Dear MOR

“Kung ako sa’yo, kalimutan mo na lang siya. Mag-move on ka na lang. Aanhin mo ang ganda kung manloloko naman pala? Ang dami pang babae dyan para sa’yo, iho.”  – THE DENNIS STORY #DearMORHalang

Araw-araw, ipakita natin sa mga nagmamahal sa atin kung gaano sila kahalaga.  Hindi kasi natin alam kung hanggang kailan natin sila makakasama.  Tandaan, wala na’ng halaga ang “mahal na mahal kita” kapag wala na sila... #DearMORHulingSandali - The George Story

“Naapektuhan lang naman tayo dahil syan sa malisyosa ay negatibo mong pag-iisip! Sarah, mahal ako ni Carlo. Alam ko ‘yun hindi lang dahil sa sinasabi niya sa akin parati pero pinaparamdam niya sa akin! At dahil dun, napapasaya niya ako. Ngayon lang ako sumaya ulit! Sobra na ba kung hihingin kong maging masaya ako? Na ako naman ngayon? - The Sylvia Story - #DearMORPagitan

"Na-realize ko kasi na tama ka. Hindi porket ‘yun ang sinabi mo sa’kin, hanggang do’n lang ako. Hanggang do’n lang ‘yung effort ko. Kasi bilang isang boyfriend, dapat parati kong hinihigitan ang expectation mo. Dapat araw-araw kong pinaparamdam sayo na ikaw ang pinaka-magandang babae sa paningin ko. ‘Na mahal na mahal kita." #DearMORSanaAll

"Wala kang mali. Ako ‘yung mali. Ako ‘yung tanga. Ako ‘yung nag-assume. ‘Yung nagbigay ng malisya. ‘Yung nagpaasa sa sarili ko na may meaning lahat ng ginagawa mo para sa’kin. Na baka hindi lang kaibigan ang turing mo sa’kin, kaya ka ganyan kabait, ka-gentleman, at kalambing sa’kin." #DearMORBugaw #TheAllisonStory

"Ikaw lang ba ang nahihirapan? Ikaw lang ba ang nahihiya? Hindi lang naman ikaw ang may mga kamag-anak na paulit-ulit na nagtatanong kung bakit wala pa tayong anak eh." – THE GEROME STORY #DearMORTataytatayan

"Hoy, hindi maliit na bagay yun ha! Kilala kita Abby. Hindi ka sanay magpaka-dalagang pilipina o magpabebe. Laking bukid ka kaya! Cowgirl ka, girl scout, laging handa, katipunera, amazona, palaban! Hindi uso sa iyo yang mahinhin kuno na yan!" #DearMORPili - The Abby Story

"Kapag itinigil ko na ang pagiging concern at pranka ko kay Grace, ‘yun na rin ang araw na itinigil ko ang pagiging best friend ko sa kaniya. Kaya hangga’t natitiis ko pa ang pagiging tanga niya sa pag-ibig, hindi ako titigil sa pagpapaalala. Kahit na minsan, para na akong sirang plakang paulit-ulit na lang sa panenermon." #DearMORBeshy - The Janet Story

"Oh bakit totoo naman ah… lalo na pagdating sa mga lalaki? Ay MARIZA sinasabi ko sayo… wag mo silang pag-aksayahan ng panahon. Kailangan maging paborito ka muna ni Lord bago ka mapasali sa mga pwedeng manalo ng grand prize na faithful at loyal na makakasama mo habambuhay." #DearMORMistake - The Riz Story

"Wag kang ma-offend! Hindi kita nilalait,  niri-real talk kita! Paano darating sayo yung opportunity kung okupado ka pa ngayon? Bitawan mo muna yung hawak mo, para makaabot ka ng iba pa. Let go mo muna yung attachment mo dyan sa trabaho mo na yan, at makikita mo kusang lalapit sayo yung mga inaasam-asam mo." #DearMORLucky - The Jing Story

"Ito’ng tatandaan mo Ruben. Sa oras na mahuli kita na meron kang ibang babae, sisiguraduhin kong tatanda kang mag-isa dahil hinding hindi mo na kami makikita ng mga anak mo kahit kailan. Kaya kung may itinatago kang kalokohan, ngayon pa lang magbago ka na, bago pa mahuli ang lahat." #DearMORTakusa - The Ruben Story

"Minsan, madaya talaga ang buhay. ‘Yong mga taong akala nating sasamahan tayo hanggang sa huli, mga taong hindi tayo sasaktan... Sila pala ‘yong unang mananakit at mang-iiwan." #DearMORImSorry - The Dina Story

