Cilimastation

في هذا العدد من سيليماستايشن بودكاست راح نجاوب على وحد التساؤل لي طروحوا وحد المستمع هل حقا هولويود راهي تنتج بزاف أفلام سوبرهيروز ؟ كي كنت ندير في البحث على هذا الموضوع شفت الناس كامل تسب في هوليوود زعما وعلاش نزيدوا عليها ؟ هيا قولولي وش رايك مي تكملوا البودكاست!

في هذا العدد من سيليماستايشن بودكاست حبيت نهدر على الإقتباس في السينما بالتفصيل البدايات التاعو , أنواع الإقتباس في السينما, أفضل الإقتباسات لي شفتها في حياتي و أخيرا المشكلة الكبيرة لي راهي يوقع فيها المشاهد و القارئ هيا شبيبا خلولي رايكم في التعليقات و استماع ممتع !!

في هذا العدد من سيليماستايشن بودكاست حبيت نهدر على النهاية تع واحد من أقوى المسلسلات في التاريخ صراع العروش لي العدد من الناس معجبتهمش النهاية تاعو لذلك هدرت على ثلاثة أسباب محتملة و خليت بعض منها بش ناقشوها كيف كيف في التعليقات مثلا مشكلة جورج رر مارتن في الكتابة و صعوبته في تكميل كتبه ( بداية من الكتاب الخامس ) و كذلك فقدان السيطرة من طرف الشركة المنتجة لشهرة هذا المسلسل و العديد من الأسباب الأخ...

عدد اليوم من سيليماستايشن بودكاست راح يكون بداية سلسلة مخصصة للخيال العلمي راح نكون في هذي السلسلة مع زميلي خيرو قررنا في العدد الأول نديررولكم مقدمة على عالم الخيال العلمي , مختلف التصنيفات, أهم الافلام و المسلسلات لي تقدر تشوفها في هذا الصنف و العديد من الأفكار الأخرى

في عدد اليوم من سيليماستايشن بودكاست راح نسيي نجاوب على وحد التساؤل لي سقساهولي وحد المتابع لي هو علاش نتفلكس راهي تلغي في المسلسلات تاعها؟ أيا هذا الموضوع تع اليوم زدت تعمقت شويا مل ما يتعلق بالأسباب و النتائج

في العدد الثاني من السلسلة تاعي أنا و تومبل دو ليفغ اللي نديرو فيها تحاليل للروايات الي ماركات للسينما العالمية و المقارنة بالاقتباسات تاعها العدد الثاني راح يكون على واحد من أقوى روايات ستيفن كينغ ذا شاننغ أو بالعربية الساطع حكينا شويا على البلوت , نقاط الضعف , نقاط القوة و الاقتباسات من الكتاب نفسه اذا قريت الرواية و شفت الفيلم وش رايك فيهم ؟!

في هذا العدد من سليماستايشان بودكاست راح نسيي نجاوب على بعض التساؤلات لي طرحهم لي وحد المتابع قلت وعلاش منديرش بودكاست اذا جاوبت على التساؤلات تاعو و هي كالآتي هل حقا كاين بزاف مسلسلات في السوق ؟ كيفاش تقسم وقتك و تشوف بزاف مسلسلات ؟ ما هي المسلسلات لي للزم تشوفها ؟ و خلاصة في الأخير عن الاختلافات بين الماضي و الحاضر

في هذا العدد من سيليماستايشن بودكاست راح نهدرو على الإشكال لي طرحوا مارتن سكورسيزي هل فعلا الأفلام المقتبسة عن الكتب المصورة سينما ؟ مع صديقي عبيد بطبيعة الحال قبل ما نجاوبو على هذا السؤال حكينا شويا على مارفل و ديسي و من الأفضل في نظرنا و في الأخير مدينا خلاصة خفيفة عن الموضوع

