower shop, hindi pa ‘rin naman ako kinakasal. Paasa lang ‘yan!"  - The Lily Story - #DearMORLovelife

"Kapag lalaki ang may nagawang kalokohan, kulang na lang putulin ang kaligayahan natin tapos magsasama sama pa silang mga babae na kesyo tama lang ‘yun sa’tin. Pero pag babae ang huling huli mo na nag loloko at nasapak mo sa galit, ikaw pa rin masama!" -The Dennis Story- #DearMORSaktan

“Di ba nga, kapag napagod ka, hindi sagot ang sumuko. Magpahinga ka at pagkatapos harapin ulit ang laban ng buhay.”    - The Ace Story  - DearMORKulay

Naalala ko lang ‘yung sinabi mo no’n na gusto mong tuparin ang pangako mo sa Mama mo na mag-aasawa ka at bubuo ng pamilya? Kaya mo lang ba niliigawan mo si Marga dahil sa pangako mo sa Mama mo?"  -The Benjie Story-  #DearMORTrueColors

"MU. Kayo ay nasa magulong usapan. At delikado yang ginagawa nyo, kung umarte kayo para kayong mag jowa pero wala naman kayong karapatan sa isa’t isa..nakikita ko na ang ending nyan, pareho kayong masasaktan."  – THE MARINA STORY #DearMORNoThanks

"Wag kang mag-alala Pa, kahit anong mangyari, hinding-hindi ako gagaya sayo. Hinding-hindi ako mananakit ng babae, dahil kapag ginawa ko yun, para narin akong naging katulad mo, hindi alam ang salita respeto!"  -The Miko Story-  #DearMORBayolente

"Pero ma, aminin mo, mas mahal mo talaga si Allana kesa sakin. Mas iniintindi mo si Allana kesa sakin. Mas gusto mong kasama si Allana kesa sakin. Si Allana, kahit walang okasyon, may regalo yan galing sayo. Pero ako, kahit may okasyon Si papa lang yung nakakaalala magregalo."

"Tingin mo ba gugustuhin kong awayin ka kasi trip ko lang? Na bored lang ako sa relasyon natin, ganoon?! Hindi eh! Nagkakaganito ako, kasi ganyan ka! Pwede ba, kung may problema ka sa’kin o sa relasyon natin, sabihin mo! Hindi ‘yung bigla ka na lang manlalamig d’yan na parang wala na lang ako!"

"Kaya ko naman eh. At kaya kong magtiis. Iniisip ko na lang na hindi naman ‘to panghabambuhay. ‘Na balang araw, magiging maayos na ang buhay namin. Tiis-tiis lang muna sa ngayon. Saka na ‘yung pagpapasarap sa buhay."  -The Susan Story- #DearMORLalakero

"Hindi ka naman niya iniwan dahil may iba siya, iniwan ka lang niya kasi kailangan niyang magpahinga at kailangan niyo ng space sa isa’t isa. Hindi naman porket nasaktan ka niya eh masama na siya at walang kwenta, iniwan ka niya kasi tingin niya, ‘yun ang makakabuti para sa inyong dalawa at para rin sa relasyon niyo."  -The Jayden Story - #DearMORAkoSana

“Ang sarap sa pakiramdam na nangyayari na ‘yung mga pangarap ko, pero ang mas nagpapasaya sa’kin eh ‘yung magkasama pa rin tayo habang natutupad lahat ng ‘to.” - The Raymond Story - #DearMORTrueFriend

"Masarap magmahal, Joselyn. Pero huwag mo ‘ring kakalimutan na masakit ang umasa. Masakit ang maghintay sa wala. Hindi lang dapat puro saya ang iniisip mo, pati na ‘rin ‘yung mga pagsubok na pwede niyong pagdaanan dalawa."

“Oo alam ako hindi ako gwapo, hindi mayaman. At hindi tulad kong taga-deliver lang ng mineral water ang mga tipo mo. Pero sana lang Venna, bigyan mo pa ‘rin ako ng pagkakataon para patunayan sa’yo na kahit mahirap lang ako, mayaman naman ang puso ko sa pagmamahal.”

"Ayokong magdesisyon tayo ng basta-basta. Dahil ang pagpapakasal, pinag-iisipan ‘yan ng isandaang beses. Hindi naman kasi ‘yan parang sa school, ‘na kapag tinamad kang pumasok, hindi ka na talaga papasok. It’s all about commitment. Ready sa lahat."  - The Jimmy Story - #DearMORPerfectFit

"Pagod na pagod na pagod na ako! Alam mo kung gaano karami yung iniisip ko, yung iniintindi ko. Tapos dadagdag ka pa? Sukong-suko na ko eh. Pinipilit ko na lang yung sarili ko na magpatuloy sa araw-araw kasi may mga taong umaasa sa akin!" - The Chaddy Story - #DearMORManager

"Magpasalamat ka kasi may mga magulang kang ganyan kayo kamahal. ‘Yung titiisin na malayo sa inyo, para lang mabigyan kayo ng magandang buhay. May mga magulang ka diyan na walang pakealam sa mga anak nila." -The Kimberly Story-  #DearMORWaitingForYou

"Sa totoo lang, nahihirapan na ako eh. Kasi kahit anong gawin ko para patunayan sa iyo na ikaw yung gusto ko, na ikaw yung pinipili ko, wala eh. Hindi mo nakikita eh. Ano, kulang pa ba? Meron pa ba akong hindi nagagawa? Sabihin mo lang."

"Lahat sa mundong ito pansamantala lang. ‘Yung presensya at pagmamahal na nararamdaman natin? Lahat ‘yun pwedeng maglaho anytime. Kaya dapat alam natin kung paano magtira ng kahit konti lang para sa sarili natin."