"Kung parati tayong matatakot na sumubok ng bago, ano na lang ang mangyayari sa atin? Sabi nga sa isang napanood kong palabas, “go big or go home”. Hindi ka dapat nakukutento sa kung anong meron ka. Dapat parati mong tinutulak ang sarili mo para matuto ng bago. Kasi “everyday is a learning process”, ika nga." #DearMORStay - The Elmar Story

"Bakit ba ganyan kayong mga lalaki?! Pagkatapos nyo kaming ligawan ng ilang buwan, sasaktan nyo lang kami?! May pasabi-sabi pa kayong susungkitin nyo ang mga bituin para sa amin, ibang babae pala ang susungkutin nyo pagkatapos nyo kaming makuha! Mga bwisit kayo!" #DearMORGreatestLove - The Lizzy Story

"Napag-usapan na kasi natin ‘yan noong una pa lang. Hindi ko alam kung bakit kailangan natin pag-usapan ulit kung parehas tayong nagkasundo na kuntento na tayo sa ganitong sitwasyon. Kung pala okay sa’yo, eh ‘di sana, noong una pa lang, umayaw ka na." #DearMORKabaliwan

"Kaya nga ako nagkakada-kuba sa pagtatrabaho, dahil gusto kong makapagtapos kayo sa pag-aaral! Gusto kong may maipagmalaki kayo! Gusto kong gumanda ang mga buhay n’yo, para hindi kayo tumulad sa’kin! Kaya inaalis ko ang lahat ng bagay na pwede maka-istorbo sa pagtupad ng mga pangarap n’yo! Sa mga pangarap ko para sa inyo!" #DearMORSuperTatay - The Raul Story

"Ayaw kong magaya ka sa ibang kabataan na walang direksyon ang buhay. Ayokong magkamali ka, Arlene. Kaya pinaghihigpitan kita. Ngayon pa lang, binubusog na kita ng mga pangaral. Gusto kong lumaki kang isang mabuting tao." #DearMORSpecialNanay #TheArleneStory

"Bilang boyfriend, dapat hindi niya pinaparamdam sayo na balewala ka lang sa kanya. Hindi ka niya dapat binibigyan ng rason para magselos o kwestyunin ang pagmamahal niya sayo. Ang mabuting boyfriend, nagbababa ng pride. Hindi sinasabayan ang babae." #DearMORTryLang

"Bakit kaya gano’n? Kapag mahal mo, hindi ka naman mahal. At ‘yong hindi mo mahal, ikaw naman ang mahal. Ang gulo ‘no? Hindi ka ba naguguluhan? Kasi ako naguguluhan, eh. Mas lalong nabuhol ang utak ko." #DearMORTinadhana - The Aly Story

"Sobrang maraming paraan para kumita ng pera. Ang kailangan mo lang ay magtiis at magtiyaga. Kasi kahit kailan, hindi magiging magaan ang buhay mo kung lahat ng bagay na meron ka, hindi mo pinaghirapan, na kinailangan mo pang tapakan ang ibang tao para lang maabot mo ‘yan." #DearMORAwa

"Hindi naman kasi ganun kadaling kumita ng pera dito sa ibang bansa. Pero para sa kanila, parang pinupulot ko lang lahat ng pinapadala ko. Hingi dito, hingi doon." #DearMOROFW

"Kahit isang libo pang panyo ang ibigay ko sa’yo, makakasiguro ka sa akin na hindi ko magagawang paiyakin ka. Kung iiyak ka man, dahil ‘yun sa saya." #DearMORPamahiin

"Kahit gaano ko ka-landi, hindi ko basta-basta tinatapon ang sarili ko sa mga lalake ng ganun kadali lang. May dignidad pa rin ako ‘no. Magkaiba ang cheap na malandi sa sosyal na malandi." #DearMORLandiLang

"Tapos ngayon, dadaanin mo sa biro sabay iiwas ka. Ang galing din eh noh. Ang galing-galing mo din! Gagawa-gawa ka ng kalokohan tapos 'pag nabuko ka, hindi mo kayang panindigan, ibang klase rin." #DearMORLosyang

"Hindi mo ba ko naiintindihan o ayaw mo lang akong intindihin? Mali nga to eh maling-mali !kaya nga, habang may panahon pa para itama ang lahat ng to eh gawin na natin." #DearMORKapatid