هذا البودكاست راح يكون خاص لأنو راح نديروه كامل كيف كيف هيا وحد النهار كنت قاعد ندور و نقرى في المقالات حتى طحت في مقال عن قوانين الأوسكار الجديدة قلت وعلاش منطرحوش على شكل بودكاست و نحاولوا نتناقشوا فيه في التعليقات مالا اسمعوه و راني نستنا في الآراء تعكم للإجابة على هذو التساؤلات هل هذو القوانين راح ينقصو من مصداقية الأفلام ؟ هذو القوانين راح يساعدو الأقليات و يسلطوا الضوء عليهم ؟

اليوم راح يكون بودكاست خاص ماراحش نعالجوا حتى موضوع العدد هاذا راح يكون مجرد أسئلة و أجوبة البعض منها شخصي و البعض الآخر متعلق بالبودكاست الهدف من هذا النوع من المحتوى هو التعرف على المتابعين و التقرب منهم هذا ماكان وش رايك في بعض النقاط لي هدرت عليها في البودكاست ؟

عدد اليوم من سيليماستايشن بودكاست راح يكون مميز و راح يكون بداية سلسلة جديدة مع تومبل دو ليفغر لي راح تكون مخصصة للروايات و الإقتباسات ديالهم العدد الأول كان مخصص لراوية من كتابة ستيفن كين تحت عنوان الشئ هدرنا على جميع النقاط من سلبيات و إيجابيات الرواية و الفيلم معا كذلك الفوارق بين الفيلم و الرواية نتمى هذا العدد يعجبكم و يكون بداية سلسلة مميزة

في عدد اليوم من سيليماستايشن بودكاست راح نهدو على موضوع مهم و لي راهو داير ضجة في مواقع التواصل الإجتماعي الأشهر الماضية اليوم راح نهدرو على انتاج نتفلكس المفرط لمسلسلات المراهقين لكن راح نجاوبوا أيضا على بعض الأسئلة أيضا كيفاش بدا هذا النوع من المسلسلات ؟ و علاش معظم الشركات و نتفلكس تحديدا راهي تنتج هذا النوع من المسلسلات بكثرة ؟ هل نتفلكس فقدت المصداقية و الجودة تعها ؟ ما هو سر نجاح هذو المسلسل...

في العدد الثاني من سلسلة دروس راح تناول موضوع مهم جدا و الناس بزاف تخلط فيه قلت وعلاش منهدرش فيه و نوضح الصورة راح نهدرو اليوم على الفريق القائم على صناعة الأفلام أو شرح مهام كل فرد من الفريق التقني من منتج إلى مخرج حتى آخر فرد في الفريق التقني الدافع الوحيد لي خلالني ندير هذا البودكاست هو أنو الناس تمد قيمة للمخرج و الممثلين فقط و تنسى الناس الأخرى لي تخدم بجهد بش تمد نتائج تعجب المشاهد خلاصة الق...

في هذا العدد من سليماستايشن بودكاست سنتناول موضوع رائع و مشكلة التي لاحظها العديد من الناس و لي هي تناقص مستوى الأفلام أو تندني جودة الأفلام سنحاول سويا الإجابة على هدو الأسئلة هل حقا مستوى السينما أو الانتاج السينمائي في تناقص ؟ و ماهي أسباب هذا التناقص المحتمل ؟ هل العصر الحالي أو العشرية الأخيرة هي أضعف فترات هوليود ؟ و العديد من الأسئلة الأخرى التي تراودني

في هذا العدد من سيليماستايشن بودكاست سنتناول موضوع حساس أو من التابوهات في المجتمع الجزائري اذا أنت شخص غير مهتم بهذو المواضيع ما ماكالاه تسمع من البداية راه نجاوبوا عل وحد الأسئلة تبان بسيطة في البداية لكن عندها عمق كبير بداية كيفاش كانت بدايات الأفلام التي تحتوي على محتوى جنسي ( لقطات .. الخ ) ؟ ثم نجوزو لسؤال آخر لي هو ما الفرق بين الأفلام الاباحية و الأفلام اللي فيها هذ النوع من اللقطات ؟ و أخ...

في عدد اليوم من سيليماستايشن بودكاست راح نبداو سلسلة جديدة لراح تكون دورس على أساسيات الثقافة السينيمائية و لا أساسيات السينما في هذا العدد و لا العدد الأول راح يكون على وحد النظام لي بزاف ناس في الجزائر متعرفوش لي هو نظام تصنيف الأفلام راح نمدو مما يتكون هذا النظام مع اعطاء مثال لكل تصنيف و لواش موجه كل تصنيف و في الأخير راح نمد بعض النصائح للآباء و لى للأشخاص لي راهي تسمع في هذا المقطع نتنمى يعج...

في هذا العدد من سيليماستايشان بودكاست سنتناول موضوع حساس جدا لي هو العنصرية في عالم السينما سنحاول التطرق لعدة نقاط نبداو بتعريف قصير للعنصرية و  نحكو أيضا على البدايات تعها ثم نجوزو لدخول العنصرية لعالم السينما و التأثير تعها في المجتمعات و أخيرا نحكوا على كيفاش تغير الحال و هل الحال أفضل في جيلنا الحالي ؟

في هذا العدد من سيليماستايشان بودكاست سنتناول موضوع ليدار ضجة الأعوام الأخيرة اللي هو مشكلة مواقع التقييم فهذا البودكاست راح نتطرق لعدة نقاط النقطة الأولى رح نعرِف مواقع التقييم أو سياسة التقييم ثم نجوزو إلى تعريف أهم موقعيين لتقييم الأفلام imdb و rottentomatoes  و النقطة الأخيرة رح نهدروا على تأثير هذه المواقع مع تقديم رأي شخصي في الأخير

في عدد اليوم من سيليماستين بودكاست سنحاول الاجابة على وحد الاشكالية التي طرحتها بعض المجلات حول العالم و هي كالتالي هل نتفلكس حقا في طريقها للافلاس أو هذه الاشكالية مجرد كذب و وهم مع التحدث قليلا على تاريخ نتفلكس و طرح الاسباب المحتملة لهذه الأزمة

في عدد اليوم من سيليماستيشان بودكاست سنتناول موضوع حساس جدا ولي هو أزمة الانتاج السينمائي في الجزائر راح نعرفو بعض الأسباب المحتملة لهذا العقم ثم الكوارث لخلاتها هذي الأزمة ثم نقارنوا مع الجيران المغاربة و بعض الدول الأجنبية الأخرى ( فرنسا ، الولايات المتحدة الاميركية ) ثم أخيرا نسيو نمدو بعص الحلول السهلة لتجاوز هذه المرحلة من الركود Aa

في هذا العدد من سيليماستايشون بودكاست سنتناول موضوع يعني رانا عايشين فىه لي هو تأثير الكوفيد ١٩ على الانتاج السينمائي في العالم في هدا البودكاست راح تصيب عدة نقاط النقطة الأولى سنحاول معرفة واشنو هو الكورونا فيروس و التحدث على بدايات هذا الوباء عبر العالم ثم في النقطة الثانية سنتحدث عن التأثير المباشر عل الانتاج السينمائي ثم أخيرا رح نحكي عن تطورات هذا المرض و الاجراءات الذي خداتها بعض الشركات لتف...

في أول عدد من بودكاست سينيماستايشين ستناول موضوع شائع مؤخرا و مهم جدا هو القرصنة في مجال السينما و كل ما يتعلق بقرصنة الأفلام و المسلسلات سنحاول التطرق لتعريف القرصنة عموما و التطرق أيضا للطرق الجديدة للقرصنة الالكترونية مع الكشف  عن دوافع ممارسة هذه الأفعال و تأثير القرصنةعلى شركات الانتاج و أخيرا اقتراح حلول للحد من هذه الظاهرة